影片
更多
2018-03-21
122 浏览
話說同朋友約咗出去旺角去搵個新出既模型，行晒信和兆萬都搵唔到，真係好耐無行過兆萬，原本宜家兆萬好多玩具店都關門大吉，我珍貴既童年回憶呀！失望的兩人就漫無目的喺兆萬搵食，最後㨂咗火鍋既紅火鮮料火鍋專門店。呢間餐廳應該係新開既，都係零星幾枱食緊，我哋兩個人所以㨂咗坐卡位，呢度既侍應姐姐勁好人，好詳細咁介紹湯底，佢推介我哋叫雞煲/蘿䓒牛腩煲，佢話呢度既牛腩煲會係崩沙腩，正嘢黎架。因為同行既朋友啱啱大病初癒，費事㨂雞煲咁辣同熱氣，所以決定牛腩煲。牛腩煲既崩沙腩煮得好淋，個湯一陣牛肉既香味，牛腩既件數都好多喎，一人可以分到8-10舊左右，為咗留肚食佢其他材料，我哋都無食晒。後面枱個雞煲勁香，朋友話下次再黎試吓佢個雞煲喎每張枱上面都有個Afternoon Tea既層架，有咗呢個架就唔會成枱都係食物而無位放其他嘢。我哋好聽話咁叫晒侍應姐姐啲心水推介，除咗田雞。我話我對田雞有童年陰影，細細個比呀媽呃我田雞姐係細啲既雞，直至有一次呀媽帶我去街市睇到劏田雞既經過，我就再無食過啦。好推介佢既手打蝦丸，手打墨丸，勁彈牙。我哋total叫咗三轉呢手打蝦丸墨丸，蝦丸煮熟變紅色，清楚睇到一隻隻蝦喺入面。佢既餃類都好
失望的兩人就漫無目的喺兆萬搵食，最後㨂咗火鍋既紅火鮮料火鍋專門店。呢間餐廳應該係新開既，都係零星幾枱食緊，我哋兩個人所以㨂咗坐卡位，呢度既侍應姐姐勁好人，好詳細咁介紹湯底，佢推介我哋叫雞煲/蘿䓒牛腩煲，佢話呢度既牛腩煲會係崩沙腩，正嘢黎架。
因為同行既朋友啱啱大病初癒，費事㨂雞煲咁辣同熱氣，所以決定牛腩煲。
牛腩煲既崩沙腩煮得好淋，個湯一陣牛肉既香味，牛腩既件數都好多喎，一人可以分到8-10舊左右，為咗留肚食佢其他材料，我哋都無食晒。後面枱個雞煲勁香，朋友話下次再黎試吓佢個雞煲喎
每張枱上面都有個Afternoon Tea既層架，有咗呢個架就唔會成枱都係食物而無位放其他嘢。
我哋好聽話咁叫晒侍應姐姐啲心水推介，除咗田雞。我話我對田雞有童年陰影，細細個比呀媽呃我田雞姐係細啲既雞，直至有一次呀媽帶我去街市睇到劏田雞既經過，我就再無食過啦。
好推介佢既手打蝦丸，手打墨丸，勁彈牙。我哋total叫咗三轉呢手打蝦丸墨丸，蝦丸煮熟變紅色，清楚睇到一隻隻蝦喺入面。
佢既餃類都好推薦，都係新鮮手包，難得任食可以咁有心，唔係好似其他任食俾啲冰鮮整好晒你食。韭菜餃，大蝦鮮雲吞
後面有枱人有點田雞，侍應姐姐仲特登拎過黎比我哋睇吓隻田雞啱啱劏，仲會郁黎郁去，鍾意食既記得點，我當時既反應係🙄拎開佢🙄🤦♀️
呢度啲食材夠新鮮，下次再黎會一會佢個雞煲先！
张贴
