米走雞Live

营业中

休息中

呢日同男朋友嚟咗打邊爐我哋都好鍾意呢度又有live聴吓，今晚嘅歌手把聲very good我哋叫咗皮蛋芫荽湯底原來唔係得皮蛋芫荽，仲會跟埋栗米啲粟米仲要勁甜令成個湯底更加清甜好大碟嘅娃娃菜新鮮爽口新鮮嘅牛柏葉，份量又係好大方蟹籽鮮蝦滑用新鮮蝦肉打成非常足料特別鮮味彈牙，一啲腥味都冇調味都啱啱好唔會過咸手切牛頸脊（小份）口感似淋滑少少嘅豬頸肉少少爽口，牛肉味非常香濃食多啲都唔覺好油膩牛魔王必食脆鯇片，口感爽脆清甜冇乜腥味感覺比較健康女士可以食多啲

難得約到4人聚會，打邊爐是最好選擇，朋友訂了座，所以不用等，到步後量個體溫就入座了。芝士湯底是必選的，除了跟雞肉的味夠夾，嚮鈴也是不可或缺的，因為超級索味，還有芋絲~索味之餘亦是健康之選，另外朋友叫了最愛的脆肉鯇~非常新鮮，完全沒有雪味的，哈哈蝦中寶因為太大雙的關係，所以叫了半份，我跟其中一個朋友share一人一半都覺得很滿足，因為蝦中寶實在太足料，而蔬菜亦是火鍋中必點的食物，生菜和油墨菜都很新鮮鮮甜，令我們不用食芝士食得太膩。而live唱歌表演亦為這餐火鍋錦上添花不少

唔明點解會有咁多好評我地嗌左小辣既火焰麻辣雞煲 嘩 個店員點火係咁咦搞兩搞落個醬就話食得 完全冇炒果個感覺 一食仲大獲 咸到以為啲雞浸左係啲咸水7749日咁咸 咸到食左兩細舊就要即刻嗌加湯 唸住放棄啲雞打邊爐啦 加完湯都一樣咁咸 完全唔知點繼續食落去 自問都食得好重口味 但依個雞煲係完全食唔到落去勉強食咁啲配菜 碌菜又唔可以碌太耐 食得好辛苦 完全係俾錢買難受仲要食食下啲粟米🌽 有一舊好似壞左咁究竟憑咩開3間分店 同憑咩有咁多好評？我勸大家真係唔好用依個價錢食啲咁既野不過當日駐場歌手唱歌好好聽 值得一讚👍🏻

麻辣雞煲同火鍋實在太過癮，今次來到觀塘分店食個番尋味～餐廳樓面更大，還有live唱歌，很夠氣氛第二次食麻辣雞煲食得出更細緻的味道，用來製造火焰效果的玫瑰露酒為雞煲加上微微的甜味，但依然辣得夠喉！雞件一如既往好嫩滑，越煲越辣但肉質都冇變韌兩個人食完細雞煲已經七成飽，免費加湯繼續打邊爐，今次點白鱔片，肉質脆口，有鱔味而不腥，夠肥美，正手打五寶丸拼盤保持到水準，質感彈牙味道新鮮，我最愛豬肉丸有菇味～加埋油麥菜，啤酒同烏龍茶，第二次食米走雞都係冇失望！

如果叫雞煲食 啲嘢食一定快過淨係打邊爐叫咗人可唔可以幫我上咗嘢飲先…佢答我“好”但係我坐咗半個鐘 嘢食未嘢都算 就連嘢飲都遲過嘢食 再叫佢幫我上嘢飲先 佢望住我講…講我叫咗 一個推一個 就連個湯底滾到就嚟冇水 啲嘢食都未到😡😡😡😡😡

約左朋友食雞煲，收工之後就去近近地既米走雞～呢到有live聽，氣氛唔錯～麻辣火焰雞煲，叫左小辣，佢既秘制辣醬好好食，因為佢有撒酒既緣故，所以建議都係燒多陣等佢酒精散發左先食～雞件好大舊，而且份量多，味道麻辣好爽😂食完雞煲之後叫左d嘢繼續打下邊爐～半份午餐肉👍呢隻午餐肉好好食，入面有肉塊，食落個質感好正好鍾意食😋哈哈蝦中寶，蝦滑入面包住幾隻原隻蝦仁，仲有蟹籽，好抵食，爽口彈牙，必叫之選👍鵝腸超大份，我fd好鍾意食～鹹檸七好夠味，我覺得比普通7喜好飲。

以往食雞煲都係出名麻辣既口味，大大少少既店鋪都以麻辣配以大蔥，蒜等調味料去製成。但由於自己本身唔太食得辣，有時同朋友一齊食都未必到唔辣既雞煲。今次黎試左呢間鋪既其中一個推介 — 芝士雞煲，終於可以一嘗唔辣既雞煲。呢間既食法都係首先叫左雞煲，然後再有一d火鍋配料比大家選叫，但唔係任叫形式，可能未必岩鐘意任食既人既心水。雞煲黎左，員工都積極講解會加熱幾耐至好開蓋。雞件多肉少骨，比起一般食雞煲多骨少肉既有明顯既對比，同埋食落每一件雞件都十分嫩滑，配合濃烈既芝士醬，同朋友都食到飽肚而回。

食火鍋食到有live聽，都幾賞心悅目。今次接我朋友收工，就返佢喺觀塘食，而家工廈附近多咗新式商場同食肆，這間米走雞live都好吸睛。沒預約，因時間尚早，探熱後就安排坐卡位，吃過都知必點芝士雞煲，芝士味濃，雞又夠軟滑多肉，加個出前一丁變芝士撈丁超正爆，食完雞就開始打邊爐，我們叫了魚皮餃和水餃，反正沾上芝士汁，所有食物都變得濃郁香味，另外叫了非常索汁的竹笙墨魚滑和峰巢豆腐，非常配合芝士的濃滑。膽粗粗試了棉花雞上的棉花(魚肚)，配上芝士雞，做個棉花芝士雞，今個晚餐洋溢住濃厚的香芝士味，加上聽著live，心情輕鬆自在，捧住滿足的肚子走，讚啊！

上星期好朋友生日，一早約左幾個朋友一齊去食餐勁 ，諗左勁耐食咩好，大家又觀塘附近收工，最後大家都係揀左呢間米走雞Live。餐廳環境都唔錯，而且有人現場演唱，氣氛都幾好。呢到咁出名芝士雞煲，梗係要試下啦，佢仲有得比你選擇芝士既份量，我地揀左激量，最後上枱個下我都嚇一嚇，真係超多芝士係面 ，影完相之後姐姐就好好咁同我地講，想好食d就焗一焗佢等d芝士溶晒落d雞到先至食 ，等左幾分鐘終於食得 ，一夾起個下感覺真係超邪惡，拉晒絲咁，食落去雞都好滑，芝士味好正，鍾意食芝士嘅朋友真係要黎試下 。 食完芝士雞煲，佢仲有好多火鍋料可以點，都係好正幾新鮮 👍🏻👍🏻整體都相當唔錯，環境舒服，野食又好味，番食指數好高👏🏻👏🏻

一直想試呢度嘅芝士雞煲，今晚終於約到朋友一齊黎觀塘試試！黄金芝士雞煲點咗個4人份量嘅雞煲，仲揀咗激量芝士，真係未食已經覺得邪惡。一上枱就已經流口水，雞煲上鋪滿晒芝士碎，非常吸引。等咗一陣，芝士融化得咁上下，就起筷啦每塊雞肉都已經被芝士包裹，呢度嘅雞煲，係全部用上雞髀肉，所以啖啖都非常嫩滑，而且非常「芝」味！食完雞煲，就加湯打邊爐喇！特級雪花肥牛肥牛係打邊爐必備，所以點咗個大嘅。雪花分佈平均，質素都ok。爽滑豬頸肉名乎其實，真係好爽，而且係厚切，口感好正！味道方面亦係不得了，醃得非常入味，唔洗再點調味料都好夠味。手打五寶拼盤可以一次過試晒咁多款丸，每款兩粒，值得一試。鮮炸響鈴鮮炸真係唔同d，特別香脆！而且大大件，吸收到滿滿嘅湯汁，真係好得！

完全唔明白點解咁多人推薦，168蚊雞煲 2至3人份量，居然全部畀雞髀肉並不是半隻雞之類，同食其他平價幾十蚊雞煲任食有咩分別？？🤔網上睇評論話麻辣得過癮，於是我哋就揀咗小辣，點知嚟到嘅小辣係完全十小辣嘅人都食到嘅bb辣都可以食到 ，而且雞煲味道完全無驚喜自己買雞煲醬整都好味過佢雞煲未食曬就已經想加水打邊爐雞已經唔想再食🤦🏻‍♀️🤦🏻‍♀️🤦🏻‍♀️不過佢地員工服務態度幾好環境氣氛幾特別，因為有live ，變得氣氛好好

食過咁多間雞煲黎講呢間真心好高質，係心目中頭幾位既程度，好多謝我朋友介紹我黎呢度食，呢度既雞煲真心俾想像中多肉好多，完全冇預佢有咁多舊，而且每舊都係好大舊好多肉，完全唔係平時果d，佢俾d parts 全部都係有好多肉，至於雞既調味都屬於非常好味，今次叫左普通辣，都算幾辣下，但佢辣得黎係非常之咁惹味，令人食到停唔到口，可以話係雞煲之中雞王者，真心有俾佢驚艷到我，大推親朋戚友黎試下。食完雞之後可以加湯，之後就係可以做到火鍋既效果，比起之前冇咁辣，但都係同樣好味，好評！

以往食雞煲通常食麻辣，但今次聽聞黃金芝士雞煲在米走雞很出名，所以和同事放工就行去嚐嚐。環境：地方很大，枱也很多，可足夠多人去食，而且走時侯見到有大房間，但房間需要最低消費。抗疫：有搓手液提供，入前量體溫，戴口罩，枱與枱之間有屏隔，防疫不錯，可安心進食。娛樂：8點後有樂隊唱歌，這娛樂也很有特色。之前已想好吃黃金芝士雞煲，作為芝士迷，是不可抗拒，就算加湯也要用芝士湯底。黃金芝士雞煲配料：芫茜、洋蔥、中芹。芝士碎頂上面舖滿了〈激量〉芝士碎。溶解後芝士蓋滿全窩雞，令我忍不住口要即刻吃。雞肉嫩滑美味，芝士味特濃，的確對於我來説是非常吸引。搭配要諗一諗才可以選，因為要想清楚芝士搭配那款才較佳。鮮炸嚮鈴：吸味脆口，放入鍋𥚃數3秒把打吃掉，把微微芝士混和嚮鈴當中，又脆口，又美味，讚！蜂巢冰豆腐：與過往豆腐不同，需要時間放進鍋溶解，口感雖不是滑豆腐但易於吸收芝士，比滑豆腐更佳。手打五寶拼盤：墨丸、牛丸、蝦丸、豬肉丸、鯪魚丸，每種都大大粒，新鮮彈牙，也是必點之選。蝦丸大粒彈牙，而且原隻鮮蝦打進去，五寶我就最喜歡牠。烏冬：雖然説一丁是最佳之選，但我較喜歡烏冬配芝士，稻庭烏冬入口彈牙煙靭，最佳之選。

夏日熱辣辣熱辣辣，我們今天挑戰米走雞傳說中的火焰雞煲，好好享受夏日的熱情。餐廳防疫意識相當高，除了進店前有探熱外，每檯都以隔板分隔，食得安心自在。點餐前已經為你奉上調味架，放得整潔之餘，醬料味道都更勝一籌，特別是麻醬，十分出色。飲品方面點了咸檸七，解辣又清爽。火焰雞煲登場，店員點火後記得馬上高舉手機，拍下雞煲中的火海。不能吃太辣的我只點了一隻辣椒的辣度，麻度相當足夠，刺激惹味之餘辣度也剛剛好。半隻雞的份量相當多，而且雞件部位大部分雞髀位，啖啖肉又少骨頭，配上配料芫茜辣椒乾芹菜，十分爽快。火鍋配料點了特級雪花肥牛，每片牛肉油花十分平均，牛肉味道重，肥瘦相當均衡。小型的份量其實也十分多，一片接著一片，實在停不了口。炸響鈴也十分出色，即叫即炸保持新鮮香口，而且體積非常驚人，差不多是一個煲的直徑。接著有我每次必點蜂巢冰豆腐，賣相很吸引，跟真實蜂巢一模一樣，而且味道也跟麻辣火鍋十分配搭。另外也叫了紅薯粉，麵條十分彈牙可口，配上麻辣湯底相當吸引。貢丸也絕不遜色，冬菇味香而且彈牙，是我們火鍋必選系列。

今晚約了一位半年沒見的朋友吃晚飯，我選擇了這間環境比較好及可以坐很久的餐廳，好讓我們聚聚舊餐廳非常大，座位寬闊，梳化位坐得很舒服。另外餐廳也有提供手部酒精消毒及量體溫服務，注重衛生。現場還有live band演奏音樂，背景音樂令餐廳變得非常熱鬧。雞煲來說，食物配料都算齊全。需另收+1服務費及$16醬湯費。我們選擇了火焰麻辣雞煲。店員點火前有提醒我們遠離爐邊。然後他一點火，火燒得相當有氣勢，一陣陣雞煲的香味撲鼻而來。火燒雞後，店員幫我們攪拌了幾下就可以吃了。打開蓋後，雞煲的香味真令人受不了，馬上要開動了。雞煲麻辣味突出，醬汁香濃，肉質滑嫩，帶一點點酒味。吃完雞煲後，我們便開始自選配料。牛柏葉份量也挺多，色澤新鮮，吃下去爽脆可口。第一次吃這個竹笙墨魚滑，口感特別，多層次。外面爽脆，內裏又滑又彈牙，好味。脆鯇片一煮即熟，肉質爽脆，有鮮味，點一點芫荽豉油，非常好吃鴨血吃下去非常軟嫩細緻，滑溜，像吃豆腐一樣。吸了湯的精華，非常入味還可以幫女生補點鈣另外，我們還喝了四罐王老吉清清熱氣。由七點入座吃到十點，一邊吃一邊聊天，過了一個非常愉快的晚上