米走雞Live

营业中

休息中

非常時期吃雞煲火鍋也不用怕，餐廳讓每一台都隔得非常遠，安全至上。今次點了芝士雞煲，芝士份量可以選擇另上，自己調味。整個雞煲都是雞腿肉，分量非常多，兩個人吃不完。雖然整體味道偏鹹，但是用料上乘。必吃鮮炸巨大響鈴，比平時吃的要大三倍，由於是鮮炸的，入口非常脆，而且有飽肚感。特級雪花肥牛——牛味濃郁，肥瘦適中，吸收湯底精華。哈哈蝦中寶十分有創意，蝦的份量十足，配上蟹子，爽口彈牙。建議人數少就叫小份的丸類，可以嘗試更多不同的口味。

今日屋企無煮飯，收工後同老公去撐下枱腳。樓下經過見到有雞煲食，諗都唔洗諗就上左黎，費是再左揀右揀諗咁多🤣我見好多人都推介芝士雞煲，但係我真係好鐘意食辣，所以俾佢個麻辣雞煲吸引左。好食既話下次再黎試埋個芝士雞煲🤣呢到服務生好有禮貌，場地亦都好大好乾淨，豉油配料好整齊，感覺非常之良好👍🏻由於我老公唔食得辣所以我地叫左小辣，老公唔食得辣就話岩岩好唔太辣。雞肉好嫩滑，味道亦唔係只係得個辣字，佢個麻辣食完舊雞後會慢慢滲出黎好過隱。二人叫左個小份份量都岩岩好，因為雞煲完會加湯再用黎打邊爐😋👆🏼叫左呢碟特級雪花肥牛好新鮮，店員拎上枱時亦都溫馨提示唔好淥咁耐，淥太耐會唔好食。👆🏼手打五寶拼盤係推介，食落口真係同平時食既丸好唔同，手打會爽好多，而且佢呢到五粒唔同味道都好好味😋

已經是第三次到米走雞吃雞煲，貪其店面夠大，人客可分隔坐，空間感足夠之餘食物水準也不錯。超級喜歡他們的麻醬，調配得宜，很適合配肉類吃。麻辣雞煲點了小辣，店員會把麻辣醬加到雞煲內再加一點酒，點火再攪拌，過程非常吸睛。雞肉啖啖肉，肉質嫩滑，麻辣得來又不失雞味。超喜歡雞煲內的紫洋蔥，洋蔥的甜味能中和口腔內的麻辣味。牛舌一份都有十幾片，性價比高，切得薄身，輕輕一灼便可放入口，口感爽脆，牛味濃郁，配麻醬吃更添美味。鵝腸洗得乾淨，爽滑的口感加上麻辣湯底非常惹味。響鈴是自家鮮炸的，半份已經有三大條，炸得乾身香脆，沒有油淋淋的感覺，比市面上一般能買到的更有豆香，口感更豐富，沾上湯汁非常可口。半份手打丸一共有五粒，可以一次過試足各款口味。鯪魚肉是幾款手打丸中最出色的一款，沒有腥味，加上葱和芫荽能帶出魚肉的鮮味。另外手打蝦丸口感彈牙非常，蝦肉新鮮。墨魚丸也頗為爽口。五拼餃也是誠意之作，韭菜餃材料新鮮，韭菜味香濃，餡料又夠，菠菜豬肉餃，餃子皮有嚼勁，餡料多汁不覺膩。一整晚服務有禮又細心，就算非常時期也適合兩個人用膳，也可以考慮外帶雞煲和配料呢。

次次食火鍋都係揀傳統麻辣雞煲， 今日個friend話 唔係好食得辣， 終於有機會真正試吓芝士雞煲。要试特色嘢都係搵返老字號專門店， 揾《米走雞 Live》 實冇走雞， 有信心唔會走樣。這間位於觀塘嘅《米走雞》 仲提供live band， 一邊飲嘢，一邊聽吓歌仲可以一邊食雞煲， 唔係咁多餐廳有呢幾樣嘢提供！😜 環境唔錯，乾淨企理 隔壁就係食西餐。芝士雞鍋二至三人份量$178， 揀咗適量嘅芝士， （我唔係芝士控） 唔需要海量嘅芝士。金黃色嘅芝士雞煲，相當誘人，😍 雞頸肉厚嫩滑 仲有咩骨， 聽講好似全都是雞髀肉～芝士湯汁冇想像中咁稠和油膩， 鐵鍋嘅溫度控制得好好 ，高溫得嚟唔會喪滾， 所以芝士汁冇被越煮越稠， 味道唔會過鹹， 加上紅洋蔥 芫茜等，香到不得了！👍😋 絕對一改我對芝士鍋嘅印象。白鱔片$98雪白鱔片切得厚薄適中， 肥美唔腥， 特別欣賞魚皮嘅部分好煙韌， 高質嘅白鱔肉！哈哈蝦中寶$68（半份）好驚嚇，好似有3份大型蝦滑。 灑上飛魚子， 顏色好靚， 厚厚的蝦膠包住爽彈嘅蝦仁～ 拳頭咁大件 ，蝦全部都係蝦🍤🍤 喜歡食蝦膠蝦滑嘅朋友就啱曬， 蝦肉結實彈牙 ，但個人覺得調味稍重， 不過配返甜

希望各位選擇光顧前細心閱讀呢篇食評 一入餐廳見到裝修靚 地方闊落 環境都唔錯以雞煲餐廳黎講環境中上叫左大既火焰雞煲黎到試味 點知雞煲落左蜜糖 食落又辣又甜咁 味道好奇怪 問一問經理 佢話得個辣無意思 所以會加蜜糖中和 哦 咁擺上黎等大家了解同評價下啦~~~大家有無食過會落蜜糖既雞煲...........至於牛既資素係ok既 其他食物都可以接受 唯獨係個雞煲味道很奇怪 後尾叫左另一煲指明唔要蜜糖但都係怪怪地食物1.5/5 環境4.5/5 服務3/5

雖然正值香港社會風氣低迷之時，但味蕾仍是抵不過凍天打吃火鍋的誘惑🤣少了Live Band的米走雞，以美味的火鍋仍然能留住食客的心～招牌芝士火鍋圖中只有半隻雞的份量，但以十分多雞件，而且大部分都是雞髀肉和雞翼，啖啖肉又香滑食左半兜已經飽飽地係我見過最大的響鈴卷，點一點芝士湯底入口即溶，豆味十足，一人最少吃兩大條才夠喉。腐皮都豆味十足，非常香滑。五色餃子拼盤的餃子全部自家製，隻隻都成隻手掌咁大，煮完不會縮水，而且餡料新鮮，好味夾抵食！安格斯牛肩脊雪花均勻，是必點之選，牛味十足！

話說之前同朋友一齊食雞煲，令人好懷念呀。我地去左係觀塘米走雞雞煲店，呢度最出名既係芝士同麻辣雞煲。首先食雞煲前自己可以加唔同調味，當然最鐘意的是豉油加炒蒜。我地點左火陷麻辣雞煲$228，店員會加上辣油炒香雞，份量超級多，幾個人食都夠飽，個種辣係惹味既，雞亦唔會太鞋同好入味。五香鮮牛肉$98牛肉亦夠新鮮，鮮紅大片很滿足。鮮制四餃$88餃係手工餃，餡料夠，最鐘意係雲吞。竹蔗茅根$68飲品十分清甜足料，岩晒食雞煲時飲。

香港有個獨特的飲食文化，就是一年四季都食火鍋! 偶爾也喜歡夏天火鍋去，是晚去了觀塘【米走雞】，於於臨興街，未及巧明街，成業街那一段熱鬧，但高峰期街段每個晚上都會變得非常熱鬧。因為呢橦「The Wave」有好多好野食呢。選雞煲打邊爐既我，可以一爐兩食，惹味的雞煲又不及麻辣火銅或海底撈般多油。 對不對？！經「The Wave」直上便是了。上到去門口是MiniFriday，行入小小就係【米走雞】 啦！因為疫情嘅關係我地 5：30左右就入座了，諗住早點吃完便早點回去，所以呢段時間都比較少人。不過餐廳都好注意衛生，所有醬料等等嘅都有蓋好，清毒都做好足呢。食得好放心。【米走雞】店內地方挺大的，裝修簡潔，有氣氛，覺得空間感好大，也夠舒適。另外都有12個人的包廂，私穩度都夠呢。同埋有時候呢度有個好處就係有live Band呀！！！不過今日冇緣見到啦。餐牌好多野食都好吸引，呢度除了「黃金芝士雞煲」外，店子也有供應「火焰麻辣雞煲」礙樣同是好出名喔。[$14為醬湯費]👉🏻先點細嘅火焰麻辣雞煲 - 大辣 $168先點咗個火焰麻辣雞煲， 有四種辣度， 我哋揀咗中辣椒嘅辣度。 呢到貼心既就係會有Step咁教你點食

餐廳注重衞生，會提醒食客用紙巾包好口罩及濕紙巾抹手，服務很好。一坐下先選醬料，有我最喜歡的荽茜。黃金芝士雞煲芝士可以自選多少，侍應是幫忙煮，不用自己動手，怕會燒焦。奶味很濃郁，湯的口感偏向濃厚。雞肉不肥，肉嫰。洋蔥很甜，肉很飽滿，沾了芝士更好吃。魚皮超鬆脆，就這樣吃都可以吃好多，油味不重，很清爽。在湯裡熱幾秒，外熱內脆，我和朋友都很喜歡。蟹子墨魚滑魚滑內有一顆顆墨魚肉，魚滑爽口彈牙，加上蟹子粒粒爆開的口感，口感非常豐富。

雞冇味 成煲雞脾位 好似滾水整熟雞脾咁 雞大部份黑黑地 好難食 似咖哩雞煲又吾香又吾辣 中伏見到好評多 吾明 環境係吾錯 但食物好差 得幾枱客 雞梗係雪了好久 不會有下次 178吃個咁雞煲

又嚟到米走雞食打邊爐😃🐥其實之前都食過兩次佢嘅芝士雞煲😍不過佢而家開咗音樂live今日都係第一次嚟到觀塘食。一去到環境好闊落坐得好舒服呢個好重要，起碼打邊爐都吾會好逼夾。去到叫咗火焰麻辣雞煲叫要中辣。之後我哋就落埋打邊爐嘅材料先啦我哋叫咗：手打五寶拼盤、鮮炸響鈴、竹笙、雜菇拼盤同埋上海年糕叫咗一杯咸檸七。咁個火焰麻辣雞煲好快就上咗，可以試到中辣好開心🥳我呢個食得辣之人。佢個辣呢一食落d麻既感覺好快上到口中😍但佢又會帶少少甜味都可以算係中和返嘅不過我就鍾意全部都係辣😘d雞好大件，完全可以吸晒湯料味，加埋啲洋蔥慢慢給味，正！之後就加湯打邊爐可以揀清湯或者辣湯，不過我朋友唔係太食得同埋怕啲蔬菜及吸收太多辣，食唔到。所以我哋就叫咗清湯可以冇咁咸。佢個手打五寶拼盤好豐富：有墨魚丸、蝦丸、豬肉丸、鯪魚丸同埋牛丸。一上枱已經深深被佢吸引。我最鍾意嘅墨魚丸因為係非常之新鮮嘅墨魚，味道淡淡但係好清香。而蝦丸都係真材實料，豬肉丸同鯪魚丸更加有驚喜就係配合左譬如冬菇或者香蔥更加提升鮮味。之後就係竹笙，咁佢可以吸晒原本麻辣湯底嘅味道呢個抵食！同埋我最鍾意嘅上海年糕煙煙韌韌夾埋一齊食就係享受！咁咁多材料都豐富晒

疫症環境下真要 做好預防措施，除口罩、洗手酒精外，當然要增強自己抵抗力，增強免疫力當然食餐好補補身，便約埋老公家姐一行4人去老公至愛的米走雞喇！這間我們是常客，取價公道，食物質素又好。之前都是飯雞煲，今次嘗試火鍋，order左皮蛋芫茜湯底，湯底除了皮蛋芫茜外還有加了豆腐及馬蹄，火鍋料選了十多料，值得推介有特級霜降和牛粒、特級雪花肥牛、脆鯇腩、手打鮮蝦丸、棉花肚及魚皮餃。而店內還有註場歌手獻唱，在柔和歌聲下好好享受當下的美食時間。

雖然最近灰色心情嚴重，但飯仍是要食的。放工之後就來左哩間係觀塘開源道附近既The wave工廈，這個地方變得越來越多嘢食，食棟都係餐廳，不過我想relex 下所最後我哋就揀咗位於3樓的米走雞。因為餐廳原來分開咗兩邊，一邊食西餐，一邊食雞煲打邊爐,地方非常闊落，坐位都好寬闊。可能平日，人流不算太多，侍應安排了我們二人一張四人卡位入座。一開始侍應就拎左一盤醬料比我地，調味料十分齊全，而且唔洗自己出去拎，十分方便。哩度既雞煲分左芝士同麻辣兩種口味，因為想惹味d，所以我地就點左招牌既麻辣雞煲。雞煲分左5個辣度，友人唔太食得辣，我地就叫左最少少少辣，希望可以細味品嚐每件雞件的味道。火焰麻辣雞煲(細) 點好菜大約5分鐘雞煲就來左喇，店員仲會為我地即席炒一炒同埋進行點火既環節。雞煲加上洋蔥同埋麻辣醬散發出幽幽暗香令人食慾大增。大部份既雞件都切得好均勻，每一件都沾滿了麻辣醬汁，十分之惹味。手打五寶拼盤 哩個手打丸拼盤非常之新鮮，仲要勁大粒，我地就最鐘意食蝦丸非常之彈牙!雪花牛 我地叫左細份但份量一D都唔少，肥牛的脂肪比例亦唔錯，食落非常之有牛味同香甜，值得推薦!芝士丸 (半份)芝士丸係我打邊爐最愛，兩

辣一向係my favourite，而米走雞係我聽講左好耐又未食過既雞煲，真係要拜會一下先 觀塘分店比較特別，叫「米走雞Live」特別在佢有live band，都係我第一次食雞煲而有live band駐場唱香港人既歌🎤，氣氛勁好雖然依度叫芝士雞煲專門店，但我偏愛食辣而且怕漏，揀返我最愛既麻辣雞煲原來火焰麻辣雞煲真係有火架哈哈！真係睇見都流哂口水通常我喺屋企都唔鍾意食原隻雞 因為多數啲雞件都會多骨又偏嚡 但依度啲雞食落都幾滑 而我叫左兩隻辣椒 食落好入味，而且越食越辣！推薦必食配料：1. 哈哈蝦中寶 $118蝦滑同新鮮蝦肉混合體口感一流 2. 黑松露蟹子魚面 $148好特別既口感 有魚面本來有既彈性加上蟹子既脆感配上濃厚既黑松露味全部都係可一可再

最近天氣凍左好多，同屋企人決定一齊食下雞煲，好耐冇食過米走雞，呢間有好多分店，揀左觀塘，原來仲有live band, 坐得舒服。menu 都有好多選擇，調味就係自己加。本身想食芝士，但係怕好濟，結果揀左火陷麻辣既少辣雞煲$228，係三至四人份量，但都好多。雞加上辣油炒香，再焗一焗就食得。雞煲有勁多雞，都好惹味，同冇雪味。食完雞煲都好飽，叫多左花枝片$98，芝枝片好新鮮彈牙，仲有金菇。同手打五寶拼盤$88，有唔同鮮制既手打丸，蝦，墨魚，豬肉丸等等。