紅火鮮料火鍋專門店

营业中

休息中

昨天和朋友去了位於旺角西洋菜街1號兆萬中心17樓的紅火鮮料火鍋專門店。這店非常新淨整潔，原來是3月8日才正式開張，連一個月期都未夠，怪不得這麼新淨。店員都十分有禮貌和殷勤，招待我們。由於朋友戒了牛肉，所以我們點了鴛鴦鍋，即使他不吃牛，也不會影響大家所食的鍋底。這裡飲品算多選擇，很喜歡這裡的石榴飲品，不太甜，而且有石榴香味，很喜歡前菜小食，自家製炸銀魚仔，十分香口。我們點了海蝦，好肉地，而且也彈牙。飄香蝴蝶腩，可說是必食的招牌火鍋料，不單止牛坑腩成本高，所以甚少火鍋放題可以食到，而且這裡的坑腩絕不欺場，大大件，而且口感軟腍適中，非常好味道。蜆十分新鮮，上枱時仍是活的，而且十分鮮甜。黑牛柏葉，其實我喜歡食黑牛柏葉多於白色的，因為口感較好，有趙頭，而且沒有漂白，感覺較健康。雪花肥牛質素高，都是新鮮刨出來的，不會因將貨就價，用不新鮮的牛肉，這下可讚啊墨魚滑及鯪魚滑都是新鮮打出來的，以百多元的火鍋放題，這店性價比高總結：紅火鮮料火鍋專門店店相當新淨，食物也很新鮮高質素，而且坐位亦坐得舒服，值得一讚！

今晚一行6人以「9：00前入座 $168/每位」的價錢，到旺角兆萬中心17樓的紅火鮮料火鍋專門店吃火鍋。可能是新開張不久的關係，沒有人山人海的情況，但仍是8成滿的。不過雖然已訂座6位，但到達時沒有留位，仍需等待。等位期間唯有去自助飲料區提取飲品邊喝邊等，旁邊亦有自助醬料區。等了半個小時終於開餐，先點了雞煲，後加湯做火鍋湯底。選擇了餐廳的招牌雞煲 - 「百年古方鮮雞煲」。送上時只要拌勻幾下已經可以煲好即食，無須等待。料汁香濃惹味，而且雞件多，不會只有骨位，雞肉亦嫩滑，不錯。之後加湯變成火鍋（建議自己去油）。任點項目選擇多。牛肉類要了安格斯牛柳粒、美國雪花肥牛、本地鮮牛坑腩和秘製牛孖筋。牛肉選擇比一般多和特別，連牛孖筋也有，而且軟腍，而牛肉就多汁新鮮。還有其他特別的火鍋配料，例如百花釀油條 - 類似炸両，入口微脆香口。其餃類例如自家水餃皇、魚皮餃和即包韭菜餃，包得大粒肉餡多，有誠意，但有點偏咸。魚類點了新鮮九肚魚、脆鯇骨腩和脆鯇魚片。魚肉新鮮嫩滑無腥味，脆鯇十分脆彈爽口，魚控必一點再點。

今次我地叫左既係蘿蔔崩沙腩煲鐘意食牛腩既都知牛腩其實唔同部位整有好大既分別而最好食既部位應該係崩沙腩 呢度既崩沙腩煲入面既真係全部都係崩沙腩!! 我諗食呢個煲本身已經值回票價!!牛腩已經忟到好淋滑, 而且吸收左湯底既味道, 不用點咩醬汁已經好夠味了 由於我係一個牛腩愛好者我高度推薦既一定係牛孖筋, 蝴蝶腩同牛坑腩, 呢三樣都係免費可以不斷encore的!!! 雖然蝴蝶腩同牛坑腩既口感冇崩沙腩咁神級, 但係都唔差架, 質素都幾高, 而牛根就唔洗講啦!! 反而蝴蝶腩同牛坑腩係任食既火鍋入面比較罕見, 所以我都不禁叫左幾次!! 另外我高度推介既會係個大蝦鮮雲吞, 估唔到一間任食火鍋店雲吞既質素可以拍得住雲吞專門店!!! 入面粒蝦唔係蝦毛咁細粒, 反而係大大粒既, 一咬落去d汁bee哂出黎!! 正 

一講起兆萬就諗起勇者塔日本野放題真係唔好搞反而火鍋雞煲等等就正常水準 我地一行四人去食呢間紅火鮮料火鍋專門店主要吸引到我地既原因係平, 每位都係$168好多食材都係任食任飲!! 我地叫左個牛腩煲主要係店員推薦的, 原本想叫雞煲但呢排又成日食, 就叫呢個 店員表示牛腩煲入面既牛腩係屬貴價部位, 叫崩沙腩 一黎到個煲只要等佢出煙起泡就已經食得等左5分鐘都冇就已經ok即刻夾塊黎食下先 哇!!係我第一次食到咁嫩滑既牛腩平時食幾好食都好, 都會有少少痴牙反而呢個崩沙腩, 爽爽的口感, 牛腩味道好足!!令人食完一塊想食第二塊不過崩沙腩本身唔是任食入面既items, 所以鐘意食既可以再加錢點我就揀返d包埋任食套餐入面既items算哈哈 食物既選擇超多, 而且黎既速度同數量都好滿意!!必食一定係雞肉同魷魚, 不但新鮮, 而且好易煮熟!! 值得一食再食

今晚約左朋友出旺角食飯....當然去旺角地標兆萬中心揀嘢食.....之後發現有一間新開張嘅火鍋雞煲啲....一於走入去試下先。呢間新開嘅紅火鮮料火鍋專門店...位於旺角兆萬中心17樓都係畀佢哋咁抵嘅價錢所吸引環境都好寬堂舒適任食嘅種類都有好多任君選擇我同老友記揀咗個鴛鴦鍋啲肥牛真係好大碟而且好新鮮最緊要是令海鮮任你食....仲要即叫即上....我同朋友都叫咗三轉時令海鮮最值得推介係佢哋有好多不同種類嘅手打丸...啲蝦丸超級彈牙我自己食咗六粒我仲試咗佢不同種類嘅手打丸真係堅好味用百零元嘅價錢食到咁嘅質素....一個字

話說喺兆萬樓下等人，永遠有一班熱情嘅阿姐隊傳單俾你，今次俾我睇中一間新開嘅，價錢同食物都合理，尤其是隻紅雞好吸引，即刻排隊搭𨋢又試新野。一出𨋢店員已經招呼我哋，有卡位坐得舒服，然後即刻點個雞煲先，即叫即做。百年古方鮮雞煲，個名就夠晒震撼啦！口味我哋選擇了小辣，已經很刺激！原來係由十幾款醬料袐制而成，果然很有四川風味。雞肉嫩滑多汁，惹味可口。食完雞煲就打邊爐啦！啲牛肉靚到不得了，雪花分布均勻，仲有安格斯牛肉粒，入口柔軟，肉味濃郁一個價錢包好多靚食材，牛都係我最愛，牛筋腩同埋蝴蝶腩真係出邊好少食到咁靚，仲有牛柏葉非常爽口是日推介海鮮都新鮮生猛，鮮甜美味。食咗咁多辣野，真係要不斷飲嘢爽一爽！任飲都有高質素環境坐得舒服，出單又快冇漏，店員服務都幾貼心，價錢又唔貴，下次出旺角必定跟朋友再來聚一聚

三個人七點三去到拎飛，期間不斷叫曬兩個人啲枱，三個人嘅就等佐成個鐘都未到！！問佢地點安排，個男老闆態度仲惡劣話“可以點安排？！吾通我叫人食緊起身點點點” 你做老細唔識安排係你問題，唔洗人教你點做生意呀？！正垃圾！遲早執！奉勸三或四個人都唔好嚟呢度食！人地唔做你地生意！最後谷鬼氣走佐！知道你新開張安排上實有啲問題，可以態度好返小小。返工受氣係應該，出街食飯未食就受氣！幾好味幾便幾豐富都吾會再黎😤😤😤😤😤😤😤😤😤😤😤😤😤

被戲稱劣食塔的兆萬原來也有好料這家新開幕的火鍋店七時已人山人海鍋底選擇多樣化有淡口有濃口是日選了朋友喜歡的崩沙牛腩煲崩沙腩有筋膜相連口感軟嫩湯頭濃郁香料味道很重配料全部任食我就不客氣了牛肉不柴口肉味也不錯羊肉有微羊羶香很合我口味黑豚豬肉肉質嫩滑不會過肥韮菜餃自家制粒粒飽滿水餃也是大大粒肉蝦比例恰當九肚魚很嫩滑但十分多骨吃的時間要格外小心脆鯇骨腩爽口但也要小心細骨墨魚丸彈牙足料味道不錯學老魚旦就是福建魚旦彈牙味鮮愈吃愈過癮大量韓式飲品在雪櫃任君選擇看來減肥的時間表又要再推遲了

入咗Lift同老公傾傾傾•唔記得（禁）lift•誤打誤撞黎咗17/F•👀兩望•👀賣新鮮賣靚料•吸引咗我地入去試•湯底有十款揀•❤️大❤️細揀邊款•店員推介牛腩煲•我倆係牛控•當然唔會say no 喇•任飲任食價錢$148-$168再加一。仲可以俾錢嗌d香口小食•餸🍻一流•👀真d張order 紙•d名真係好funny•我會過河田雞•人家讚賞鮮蝦丸•宇宙最強牛肉滑•笑咗🤣•選擇相當多•絕對挑戰大家嘅小宇宙•蘿蔔崩沙牛腩煲～牛腩鮮嫩•兩層筋膜夾著肉•口感豐富•個湯好清甜••平時去high tea 先會見到嘅三層架•估唔到黎到打邊爐都見到•嘩•田雞仲郁郁下•即劏架•好驚喜海🦐爽口彈牙•墨丸好juicy•飲品自助形式•仲有自家製涼茶•唔太甜•賣新鮮•賣靚料物超所值❤️

雖然好多人都話兆萬冇好野食，但無可否認又真係幾集中，全幢都係食肆，所以無論平日定假日，一到晚上時間，樓下等電梯嘅都係大排長龍。呢度嘅日式放題我就已經冇乜興趣再試，但知道都有幾間火鍋店，其中呢間紅火鮮料火鍋專門店應該算係新貴吧，早幾日見到有飲食專頁介紹，今日去到就全場滿座呢，人氣不是蓋的，建議最好訂位火鍋店位於17樓，裝潢簡單，比預約時間早左十幾分鐘到，店員都好快安排好座位，不過由於太爆滿，被安排到近門口位置，難免有點尷尬，勝在接近飲品櫃，行幾步就拎到野飲。餐廳位置頗多，一邊係梳化位，其餘係細枱為主。火鍋任飲任食2小時，按時段收費，7:30pm前離座、9pm後入座每位$158；正價時段$168；11pm後宵夜時段$148，啱哂一眾夜鬼。點菜形式同而家大部分呢類火鍋任食差不多，先揀湯底，剔紙仔寫配料，飲品自取。而有啲特別配料係另外收費項目，例如M9和牛粒、桂花蚌等。比較特別係呢度嘅湯底幾多選擇，除左一般嘅沙嗲、豬骨、鴛鴦等，仲有醉雞煲、胡椒豬肚雞煲、崩沙牛腩煲，唔少得主打嘅鮮雞煲，所以一入黎已經聞到好大陣雞煲惹味香氣。但因為同行朋友想試下胡椒豬肚雞煲，只好留待下次再試。胡椒豬肚雞煲雞件已經

聽家姐講開咗間牛腩煲嘅打邊爐， 就同家姐出嚟聚一聚一入舖頭已經見到個飲品櫃，就咁睇，無論係汽水，茶，韓式飲品，應有盡有。而我既選擇係佢...竹蔗茅根水， 消暑清熱，最啱打邊爐飲，唔太甜，一個人飲左一支醬油配料方面有芫茜，蔥，炸蒜，蒜蓉，辣椒。 鍾意點溝都得再後少少有辣椒油，辣椒醬，麻醬. 最欣賞既係佢既蝦，細細隻，夠入味，未開始已經食左8隻象拔蚌刺身， 夠凍夠新鮮，食得出佢既鮮甜味，而且份量好多主角出場: 崩沙牛腩蘿蔔煲入面有西芹，八角等等嘅配料。 當然唔少得蘿蔔同牛腩， 崩沙牛腩筋膜連肉，肥瘦剛好，而且夠淋夠入味好似食緊high tea咁， 美觀實用最底層有魷魚，蜆，雲吞，牛柏葉，蝦。 蝦肉新鮮 彈牙，雲吞係店員自己包，同出面雪凍果d好唔同中間嗰層有蝦滑，墨魚滑。 聽店員講滑類都係師傅自己手打，唔怪得咁彈牙。另外叫咗雞肉，烏冬，九肚魚. 第一次用九肚魚打邊爐，魚肉滑身，而且唔會滾兩滾就散最頂層係肉類，我地點左牛肉同羊肉， 羊肉夠蘇，牛肉唔太硬，兩樣都好好食店員好細心，而且服務態度好好。最緊要價錢平之餘， 食物質素都好好。 下次同老公再嚟

同朋友食生日飯，見呢間任食邊爐新開，就去試下啦，7點幾上到去，竟然好靜無咩人，唔知會唔會中伏，坐低之後侍應就俾左5人分量既刺身我地，質素就一般啦，不過送既都無得要求咁多🤣，跟住侍應又好有耐性介紹佢地既特式鍋同湯底，最後我地揀左爽腩鍋，清清地都唔錯，爽腩都好林好好食，火鍋配料都好新鮮，最後我地食到過晒時都無趕我地走，仲幫我地上埋個旦糕添，服務態度真係好好。我地都食得好開心，下次有時間一定會再去幫襯。

今日約咗三位朋友去去旺角食飯，朋友建議打邊爐問有乜好去處，我第一時間就想起旺角兆萬中心(紅火)因上次食過感覺回味無窮。上次試過百年古方雞煲超好味，不過今次想試吓啲新嘢就叫咗個崩沙牛腩煲，一試果然好嘢牛腩嫩滑咬落爽口彈牙牛肉味十足，跟住再蟹左好多火鍋，今次值得我推介海蝦好大隻好新鮮，厚切午餐肉味道一流，蝴蝶腩嫩滑感覺好新鮮，大蝦雲吞真係有大蝦味道好好，有羔獅頭鵝腸真係比新鮮鵝腸出邊好少食到食落甘香回味無窮，厚切肥牛食落口感味道令人滿足，仲有黑豚肉肉味好濃肉質嫩滑，又是令我難忘的一餐

新裝修，有啲似茶木嘅感覺， 好舒服光猛，企理加乾淨， 我推介佢個墨魚丸，好彈牙，好似墨魚滑咁，係新鮮墨魚丸嚟嘅。呢間嘢飲係任飲， 嗰竹蔗水一楂楂，唔係好甜清清哋，都係任飲👍🏼👍🏼👍🏼蝦滑同墨魚滑都非常彈牙爽口，值得試吓，D 店員好有禮貌， 會主動幫你加水，讚！！！！！兆萬樓下好多人派傳單，係等lift嗰陣d人不停叫，好噪😓

紅火鮮料火鍋平常多數幫襯深水埗分店，得知近日都旺角兆萬開了新的分店，地點更方便，唔知質素同其他分店是否一樣。任飲任食價錢在旺角區來說是大眾價，唔會特別平亦唔貴。一入去就有個大雪櫃放了啤酒汽水，還有自家製竹庶茅根，唔會太甜，幾好飲又下火。再入去就係醬汁枱，有怱蒜辣椒等等，還會每天推出兩款小食，今晚的是炸花生魚仔及三文魚骨腩，送酒一流。湯底有十款，款款都有特色，其中店員推介佢地既招牌崩沙腩湯底，牛腩嫩腍無渣，蘿蔔又甜又腍，而且很入味。其他火鍋配料十分多，其中有肥牛、墨魚滑、蝦滑、新鮮即切田雞等。田雞是即叫即切，所以上枱時肌肉還有跳動，而且肉嫩且鮮甜。墨魚滑及蝦滑爽口彈牙。脆鯇腩肉質結實鮮甜。黑栢葉碌十秒就食，非常爽脆。總括食物質素普遍高質，百多二百元任食來說是超值，絕對無將價就貨，良心企業值得支持。