米走雞Live

营业中

休息中

-🍽🍴🍽🍴🍽🥠🥠🥠🥠🥠🍴🍽🍴🍽🍴🍽-🥢黃金芝士雞煲(小)(2-3人) 🆗今次食呢個係外賣版嘅芝士雞煲拎落都好墜手雞件、湯同其他配菜都係分開放💁🏻‍♀️除咗雞件係熟之外，其他嘢都係切好一份份未煮過的餐廳都好貼心咁連埋說明書教點煮🤣我自己就懶到放哂啲雞件、洋蔥、芫荽同埋芝士粒落個湯到叮3分鐘就食得勁方便😆完全係懶人版嘅雞煲芝士味道夠香濃，而且加熱左都唔會變到好稠同太鹹芝士都做到拉絲嘅效果，啱哂芝士控嘅朋友雞件係全部雞脾肉無其他部位，唔太多骨食落都幾嫩滑夠厚肉，唔會有陣雪味評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 7/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10整體 𝗢𝘃𝗲𝗿𝗮𝗹𝗹 7/10📌 係Openrice訂完外賣自取勁快就有得拎整體黎講處理得唔錯，啱晒想過吓口引嘅朋友宜家冇得出街食飯呢個都算係一個唔錯嘅選擇🙃-🍽🍴🍽🍴🍽🥠🥠🥠🥠🥠🍴🍽🍴🍽🍴🍽-

米走雞個名聽左好耐一直都好想試，終於有時間黎試吓啦！上到去原來隔離仲有西餐食，但見到open rice食評有點差，怕伏😂都係決定食雞煲啦！點了一個小芝士雞煲，份量都幾多，可惜全部都係雞髀肉囉！但真心好食既芝士又濃厚每舊雞都滿滿芝士，滋味無窮，還點了半份蝦中寶，職員一放落枱我已被嚇親了，實在有點大舊，感覺好像好快吃飽了，但味道新鮮彈牙有口感，值得一試👍，還有點了半份竹笙墨魚滑也很好吃，本以為係圓形的一個滑，原來是一條條的竹笙入面釀了墨魚膠，彈牙又吸汁，餃子也不過不失啦正常嘢黎！總括今次食得很愉快，地方也很有情調，下次會再來。

同幾個朋友去咗咪走雞食火鍋，都好多人，好在有訂位。佢在觀塘The wave，地點都算方便，唔近地鐵站，不過行過嚟大約10分鐘。去到食完雞煲，然之後打邊爐佢對啲火鍋配料，好新鮮好靚，尤其是牛肉同埋響鈴，響鈴係新鮮即炸，唔係來貨，我哋食咗兩碟。但係水餃類就比較一般，唔太出色。我就嫌佢用雞煲直接加湯打邊爐太過油膩，如果換湯底會更加好。買單人均要$480 ，我地嗰日去佢冇趕我哋走，唔知道係唔係會限時，如果唔限時都OK 。價錢略貴，呢個價錢有其他好多選擇，未必會經常過來。偶然一次也可以。

訂左1700時兩位，我地1655時到達。全場無其他食客，要求坐卡位但話所有卡位俾人訂左，最後叫左細芝士雞煲叫爆多芝士，味道唔錯，不過雞件好大件，切細啲會好啲。之後加芝士湯，但個湯太甜，好似糖水。之後換左清湯，但湯內好多蟲仔屍，投訴一輪，staff 收走煲清湯，我地亦話唔需要再換湯俾我地，埋單唔食了，經OpenRice 訂位有88折。但食完竟然係OpenRice 內見到除消我既訂位，原因係話我遲咗超過10分鐘。但實際上我仲早5分鐘到。以後唔會再食了。而我地1855時離開時，只有一枱卡位有人剛入座。

臨收工忽然想食雞煲 因為係平日 見openrice仲有得即日book位好開心 因為之前試過佢地個火焰雞煲 睇完一輪menu決定黎試下卜卜蜆煲🔸蒜蓉卜卜蜆鍋個湯幾鮮甜蜆數量算多不過同雞煲比份量細好多蘿蔔好入味兩個人齋食呢個煲唔夠飽🔸黃金芝士雞煲食完上面個鍋唔夠飽又加咗個雞煲 都有擔心會好膩 其實佢冇想像中咁杰好香但唔會好膩加咗個公仔麵落去 好香啊 不過偏鹹咗🔸無骨鳳爪等個煲滾既時間食住前菜充飢先有生洋蔥 酸酸辣辣幾開胃🔸茅根竹蔗水好大壺 兩個人飲唔曬甜度適中 唔怕太甜 好清爽💰兩個人食咗八百幾 好飽不過都小貴

之前已經同班Friends過嚟打邊爐🍲🙃依稀記得地方環境都很寬敞舒適，佢哋嘅食材都好新鮮👍聽聞現在獨家創新一款美食😋黃金芝士雞煲🐔今次我哋經過呢頭順便要去試試哦🤤第一道菜黃金芝士雞煲🤗無令人失望芝士份量勁多，每份雞件都一樣咁大件嫩滑👍分量十足🙌🏾我哋還叫咗手打肉丸拼盤+新鮮炸響鈴+還有一個冷盤青瓜🙀估唔到個青瓜係辣嘅～真係開正我口味😆唔使叫太多嘢😙我哋就咁樣已經好夠飽😍夠晒兩個人食🤤 好抵食🙃#米走雞 #芝士雞煲 #麻辣雞煲

✔️黃金芝士雞煲 $208呢個雞煲真係好邪惡🤩芝士份量勁多🧀 雞件每次嚟都係咁滑🤤食完大部份雞之後仲可以加芝士湯打邊爐🍲✔️日本廣島蠔(6隻）$88呢個必叫🦪每一隻都好大隻 仲要係好重鮮味🤩 推薦👍🏻✔️鵝腸 $53鵝腸中間清洗得好乾淨☺️ 帶少少肥膏 口感爽口有嚼勁😚✔️雜菇拼盤 $48有金菇雞髀菇同埋冬菇 份量一啲都唔少😝 朔晒啲芝士湯好正😚✔️手打鮮墨丸 $48墨丸中間加咗好多粒墨魚粒🐙 口感彈牙一啲都唔粉🥰

已經第二次食咪走雞第一次嚟觀塘分店入到去環境好舒服完全唔似係雞煲店當日係平日只有幾台所以都好靜可以傾偈朋友食過都話好好味芝士濃郁一定會再去鍾意觀塘分店環境比較靜同舒服

對上一次去米走雞食芝士雞煲已係好多年前，今日番番下工突然諗起，放工就即刻去左食打親邊爐第一件事就梗係混左醬先黃金芝士雞煲 - 小 （$208）滿滿既芝士鋪滿係表面，先蓋上煲蓋等芝士溶曬，記得唔好搞勻佢，如果唔係就好易痴底，每舊雞件都係雞髀，啖啖肉又沾滿芝士，食得好過癮，2個人食一個小雞煲份量岩岩好特級雪花肥牛（$188）、油麥菜（$28）、鮮腐竹（$24）食完雞煲就加湯打邊爐，店員唔會加好多湯，依然保持到濃濃芝士湯底，由於雞煲份量都唔小，加多少少食物都夠飽啦

美食攻略2023 -觀塘/MK編今個冬天有D凍,成個一月有D冬天FEEL雖然月尾好快暖返了,但無阻我食飯既心情呢度觀塘分店係有LIVE 音樂加雞煲你真係估佢唔到啊~火鍋加音樂呢度既火焰雞煲,肉嫩肉多,啖啖爽,又香又辣又麻,店員會幫你點火炒雞炒左雞之後就食得,有2~4人份我建議預返每人食半份好啦,好飽架!要留返D胃口食埋火鍋料!!呢度都係主打多款新鮮料打邊爐加雞湯落雲吞同牛柏葉食爽食辣,牛柏葉永遠都係雞煲既好朋友雲吞大隻飽滿,非常好食仲有音樂聽,吹吹水食食飯,2-3小時好快過,好地方!!消費$500評分8/10#雞煲 #火鍋 #觀塘美食 #米走雞 #EOSRP #35MM18 #canonphotography #BLOG #blogger #HKBLOG #hkblogger #HKFOOD #HKFOODBLOG#hkfoodblogger #HKIG #HKIGFOOD #HKIGFOODBLOG #hkigblogger#foodie #foodiehk #hkfoodie #香港美食

出名既芝士雞煲同火焰麻辣雞，2樣都想食，真係好難揀...最後揀左火焰麻辣雞煲，超正!!下次要試埋芝士雞煲先得呀~❤️火焰麻辣雞煲 睇住職員點火，然後炒香D雞好有氣勢，香味仲即刻飄晒出黎～雞件又嫩滑又好入味，BB辣都好夠香又惹味，真係好出色!! 🧡鮮製韭菜餃 餃子皮好薄，熟左透出翠綠色，更加見到有幾飽滿～新鮮韭菜又好香，韭菜餡又爆多，正～🧡手打M5和牛丸 一咬開就好明顯感受到係手打牛肉，碎牛肉搓成既牛肉丸，牛肉味好足💚豆腐 非常嫩滑，豆味濃郁充滿豆香💙魚片頭 新鮮既魚片頭，質地好彈牙💜清熱銀菊露 又可以解辣，又可以清熱氣～

有朋友請食飯，佢揀左呢間雞煲，話試過兩次覺得吾錯，所一於試下😋我地有五個人，所以叫個大的火焰麻辣雞煲，有朋友怕辣，所以叫左小辣，另外有朋友吾食芫茜，所以芫茜另上🤣芫茜份量好多，大大碟，岩我😋雞煲味道好濃，吾太辣，雞件都算滑。食完雞煲之後就係打邊爐。我地叫左好多比較特別得意的食物，例如哈哈蝦中寶，手打五寶拼盤，四拼餃，washabi 鮮墨丸，竹笙墨魚滑，一次過可以試下佢的創意食物😋另外再叫了和牛封門柳同牛板鍵，牛肉有驚喜，好好食😋

天氣咁凍最正就係打邊爐😁😁米走雞都好耐無黎了，今日咁岩係觀塘做完野，又黎食下🤭🤭。呢度醬料費好抵， $18/人。叫左個「火焰麻辣雞煲（2-3人） $198」，雞煲黎左之後，會有職員幫手炒煲，亦有火焰🔥效果，岩晒打卡。呢度雞煲都幾辣，如果唔太食到辣既建議bb辣就夠啦🤭，因為愈煲愈入味好正。雞件勁大舊又滑，真心高質。。野食方面有得叫半份，岩晒人少黎打邊爐，我地叫左以下配料：半 竹笙墨魚滑 $54半 午餐肉 $28半 魚片頭 $26出前一丁 $20。價錢抵又好食，尤其推介竹笙墨魚滑，竹笙包著墨魚滑，又爽又吸汁。。總結黎講仍然係好抵食又高質既火鍋👌🏻✅✅

米走雞Live (觀塘).米走雞係少有連鎖而且好食雞煲。咁耐無黎佢地終於有番live band!! .▪️火焰雞煲半隻▪️.呢到嘅雞件份量十足，雖然我唔鍾意食芫荽但係呢度嘅雞煲再加埋芫荽，味道更香！索埋個汁更入味.▪️魚片頭·娃娃菜·豬皮·鴨血▪️.魚片頭係因為男朋友突然話要食而叫，娃娃菜就係每次必叫，我地每次都叫店員落少啲水，滾耐啲勁好食！豬皮同樣入味爽口，鴨血雖然係同麻辣火鍋襯啲但都好食！.📌 米走雞Live (觀塘)觀塘興業街4號The Wave 3樓.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

自從哩半年見到咁反復既疫情,真係少左出街食打邊爐/放題/自助餐🥹但最近放寬左好多,決定都係唔忍啦,要出黎食返多D野,好耐都無食過米走雞啦,結完婚之後大哂,所以就決定收工同老公去食下啦!食物方面:⚪️小黃金芝士雞煲一定要揀激量芝士,味道唔會好咸,但芝士味就會香好多,仲有好強既拉絲效果🥰2個人食小份已經好夠,雞件都好多,而且好嫩滑,下面仲有娃娃菜,好味!食完都唔會好膩,食完雞件仲可以揀加雞湯/芝士湯打邊爐,我揀左芝士湯,正!⚪️手打五寶拼盤(半份)⚪️五香鮮牛肉⚪️油麥菜(半份)⚪️豆卜(半份)⚪️1664(Draught)手打五寶必食,入面既蝦丸.墨魚丸都好彈牙鮮甜,鮮牛肉好重牛味,肥瘦適中好食,配芝士好夾☑️菜.豆卜好新鮮,都係打邊燈必點既.配返杯生啤,食得好滿足!整體方面:芝士雞煲對於芝士迷真係不能錯過,而且唔係度度都有得食,😏米走雞除左辣既雞煲,芝士雞煲都好出名好好食,2個人食可以叫半份,唔洗驚食唔哂會好浪費,平日收工去唔算好多人都唔會好迫😚用code落單好方便.而每位醬料費$18而且枱與枱之間都有間餐車比我地放食物,唔洗擔心張枱放唔哂,幾貼心既設計,唔錯!耐唔耐食一次真係好爽!