紅火鮮料火鍋專門店

营业中

休息中

今天同朋友去紅火鮮料火鍋專門店食雞煲打邊爐去到裝修感覺新淨座位舒服仲比我見到有now足球聯賽睇🙊我同我朋友都鍾意睇足球真係開心死😂😂我同我朋友兩個就先叫咗一個麻辣雞煲小辣.....看見雞煲份量都比較多已醬汁都比較入味雞方便就唔使講啦非常之好味，但記住如果唔食得辣就叫小辣就好了😅漿料方面係自助式都選擇多可以自己配搭👍🏻呢度手切肥牛每位加$20就可以任食非常之好😋打邊爐配料方面多不勝數最基本打邊爐選擇的都一定有👍🏻呢度仲有刺身嘅選擇我哋當然叫幾款刺身食下啦😋😋呢度飲品方便有兩個大雪櫃俾你任君選擇，我選擇咗番石榴汁🍹之後仲有個大雪櫃可以選擇自己鍾意嘅雪糕非常之開心🤗🤗🤗

今日黎食新開既火鍋店，地方好大，好乾淨，又整齊。成間店舖嘅燈光都好光猛呀，啱晒一班朋友熱熱鬧鬧咁打邊爐。要左個「藥膳紅燒牛肉」湯底，一嚟已經有好香藥膳味，幾清，完全冇藥材嗰種苦澀味，越煲就越濃郁。紅燒牛肉煮得好軟林林，好滋味呀！好推介大家試吓呢個招牌湯底。之後就叫唔同嘅配料，開始打邊爐啦，滑雞真係好滑好嫩！豚肉好鮮味！雙併滑，非常之彈牙呀，食得出係自家手打既！要推介既係豬肉片同牛肉片，牛肉片非常濃郁嘅牛味，食完啲牛味仲停留係口內。原來牛肉丸同牛肉片，係用自家牛肉足料咁整，係百分百牛整架，唔怪得咁有牛味，好推薦大家要試吓！手工菜肉餃，都好足料好入味！仲有就係呢間火鍋店，用上精美嘅鐵架裝着火鍋嘅配料，令人感覺好整潔乾淨，好細心啊。老闆同店員都非常之有心，主動走埋嚟問我地有啲咩需要改善，同埋有啲咩值得推介其他人食，睇得出係好有熱誠嘅火鍋店，繼續努力加油！

近來天氣開始涼，所以想去打邊爐食雞煲，前兩日就去咗旺角兆萬中心17樓有一間叫做“紅火”嘅火鍋專門店到食雞煲同打邊爐，每人唔使二百蚊就已經有雞煲同埋任飲任食火鍋配料，感覺非常超值。餐廳火鍋湯底有多種選擇，有蘿蔔牛腩煲、 花雕醉雞煲、胡椒豬肚雞煲等等嘅鍋底，而最出名嘅就係古方辣雞煲，我哋選擇咗小辣，雞煲份量好多，我哋只係兩個人都已經有一大窩雞煲，雞煲辣味同蒜香好重，非常惹味，淨係食過雞煲都已經半飽。食到咁上下就叫店員加上湯開始打邊爐，佢哋嘅配料款式選擇多，最特別嘅係有田雞，田雞即叫即劏上碟時仲見到田雞肌肉彈下彈下，非常新鮮。餐廳值得一讚嘅地方就係各樣嘅火鍋配料都非常新鮮好味，美國雪花肥牛淨係見到啲雪花紋已經知道肉質上等。我哋點咗好多唔同嘅火鍋配料，食過返尋味嘅有鮮蝦餛飩、脆肉鯇魚片同埋蟹子墨魚滑，原隻鮮蝦雲吞大大粒 彈牙好味， 鯇魚片厚薄適中肉質爽脆，山水豆腐更係百福豆腐，非常滑溜。另外佢哋仲提供咗有十多款嘅刺身可以任點任食，但係我哋食完雞煲再食火鍋已經好飽，所以就冇試過佢哋嘅刺身，下次再嚟一定要留肚試一試。而飲品方面除咗有唔同嘅罐裝飲品之外，仲有自家製竹蔗茅根水，佢哋嘅竹蔗水唔會太甜，味

近排屋企要搬屋一路都忙住無時間，外出食飯都係快快食完就算，今日終於搞得7788，可以同老婆坐低慢慢食餐飯，老婆話想食雞煲，我地一於試下位於旺角兆萬呢間雞煲火鍋任食先。上到去時間尚早未算人多，環境光猛企理乾淨，坐位舒適，我地被安排坐下卡位。兩口子舒舒服服坐。，飲品都有好多款式，多數都係韓國飲料。有忌廉鮮奶，啤酒，茶類等等俾我發現到有自家煲既竹蔗茅根，咁哂打邊爐清熱解渴。飲落不是十分甜，飲多幾杯都ok雞煲泥嗱，2人份量既雞煲估不到會有咁多份量，平時食過都係好少，到喉不到肺，而家食足引，味道香濃，雞夠嫩滑，啖啖肉，沒有走油所以並不鞋口！正！配菜亦有很多供其選擇，不得不說既係有大大隻海蝦，係真係好大隻，仲有係新鮮既！食多幾隻扺返哂😂海鮮仲有硯同尤魚圈。另外仲有好出色既墨魚滑同蝦滑，真係大大粒蝦同墨魚係入面，爽口彈牙，堅好食！大大粒鮮蝦雲吞，皮薄多料最後甜品有雪糕品吱吱冰，細路果時成日一支吱吱冰，孖個同學一齊食。好懷念呢，日本仔貨泥，食左2支😂雪糕都有5款口味。呢間雞煲放題扺食水準高，食物美味，仲有足球賽事睇。一班人泥岩哂。

今日舊同學聚會係旺角舉行，大家最好簡左呢間放題，感覺好有舊時讀書既感覺呢！我地一早訂左位，去到好快就安排到入座，仲比左個大位比我地呢！呢道既放題有好多款煲既選擇，我地就清清地左個皮蛋香茜煲，降下火！食物飲品款式都十分多，汽水同啤酒都係任飲岩哂我地呢班大食鬼！地方都好乾淨，仲可以加錢叫刺身食！食物擺盤同high tea好似用三層架擺放，幾好 又美觀又可以省位置 十分不錯！食煲又點少得肥牛呢，呢度既肥牛色澤好多 油脂平均！仲叫左蝦， 蝦肉爽口彈牙！呢度食物質素十分不錯，絕對唔會因爲係放題就hea你，賣相又唔錯！呢度既員工服務都好親切！下次我地會再黎！

紅火地點很好找，就是兆萬十七樓座位亦十分舒適餐牌就是選擇湯底，不過不知道哪款要加錢，這方面有欠清晰最後揀左蘿蔔崩沙牛腩煲，看相片會以為係好似雞煲咁先食煲之後加湯，但原來不是，一上就是火鍋模式！D崩沙牛腩好好味，食極都仲有有好多舊牛腩，抵！（它個雞煲有得揀辣度，鐘意辣的朋友可能要揀雞煲先夠過癮）有得每人加30$ 享用任食刺身！！我地就加左錢試下，以只需30$就有得食刺身黎講，係抵食的！但如果唔係特別喜愛刺身，就可以skip了！我地無再encore食物種類方面友人覺得唔算多，但我覺得都cover 大部分食物，連田雞都有，好難得任食有田雞，仲要幾好食。不過響鈴要另加錢叫，所以就無試。點菜紙上食物名稱攪笑了一下，例如有不得不試魚皮餃，算係隨意一記的幽默！食物方面大部分食物都唔錯，手打蟹籽鮮蝦滑係必須必須必須要點，我地都encore了！ 真材實料好有質感、超好味！無諗過任食都有咁高質素，其實佢其他滑/ 丸都好正常，只係一食完蝦滑，會被比下去😂😂不過可能唔習慣食咸野，自家製的餃有一點點偏咸重點來了，呢間鋪的肉食真不得了！無諗過崩沙腩係幾出色的試埋其他肉類西班牙黑豚 、牛坑腩、安格斯牛肉粒，真係要讚

一大班朋友最岩就係打邊爐咁岩見到呢度有就決定試下 一入去就覺得裝修好好周圍都好乾淨而且座位都好舒服 雖然地方細但除左打邊爐仲有雞煲食而且好好多款食物任叫連湯底都7-8款好抵食不過今次有朋友唔食雞煲所以我地淨係叫左個蕃茄湯底 蕃茄薯仔豬軟骨煲好濃郁水滾打開蓋就有好香既蕃茄薯仔味湧出黎豬軟骨好足料仲煮得好腍身好入味試左一啖湯底真係好似蕃茄薯仔老火湯咁 除左打邊爐呢度仲可以加$30任食刺身刺身款式都好多連馬刀貝呢類特別D既都有刺身上得好快而且每樣都切得好好原度適中雖然唔算好凍但每樣口感都好好 食野之前當然係拎野飲先Lotte既野飲好齊好多款仲有齊哂3隻味既忌廉溝鮮奶加埋唔同既汔水同無糖茶唔同口味既人都飲得最特別既係有自家製竹蔗茅根比較淡味但都幾清新 我地係食左蔬菜先有好多款多到我地都叫唔哂淨係叫左幾樣不過全部都好新鮮特別係娃娃菜入面水份好足食落好清新好健康 而肉類款式都好多除左牛雞魚豬同羊肉仲有唔同既丸 蝦滑 墨魚滑仲有內臟其中一定要食蝦滑同墨魚滑兩樣都係人手打既食落蝦同墨魚味好濃郁好重口感好彈牙而牛肉同羊肉都好高質唔單止腍肉味仲好香好濃 最後推介炸魚皮好脆好新鮮浸完湯底再食脆得黎好有彈性

來了兆萬都頗多次了，但從沒留意到17樓有這樣的一家火鍋店。剛走出升降機，發現火鍋店人不太多，心想：難道這一次要「中伏」了？但朋友都不想轉地方了，便把心一橫，坐下來嚐一嚐鮮。剛坐下，便發現這裏的選擇很多，光是湯底就有十數款，還有雞煲可供選擇，而且食物也有上百款，令人目不暇給。廢話少說，我們很快便點了食物，出去拿了自己喜愛的飲品，準備動餐了。吃火鍋最重要是甚麼？當然不是爐頭，而是肉食了。我們點的肉類很快便送到，放滿了這三層十分方便的食物架。這裏的肉類十分多，豬牛雞羊甚至魚皆一應俱全，而且每款的品質都極佳。先說說永恆不變的主角－－牛。這裏的肥牛不算太肥，但肉質十分腍，吃下去‵油脂甘香，絕對是火鍋的極佳選擇。而小弟和朋友亦加點了$20的「手切牛肉放題」，相比之下，手切牛肉更顥瘦，但吃下去卻更腍更有牛肉味，值得一試。除了牛肉，其餘的肉類亦很有水準。而小弟特別喜愛羊肉。一般火鍋店有的沒有羊肉，而即使有羊肉可供選擇，要不就是十分硬身，要不就是不夠羶，兩者缺其一。而這裏的羊肉不但夠腍，而且羶味十足，但又不會蓋過羊肉自身的鮮肉味，十分不錯。至於其餘的各種食品，款式都很多，連各樣內臟都齊全，適合不同口味的

經歷完幾十年一遇嘅超強颱風後香港人即使返唔到工都照常咁返工係天氣好似又凍返無論響森林又好冧樹又好又係時候打邊爐仍然ot緊嘅香港人當然冇我咁早食飯唔洗等位就入得座都已經有幾枱人食緊估唔到鋪頭有波睇唔係睇無線下次可以黎睇波餐牌湯底有成十多種選擇餐牌食物種類都幾多有啤酒氣水連啫啫冰都有好耐冇食過不過最後唔記得左拎加三十蚊就有埋任食刺身三文魚同魷魚都好新鮮今次試左個牛腩煲湯底湯底屬於比較清淡嘅種類大大片嘅牛腩有成十幾舊燘得好淋唔會硬好食唔知老細喺邊度搵啲食high tea 嘅層架返嚟拎嚟裝肉又係另外一種風味蝦滑唔溝肥豬肉同埋唔會打到爛晒依稀仲見到少少蝦口感食落比較有層次肥牛冇筋大塊又夠薄好似食壽喜燒咁佢哋呢度整嘅韭菜餃落埋蝦米好足料識落零舍香不可不提嘅係佢地有新鮮田雞上菜嗰時隻腳仲郁下郁下咁一定係生劏嘅正熟左超級滑淨係食呢樣都值回票價

兩個人就一個鍋!我地七個人又係一個鍋！又入左座唔俾我地分枱，一係就要我地俾138先多個鍋，一係就要我地加刺身每位30，即係210蚊!明屈！生意手法非常不良！七個人根木本就無可能用同一個鍋！

首先得講下小編真係好怕去旺角行街或者食野，因為太多人又太多伏食🙊。 不過因為一定要去旺角買野， 所以又要做一番大冒險啦～😂 買完野之後， 就同屋企人去左兆萬中心嘅「紅火鮮料火鍋專門店 」，真係唔錯喎！😏 19:30前離座或21:00後入座每位只需$158， 21:00前入座係$168， 仲有宵夜時段，23:00後位位$148！ 好抵呀！😎 有超過10款煲或湯底可選擇， 仲有越百款嘅火鍋配料可任食， 飲品仲有十幾款， 除了韓式飲料、汽水，還有自家製竹蔗茅根水， 連啤酒都任飲，性價比超高！👏🏻 食火鍋先混個醬～😎 火鍋醬料有9款， 基本嘅炸蒜、生蒜、辣椒、香蔥、芫荽都有～ 仲有小食枝豆和炸魚仔花生任食呢～😳 我地揀左百年古方鮮雞煲， 有唔辣、微辣、小辣、中辣、大辣可選擇， 要注意會越食越辣， 所以我地揀左微辣都夠晒香辣惹味！😏 鲜雞煲雞件份量超多， 件件都好厚肉，肉質嫩滑又入味， 而且雞煲加入大量洋蔥和芫茜，香氣四溢， 好味道！😋 食完雞煲就可以加湯打邊爐啦～ 店家用上3層架放火鍋配料， 可以令枱面慳多d位，又比較整齊，不錯👍🏾啊！ 是日推介海鮮有蜆， 洗得乾淨無沙，

十分有驚喜！無意中在旺角區發現這間任飲任食火鍋店，以任飲任食的價格來說實在物超所值，晚飯時段人均價格$200已連加一服務費。意想不到的是食物新鮮有水準，超乎想像的新鮮，而且選擇多，田雞是活生生劏出來的，上枱時還在跳跳下，肥牛並非街市凍肉店質素，蝦滑彈牙多蝦肉，雖然店面不算大但坐位寬闊、坐位與坐位之間有足夠空間活動，飲品約有十款選擇，包括啤酒，員工態度親切有禮貌。旺角鬧市中以這個價格真的超乎想像，絕對會推介給朋友！

已經第四次幫襯旺角分店，之前都係幫襯開長沙灣元洲邨嗰間食物新鮮而且種類比一般任食火鍋店較特别，但略嫌湯底較為偏鹹，建議加水不要加湯旺角新鋪較為乾淨闊落，坐得舒服，服務殷勤，漏單情況不多，而且價錢合理，所以值得一來再來每人加$20可任食手切牛，牛味頗香最深刻有新鮮劏嘅田雞，上枱時D肌肉仲會跳，隔離枱D女仔嚇到呱呱叫，但真心好味仲有鮮淮山，墨魚滑釀油條，時日海鮮(今日係蜆)，建議用通窿嘅湯殼盛住灼，一熟即開口夾嚟食，，勁鮮甜飲品有韓式汽水，推介自家制嘅竹蔗茅根，不太甜，好飲仲有雪榚雪條好食，會繼續支持！

其實個雞煲係燶嫁 一上到黎已經食得出煨味。雞係好滑 但係吾入味。到打邊爐個陣，個侍應倒滿左成兜湯，正常係倒一半打邊爐就ok, 搞到又難滾起 d 味又淡哂。 不過佢既牛真係好抵食，新鮮又靚。但係如果因為雞煲而黎就吾好了，因為雞吾入味真係扣哂分。同埋落單嗌野 黎d 吾黎d 好似選擇性俾貨你禁。寫左兩次單都係吾俾， 但係搞笑 又吾係無貨嫁喎，因為第三次終於有啦。知道哩間店係3月開，同埋睇埋食評見到不是伏就諗住食餐好既，點知不似預期

宵夜11點去食13人。見到張餐單d名改得有氣派。1個雞煲即整夠味好食。1個清湯腩同一個胡椒雞都ok... 加20蚊牛肉轉靚d...來的牛肉真係有雪花但又唔肥個只，總之就唔同一般個d。其他食材都好新鮮。有朋友叫田雞，一上枱，估唔到佢係即劏的，上面仲灑 鹽，田雞肉仲札札跳，個個都睇到嘩嘩聲。另外佢d虾滑同水餃之類都好好食。另外仲任飲任食。埋單都係每位180蚊到，真係好抵食，個度仲可以睇世界杯，。可惜掛住食無影到相。真係失敗。不過會再去個度再食到時再影。員工話3月先開張。希望佢d質素可以keep 住