米走雞Live

营业中

休息中

今晚一行3人去到觀塘呢間米走雞食我至愛既雞煲..仲要係芝士雞煲，正呀！入到餐廳開頭都有少少驚訝，因為睇落真係唔似食雞煲既地方，反而係似一間酒吧，仲有註場歌手。地方真係好大..仲有卡位坐，真係唔錯，地方舒適夠哂寬落。卡位可以坐到4個人有兩個爐。芝士雞煲好好食..啲雞好滑呀..可能我本身鍾意食芝士所以我完全唔自得溜。食完雞之後..就同一般雞煲一樣加湯再可以點其他野食，其他火鍋野食就無咩特別，但都新鮮既。3個人買單大約$600，因為唔係任食既關係..可能會比平時食開既雞煲貴左少少。但我都覺得價錢係合埋，而且值得推介！

除夕夜同另一半食咩好？呢個問題都幾困擾架💩問下女友，佢話不如去觀塘食雞煲啦，想試好耐咁話喎。呼，咁就解決左了...好！就預早一星期卜位啦，然後當日七點半準時到，發現餐廳佔地都幾大，坐位又闊落，工廈果然係唔同啲👍🏿甫一坐低，女友就毫不猶豫地叫左個細黃金芝士雞煲，芝士碎要左激量再走芫茜，然後再加其他野食，成個過程一分鐘唔使....睇黎佢真係餓壞了🤭唔使幾分鐘已有店員拎左個滿滿既煲黎，芝士碎果然夠哂多丫，我地見到果陣都high爆了😍😍然後開始加熱喇~完成品出現了！個樣真係好邪惡，味道方面當然無問題，就係惹味又香滑既芝士同埋啖啖既肉，雞塊好多都去左骨。雖然肥膩左少少，但難得放縱一晚又何妨呢😌至於配菜呢，點解呢度啲響鈴咁大舊既！將佢浸落滿滿既芝士雞煲五秒就食得喇，仲係好脆卜卜添，不過邪惡感就爆燈喇🙈最後係芝士丸同魚片頭，味道一般啦，其實可以唔叫都得，因為實在係有點飽🐽總體大家都覺得滿意既同場仲有live band 表演，唱左半個鐘左右既流行曲，可惜坐得有點後，聽得唔太清楚，下次再黎的話一定要求坐前啲先得

約了朋友在咪走雞等一上到去以為自己入錯地方冇諗過食雞煲嘅環境好像落了一間club一樣友人預先買了芝士雞煲 要了激量芝士非常濃味建議下次可要少量芝士或普通否則會太漏或會蓋過洋蔥，芫茜，乾蔥的香味響鈴是必點的吸盡芝士汁的精華 十分惹味但略嫌size過大如果食辣的便要小心, 因為吞極都未吞完虎蝦 十分鮮味爽口哈哈蝦中寶其實是大型蝦膠入邊有大約三至四隻嘅原隻蝦十分爽口推介竹笙墨魚滑又是一樣吸湯汁之選帶點墨魚的鮮味魚片頭這個我本身很愛吃這裏的魚片頭也是爽口彈牙五寶丸一向很愛吃手打丸味道新鮮，彈牙有鯪魚丸，牛丸，豬肉丸，墨魚丸，魚丸韮菜餃餡料豐富但不算皮薄當天很少人雖然有live band 但氣氛一般但食雞煲有如此氣氛算是難得。

呢間野大大話話都黎左好幾次 個雞煲真係念念不忘 雞肉夠嫩滑 不論麻辣定係芝士都好入味 個麻辣仲會識噴火嫁！呢間岩哂一班人黎食就最抵 因為佢地既食物都好大份 咁就可以叫多d唔同款既食物 而我最中意就係佢地既蝦膠 墨魚滑 同埋豬肉

第三次到呢度，服務冇得頂，又有笑容😊當日我冇訂位，好快就可以入座，有個哥哥仲送我寶貝女禮物🎁真窩心。食物好新鮮，最喜歡佢地嘅響鈴，真係好脆，食到好飽。仲有歌聽，好氣氛

今日同一班朋友預祝聖誕，揀左觀塘呢間米走雞，貪佢就腳，而且可以上open rice訂位，夠哂方便。去到The wave搵左好耐都唔知點上去，架𨋢無話去到三樓原來係上三樓既，真係一頭霧水，去過既人，一定身同感受。上到去一開𨋢門，咦？bar黎既！？原來佢一邊係bar，一邊就係食雞煲既，喺西餐廳既環境食雞煲，真係第一次。行入去坐位既時候見到有個台，又有電子琴，仲喺度諗莫非今晚有表演！？後尾先諗到佢叫米走雞live，真係有人唱歌架，仲可以點唱，好有趣。講返野食先，我地五個人叫左一個大芝士雞煲，同一個蕃茄粟米湯底。個雞煲我地叫左最多芝士，超正！啲雞好嫩好滑，配合埋啲芝士真係perfect match！食完啲雞之後，就會落湯打邊爐，之後味道變得好淡，無乜味，有啲失望，可能係我地加得太多湯。其他野食都係揀左肥牛，豬，墨魚滑，響鈴，蜂巢豆腐，海量既菜，魚皮。全部都中規中矩，正正常常。想感受下咁特別既雞煲，可以去試下。

之前都去過米走雞其他分店食見官塘都有分店又想食雞煲於是約朋友一齊食餐廳好大 全層都係米走雞待應安排我地坐卡位個位正對住表演台本諗住今日平日實冇人喺到唱歌啦點知食食下就有live band表演重有得點歌👍🏻👍🏻大部分歌都係耳熟能詳既唯獨我點個首歌主音只識副歌😶哈可能我鐘意既歌偏得滯🙈講返食坐低時待應俾左個醬料盤我地按個人口味混醬😂我地嗌左芝士雞煲 黑松露蟹子魚麵 手切特級霜降和牛 響鈴 蔬菜籃 芝士丸餐廳貼心係紙度教埋食既步驟雞煲滾一陣就食得 上面個浸芝士做到拉絲港女至愛🤤啲雞鋪滿芝士醬但食落唔漏食雞後倒既湯都係芝士湯待滾後就食我第二件主菜和牛😋對比普通肥牛,和牛嫩口好多油脂分佈均勻食落唔覺食左嚿牛油咁食到停唔到口響鈴 一上枱有驚喜勁大嚿即覺得價錢唔貴黑松露蟹子魚麵佢除左魚麵內有黑松露同蟹子佢有另外一碟黑松露蟹子俾人點黎食令到魚麵黑松露味更豐富👍🏻👍🏻總結 佢除左芝士雞煲外都有好多特色野值得食可惜二人食量唔多建議多啲人食就可以點多啲食到多啲

終於入冬約得齊腳打邊爐啦！觀塘返正朋友識食帶路話而家觀塘有好多靚食肆，佢介紹間叫米走雞Live(勁搞笑個名), 話食過辣雞煲好得！點知去到餐廳，其中一個朋友仔話病左唔食得雞喎死啦，去食主打雞煲既地方唔食雞點算呀諗住反正都一場黎到，咪照試下其他湯底照打邊爐，點知錯有錯著，揀左個蕃茄粟米湯底，原來係勁足料鮮甜有齊薯仔蕃茄粟米芹菜，煲極都仲好夠味，絕無欺場！食物我地點左五香駝鳥肉同五香鮮牛肉駝鳥肉夠淋身，而鮮牛肉個味係調得岩岩好另外仲點左鮮製四拼餃同埋最愛的鱔片凍豆腐呢就貪心點左大份，點知送到黎超大份囉，差d 食唔晒呀鮮炸響鈴呢，係非常推薦！ 因為佢好夠脆口，我怕肥都食左兩舊，盒裝質素係無得比除左肉我地都叫左唔少菜架有雜菌啦，娃娃菜啦，油麥菜啦，最好食係翡翠苗，大家都搶食晒，都唔記得影相食咁多熱氣野，我就中意飲鮮製既竹蔗茅根呢個一樣係真材實料，係好飲！點得過！成餐飯我地食到勁飽，閒日可以慢慢坐，我地傾到10點幾先走，侍應仲成日幫我地換碟，好好服務係喎，呢到叫米走雞Live, 原來真係有人現場唱歌架個女仔把聲仲非常似楊千嬅呢！

這兩天天氣冷，又是吃火鍋的時候了，火鍋永遠都是找三五知己才是王道！哈哈由於工作在觀塘，而且又要加班只好叫朋友過來觀塘吃，幸好大家都是九龍人，所以都沒問題。其實在觀塘吃晚飯是最好的地方，因為通常餐廳地方大，而且位置坐得舒服，所以我有時候寧願在觀塘多於旺角尖沙咀這些人多的地方！ 這家餐廳好處除了地方大，夠空間，最特別的是吃火鍋的時候是有 live band! 哈哈所以不是很多餐廳能會投資呢～ 火鍋醬料是任加不收費，所以這個也是我喜歡的地方！ 他們的辣椒很夠辣，喜歡吃辣自己多加點咯！ 一看點餐紙密密麻麻的，所以就知道東西款式特別多哦，我們都有選擇困難症，選了很久才選到自己想要的食物。 其實他們家全層一邊是米酒雞火鍋，另外一邊是 mini Friday 西餐喝酒的地方，所以我們可以點 cocktail beers 來喝！ 我這個酒鬼肯定不放過，特別在打邊爐，沒有鬼佬涼茶好像少了點什麼～ 因為大家都不想吃太濃的，所以我們選了番茄玉米湯鍋底～ 響鈴是火鍋必須品，他們家是用新鮮響鈴，特別脆特別好吃，跟超市買差天共地 我們只有四個人打邊爐，所以餃子方面沒有點很多，所以點了 4拼餃子，都很新鮮～但是我吃

餐廳全層鋪面大，坐得舒服，西式格局，燈光較暗。午餐食西餐，夜晚係食雞煲既，好特別喎！lunch time大把位，中伏了首先叫極都無waiter應，繼而上菜速度慢，最大問題係差唔多所有食物只係暖，連檸水既水都係溫水囉最熱果個係餐包囉！連芝士焗海鮮飯都只係暖，芝士應該係食雞煲果d吧，haha，配料一眼睇曬，Hea、少！好在鮮茄豬扒飯熱d啫，汁少，豬扒又實又鞋，大X樂仲好食過佢明太子蝦意粉淡淡地，蝦仁夠爽，粒粒橙色食落似蟹籽囉！英式早餐較貴亦無誠意，腸仔似只用滾水淥熟唔似經煎過，牛角包細如蕃茄6人餐可送芝士薯條，係全餐最正常既！

天氣凍最適合打邊爐，今次終於去左試米走雞既芝士雞煲。叫左個2-3人份量，另外再叫啲打邊爐配料 貢丸 娃娃菜同響鈴。隔住個蓋已經見到一大片米黃色既芝士煲緊，慢慢滲啲香味。啲雞肉全部都係雞脾肉，所以好滑再配埋芝士，加埋洋蔥既點綴，真係正到爆。加湯打邊爐，加既唔係普通滾水而係芝士湯，味道得以保留。配料都非常新鮮！最多啲人可再叫多幾樣野食！

今晚同屋企人食飯，呀哥心血來潮話想食雞煲，上網睇食評話呢間觀塘的米走雞好似不錯，就決定一試啦。餐廳內仲有live 歌聽，打住邊爐咁聽歌都幾正打邊爐前的混醬環節。麻辣雞煲好惹味！仲要係大大舊的雞脾肉，好正！我地叫小辣已經條脷都痺左了特級牛頸脊，好雪花好嫩滑！冇得頂！蟹子蝦滑，真係有一隻隻鮮蝦！又爽口又彈牙！好味老豆叫的五香駝鳥肉，都幾香滑！唔錯！黑松露墨魚面，自己唧出黎的一條條面，好重黑松露味，墨魚面又香又彈牙，真心推介！

今晚收工同女友一家食飯，女友話朋友食過呢間雞煲好食，就佢話事啦上到餐廳，有驚喜！原來有Live Music wor，雙重享受女友早到左已經order定，坐底野食剛好上，侍應會系個煲點火，應該放左酒做調味，果然點完香噴噴原來個湯底係麻辣嘅口味，麻麻地好開胃食辣嘅一定好鍾意，食完隻雞打邊爐調味都唔使落你間餐廳好唔錯，唱歌個哥哥仔都幾好聽，值得再黎一邊食雞煲一邊聽歌餐廳另一面有西餐供應火鍋料多選擇雞煲啖啖肉好味，酒香濃郁手切新鮮牛頸脊 $298另一推介 ：黑松露蟹子魚麵 $138蝦滑都唔錯，一隻隻蝦

方家搵咗晚同阿媽喺我屋企附近搵咗間餐廳打邊爐。呢間係非一般嘅打邊爐雞煲專門店，佢呢度有籃球機玩，有得定飛鏢，仲有live Band添新鮮炸響鈴＄48 ,比其他地方嘅響鈴要大好多，本人好鍾意特級雪花大肥牛＄198豬膶片＄38好大塊好抵食性五寶丸＄88，必食之選非常知足了新鮮廁所嘅裝修都唔錯嗰日對Ben唱高山低谷五，唱得幾好聽，一路打邊爐一路聽live Band唱歌感覺幾唔錯，嗰日仲有人生日佢哋唱咗首生日歌同佢哋慶祝添。

同朋友食過深水埗果間覺得好正最近知觀塘竟然有分店即刻過黎食醬湯費 $12一個人一坐底會俾調味料你選擇有哂蓋 感覺好衛生上次食左最出名既芝士雞煲今次試番最惹味既麻辣雞煲大大煲盛惠218！有專人幫手撈雞煲將一碗汁一淋落去勁大火 好似睇表演咁視覺享受一定要俾滿分先雞件大部分雞臂 啖啖肉！調味一流 好麻 好痛快！特級雪花肥牛 大 198見到啲紋路就已經流哂口水入口即溶 真係五秒已經食得一啲都唔hea既竹蔗矛根 $68見到咁足料覺得自己好健康味道好清甜 配雞煲邊爐下火岩哂特別要提一提呢到有liveband 真係未試過食雞煲有通常都係西餐廳把聲好舒服 好relax ar 叫左好多素食類中和下好新鮮服務態度好好 地方好寬敞舒適仲有live band 好享受一定會再黎！