紅火鮮料火鍋專門店

营业中

休息中

在香港，一年四季都可以是火鍋天，港人愛吃火鍋的程度由市面的火鍋店之多就能感受到。餐廳算乾淨整潔，座位也不算太迫。火鍋不能沒有的混醬區，這裡的選擇很足。湯底選擇亦不少，雞煲也有幾款，不過這天不想吃雞煲，就來個崩沙牛腩湯底吧。崩沙牛腩口感夠爽，牛味亦濃，湯底味夠香夠甜。任點的食物選擇有很多，不知該點哪些才好。用上3層架放火鍋料，沒那麼阻地方，有點意思。點了多款食物，整體質素不太差，其中海鮮蔬菜夠新鮮，自家製的餃類和手打丸都做得不錯。環境服務不錯， 食物質素也可以，才不到二百元就可以吃到飽了，也不失為預算不多的好選擇。

久不久出街食番餐放題平衡下個人都幾合理吖!上openrice見到有新店舖，click入來睇下，見依間野食評大致良好，煲底又多款式揀，任食選擇都好多，價錢ok，都食得過喎!不過，飲品選擇不算太多，同埋沒有雪糕或甜品。煲底款式除左有普通湯底，仲有雞煲、蘿蔔牛腩、胡椒豬肚雞。牛魔王嘅我地，對牛腩煲極有興趣。（很多食評都推薦食牛腩煲）於是，我地二人就打去book位，正常價錢$168再加一。訂位後才發覺原來有團購😲，即時上網睇，團購價只需$108，再加服務費$38。好采其後打去話買左團購都冇問題，到時印番張紙就ok!我地book左7點，大概人客已坐左半個場。環境光猛，乾淨企理。二人枱比較細，有三層架放食物都好d。一坐低就即時要交團購紙，順便落埋order要咩湯底。湯底上得好快。等待個煲滾嘅期間，我就去自助區拎醬料。自助區仲有二款小食，辣毛豆和咖哩魚蛋。蘿蔔牛腩煲，入面有好多八角，薑，大葱......，滷水料非常濃味。牛腩稱是崩沙腩，件件都好大，食極都仲有。tick食物有分「多」或「少」，「少」就按人頭計。不過，我發覺漏單情況都嚴重。有些tick左「多」，都只係得兩件（由其是海蝦，入單入左3次都只

喲！原來兆萬中心除了曰式放題外，還有中式的火鍋🍲任飲任食的呀！😀👏👏在17樓的全层就是此一一紅火鮮料火鍋🍲專門店啦！👏👏👍環境舒適，座位都挻寬敞的，燈光設計好光猛，但，也不耀眼的呀！👏👍😀還有，店員們同是有禮的招呼著客人們，👏😀😀銀杏菜乾白肺煲在此悄悄來到的夏季里，打著火鍋🍲，有著此菜乾銀杏白肺湯配上的，真不上火的啊！😀👍🔥👍枝豆粒粒都真的極之果實飽滿的枝豆，給我們大快朵頤又添更樂享的呀！👍😀👍😀芝士腸，脆脘魚骨腩，新鮮九肚魚，生猛海蝦，新鮮魷魚，是曰推介海鮮，⋯⋯脆脘魚骨腩，是我至愛吃的一種，肉質爽爽脆脆，帶著油滋滋的甘香，真的是那麼的好味呀！👍👍👍😀其餘的海鮮類也不絢色的呀！同樣的👍👍羊肉片，鮮味花枝丸，沙爆猪皮，還有美國雪花肥牛，安格斯牛柳粒，西班牙黑豚肉，及秘製牛孖筋⋯⋯值得提及的，又有沙爆猪皮，真的一点儿也不會有油漬味呀！👍👍👍👍我會過河田雞，黄沙猪潤，自家水餃皇🥟，即包韭菜餃，手打蟹籽鮮蝦滑，流心蟹粉丸，一試難忘魚皮餃，炸豆腐卜河田雞，己是褒了很長時間的，可那肉質還是那樣的嫩滑鮮美的，👍👍金菇，雜菇拼盤，先腐竹，山水豆腐，鮮淮山，蕃茄等品種多樣！👍👍👍👍油麥菜，皇帝菜，生根

旺角是全港最繁華的地方，我和先生經常到旺角行街購物，欣賞街頭歌藝。今日欣賞完旺角的繁華，我和先生已一早有共識，到紅火食放題。放題任食+自助飲品$185/位。紅火餐廳座位排排坐，十分舒服。湯底有多款，有蘿蔔崩沙牛腩煲，粟米鮮豬骨煲，粟米雜菌煲，醉雞海鮮煲......，我要了古方雞煲，食完再打火鍋。火鍋肉類及一般的配料種類繁多。飲品也有十多款。古方雞煲(半隻)，微辣。雞煲面放了很多的芫茜，令整個雞煲都帯著芫茜的香味，雞肉新鮮清甜，與芫茜一斉食更惹味。食完雞煲跟著加湯食火鍋。湯底帶著雞煲的精華，十分好味。生猛海蝦新鮮爽口。魚頭及魚嘴夠滑又好味，平時食魚我都喜歡食魚頭，所以這個魚頭搭魚嘴我最喜歡。新鮮九肚魚，軟軟滑滑，沾著雞汁的精華，好味呀。田雞夠新鮮清甜，點上個自調的辣醬汁，非常鮮甜好味。豬腰爽口夠補腎呢。爽口黑柏葉，餐廳標明灼八秒，我保守㸃灼了約了十秒，嘩，真是十分爽口好味。牛筋可以耐煲一點，吸收了湯汁帯少少咬口，軟軟滑滑十分好味。脆鯇魚片，夠鮮甜。大蝦鮮雲吞，蝦大大粒十分新鮮，令整個雲吞十分鮮甜 。生猛海蝦不是很大隻，但新鮮爽口。美國雪花肥牛牛肉味夠濃。羊肉片。每次食火鍋，羊肉片都是我的

位於旺角兆萬中心17樓全層的紅火鮮料火鍋專門店，主打港式火鍋及雞煲。坐電梯途中看到餐廳的價錢牌，連加一每人價錢約一百七十元。餐廳的面積寬廣，而且梳化位置感覺舒適，冷氣頗足夠。煲或湯底的種類約有十款，用膳當天有不少食客點了右上角的雞煲，今次用膳則點了鴛鴦鍋：沙嗲湯底配香茜皮蛋煲。任食的火鍋配料約有九十多款，紅色的是海鮮和肉類，黃色紙的主要是丸類，綠色的是蔬菜類，更可以選擇配料的份量，頗為貼心。就在等候湯底滾起時，可以去自助醬料區拿取醬料，如豉油、辣椒粒、蔥粒、芫茜等。個人喜愛豉油配搭生蒜、芫茜和蔥粒，令吊起肉的味道。餐廳還會提供任飲韓國的汽水，如忌廉汽水，約有十多款，凍冰冰的。個人最喜歡藍色原味的忌廉汽水。點了芝心丸、蟹子丸、魚角等食物，配料很快便來到。肥牛的口感不會太韌，頗有肉味。之後點了少許時令海鮮，如海蝦、鮮魷和蛤肉，蝦的用料新鮮，所以口感頗爽口彈牙。另外，餐廳也有脆卜卜的魚皮提供，浸在湯底內約一秒便可食用了，味道頗鹹香。

同朋友聚會 多數都係任食邊爐 今次見到有新開既店 即刻去試 完全冇失望可能因為新開又係平日既關係 唔係好多客 環境好闊落 食完都冇成身邊爐味 去到既時候 waiter同我地講只要影相upload去fb就有免費一客刺身 我地二話不說就upload左 刺身ok 唔好要求太高 有個自助醬汁吧枱 都算多醬汁供應 飲品最驚喜既係有竹遮茅根水 一jar既 唔洗俾額外既錢 打邊爐既材料好快到 用好靚既架放好 唔洗成枱都係😍超級好 是日海鮮係蜆 都好新鮮 墨魚滑同蝦滑都好好食啊!!!!!!因為張menu冇娃娃菜 我地又好想食 就試下問個staff有冇 點知又咁好彩有😍d staff都好nice🤗

今日同一班男老友gathering, 一班男人又想食得飽最好就係食任食火鍋，唔洗諗，不過香港地火鍋店超多選擇，而老友就介紹咗呢間，地點方便係兆萬中心。而嘢食總類都算多。飲品選擇我覺得都幾多選擇我主要係拎韓國嘢飲。首先雞煲先，唔算太辣仲好入味，啲雞都好滑。然後就火鍋了為咗慳位，餐廳決定向上發展，份量每次嚟都唔算多，但上得快，所以食少少可以再落單。牛肉好簿，滾一滾就熟，證明刀工有返咁上下，而脆魚玩堅好食，必叫。

今日專登出黎人頭湧湧既旺角打邊爐，事關有同事話食過呢間紅火鮮料火鍋，材料新鮮，幾好味，又坐得舒服。上到黎見到呢個黃紅色牌就岩啦，平日夜晚唔使等位，位置真係闊落，姐姐仲好好服務態度，而家任食店真係好難得仲有咁好既態度。價錢係$168 任食任飲2小時，再加一，每位加$30 可任食刺身（我地冇加，因為小女個胃唔大）首先會揀左個煲先，上次同事話佢食蘿蔔崩沙牛腩煲，但我就想試下佢個百年古方鮮雞煲，辣度可揀唔辣微辣小中大辣，我地揀左微辣。登登登登！雞煲熱辣辣咁黎啦，勁大煙呀又香！仲好大煲！有半隻雞，姐姐介紹佢地係用新鮮雞，所以雞肉會嫩啲同埋絕對冇雪味，個雞煲真係好足料！勁多配料，洋蔥蒜頭三色椒芫西，仲有個秘製雞煲汁，所以啲雞真係好入味！淨係食個雞煲都KO左我個胃一半！所以到打邊爐既時候都唔敢叫太多野，每樣叫小小，佢張點餐紙有得揀多定少，好鬼體貼，又唔會浪費食物，重點係冇漏過食物！高質！脆卜卜炸魚皮最先黎既魚片！超脆！之前有食過啲放左好耐既魚片，但呢個魚皮應該保存得超好！超脆！美國雪花肥牛係我中意既肥牛品種，唔多肥肉，熟左之後肉質鮮美，有小小un，我最中意！必encore!!!!!!!!!!我會過河

呢晚約左朋友食雞煲不過又俾人放飛機，既然一場嚟到預先訂左位既餐廳，點都要食返個雞煲先走人！不過又真係估唔到咁正！餐廳面積都幾闊落，又光猛，仲要有英超睇，一路食一路睇住場波都幾開心！1 個價錢既雞煲已經包埋任飲任食，睇見張餐紙有幾樣特色野食，例如學老魚蛋，牛坑腩，安格斯牛柳粒等，我都叫左嚟試下！自助醬料區有齊各式各樣既配料供選擇，有辣有唔辣！飲品任飲，我就拎左一壺竹䉀茅根嚟飲，注意係一壺，唔係一杯，仲要無限供應，真係夠晒誠意！講返今晚既主角，古方鮮雞煲，真係用新鮮雞嚟做，非常嫩滑，有雞味，個醬汁辣得嚟唔會遮左d雞味而且仲有好多葱頭，吸晒d 醬汁，非常惹味！ 個雞煲份量都唔錯，足半隻雞，照計兩個人食都無問題！仲有d配料，真係用料十足！大大粒既安格斯牛柳粒，坑腩，同魚皮餃，最衰得我一個，唔係可以再試多d唔同既配料！學老魚蛋非常出色，十分彈牙，魚皮餃同雲吞係必需要食既！我覺得仲好食過雲吞麵鋪！以百幾蚊嚟講食到咁出色既雞煲，又真係唔錯，仲要喺旺角咁方便，希望有多人去幫襯佢！

旺角出名多嘢食，好多大廈差不多層層都有食肆，競爭都幾激烈。唔知係咪因為咁，有唔少性價比高既餐廳，我覺得今次要介紹呢間中式火鍋店就係其中一間啦！位於旺角兆萬中心（近油麻地地鐵站），係樓下已經見到勁多餐廳既廣告，決定試下呢間中式打邊爐。因為見價錢好合理，圖片又‘誘人’。進入餐廳，甫坐下已經急不及待地看menu選湯底。湯底種類不算少，好快就決定要銀杏菜干白肺煲啦，跟手九秒九tick埋想食既食物。呢度任食既食物選擇真不少，超過九十樣之多！肥牛和豚肉都一定少不了。連海🦐、田雞、九肚魚等係任食邊爐裡都比較少見，呢度都有；仲有是日推介海鮮（當日係蜆）。最令我開心既係呢度有好多內臟食：雞雜、豬潤、黑栢葉、豬大腸等等，係我喜歡中式火鍋最主要因素之一！值得一提既係呢度上菜方式比較特別，係用三層架放食物，唔知以為取左high tea🤣，第一次見，幾得意之餘，又唔會阻地方👍🏻👍🏻。食物質素方面好喜出望外，整體來說不錯，夠新鮮，叫咁多黎咁多，仲有量多或少tick，咁樣就算少人食都可以食到多d唔同既嘢啦，arm曬我呢個心思思咩都想食既餵食妹啦！個人覺得豚肉比肥牛出色，味道濃郁。黑栢葉唔好滾太耐，唔係會好韌。任飲方

雖然逐漸步入盛夏，但仍然不減我們對火鍋的喜愛，看到網上推介這間「紅火鮮料火鍋」，配料的選擇不少，又有我喜愛的田雞，就決定來這吃火鍋吧。點菜紙的外觀與一般火鍋店無異，但仔細看看菜名卻是別具心思呢。店家為一些菜名設計了有趣的名字，例如我會過河田雞和人家讚賞鮮蝦丸等，看著有時令人會心一笑呢。等待上菜的時刻，我到小食區取了點餐前小食，先墊墊胃。至於火鍋的精髓湯底，選擇了獨特的崩沙腩湯底，自然不可以錯過！崩沙腩的肉味很濃，肉質較軟，沒有臊味，不愧是牛的精品部位。邊咬著美味的崩沙腩，我們點的火鍋料都陸續地上桌了。先來看看各種鮮味海鮮，有爽口大蝦、蝦滑、墨魚滑、脆肉鯇、蜆等等，當中能問鼎王者寶座的當然是大蝦，大蝦肉質鮮美，出奇的跟湯底相當匹配，鮮甜之餘還多了份崩沙腩肉味，卻又一點都不臊。一般而言，火鍋當然要配合肥牛才叫過癮，天冷冷的話再加上羊肉更是叫人欲罷不能，可是今天天不冷，又出現了這超新星，風頭一時就被它搶去。以往火鍋吃到豬肉，很難不會有豬膻味，而且肉質又會很粗嚡，只是這個西班牙黑豚肉肉質卻是很軟滑，肉香卻又濃而不膻，讓人喜出望外，值得一試。值得留意的是點餐紙還可以點牛坑腩，放在牛腩鍋中，風味更

本身沒打算挑戰兆萬這棟人稱「劣食之塔」，不過樓下派傳單的哥哥姐姐超落力，而且紅火紅兩小時任食才$158一位，抵到笑，店名沒改錯，用料確實是好新鮮，由肉類到丸類到蔬菜都好靚，非常值得一去再去，絕對有下次！湯底有好幾款選擇，甚至可以揀雞煲或崩沙腩煲，真心超值！不過今天大家想吃「清」少少（卻又去放題...）所以點了豬骨湯，只底打邊爐，有驚喜，湯底材料足，有兩大塊豬骨，蕃茄粟米馬蹄腐竹和芹菜，感覺對辦，起碼不是只有味精的湯底。醬料吧整齊清潔，加分。除了醬料外，飲品也是自助型式，其餘是畫紙仔，上菜速度快，沒漏單，節奏不錯，自然吃的開懷。對於不太愛喝汽水的我來說，飲品選擇不算多，但有自家製竹蔗水任飲，不算太甜，是解渴的。兆萬的食店，店舖有多大大家都知道吧？四人枱位置不算寬，但每枱均有一個三層架，食物送上來的時候店員會自動放上架上，頓時帶幾分「高貴」的感覺（？）不過慳位就絕對是，好聰明啊（笑）點餐紙也是挺聰明的，食物名旁可選「多」或「少」，少的意思是人數一份，即例如蝦丸「少」，四人就有四粒這樣。個人覺得這樣非常好，不用做怕大嘥鬼！食放題最緊要有品！中式邊爐有日式火鍋的質素，牛肉真心靚，還有牛柳粒選擇

經朋友推介，今晚食飯同老公黎左呢間兆萬17樓新開叫紅火鮮料火鍋專門店一出𨋢，感覺同一般上樓既火鍋店好唔同。光猛，冇煙霧瀰漫既感覺。最like係佢d坐位，好闊落一啲都唔迫。老闆同伙記很有禮貌。一坐底，即刻介紹店裡的火鍋湯底🍲，有成10款咁多，d選擇仲一d都唔馬虎。牛魔王一族既老公，諗都唔諗即叫左個崩沙牛腩煲，話崩沙牛腩係正野黎，冇乜打邊爐會出動崩沙牛腩。仲要任食168呢個價錢。果然，呢個崩沙牛腩同一般的牛坑腩好唔同，肉質鮮嫩，兩層筋間夾住舊肉，層次分明，老公讚好不絕。再黎整個小食先，有自家制炸銀魚仔+枝豆👍🏻加30蚊仲會有任食刺身架🍤🍤任食配料都超多，除了有是日海鮮，普通打邊爐既配料都有；牛🐮，羊🐑，雞🐔，豬🐷，魚🐟，樣樣齊。除左羊冇試之外，全部都好新鮮，d肥牛仲要係即片出黎，正！讚👍🏻另外仲有好多款丸同餃子.....滑類有牛滑，蝦滑，墨魚滑同鯪魚滑4款咁多，以168呢個價錢邊做到架😝由於得兩條友既關係，真係試唔哂咁多野。今次推介：崩沙牛煲🤤，肥牛，黑豚肉，墨魚滑，脆鯇腩，白肺同肥鵝腸🤗

天氣又轉涼，最好又係打下邊爐啦。是晚到了兆萬的紅火試試，新開張人氣不算太旺，不用等位就可以入座了，揀了一張卡位坐，不算太迫，位置還不錯。湯底有不少選擇，雞煲、牛腩煲等都可以選。鍋夠大，電池爐也滾得快，正。醬料自己混，有一般辣醬，麻醬，芫荽，生蒜等啦。另外仲有兩款小食可以拿，毛豆夾同辣魚乾仔，哈哈，打邊爐啲料未熟食住先都ok㗎。飲品也是雪櫃自助，一般汽水，韓式食料，啤酒，自家制竹蔗茅根等都有，但無無糖飲品揀。我地揀左大眾化嘅粟米豬骨鍋，鍋內有大量配料，豬骨粟米就梗係有啦，仲有蕃茄，芹菜，馬碲，支竹等，顏色靚靚，湯頭清甜幾好味喎。火鍋料選擇多，手打蝦丸、墨魚丸必食，真材實料爽口彈牙勁正。牛栢葉、牛腩都好正。肥牛幾滑，牛柳粒滾耐左都唔韌無渣，正喎。有至愛的淮山同蓮藕片，encore encore。菜都好翠綠炸魚皮香脆encore肥牛同豚肉片，正。肥牛唔係話超靚牛，但任食火鍋黎計收貨有餘了!枱面地方不大而用上了三層格，火鍋料全放在圓碟中，食到咁上下再加單，一碟換一碟咁慳返唔少位，全程無漏單，點幾多黎幾多抵讚喎!7:30前離座或9:00後入座$158一位，正價時段都係$168一位，無雜費收超抵食

今日帶幾位中學同學打邊鑪，朋友推介我地黎食新開既任食火鍋店。地方好大，容納到好多人坐，好乾淨整齊，走廊一啲都唔dirty，好欣賞！燈光都好足夠，岩哂傾計打邊鑪。湯底方面，我地簡左個「花雕醉雞煲」湯底，好香藥膳味，食落一啲都唔苦，清清地，愈煮愈濃。啲雞煮得好軟呀，一啲都唔老架！之後我地叫左好多野食，大部分都幾唔錯架，有番咁上下質素！餐廳仲用一個好靚既三層鐵架，裝住啲野食，好似人地hightea咁呀，望落好似乾淨同high class啲咁😆 要推介既係啲自家製既食材，所有滑：墨魚滑，蝦滑，牛肉滑，都係好滑好爽口彈牙架，食落好有驚喜！餃子大大隻好足料～ 是日推介海鮮：蜆，大大隻又新鮮！餐廳會因應食客人數而分配食物，我地可以簡多同少，鍾意食就叫「多」，想試下就叫「少」，好好既概念，因為想食客唔好浪費食物💗 所以食材份量都係岩岩好！最後我地叫左個小食：）鬼馬讓蝦膠，炸得香脆，點埋泰國辣醬，酸酸甜甜好開胃！價錢方面，每人$200都唔洗，就食到咁乾淨高質既邊鑪，真心幾抵！老闆同職員態度都好好，主動走黎推介食物，欣賞，加油！