米走雞Live

营业中

休息中

天氣轉涼，最想食熱辣辣既食物呀🔥🔥火鍋同雞煲都真係不二之選😍所以今晚朋友又約左去食雞煲😋大家都想食惹味又曖胃既食物呀!🥘-朋友帶左我去位於觀塘既米走雞LIVE📍環境闊落既樓上店，以雞煲店泥講真係幾舒服✅以QR CODE餐，好方便的!📱而且一坐地會有醬料FOR一陣打邊爐用呢!🥳估唔到呢間點仲有芝士雞煲，不過想食辣既我都係揀左辣味!🌶-點了小火麻辣雞煲 , BB辣🌶🌶因為2個女仔食所以我地揀左細份!‼️但份量又係好多，雞既數量仲好多呢!😝而且肉質好嫩滑呢! 真係啖啖肉!🥩而且BB辣相對都幾濃味，所以唔食得辣既朋友都要留意下!❗️配料有齊洋蔥、紫洋蔥等，好豐富!🧄🥒🥬-開始時店只會幫手整好雞煲，再係面前混好，所以食時味道真係好夠呀😋食到中段，可以請店員加湯變火鍋呢!🥘可以有清湯或麻辣湯既選擇! 我地當然點了麻辣湯!🌶配料方面，我地點了 🌟芋絲 🌟辛辣面 🌟半份芝心丸 🌟鵝腸 🌟半份蜂巢冰豆腐最鍾意有半份選擇，岩晒女仔食量唔多選擇!👯‍♀️推薦蜂巢冰豆腐，吸引火鍋既味道最正!🤩同埋爽口彈彈既鵝腸🧡-飲品方面都係點了港式凍檸水同凍檸茶!🍋真係好飽呀! 相對係惹味，如果本身鍾意清淡既朋友 可能要留意下⚠️

之前去過旺角分店的米走雞吃 雞煲+火鍋！今次來到觀塘店，店名是"米走雞Live"，不知有什麼不同呢!?有看到一個表演台，會是有音樂Show嗎？ 另外還有西餐的部份。不過眼見多數是吃雞煲和火鍋，而我們今次就選了兩個湯底吃火鍋。蒜蓉卜卜蜆煲鍋 ($188) - 蜆很鮮甜，吃落很有蒜蓉香和帶點辣，十分惹味的喔！建議將蜆都吃光才放火鍋料比較好，因為這個鍋容量有點淺。番茄粟米湯 ($98) - 相對這個鍋就很深，相對水滾的時間就較慢些。薯仔切得滿太舊，所以一直在煲也沒有溶掉，湯不會變得糊糊的。帶辣的蒜蓉湯底這麼惹味，當然要選一些吸湯能力高的 - 蜂巢冰豆腐 ($48/全份) & 鮮炸響鈴 ($56) 後者超大一舊！而且很香脆，上次吃也有點這個。竹笙墨魚滑 ($98) 都是吸收湯汁很不錯，但原來加了彈牙墨魚滑來吃都幾得意。虎蝦 ($138/6隻) - 都幾大隻，新鮮彈牙的。鴨血 ($43) 不是配麻辣湯底好像差了點。肉的話，牛肉、豚肉和雞也有點。滑雞片 ($68) 應該是雞髀肉來？十分嫩滑。西班牙黑豚肉 ($228) 口感柔嫩，吃落有帶甜的味道。五香鮮牛肉 ($98) 的牛味很濃厚，爽口得來也很嫩

觀塘一向都多美食，但開始凍凍地心血來潮都會想打下邊爐既！聽朋友講有間叫”米走雞好似唔錯配料齊，環境舒服，坐得唔逼都好緊要！今日一於就試下呢間！入到去裝修比較時尚同西式風格，仲有藝術氣氛！叫左我最鐘意食既墨魚滑，豬紅，仲有魚腩！仲有好大隻既桶蠔夠哂鮮香味呀！汁底開頭我就選擇左香芫茜味既鮮滑辛辣雞煲（半隻雞），一開火立即嗅到十分香濃芫茜味！配上任何野食都十分有胃口最後加左清雞湯變做火鍋，味道一樣都係甘出色！所有食物都入哂雞煲既香味，真係食過番尋味，食完再想食呀！！地點係觀塘wave3樓，快d食啦👍👍

雞煲唔好食 , 全部係 冰鮮雞肶 ,仲要收咁嘅價錢, 廣島蠔唔好食， 蝦中堡有怪味超 難食 , 和牛餃唔好食，啲皮好厚， 肉超難食，酒樓 D 牛肉球好食過佢，都唔明點解仲有咁多人幫襯 .

天氣開始轉涼，令人想食雞煲打邊爐嘅季節黎到啦。平時麻辣雞煲食得多，但係我好鍾意米走雞嘅芝士雞煲，芝士味夠晒特別。好適合同三五知己或者另一半過嚟食。黃金芝士雞煲芝士控揀左激量芝士碎，真係滿滿一座芝士山！入面仲有好多洋蔥，加重香味，枱面嘅餐紙仲有教食法，好貼心。佢嘅雞肉真係好滑，一拎起仲有芝士拉絲，充滿芝士味，忍唔住食完一舊又一舊。蒙古羊肉片打邊爐成日食肥牛，今次見到羊肉片就試吓。羊肉片好抵食，夠晒大碟。羊肉係薄切淥一淥就好快熟。有羊肉味又唔會太羶，好好食。 手打五寶拼盤鍾意食手打肉丸或者魚滑嘅人必點！唔係市面上嘅普通嘅肉丸，佢係自己加左配料更加多口感，豬肉加左好多冬菇好香，而鯪魚肉就加多左蝦米令佢更鮮。拼盤仲可以試齊五款，一定要試！萵荀打邊爐必叫，鍾意萵荀係淥熟後仲爽脆嘅口感，而且呢度份量夠多，好抵食！

其實呢度食火鍋對比去火鍋放題店係貴好多，不過一分錢一分貨吧，佢嘅肥牛真心好食，我唔會用入口即溶來形容，但它真的肉味重亦都好咬口，其他食材由蝦滑、丸類及餃子等，全部都有質素，貴得有價值。

撞著仲有微涼天氣，火鍋活動唔好比佢停住，火鍋就諗起牛肉，牛肉就令我諗起佢..................無黎一段時間，落單已轉為手機二維碼自己搞掂; 仍然可以坐到卡座，食得輕鬆舒適每次黎呢度打邊爐，都一定要叫份手切霜降牛頸脊 ($258/小)，夠2-3人食架啦。睇見佢肉色靚仔，脂肪分佈平均就知佢咩料啦簡單D配個清熱又下火嘅皮蛋芫茜湯($98)，仲有埋粟米同豆腐。切成蝴蝶狀，輕輕灼幾灼轉色就食得。點D醬油加芫茜蔥一齊放入口，油香肉嫩，一啖一片夠口感，好夠肉味，超級好味。丸同餃又係不能缺少嘅Buddy，有半份叫的，呢客手打墨魚丸 ($48/半份)，外觀上已能一眼認知係手打類咪講笑，入口真係食到墨魚粒，相當彈牙又增加口感，機製嘅確係無得相比。仲有韮菜餃 ($48/半份)烚完都唔會輕易散開，餡料有滿滿嘅韮菜，入口帶少少麻油香味。友人想食白鱔片 ($98)，切得薄薄一片，色澤亮麗。烚完卷成波浪型，微彈牙口感，肉味幾鮮，細骨唔太多。索湯"油物"鮮炸響鈴 ($32/半份)出場，三秒.......浸三秒，仍然享受到外層索湯，內圍仍然保持脆度嘅雙重口感。食完2條都幾飽肚。

咁耐冇食，一定要叫多d，食夠本。呢間既環境好好，坐得好舒服，同朋友慢慢傾都得。米走雞既雞煲係我食過最好味既，不單止雞件既挑選係好好，唔會柴，非常鮮嫩，而且佢配料同配味都配合得好好。我地今次叫左芝士雞煲（大）＄268真係好重芝士，加上有少少cream既湯底，食到最後混埋一齊隻味，真係好味。爽滑豬頸肉（＄98）本身腌左少少味，條條肉都好厚身，而且新鮮。白鱔片（＄98）大大片，好爽口，亦都非常新鮮，每次黎都必點.。

米走雞嘅火焰雞煲每次都唔會令我失望，真係好好味🤤 雞煲一到，店員會先加入少少玫瑰露再點火，炒香個雞煲，再倒入辣汁，佢個辣汁好正，食完啲辣同麻係慢慢滲出黎，好過癮👍🏽 而且啲雞又大塊又啖啖肉，食完個雞煲都已經飽左一半🤣 食完雞煲後，開始打邊爐，佢有清湯/辣湯揀，因為雞煲我地叫左辣，所以就揀左清湯。今次叫左幾樣野食，包括：🔥火焰麻辣雞煲（少） $198◎ 竹笙墨魚滑（半份）$54◎ wasabi鮮墨丸（半份）$54◎ 萵荀（半份）$28◎ 特級雪花肥牛（小）$188🥤飲品：竹蔗茅根 （壺）$78-竹笙墨魚滑墨魚滑好彈牙，竹笙吸晒湯底啲精華，好正。-wasabi鮮墨丸墨丸手打，超彈牙，wasabi係流心ga食嘅時間要小心啦，wasabi味唔算好重，但味道幾特別。- 萵荀萵荀好新鮮，厚切，就算放耐左都唔驚會綿晒，幾爽脆👍🏽- 特級雪花肥牛肥牛油脂分布均勻，而且好大塊，食落好香牛肉味，肉質鮮嫩，灼幾秒就食得😋每次食米走雞都食都好飽，因為佢份量好足夠，如果少人食，有啲野食可以叫半份，幾貼心😚甘樣就可以試多幾樣唔同嘅野食! 食雞煲真係要食米走雞，未試過嘅你試完保證會愛上😊

今日凍凍地真係好岩食雞煲🤣🤣所以放工約左朋友一齊去.呢度冇大水牌 唔算明顯要搵一陣先搵到個𨋢口.上到去原來佢同另一間餐廳係同一個場店員都會問一問係book左邊一間.呢間米走雞都幾多位同埋算多卡位 坐得舒服啲其他位都唔算好逼.Menu用QR code落單所以都冇影到.個人認為最好食都係麻辣雞煲我地得2個人食 叫左個小煲但係都好多雞 我地食唔晒🙈🙈🙈雞夠入味 又唔鞋洋蔥好甜好好味😋.連肥牛都有小碟揀!岩晒我地唔算大食既人🤣同埋好大塊 比正常更大塊味道正常.呢度最好既就係配料可以叫半份所以我地每樣都係半份咁叫🙈竹笙墨魚滑將墨魚滑釀入竹笙裏面熟左既時候會見到佢漲卜卜 浮係湯面竹笙吸晒啲汁 墨魚滑又彈牙口感好豐富 必試👍🏻.Wasabi墨魚丸見佢幾新奇就想試下同墨魚滑同一口感 應該係同一做法不過wasabi有啲苦澀味 有啲扣分.萵筍切得大大塊又厚要煮耐少少但係好好味 好適合用辣湯煮.我地食到勁飽 食剩左少少雞整體來講性價比高 2個人食左$700今日係閒日 食客唔算多 就算即興黎食都幾好!

米走雞Live (觀塘).好耐無食米走雞，咁耐無食覺得好食左！.▪️火焰麻辣雞煲▪️.每次食米走雞都覺得有特別嘅味，好似有股香茅味咁，雞件係勁大件同埋每次都覺得份量好足又多！. ▪️鵝腸/娃娃菜/芥茉Wasabi墨魚丸▪️.呢到嘅鵝腸係洗得非常乾淨！ 而且又係份量多，淥一陣就食得夠爽口娃娃菜就每次打邊爐必叫Wasabi墨魚丸好特別，一咬爆汁仲辣親我個咀，不過墨魚丸好彈牙.📌 米走雞Live (觀塘)觀塘興業街4號The Wave 3樓.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

黃金芝士雞煲(小)$208，芝士份量簡直係激量，熔化左既芝士就好似岩漿一樣咁靚，睇賣相都知道芝士味道超濃郁，雞好嫩滑一d都唔“鞋”口，配料其中一款係花生醬，將芝士雞和花生醬結合埋一齊食，陣陣花生香味在口中散發，令味道更加提升五香鮮牛肉$98，牛肉色澤鮮紅都幾新鮮，份量亦都唔少，牛肉厚度係薄切，所以比較容易吸收湯底既味道，但因為湯底係芝士湯本身已經好夠味道，所以有點蓋過左牛肉既鮮味，肉質方面都幾軟“林”竹笙墨魚滑(半份)$54，墨魚肉既Q彈口感，配上竹笙既爽口，這個組口好夾，仲食到有粒粒墨魚肉金菇$38，油麥菜(半份)$28，食左咁多肉，都要食下蔬菜中和一下，兩者都處理好乾淨雪白翠綠，蔬菜吸收左湯底既精華，唔需要再額外加醬料都一樣已經好入味

🍁呢排秋風起 即刻連續幾日去咗打邊爐 •今次想講下觀塘呢間餐廳雖然比較出名雞煲 但原來佢嘅蒜蓉卜卜蜆煲鍋都好正 🍲蒜蓉卜卜蜆煲鍋 $188 ➡️熱騰騰有好多粒卜卜蜆 仲有好多蔥同白蘿蔔做配料 白蘿蔔超級甜 由於湯底都有加辣椒 如果完全唔食得辣嘅朋友 就建議你哋唔好飲個湯底 (大約譚仔10小辣嘅程度）而食得辣嘅朋友 湯底有埋蜆嘅鮮味 所以值得一飲 🐮霜降𝑃𝑟𝑖𝑚𝑒牛板腱(小) $198 ➡️有分大份同小份 由於大家唔算太肚餓 所以我哋叫咗小份試吓 估唔到𝑡𝑜𝑡𝑎𝑙都有12塊 肉質唔韌 不錯！ 🦑手打鮮墨丸 (半) $48 ➡️超級推介！我好耐未試過食墨魚可以咁彈口 本身以為普通嘢 點知一食 真係可以好似乒乓波咁彈起 唔好以為我誇張 呢個真係試過你就知 🐓滑雞片 $68 ➡️冇全份半分之分 雞肉可以 不過不失 🐟鯪魚釀豆卜(半) $43 ➡️豆卜半份 𝑡𝑜𝑡𝑎𝑙有8粒 鯪魚肉新鮮 細細粒一口𝑠𝑖𝑧𝑒 唔會”肉卜分離” 🥬生菜(全) $48 ➡️新鮮嫩綠已經好足夠 🫙醬湯$18/位

▫️米走雞觀塘興業街4號The Wave 3樓雞煲款式林林總總，米走雞是其中一間性價比好高的雞煲店。之前試過他們的黃金芝士雞煲，非常邪惡和惹味，今次決定挑戰他們另一款主打，火焰麻辣雞煲。🍽️ 火焰麻辣雞煲(小)雞煲利用了多種香料作配料，辣椒乾、洋裝蔥、中芹、芫茜等，非常有誠意！火焰麻辣雞煲顧名思義會見到火光熊熊，侍應會在客人面前加入玫瑰露點火炒雞件，非常有睇頭！雞件份量很多，而且啖啖肉，肉質嫩滑，我們點了中辣，麻辣味十足，辣得非常過癮！🍽️ 哈哈蝦中寶蝦肉大大嚿，上面仲有好多蟹子，口感豐富！蝦滑非常有咬口，超級彈牙，蝦味濃郁，十分推介！🍽️ 竹笙墨魚滑看似兩款完全不相關的食材，味道配合起來又非常夾。原條竹笙包住新鮮打好的墨魚滑，好彈牙，竹笙完全吸收了雞煲的湯汁，辣得來口感很特別！

味道不錯 但價錢有點貴紅日中午去都冇咩人 可能位置唔太就腳同埋價錢貴整體環境氣氛唔錯 有音樂紓緩下野食方面 豬肉200幾蚊 但唔值呢個價 任食都好食過佢 反而雞煲有驚喜 冇雞皮 同埋好入味銀菊露都幾好飲 唔會好甜 呢間野主要都係價錢方面問題 可以一試