紅火鮮料火鍋專門店

营业中

休息中

今晚約了幾位朋友去食飯，去了旺角兆萬見到有間新開的打邊爐店，$185任飲任食二小時，算係正常價錢，所以決定試一試。餐廳新開不久所以人流不多，7點多上去大既有半滿。首先飲品任飲，有韓國啤酒及汽水，還有竹庶茅根。自助醬料有基本蒜蓉、葱、辣椒等。另外還有兩款餐前小食，炸三文魚骨腩及炸魚仔花生。入座後先點了湯底，除了有基本常見的湯底外，還有雞煲及餐廳主推的蘿蔔崩沙牛腩煲，既然是主打當然要一試啦。任食食物種類超級多，而且不是普通的豬牛雞，有蝴蝶腩、坑腩、田雞等等。其中必食的是以下幾款，墨魚滑、蝦滑、雲吞、水餃及蝦。墨魚滑及蝦滑是餐廳師傅每日人手鮮打，不是機做，新鮮爽口彈牙，絕對高質。水餃及雲吞都是自家包製，不是外面的冰櫃貨，尤其是水餃，裏面蝦肉新鮮彈牙，竹筍爽脆。海蝦大隻新鮮，蝦頭還有點蝦膏，蝦肉爽口彈牙。肥牛味道不過不失，但始終不及上面的推介吸引。

涼返啲，又心思思想打邊爐。兆萬有間新場，上嚟睇睇，新裝修感覺好新淨雅緻，有別於一般中式酒樓，呢度係坐得舒服，新場未做旺，唔覺嘈吵大油煙。大部份都係梳化位，每張枱都有個銀色三層架，望落高貴啲，亦慳位啲！自助醬料選擇唔算多：飲品櫃有一jar jar自家製飲品，仲有兩款第一次見嘅韓式飲品。左邊係Aqua，味道似寶礦力，淡啲同冇咁甜，右邊係Cola，味道似可樂糖味。新開張每枱送左碟象拔蚌刺身，唔係大隻，但切到靚靚，又甜又爽口。湯底十個選擇，揀左「銀杏菜乾白肺煲」，銀杏多，豬肺只得幾舊，個湯唔濃，如果加返啲杏汁會香好多。要一提係個電磁爐唔夠猛，加左湯要等得耐先夠滾。Order紙任食選擇有86款，最好係份量可以揀「多」或「少」，可以食多幾款口味。材料全部都好新鮮，蝦滑、墨魚滑......全部都好彈牙。蝦都夠大隻，睇下個樣就知新鮮，蝦頭仲有蝦羔。是日推介海鮮每日唔同，今日係蜆，全部都開晒口，冇沙，掂！西班牙黑豚肉個樣一流，但肉味唔濃。本地鮮牛坑腩 口感軟腍，有出面食嘅靚清湯腩質素；脆鯇魚片 雪白爽口，魚味豐富；脆卜卜炸魚皮 極脆，一放入湯就「嘞嘞」聲，浸完索咗啲湯都仲半脆；油麥菜 叫咗小份量，一小兜

陪屋企人去旺角行街買野！行到好肚餓，經過兆萬中心，樓下有人派傳單，見到一間自助火鍋，新開張，價錢都幾抵，又咁肚餓，就決定上去食！入到餐廳，座位都好新好潔淨，員工向我們介紹一下湯底，佢地推薦食蘿蔔崩沙牛腩煲，話出面好少有，食落口牛腩好淋好夠味，蘿蔔亦都好爽口，濃底夠濃，好足料！自助醬料吧～有好多款調味料，最特別嘅係有魚乾花生，好惹味火鍋材料是任點的！打邊爐點可以唔食海鮮，海蝦好大隻好爽口！另外，是日海鮮係蜆，都好厚肉好鮮甜，仲好新鮮雪花肥牛都好靚，有口感，好好食一定要推薦大家食鮮蝦丸！！好好味，成粒丸係爽口彈牙，重蝦味，我地order左幾次😂安格斯牛柳粒都唔錯，估唔到打邊爐都有食仲有炸魚皮～打邊爐點都要食返d蔬菜，什菇任食飲品都係任飲，好多款汽水同韓國飲品！另外仲有自家制嘅竹蔗汁，好甜好清潤呢間火鍋店用材新鮮，價錢便宜，位置都方便，下次我都要約埋班朋友再黎！

話說同朋友約咗出去旺角去搵個新出既模型，行晒信和兆萬都搵唔到，真係好耐無行過兆萬，原本宜家兆萬好多玩具店都關門大吉，我珍貴既童年回憶呀！失望的兩人就漫無目的喺兆萬搵食，最後㨂咗火鍋既紅火鮮料火鍋專門店。呢間餐廳應該係新開既，都係零星幾枱食緊，我哋兩個人所以㨂咗坐卡位，呢度既侍應姐姐勁好人，好詳細咁介紹湯底，佢推介我哋叫雞煲/蘿䓒牛腩煲，佢話呢度既牛腩煲會係崩沙腩，正嘢黎架。因為同行既朋友啱啱大病初癒，費事㨂雞煲咁辣同熱氣，所以決定牛腩煲。牛腩煲既崩沙腩煮得好淋，個湯一陣牛肉既香味，牛腩既件數都好多喎，一人可以分到8-10舊左右，為咗留肚食佢其他材料，我哋都無食晒。後面枱個雞煲勁香，朋友話下次再黎試吓佢個雞煲喎每張枱上面都有個Afternoon Tea既層架，有咗呢個架就唔會成枱都係食物而無位放其他嘢。我哋好聽話咁叫晒侍應姐姐啲心水推介，除咗田雞。我話我對田雞有童年陰影，細細個比呀媽呃我田雞姐係細啲既雞，直至有一次呀媽帶我去街市睇到劏田雞既經過，我就再無食過啦。好推介佢既手打蝦丸，手打墨丸，勁彈牙。我哋total叫咗三轉呢手打蝦丸墨丸，蝦丸煮熟變紅色，清楚睇到一隻隻蝦喺入面。佢既餃類都好

平時除咗鐘意行家外，食嘢都係其中一個不可缺少重要環節，又可以食到不同特色美食之餘，仲會品嚐到各種食材味道真係有口福，係幾日前又出咗來開飯，是日主打係火鍋，地點當然係旺角夠方便，而火鍋店係西洋菜街兆萬中心嘅其中一層，入去已見招牌，仲有句（賣新鮮，賣靚料）而且係新開張就要品嚐一下質素如何，至於鍋底大至上有三款招牌款式，分別有百年古方鮮雞煲，蘿蔔崩沙牛腩煲同胡椒豬肚雞煲，另外有仲有8款鍋底提供最後點了百年古方鮮雞煲，辣度係小辣，鍋底選好就可以出去自助酒吧區揀飲品口味都幾多，同埋取醬料待食火鍋時用，先來係雞煲一開蓋已見肉質吸收咗汁精華，食落應該會幾惹味而且份量又足，先食一件入口已食到陣陣香濃醬汁，雞肉亦咬落香滑多肉相當入味，就連配料青椒同洋蔥食落一樣咁好味，真係越食越滋味，品嚐一輪豐富雞煲之後到火鍋時間先加上湯再等一陣就可起筷，而火鍋配料就有必吃嘅安格斯牛柳粒肉質香甜多肉汁，美國雪花肥牛肥美又嫩滑同西班牙黑豚肉肉味濃除了以上呢D其他配料亦有水準，分别有本地鮮牛坑腩入口軟錦，爽口黑柏葉食落索索聲同秘製牛孖筋彈牙口感十足，又估唔到咁好味，再來有鮮蝦丸同墨魚丸連埋大蝦鮮雲吞，自家水餃皇用料足夠新鮮，

星期一懶洋洋既早上 係要loop返d食物相先會精神精神😆🤭 上星期去左旺角食雞煲加火鍋放題$158 食物質素都唔差🤤 雞煲 雞夠滑 個醬汁多配料 夠香夠濃 食完又唔會好口乾 二人份 份量都唔少啊😂 夠食！之後再打邊爐🍲.任食火鍋 明白當然會喪點 喪食 *但真係‘’食得哂先好嗌 唔好做大嘥鬼啊☠️‘’*💡注意🚦必試必食😽🆙手打蟹籽鮮蝦滑 墨魚滑 牛肉滑 大大粒 手打的 真的寧捨不同 彈牙 而且蝦滑係可以清楚見到有蝦肉 非只是蝦膠 食落更有口感🤤 🆙韮菜餃 水餃皇 大蝦鮮蝦雲吞 特別愛吃餃子🥟既偽文青 最愛就是水餃皇 係木耳餃🤭正啊 健康餃子 超足料👍🆙馬尾粉絲 有嚼口 唔會話煮得耐就變得腍身 吸哂湯 🤤👍 不錯！🆙另加錢點了個即炸響鈴 熱辣辣 脆卜卜 可以即食加雞醬 但我都係鐘意碌一碌湯 再食🤤😄🆗如果飲品款式多d就更好啦 汽水多 如果有茶就好啦 可以消滯再食多d😂😂😂========================三個90後吃貨會不斷開心share美食💓*喜歡睇我地美食分享的，不妨按👍及share，讓更多人睇到我地既post🙆🏼‍♀️*大家亦可以向三個吃貨介紹美食👻我們一定會去試👅#愛吃

旺角兆萬一向多食店，見新開的火鍋店，當然唔放過，約埋朋友去食。新開果然夠乾淨光鮮，而且極欣賞餐廳的設計，用下午茶三層架放火鍋食材，除了美觀，仲好慳位。雖知道兩人座位，枱面放唔到好多碟火鍋料，而若在位旁放架又阻到進出，餐廳呢個方法真係超方便，好貼心。餐廳主打食牛腩煲或雞煲，前者特別用罕見的崩沙腩，後者用百年古方的製法整雞煲。除了這兩款，還有另外七款湯料選擇。我地揀左雞煲，有唔辣/微辣/小辣/中辣/大辣。用四川同成都的十多種香料醬料製成，上菜時已飄來陣陣香味。對於怕辣，但又想食微微辣來刺激一下的我，揀微辣就剛好，加上不是麻辣，所以刺激得來，辣味快散去，越食越惹味帶香。雞件的份量會按人數增加，我地兩人就有半隻雞，所以好夠食，同埋之後任食火鍋，都要留肚食其他配料，因為太特別又高質。雞肉好入味，肥瘦平均，肉質有彈性，食完雞件就可加湯食火鍋。食辣野點少得冰凍飲品，自助飲品區的飲品都是任飲，有汽水、果汁、茶類、涼茶及啤酒。我特別推介餐廳自家煲製的竹蔗馬蹄水，微甜好清涼下火，食辣野或火鍋，最岩飲呢款涼茶，我地飲左兩瓶調味配料放得整齊乾淨，基本的蔥、芫茜、辣椒、生蒜、炸蒜都有，還有花生醬。比較少有的是炸

放工約左朋友去旺角買野，經過兆萬樓下，有人派傳單話17樓新開打邊爐，一個價錢任飲任食，我同朋友都係鍾意打邊爐的人，遇啱肚餓就一於上去幫襯，電梯一出就見到紅色的招牌，新開張裝修好整潔，又光猛，這個環境食野都特別舒服。兩個人食按排左卡位俾我，侍應姐姐就叫我先揀個湯底，推介左雞煲，同埋蘿䓒牛腩煲，加上用上崩沙腩，所以決定牛腩煲做底湯湯底未來前，先去攞野飲，飲品櫃好多選擇，啤酒都有得飲，然後就去醬料區整埋個混醬，然後就入埋張火鍋料單先來個牛腩煲，牛腩已經煮得好淋，個湯又鮮甜，食完牛腩就開始打邊爐，火鍋配料全部好新鮮，枱面上有個好似high tea的架，用來放火鍋配料，睇落又美觀又實用，值得食是黑栢葉，侍應姐姐話烚大約三十秒就食得，果然好爽口彈牙，另外就係墨魚滑，打到起晒膠，一樣係好彈牙，好好食除左有肥牛，豚肉之外，還有安格斯牛柳粒，估唔到打邊爐都咁好食，牛肉味好濃郁，又唔韌，有點驚喜又有特別火鍋料，香茜牛肉餃，即係我好鍾意的山竹牛肉，包左落隻餃子，食落真係山竹牛肉，牛肉好滑，有少少芫茜香味，必試！

系旺角要食放題/打邊爐一定會諗起創興廣場那邊，因那邊有不同種類的美食。呢次我反而選擇系兆萬商場打邊爐，因為已很久冇系呢度食野，而且呢度美食眾多。有很多湯底可以選擇，又有我最愛的雞煲。古方鮮雞煲份量十足，打開蓋已香氣撲鼻。雞肉嫩滑，醬汁做得唔錯，濃度遇中，每件雞都沾上醬汁，雞肉越食越野味。象拔蚌刺身好新鮮，好爽脆鮮甜。醬汁區可以自己去混醬，仲有炸魚仔和炸花生任食好美味。汽水任飲美國雪花肥牛牛肉新鮮，肉質又不鞋口，安格斯牛柳粒牛味香濃，食材新鮮。手打蟹籽鮮蝦滑用料十足。蝦滑用料十足，滾完仲見到成隻蝦肉，蝦滑爽口彈牙，鮮味十足。蝦大大隻好新鮮，蝦爽口彈牙甜甜，蜆仔肉質飽滿又冇沙粟米好清甜。

今日朋友生日知道旺角兆萬中心17樓新開左一間紅火鮮料火鍋專門店，就想去試吓，一出𨋢門就見到红火經營宗旨賣新鮮．賣靚料，心諗作得咁大，就認真試吓先，一坐低先叫咗一個紅火招牌雞煲，再叫左啲火鍋料有蝦丸，墨丸，韭菜餃，田雞，脆鯇腩，美國肥牛，馬尾粉絲⋯一試果然不一樣雞煲勁香勁好味，蝦丸墨魚丸爽口彈牙鮮味十足，經理重點推介馬尾粉絲純綠豆製造食落爽滑索左雞煲啲汁好香好入味，餐廳環境新裝修乾淨棋理，本人食過好多火鍋放題，這間火鍋啲火鍋用料真配得上賣新鮮賣靚料啲經營宗旨。

兆萬出名多野食，但又平又好食又唔中伏既餐廳，我諗依間火鍋店絕對係當之無愧！由湯底至火鍋配料都好多選擇，仲有雞煲、牛腩煲、豬骨煲添呀！最後揀左店員為我地推介既雞煲，果然冇伏！上檯時雞煲已經香噴噴，隱若中聞到辣椒香味。雞煲份量都幾多，雞肉很嫩滑，非常好味！食完個雞煲店員加湯俾我地打邊爐。火鍋配料超過五十種，非常多選擇。落單果陣可以選擇要多/少既份量。個人覺得依間火鍋店雖然係平，但火鍋食物質素幾高！丸類黎講，灸燒芝士丸真係正！比一般食開既芝士丸加多芝士，芝士味濃郁，一咬芝士大量溶出！餃類邊面，雲吞令人一試難忘！雲吞皮對餡料又足，內裏既鮮蝦口感爽彈，超好味！整體黎講依間火鍋店又平又好味，會bookmark定下次會同朋友再黎呀！

打邊爐絕對係聚會首選。係openrice搜尋見到宜間火鍋店新開張，就同朋友去食新野喇！宜間火鍋店任飲任食，每個人二百蚊都唔洗，超級抵食！最正既係新店開張老闆誠意十足話請我地食象拔蚌刺身，今次真係回哂大本呀！象拔蚌鮮甜爽口，絕對係高質！除左一般既打邊爐湯底仲有雞煲&牛腩&豬骨煲，非常多選擇。同朋友就叫左個雞煲補下身...雞煲仲可以自選辣度非常好！一個雞煲既份量勁足，足足有一隻雞！食完個雞煲都真係唔洗多食其他野了！雞煲用左幾十款醬料，難怪雞隻嫩滑又入味。清完個雞煲之後，店員為我地加上湯，可以打邊爐了！火鍋玩料款式勁多元化，差不多想食到既都有！雖然係任飲任食，但食材質素相當好，真係令我地刮目相看！手打墨魚滑很值得推介！墨魚滑打到起膠，入口爽彈，非常好食！打邊爐絕對唔可以冇肥牛！宜間火鍋店除左有肥牛之外，仲有安格斯牛粒，真係無得輸喇！肥牛脂肪分佈均勻，入口肉味濃郁。而且比較薄身，相對牛粒則較有口感，各有千秋啊！

今日約咗班舊同事一行10人去呢間新店食招呼好、食物新鮮、坐得舒服今日是食胡椒豬肚雞，豬骨湯胡椒豬肚雞好香，雞好滑豬骨煲完煲越淡，胡椒雞豬肚湯，好有胡椒味食到尾仲聞到味，雞好滑