米走雞Live

营业中

休息中

呢排又凍番 一於食返個暖笠笠嘅雞煲邊爐😝閒日七點入座唔算好多人好開心今晚星期4有live band🎸火焰麻辣雞煲 (小) (2-3人) $198 BB辣✨配料：辣椒乾、洋蔥、中芹、芫茜大部份雞肉都係雞脾肉比較嫩身 鮮嫩可口雞肉吸收了配料的香味 件件都啖啖肉微麻非常適合唔係咁重口味嘅人 香而不會過辣🤤火候適中 食落都好夠熱 幾滿意😆食完雞煲之後就加湯底試下佢嘅火鍋💛叫左d火鍋配料打邊爐除咗火鍋肉類 仲有丸類 漿滑 海鮮同埋菜類等等配料有特色 係其他火鍋店未必食到而家打親邊爐嗌菜食都會嗌脆鯇片 $78 ✨大大塊 又新鮮 ~ 彈牙肉質 清爽脆口肉質彈牙好鮮味😋好正!!澳洲牛舌$98 ✨ 竟然好有驚喜 帶有微微的油脂 食起黎軟嫩😛肉質非常嫩同彈牙 同埋牛味極重中意食牛舌嘅你不妨嚟試一試！生菜 (半份) $28 ✨重點係可以叫半份👍可以以自己想要份量索哂啲汁好惹味最尾食埋個稻庭烏冬 $28 ✨ 超飽啊醬湯x2 $36整體食物質素幾好 雞煲&打邊爐同時都食到服務好好 主動加湯又快手

一條麻甩佬冇嘢做，想搵好嘢食，最好就係男人的浪漫--打邊爐🍲 。 不過又諗起如果淨係一個人去打邊爐會好悶，之前聽人講過芝士雞煲十分正，所以慕名走去試一試。入到去間餐廳可能太早喇，大約六點半，周圍嘅人唔多，以為奶嘢。但係點都頂硬上試下個雞煲先，由於第二日要返工所以叫咗個黃金芝士雞煲，費事太熱氣返唔到工。的確冇令人失望，成個煲用了十分豐富，啖啖都係雞肉而且有芝士嘅濃郁味道包圍住炸過嘅雞，簡直就是男人的個人浪漫。再嗌咗個海蜇木耳，惹味得利有少少辣，令味覺十分刺激。 但係最尾都係要叫返個竹蔗茅根頂一頂，始終食雞煲再食辣嘢都係要中和下。

自行懶打字平時唔會寫食評，今次忍唔住要特登入黎寫。一個主餐白咖喱豬扒便當塊豬扒乾到要係咁飲水（利申食飯從來唔飲水)因為食咗兩啖經食唔落唯有係咁食白飯。佢個d配菜個菜仲好食過塊豬扒，啲豬扒薄到我男朋友係咪豬頸肉黎。說好的白咖喱完全冇味，似白汁，如果用嚟同沙嗲王比較，沙嗲王係米芝蓮級。個甜品…唉！算啦唔想講。一個晚餐定食，加小食，加甜品，加錢$28飲杯白酒，埋單$440。完全唔值！貴真係唔緊要但唔好比埋d無誠意既垃圾人食，食大家樂都無咁嬲

最近天氣凍左好多，呢個時候就最啱打邊爐。去左觀塘米走雞食飯，呢度雖然主打雞煲，但都有其他鍋底選擇，我地今次就揀左食蒜蓉卜卜蜆鍋。一入餐廳，勁多人，果然大家同我有一樣既諗法。卜卜蜆上枱時香噴噴，蜆既份量都幾多，個湯底清甜，仲有少少微辣，可以暖暖胃。食完蜆另外叫啲配料就可以打邊爐啦，手打M5和牛丸，鮮蝦雲吞，莞茜同埋豬頸肉。手打M5和牛丸，牛丸好彈牙又Juicy，牛香濃郁。鮮蝦雲吞大大粒，真材實料，鮮蝦彈牙。爽滑豬頸肉，爽口彈牙，肥瘦均勻，好新鮮。芫茜唔係度度都有得嗌，綠綠既芫莤，好香呀。食完成個人暖哂。

朋友知我鐘意打邊爐又鐘意食芝士, 帶咗我去觀塘The Wave 嘅「米走雞」, 佢話一次過可以滿足我兩樣嘢, 餐廳坐位闊落 , 一坐低職員就攞左一盤六格調味料比我哋自己調教醬汁。自行scan QR code落單, 黎到一定叫嘅----黃金芝士雞煲（大）$268混合咗五款芝士秘製而成, 包括有車打芝士、巴馬臣芝士、大孔芝士、水牛芝士同卡夫芝士, 芝士控嘅我手機落單時揀咗「激量」芝士碎😜所以d芝士真係堆到好滿。上檯時再開爐煮焗至芝士熔化, 開蓋就聞到陣陣嘅芝士香味, 份量好足好多雞肉，配料有洋蔥、芹菜同芫荽。熱辣辣夾起時仲做到拉絲效果, 雞肉好嫩滑同芝士嘅鹹香起到化學作用真係好滋味。食晒雞之後可加清雞湯或芝士湯開始打邊爐, 食完芝士雞煲其實大家都飽咗8成, 所以只能order兩款配料for 打邊爐。手打鮮蝦丸 $48大大粒好新鮮, 食落超彈牙爽口, 入面重有明顯嘅蝦粒, 層次好豐富。澳洲牛舌$98帶有豐富的油脂, 食起黎軟嫩, 軟嫩中帶有牛舌獨特脆勁。

天氣終於開始轉涼， 火鍋季節到了， 我今晚立馬拉了家姐去吃雞煲火鍋。 選的是米走雞，旗下其他分店我都去過，觀塘這家最新，所以特別選這店。 位於The Wave 3樓， 地方好開揚， 座位都比較濶落， 更加舒適。我地一致決定要火焰麻辣雞鍋半份， 只敢點小辣因為驚太耐沒吃不習慣。因為只有兩人， 所以火鍋料我們只加了手打五寳丸及五拼餃各半份 ， 冰豆腐半份， 一份雜菇拼盤。雞煲很快就送上， 服務員也很有效率地過來點火， 我地反應慢了差點連相都影唔切。雞肉炒了一陣子再煮一會就可以開吃。雞件肉份量比我想像中多， 也很嫩滑。其實吃完雞我們都差不多七分飽了， 幸好配料點得不多， 服務員為我們加湯。很欣賞他們的雞煲不很油， 所以加湯後打邊爐不會覺得肥膩。因為雞煲本身很夠味， 用來燙冰豆腐，吸滿湯汁後非常好味。我們手打五寳丸及餃子各點半份， 手打丸非常精緻， 有墨魚丸、蝦丸、鯪魚丸、M5和牛丸及豬肉丸， 食材一看就覺新鮮。餃子餡料也很多樣， 有鮮蝦雲吞、菠菜豬肉餃、韮菜餃、鳳城水餃，和牛餃。其中我最喜歡鯪魚丸及韮菜餃， 蝦丸也很彈牙。最後吃點雜菇， 今晚又完美完成目標了！

天氣凍凍地最好就係食返個 #雞煲 暖暖胃上次食咗個 #麻辣雞煲 🌶️好正今次試下 ✅#芝士雞煲 🧀🐔啦 坐得舒適， 唔大煙油 燈光柔和，服務員很貼心。雞件嫩滑，少骨啖啖肉目測4，5種不同芝士包括🧀車打芝士、🧀巴馬臣芝士、🧀大孔芝士，配料還有大片🧅紫洋蔥、中芹、芫茜，增加香氣偏鹹的芝士湯和嫩滑的雞件 卻非常合拍！ 另外再叫咗 ✅#雜菇拼盤 和 ✅脆魚腩， 魚肉新鮮充滿色澤， 煮熟後白色捲起 十分脆口 最後當然少不了加個 出前一丁， 自製 ✅#芝士出前一丁 回味無窮。 ✅響鈴：king size, 超大卷, 稍為煮下，保持脆度，吸滿芝士汁 ，美味。😋再點了一大瓶 ✅銀菊露 🍹中和熱氣，清新口感 足足6杯有多。傾下， 食下， 輕鬆快活。

☘️已經記不起上一次是什麼時候食米走雞了，記得第一次食是在長沙灣店，對上一次是在銅鑼灣也已經很久了。今次同朋友嚟觀塘呢間應該係比較新嘅，響棟活化工廈the wave 上面！☘️我哋嗰晚好早去，差唔多係第一枱，以為呢度冇乜人知，結果我哋一邊食嘅時候就不斷有客人上嚟，weekday 加上落雨，人都唔算少了。 呢間店地方都好大，裝修有點像西餐廳，而且在門口還有個小小stage 放著結他和mic, 很特別😜☘️呢晚還是點了我最喜歡嘅麻辣雞鍋，上桌就聞到好香嘅香菜麻辣味，服務員還會幫著點上火，在面前一直搗勻，讓火燒了一會就可以吃了！ 我哋叫嘅係2-3人份，大部分都是雞腿肉，而且份量很多，啖啖肉食得好痛快😋😋😋 味道一如既往的好，我哋只係點小辣不過都幾麻辣吓，所以唔食得辣嘅真係要謹慎😂 ☘️食雞食得七七八八就可以叫服務員加湯打邊爐，因為已經有啲飽，所以我哋只點咗餃子拼盤，手打丸拼盤，雜菌拼盤和凍豆腐，呢度有個好處就係有啲食材是可以叫半份的，最適合人少又想食多啲不同種類嘅客人👍 個雞鍋因為本身味道好濃，所以就算加水之後仍然味道很香，都不需要再點調料了！ 這個雞煲確實好味，肯定過一陣子又會再心思思想嚟😜

由於我先生之前食過呢間 返到屋企不斷同我講好好味 決定就去試吓 入到去坐低即刻叫咗傳說中嘅芝士雞煲仲要係多芝士 兩個人叫個大嘅$268 真心都幾多吓 😂開頭食落去都幾好味唔錯芝士味都香濃 雞肉好滑 食到一半嘅時候感覺到好流 建議大家唔使多芝士正常份量就夠 同埋兩個人食叫二份就夠 我哋兩條友仔食唔晒 好彩佢哋服務態度都好好 見我食唔晒問我需唔需要外賣盒 嗰一下感覺到好感動😂😂😂之後加咗水打邊爐 我哋仲叫咗碟半份封門牛 肉味都好濃好淋👍🏻 仲有一定要試吓佢哋嘅響鈴又脆又大嚿最緊要唔會太油 佢哋啲食物都唔錯 最緊要係服務態度都好好 值得稱讚 沿途食嘢嘅時候佢哋都會留意你嘅需要好有禮貌 👍🏻👍🏻👍🏻👍🏻👍🏻

☑️神速上菜 ☑️服務週到☑️雞煲麻辣味強‼️☑️雞肉件件嫩滑 ☑️酸梅湯好好飲🈵6點半到餐廳, 作為晚市的第一批食客, 在QR Code 落單後3分鐘內已上齊雞煲+火鍋菜式, 上菜超級快💨而且服務迅速週到, 店員姐姐會親自幫食客翻炒雞煲, 貼心的店員姨姨亦會主動幫我地加湯, 閒話幾句🥰🔺🐓火焰麻辣雞煲 (BB辣) $198🔺雞煲內有很多配菜及香料: 辣椒乾、洋蔥、中芹和芫茜, 洋蔥很清甜爽口, 吃了很多塊🧅越煮越麻辣, 後勁強勁, 愛吃麻辣的朋友一定很喜歡❤️‍🔥❤️‍🔥❤️‍🔥雞肉份量很多, 每件雞肉都非常嫩滑, 沒有一件是柴口的, 真是「啖啖肉」🤤🔺霜降Prime牛板腱 $198🔺牛板腱富油花、肉質鮮嫩結實✨有肉香, 口感軟嫩, 加上麻辣湯底, 味道份外濃郁🥩🔺蜂巢冰豆腐 $28🔺海棉口感的蜂巢狀冰豆腐 最「索」湯汁, 香醇濃厚的豆味✨口感軟綿, 一口咬下去, 口裡滿滿的湯汁湧出來!🤩🔺解渴酸梅湯(壺) $78🔺🈵滿滿一壺, 份量超足, 味道酸甜, 嘴裡回甘, 既解膩又有助消化, 名副其實「打邊爐消滯恩物」,喝完一杯又可以再次開吃了🥢🔺油麥菜$28 🔺菜色翠綠新鮮, 掛滿湯汁, 咀嚼起来非常脆口

今日同媽咪過黎旺角呢邊行街夜晚同佢去太子～藍馬之城2樓食米走雞🐥 太子站E出口行過黎只係1分鐘2樓全層都係米走雞🐥座位都幾多㗎 完全唔洗等🥹一坐低就比咗QR code我哋落單好方便醬湯每人$16 揀曬要嘅醬料 店員再拎走🫕我哋一黎就叫咗 火焰🔥麻辣雞煲因為媽咪唔算好食得辣🌶 又怕芝士太濟 所以揀咗bb辣火焰麻辣雞煲 2-3人份 $198雞煲好快就黎咗 黎到之後 會先煮一陣 千祈唔好自己開蓋炒 交比店員就得👍🏻時間差唔多 店員就會開蓋 點火 倒麻辣濃湯 再炒啲香味出曬黎 有海量芫茜同洋蔥🧅超級惹味2-3人份嘅雞肉份量好多 又大件而且食得出件件都係雞髀肉🍗 好嫩 一啲都唔鞋口雖然BB辣 但我個人都覺得幾麻幾辣🥹🌶 但好惹味好過癮🔥🔥食完雞煲之後 店員會主動黎加雞湯🫕 然後我哋就開始叫火鍋配料 食肉獸緊係要繼續叫肉 我哋就叫咗五香鮮牛肉 $98 即係滑牛🐮 一黎到份量又係好多 每塊滑牛都大大件 每件都半隻手掌✋🏻咁大牛肉又滑又嫩口🤤 咁樣食一食都已經7成飽 我哋再叫埋推薦嘅鮮製五拼餃 （半份）$64入面有 鳳城水餃 M5和牛餃 鮮蝦雲吞 韮菜餃 菠菜豬肉餃 各一隻一碟就可以試過五種口味 仲要

未坐低之前 員工已經準備好六格嘅調味料喺張枱度俾我哋自己調味火焰麻辣雞煲有兩個份量可以選擇 我哋得兩個人就嗌咗個二至三人份量嘅細雞煲 雞煲一送上嚟已經聞到香噴噴 仲會點火令香味更撲鼻 佢雞煲醬好正 雞肉好嫩滑 而且好多都係冇骨啖啖肉 仲保留嫩口口感 簡直係色香味俱 配料仲有洋蔥 芫荽同埋中芹 食完雞煲打邊爐仲可以揀辣同唔辣嘅湯底 呢個雞煲兩個女仔嘅話會食到勁飽 份量好多見到最近仲有全新推出嘅澳洲頂級和牛封門柳 都有唔少人order 個樣都好新鮮 如果人多嘅話就可以識埋啦 哈哈蝦中寶 蝦膠混入咗蟹籽 芹菜同成隻蝦用料十足 口感爽滑彈牙 蝦鮮味濃鮮蝦雲吞皮薄餡靚 餡料用嘅蝦好新鮮 仲好大嚿紅薯粉食雞煲點可以冇紅薯粉 呢個紅薯粉一放落去唔使幾耐已經熟咗 晶瑩剔透 朔晒啲湯汁 非常入味 另外仲嗌咗午餐肉同埋牛柏葉 餐肉係厚切嘅 牛柏葉比想像中大兜好多 兩款都好新鮮

放工和朋友聚聚，去左依間米走雞，餐廳地方好大，大多客人先食雞煲後打邊爐，我怕太飽就skip雞煲直接開火打邊爐啦。 醬湯費（每位） $18一坐底店員先安排六格調味盒及豉汁供自行調配，然後便可以QR code自助落單啦。 杞子花膠膠原鍋 $168我要靚靚，見有花膠膠原鍋湯底，點可以唔補補骨膠原。湯底偏重胡椒味，飲完好暖胃，鍋內有芹菜、杞子及花膠，杞子好甜，但花膠唔算多亦不夠肥美，有啲唔夠喉。 日本廣島蠔 （6隻）$88在桶蠔同廣島蠔之間猶疑，最後揀左廣島蠔，味道尚算鮮甜唔腥。 哈哈蝦中寶（半份）$68半份有三大件，夾起來好似巨型壽司甘，面層有鮮豔蟹籽，餡料有蝦肉同蝦膠，絕對真材實料。 鮮炸響鈴 （半份）$32響鈴好大卷，索左湯之後好飽肚，點半份是明智的。 油麥菜（半份）$28鮮嫩爽脆，食啲菜當堂感覺健康啲。 鯪魚釀豆卜（半份）$43豆卜細細粒一口一粒，鯪魚肉都幾新鮮。

米走雞真係食過超多次🙈佢地嘅芝士雞煲真係會令人想encore再encore😌😌真係食咁多次都唔會厭😆😆呢間有時仲會有band live睇下，完全係推介之選☺️☺️🥢黃金激量芝士雞煲 $208等勁量芝士徹底煮好之後揭蓋，香氣撲氣未出發先興奮😍😍😍雞件份量都唔少，仲有莧菜洋蔥等等☺️沾上濃厚芝士醬之後，只能慨嘆一句勁邪惡，超好食🙌🏻🙌🏻啲雞仲要好滑身，一啖就啜到入口啦🤩🤩🥢辛辣麵 $24平時雞煲都係加湯打邊爐🙈今次見到咁多惹味芝士醬，就叫咗個辛辣麵直接放落芝士醬入面煮😙細火煮四五分鐘就差唔多，我哋都好怕黐底🥺所以期間都會不停攪拌，而且令每條麵都沾滿晒芝士醬，食落好滿足😍😍🥢五香鮮牛肉 $98厚切牛片幾好咬口，食完雞煲加水再嘆埋五香肥牛片都唔錯架😙🥰🥡鮮炸響鈴 $32手掌咁大嘅響鈴都係第一次試😙😙點埋另外裝開嘅芝士醬真係不得了🥰🥰吸哂啲芝士味，超級邪惡呀😈🥢貢丸、芝心丸各半份 $26/$28半份都有成6粒咁多🥰真係好抵食🤩

每次唔想食辣既雞煲既時候就會諗起米走雞 大愛佢地既芝士雞煲🫶🏻 今次去觀塘分店 環境大 座位都舒適 店員服務貼心 會主動埋黎幫手😆✿ 黃金芝士雞煲 (小) ($208)超邪惡既芝士雞煲🐓 份量夠2-3人食佢地既雞煲可以根據個人喜好去customise👻 芝士份量可以自選 好中意芝士既可以揀激量芝士碎🧀 配料亦可以揀走洋蔥芫茜等等🙌🏻我地要左正常份量芝士碎 不過都有好多 可以拉絲好正😍 佢地用左五種唔同既芝士 熬製足五個鐘 芝士味好香好濃 但唔會好膩 亦都唔會太鹹！雞件份量超級多 全部大大件 仲要大多數用上雞脾肉 食落好滑好厚肉 比濃厚既芝士覆蓋住好惹味🤤食到差唔多就可以打邊爐 可以揀芝士雞湯或清雞湯🙆🏻‍♀️✿ 特級雪花肥牛(小) ($188）揀左細份但都好大碟 夠哂兩個人食🐄牛肉大大塊 雪花脂肪分佈均勻 厚薄適中 入口肉質軟嫩 仲有濃郁既牛味👅✿ 手打五寶拼盤 半份($63)呢個拼盤有齊5款手打丸類 可以一次過試哂🙌🏻 分別有M5和牛丸、鮮蝦丸、鯪魚丸同墨魚丸個人覺得五寶入面最出色既係M5和牛丸同墨魚丸🐮🦑 前者肉質結實 牛味好濃郁同juicy後者用料新鮮 食到一粒粒墨魚料 好彈牙好有