米走雞Deluxe (已搬遷) 新店位置

第一次來這裡吃，十分有驚喜！一坐低就點了，火鍋的湯底及火鍋料，食材來到，發現火鍋料分量大(兩個人吃，沒預料份量挺大，食得十分飽肚)，食材質素高亦新鮮。我們點了的食物如下：皮蛋芫荽鍋 $78脆肉鯇魚腩 $98手打五寶丸拼盤 $88油麥菜 (半份) $24蜂巢冰豆腐 (半份) $24鮮炸響鈴 $52雜菇拼盤 $44出前一丁 2個 $32五香鮮牛肉 $98手打五寶丸拼盤有5款丸，略嫌黑椒牛丸的黑椒太辣，其他丸都很好。聽隔離枱不斷說要食鮮炸響鈴，還向店家職員查詢，才知道原來響鈴是每日約下午四時約鮮炸，日日新鮮。而且每條都十分巨大，比平時在街市買到的火鍋配料包裝的響鈴大兩倍。另外有醬湯費，每人$14，2個人 $28，另加收加一服務費，埋單$622.6。食得十分飽，不過空氣流通方面就麻麻，全身衣服都吸滿了火鍋味，晾起吹了2天火鍋味才消散。

台灣朋友嚟香港玩，梗係要帶佢食啲地道野啦！呢排咁凍，打邊爐之餘，最好就係食埋雞煲😋雞煲人氣之選：米走雞✨因為想比佢食下雞煲+正式嘅打邊爐（而唔係食完雞煲加湯），所以叫咗一個小辣嘅火焰麻辣雞煲（小），同埋惹味沙爹湯底。自選醬料火陷雞煲，一點火再炒一炒，辣味更加濃郁！沙爹湯底未食已經聞到好香，入面仲有啲豬皮，索晒啲味🤤雞嘅份量好多，應該起碼都有半隻雞嘅份量，仲有好多都係雞脾肉，嫩滑又入味。小辣嘅麻辣啱啱好，麻多於辣。另外洋蔥好入味，又甜又辣👍🏻特級雪花肥牛（小）肉同脂肪嘅比例啱晒我，肉多而脂肪少，顏色仲好靚，食落重牛味，正！西班牙黑豚肉雖然脂肪就比較多，但食落去好爽口又嫩滑，一啲都啱會韌😋蜂巢冰豆腐（半份）最鍾意佢索晒啲湯，小心咬嘅時候會好多汁🙈蟹粉丸（半份）台灣朋友覺得香港人打邊爐好多丸，好多都好好食😆蟹柳，廚師腸（各半份）蟹柳唔係平時啲假蟹柳咁，淥一淥就食得。大部分野食都可以叫半份，如果人少少又可以叫多啲款👍🏻炸魚皮配沙爹湯底一流，如果大塊啲就更加好食！娃娃菜顏色比較黃，但食落都幾甜。台灣朋友食完大讚，仲話除咗麻辣火鍋就係雞煲打邊爐最正🤣😍

久違的約會，當然要聽太太話去食她的至愛︰辣雞煲。 放工後馬上跑去找坐位，好在地點不難找，時間亦早，人不多，順利找到有利位置。然後就可以慢慢由前菜開始，先點了個開胃菜。 酸甜青瓜皮 青瓜皮十分之爽口，每一口都是索索聲，而且酸度十足，十分開胃；旁邊的紅辣椒並不惹少，單單咬一口已經辣到不得了。 竹蔗茅根 食辣雞煲不可或缺的飲料，既解辣，又清熱，味道清甜，一樽的大小剛好讓我們支持到食完整個雞煲為止。 等待雞煲的時候，侍應會送上自助調味料。 我們亦按喜好調好自己的調味豉油，可惜的是，雞煲已經很有味道，調味豉油只輕輕用了幾次。 雖然是太太要求食辣雞煲，但我們都只是點了BB辣的火焰麻辣雞煲(小)。 當侍應送上辣雞煲時會為它點火，令它變成看得出的火辣。 然後侍應會慢慢地將所有材料加熱、攪拌。 最後加上BB辣汁繼續攪拌，令每一件雞和材料都沾上辣汁。 其實BB辣已經足夠為雞煲帶出它的香和辣，這種香辣令人欲罷不能，一件雞接一件雞地食。主要伴菜是洋蔥，炒過的洋蔥又香又甜，和辣雞同樣吸引。 食夠辣雞煲，之後就是加湯，開始打邊爐的時候。 食完一輪肉，當然要食點菜中和一下。 翡翠苗(半份) 亦

一直久仰芝士雞煲嘅大名，今日終於夾到時間同朋友一齊嚟。坐低左好快就有醬料送上。非常多嘅芝士碎，大概等左8分鐘左右，啲芝士就完全溶晒，可以開餐啦！涼菜方面叫咗皮蛋。另外仲有酸青瓜皮，味道都真係幾酸。我哋叫咗普通份量嘅芝士，其實都算多。 $238四人分享嚟講，都十分抵食。每舊雞都大大件，啖啖肉。因為芝士實在比較肥膩，所以配菜叫嘅嘢都係蔬菜類為主，大致上新鮮。餐牌上面可以叫嘅種類都幾多。服務方便可以細心少少。當我地想要啲水，冇諗過侍應會比左四杯滾水俾我哋，有啲滴汗。

今日收工約了個很久沒有見面的朋友，於是在他工作附近找一個期待已久的地方，食期待已久晚餐。這間餐廳比我嘅印象就有啲似特色嘅火鍋店，當我打開個餐牌時候時發現選擇好多呢，除咗傳統嘅火鍋配料之外呢，另外再配上一個很少火鍋店會用上的配料做中式鍋底。這個就是芝士：我選擇了一個黃金芝士雞喎，這個給我預計好明顯的不同，可能這個芝士嘅濃郁嘅香味之餘而又沒有掩蓋雞本身應有嘅味道，而啲雞肉本身食落去好滑，再加上只是在鍋裏面的芝士加熱時像溶解的雪糕一樣香滑，配合真的不錯。當我把雞食完，跟著加上清湯，因為不想太多其他味道掩蓋左這個咁好嘅芝士底味。再配合上肥牛：這個牛肉油花非常之充滿，當煮熟的時候牛肉的本質非常之細滑而且牛肉味非常之足夠簡直可以喺口裏溶化。蜂巢冰豆腐：這個豆腐冰了之後非常之不同因為豆腐會變成好多氣孔吸收左湯嘅精華，當品嚐嘅時候，那些感覺像吸了水的海綿一樣，完全可以在口裏噴出來，感覺上相當有趣。wasabi 墨魚丸：這個好特別，估唔到Wasabi配墨魚丸咁出色，墨魚丸好彈牙，感覺又有Wasabi搶喉的感覺，真係令我一試難忘又複雜的味道。

今日出開街去左剪髮準備過年，一早出門口，到攪完個頭已經4點幾，所以約左老公出去銅鑼灣食飯，因為太肚餓，又凍凍地，想打下邊爐，所以就上openrice search下食乜好，終於揀左呢間，點解?  因為呢個芝士雞煲夠特別，未試過，所以中左上去，好彩walk-in都算快有位。一坐低，店員好快拎左醬料比我地揀，唔記得打開晒來影相，嘻嘻，呢個兜幾靚下，有蔥花，芫茜，芝麻，辣椒仔等等...... 任君喜好選擇😚有好多不同湯底選擇，我🙋‍♀️就二話不說就點了個2-3人既黃金芝士雞煲($178)，第一次咁樣食，怕會太膩，所以點左普通芝士碎，店員講解要等大約15分鐘，等d芝士碎溶晒先可以食。d芝士終於溶晒勒，嘩，即刻開動筷子，先夾一舊雞食，正啵😋夠滑，加埋d芝士一齊食，濃濃芝士味好正😍睇下，真係好多芝士，仲係拉絲架，同埋入面d洋蔥係好好食😋當食晒d雞之後，就可以加湯打邊爐，有2款湯(芝士湯或清湯)可以揀，避免太肥膩，所以揀左清湯。火鍋配料選擇多，因為食左個芝士雞煲已飽飽地，所以只係點左4款配料。特級雪花肥牛(小)  $158每塊肥牛都好大塊，真係不得了，而且睇下d牛肉油花分佈幾靚，牛味又夠濃😍😍另外點了

天氣咁凍最好就係打邊爐，朋友竟然未食過麻辣雞煲，當然要同佢試一試。呢間米走雞相對坐得舒服，卡位設計，地方都幾乾淨。上次食過芝士雞煲香濃creamy ，今次叫了一個小的麻辣雞煲。小的大概有半隻雞份量，兩三個人食就剛剛好。配料有大量洋蔥，芫茜辣椒。店員會喺你面前點火，好有視覺效果！等到滾起就食得喇，叫左小辣，所以只係淡淡的辣，雞肉都算嫩滑而且入味，洋蔥索左甜甜的醬汁一齊食好惹味。食完啲雞件當然要加湯打邊爐。點了幾款火鍋生料。朋友想食牛，點了個小份，手切新鮮牛頸脊，但份量都算多，而且肉味不俗，又有牛油香味。手帶鮮墨丸一碟有八大粒，入口彈牙爽口，有粒米墨魚肉。鮮炸響鈴質地更薄更酥脆，沾湯食一流！帶子片解凍得沒有雪味又唔腥，份量適中。食完之後朋友都對雞煲改觀，話下次想再戰芝士雞煲呢！

一冬天就超級想打邊爐，所以除咗屋企會打之後，成個十二月約朋友食飯都係打邊爐多今次嚟到喺銅鑼灣既米走雞食雞煲，見佢有麻辣雞煲同芝士雞煲兩款揀，我地二話不說就立刻揀咗芝士雞煲仲要揀多芝士哈哈哈好快個煲就嚟咗，超多芝士放喺面頭，然後一開爐啲芝士就會慢慢溶落放喺下面啲雞度，令每一舊雞肉都會有好濃既芝士味！兩個人淨係食個雞煲已經半飽，之後我地仲叫咗啲火鍋配料，我地叫咗羊肉片、包心丸、豆腐、鮮冬菇、廚師腸同生根羊肉片份量都幾多，羊肉味重，碌落芝士湯底度食，意外地夾喎！芝士湯底本身有既鹹香令羊肉味更出，正！另外冬菇又係一份好多粒，仲要大大粒，朋友食得好開心哈哈。係好開心又滿足既一餐呀係~下次一定再嚟食！

天氣開始轉涼啦， 又踏入打邊爐，食雞煲嘅季節啦～☺️ 食過咁多間芝士雞煲， 小編始終覺得「米走雞」嘅黃金芝士雞煲最好食～😎 所以今次就黎食過返尋味！😆 米走雞有兩種主打雞煲🍲： 「黃金芝士雞煲」和「火焰麻辣雞煲」。 除此之外，仲有其他湯底可選擇， 如香濃豬骨湯、惹味沙嗲湯、四川麻辣湯、粟米蕃茄豬骨湯等。 黃金芝士雞煲（2-3人）（$178） 身為芝士迷，梗係要加激量芝士啦！ 重點仲要係唔洗加錢，正！😎 雞煲一上枱，就見到全部雞件都被芝士重重覆蓋着，未食都已經流晒口水～😌 店員幫我地開爐，慢慢將芝士熱溶， 令到每一件雞件都沾滿熱溶芝士醬， 混合了超過5款芝士，超拉絲，「芝」味十足！ 店家採用了比較多肉嘅雞脾肉， 並預先用秘方醃製過和烤炸， 和芝士捲着一起吃，味道相當惹味！👍🏻 火鍋配料種類繁多， 由肉類、海鮮、蔬菜及菌類、丸類，粉麵等，共60款之多， 值得一讚的是有些配料可點半份或全份， 啱晒二人撐枱腳、小聚會或想試多款不同配料嘅foodie。👏🏻👏🏻 之前係到食過美國桶蠔， 今次試下日本🇯🇵廣島蠔（$88）啦！ 一份有四、五隻，個頭和份量都算合理， 不過味道略比美國桶蠔遜色，

一向都好中意食雞煲既我，今日終於約到朋友陪我一齊食芝士雞煲！我跟朋友大概8點到達餐廳，餐廳座無虛席，非常熱鬧!坐低後，店員給予我們自助醬料調製醬汁，不過其實最後係唔需要用到的!黎得呢間餐廳當然要試他們的芝士雞煲，兩個人叫小的便夠食了!而芝士份量亦可以揀選，我跟朋友都是芝士怪，所以揀選了激量芝士!大概5-10分鐘左右，店員便把我們的雞煲放在爐上，見到D芝士真係好多，好似好正咁!大火加熱大概10分鐘左右，店員便示意個煲可以食了!枱上有張紙提示我們先不要攪伴，味道會更佳。一開煲蓋，見到超厚又溶左的芝士已經好興奮，仲可以拉絲的!黃金芝士雞煲(小)($178)，芝士不算好咸，味道剛剛好，而且食落又唔會好漏。這裡的雞件都好大舊多肉，雞肉嫩滑，有雞的鮮味!煲裡還有好多洋蔥，洋蔥很多汁可減低食芝士會食滯的感覺!食完個雞煲就可以點火鍋配料加湯打邊爐!而芝士雞煲的湯可以揀選芝士湯或清湯，避免會太漏的關係，我們揀選了清湯。因為食完個煲其實都有少少飽的感覺，所以配料只是點了幾款!特級雪花肥牛(小)($158)，沒有諗過佢細既份量都好多，我地兩個人每人都可以食到差唔多8、9塊，牛肉有牛的鮮味，厚薄適中，配上芝士

天氣凍凍哋, 又到咗打甂爐嘅好時間. 今次選擇咗雞煲+甂爐.一來就先叫咗個<<黃金芝士雞煲(小)>>一大盤雞件, 加上滿滿嘅芝士粒,未食已經聞到濃郁嘅芝士香味!!等到芝士熔哂就食得. 真係啖啖芝士啖啖雞!! 雞脾肉嫩滑, 芝士拉絲, 仲食得出起碼有兩款不同嘅芝士, 就連洋蔥都好食! 不得不讚服務員, 會主動換骨碟, 又會幫手睇火怕你燶. 食哂雞件就會幫你加湯, 有芝士湯同清湯揀, 準備打甂爐啦.先睇醬料: 莞茜、蔥、生蒜、芝麻、辣椒同熟蒜, 任君選擇.<<手打五寶拼盤>>五款丸, 好大粒. 個人特別鍾意墨魚丸同蝦丸!!<<廣島蠔>>隻隻肥美有鮮味, 打甂爐一流!!  蔬菜我選擇咗油麥菜同生菜, 夠爽口, 夠新鮮! 再飲勝埋罐可樂, 真係飲飽食醉暖笠笠 !! 

經過銅鑼灣想食雞煲上網見呢間啲人評價唔錯之前係旺角已經想試架啦 今日終於試到入到去感覺好乾淨坐底店員好快就俾左調味盆蒜、葱、芝麻、辣椒、芫茜全部有我地最後叫左呢度最出名既芝士雞煲落單等左10分鐘左右就送到啦芝士好足料 非常邪惡啲雞都算滑 唔會咸仲好大舊由於佢係2-3人份量 我地兩個人食完已經有少少飽 同埋膩 所以加湯打邊爐就無叫好多野叫左娃娃菜、蟹棒同芝士丸全部都洗得好乾淨加湯可以揀清湯/芝士湯因為太膩了我地揀左清湯加完仲有好濃既芝士味 大讚男朋友鐘意食辣 下次會試埋辣個款到時再報告！

久違了的雞煲!想當年一開始有雞煲的時候我是何等興奮, 重口味, 多肉, 熱辣辣的表表者, 不能不數雞煲!朋友找來公司附近的雞煲店~四人行, 剛好坐卡位, 最舒服!但坐久了發現這裡的間隔比較吵耳.. 明明已經坐卡位卻聽不到對面的人說話..  配料不用走來走去, 配料送到面前添加是必需的. (代表懶人心聲)配料沒有特別, 但需要的都有.  火焰麻辣雞煲 (大)(小辣)     $228職員等我們準備好, 拿起火槍, 即席炒雞煲!藍色的火焰, 很有氣勢! 氣味撲鼻, 很是期待~味道很濃, 但有點偏甜. 另外小辣太輕, 下次最少要叫中辣. 整體不過不失, 是預想中的質數, 還可以.  鮮炸響鈴     $52六大條, 價錢算不錯喔!基本上就這樣吃就已經很讚, 沾湯也只能沾半秒喔! 雖然現在週圍都有鮮炸響鈴, 很難脫穎而出, 但還是百吃不厭的項目! 特級雪花肥牛     $218朋友們對牛肉沒有特別要求, 就叫個最基本的肥牛片吧~ 份量還好, 但比較瘦沒有很香牛肉味. 雖然也不差, 但如果下次再來的話, 會點別的.  手打五寶拼盤     $88嘩! 有嚇倒!! 很大一顆有沒有!!!全是真正手打

為食脆一直好想食雞煲，今次和朋友一齊約食芝士雞煲，仲有得打邊爐，聽到都勁興奮。餐廳環境座位好大又舒服，牆壁仲有不同的畫。餐廳主打芝士雞煲，打邊爐又得~菜單上有芝士程度和辣味隨您選擇，今次為食脆二個人食一個小雞煲先。期待的芝士雞煲嚟啦!香香香仲好拉絲tim~芝士雞煲除了大件鮮雞肉，芝士，洋蔥，紅洋蔥和芫荽配料，好味道舔舔脷!食完嘅雞煲，有胃口開始打邊爐，就可以叫人加湯啦。醬汁配料打邊爐必食必點的鮮炸 響鈴，King size咁，大大件，差的放晤到口，完全索湯，好入味。竹笙好長又好食，好少地方有得食!翡翠苗金菇打邊爐點少得竹蔗茅根涼茶，仲要勁大壺。

聽左咁耐芝士雞煲呢樣野，真係第一次的起心肝去試一試，聽講係佢地鋪頭自己研發既拉絲芝士雞煲！一坐底就見到佢地好貼心既餐紙！介紹左點樣食係最佳味道，配咩材料係最好，除左芝士雞煲仲有另一個選擇-火陷麻辣雞煲，見到隔離枱叫左，仲要真係用火槍燒著啲雞係面前煮一陣，啲香味飄曬過黎，都真係心郁郁想食兩個煲😂落完order後，侍應就放底調味料俾我地自己泡製！全部野都好乾淨企理！黃金芝士雞煲 $148主菜黎啦！焗左5至10分鐘，一拎起啲芝士味出曬黎，好想逐件雞拉絲比朋友睇😂 佢地原來用5款芝士mix埋而成，唔怪得食落唔似平時食個啲芝士火鍋，多左好多層次感，仲要每一件雞都超大舊！又要捧住大肚腩翻屋企！芝士+公仔麵 食曬啲雞後加水打邊爐，見佢餐紙推薦，就即管試下！本身都好奇已經係芝士湯底，點解仲要再追加芝士，原來放係面上再食更加出味，有啲似韓國部隊鍋既感覺，但就少左分辣味，唯有自己加啲調味搭救！建議就煮好啲公仔麵先落塊芝士，唔係好快溶曬。鮮炸響鈴 $48都係佢地推薦菜之一，係佢地廚房自己整既！好豐盛，完全無得同出面個啲響鈴比😂 搞到都想自己學炸響鈴，整體黎講係夾芝士，但因為食得太多雞啦！最後都食唔曬！