米走雞Deluxe (已搬遷) 新店位置

曾經食過米走雞在長沙灣的分店，當時覺得很好食。今天就來到銅鑼灣分店，再食雞煲。走入餐廳，感覺裝修高級舒適。深啡色的座位，白色的餐桌，牆上還掛著數幅色彩繽粉的圖畫，畫中是香港優美的景色，增添了格調。我們點了小煲的芝士雞煲，選擇了普通份量的芝士。當店員送上雞煲時，只覺普通份量也算很多呢。耐心等待雞煲煮熱，芝士融化。香味慢慢散發出來，令人期待。店員還會幫我們留意雞煲是否可以進食，服務不錯。我們急不及待夾起雞塊，芝士黏著雞塊形成拉絲效果，陣陣熱氣升起。雞塊都是厚肉少骨的，入口充滿芝士鹹香味，雞肉濕潤嫩滑，令人一塊接一塊地食，真的很滿足。食完雞塊，煲内還有很多芝士，加入清湯之後，就可以打邊爐了。五香鮮牛肉，色澤鮮紅，份量不少。在湯底中灼至啡色，便可以食到鮮嫩的牛肉，而且還有陣陣五香味。竹笙雪白，一片片整齊地排列在碟上。煮熟後，口感爽口，吸收了芝士湯的精華，鹹香鹹香的。食了那麼多肉，當然要食多些菜。生菜青翠新鮮，稍為灼一灼，入口「嗦嗦」聲，十分爽口。我們還食了貢丸和出前一丁，都是不錯的火鍋食材。

今日天氣涼涼地，和朋友在銅鑼灣突然想打邊爐暖暖個胃，但是普通的火鍋已經吃到有點悶，就想起特式芝士雞煲，記得在渣甸街有間米走雞，就立即上去看看有沒有位。這間米走雞位於渣甸中心三樓，幸好有位，餐廳面積都算大，部份檯更有廉分隔，值得一讚。我們點了二至三人份量的黃金芝士鍋，可自選芝士份量，侍應都細心建議我們不要點太多芝士，會太濟吃不下其它食物，我們只選了普通，上檯時不禁大叫一聲麼多芝士和大鍋，單吃雞鍋已經飽了。吃完芝士雞煲就輪到加湯火鍋，再另外點了秘製牛坑腩、油麥菜、蜂巢冰豆腐、貢丸、魚皮餃、出前一丁、七喜、Coke zero黃金芝士雞煲 - 份量十足，芝士味極重，人生第一鍋芝士雞煲，雖然有點濟，但是好有滿足感。秘製牛坑腩 - 燜到軟硬適中，酥而不爛，味道香濃。總評：吃完超滿足，下次來會試火焰麻辣雞煲。

米走雞有兩種主打雞煲，分別是"黃金芝士雞煲"同埋"火焰麻辣雞煲"本身都好鍾意食芝士同麻辣，兩樣都好想試。不過朋友咁岩唔係好食辣，所以叫左黃金芝士雞煲。佢仲可以免費加激量芝士，真係正正子!!一上枱，見到成煲都係芝士，重重咁覆蓋住D雞，見到都流晒口水😌之後店員幫我地開爐，好快芝士慢慢溶化，令每件雞都沾滿溶左既芝士!!其實佢除左食雞煲之外，仲有好多好野食，可以打邊爐。好似肥牛﹑海鮮都唔錯。見隔離枱叫左呢幾樣野都好新鮮，下次可以再黎再試下。不過由於個芝士煲太足料，我地食完雞煲已經好飽LU。所以叫多左烏冬﹑餃子同豆腐就算。我想講俾大家知，呢個烏冬同芝士又係一絕，非常好味，大家之後黎可以試下!!!

今日同幾位朋友去銅鑼灣 shopping, 行到夜晚肚餓要搵嘢食。大家都想打邊爐，所以我哋一行幾人就去左米走雞打個靚邊爐。入到食店，感覺舒服，環境開揚，座位寬敞。而食店的湯底有很多選擇，我哋就點了蕃茄粟米湯底。食物方面，各款食物質素都有水準。牛肉紋理分明，脂肪分佈均勻，一淥就熟，牛香易嚼，美味可口。此外，雲吞大大粒，非常足料。餡料豐富且彈牙可口，表現不賴。白鱔片爽脆大片，打邊爐恩物。我哋亦叫了鯇魚片，與白鱔片各有特色，也都好好食。至於豆腐，我欣賞食店用布包豆腐，豆腐質地會較實，打邊爐唔容易散。烏冬提供稻庭烏冬，真材實料，彈牙滑溜。滑雞片估唔都真係好滑易嚼，雞肉質素幾高。蔬菜係女生至愛，份量合宣，而且蔬菜洗得乾淨，食落非常放心。食店職員服務殷勤，態度積極，對食客有禮貌。整體感覺非常舒服，我下次一定會再嚟。

鐘意呢道既原因因為呢道坐得舒服抽風設備做得唔錯服務都幾友善同埋我真係好鍾意食呢度嘅麻辣雞煲！店員先加入酒再點火 令味道更為提昇瞬間香氣撲鼻 非常吸引雞件大大件 好有質感辣汁令雞肉更添滋味雞肉好嫩滑 令人回味無窮洋蔥同香料好足 令雞煲味道更有層次食完就可以加湯打邊爐啦 特級雪花肥牛 (小) $158份量遠超想貨 好大份而且質素好高 肉質好鮮好嫩肉味亦都好濃 超正既必點之選之後點左幾款火鍋配料貢丸既冬菇香味好濃郁口感好彈牙 加上內粉絲同蒟蒻都幾爽口吸哂麻辣湯汁既精華 好過癮同惹味

最近天氣轉涼，當然去打邊爐啦，原來在觀塘都有一間米走雞。以前在太子食過一次，但這店的裝修與別不同，具豐富情調，燈光暗淡，令人感覺不少浪漫氣質。環境舒適，也有足夠空間感。8時正還有 live band睇呀。這店材料非常新鮮，我們選了箱降和牛，四寶丸，韭菜餃，羊肉，午餐肉，烏冬。都吃得我們津津有味。和牛肉質軟棉棉的，脂肪很少，入口充滿新鮮的鮮味，值回價錢。羊肉方面，也不會太多脂肪，鬆軟的肉質，令人感覺很開胃。我們選了一個芫荽皮蛋湯底，一開始火鍋配料有不少，有粟米，蘿蔔，西芹，紅蘿蔔，令湯底味較為香甜。其他火煱食品都令人滿意，丸類值得一讚，真材實料。份量合理。

未食過咁難食嘅雞煲，唔明點解個湯係甜嘅好似加咗糖咁樣，好難食剩係得個甜味同辣味，一啲都唔香唔好食，仲要收每人$14醬油費，虎蝦係又梅又老，間舖得三台客，唔明點解呢間鋪會咁多人推介！垃圾！

天氣突然又轉涼，最啱打邊爐。小兔子又話未曾食過雞煲，記得朋友之前有提過米走雞既雞煲，又俾我地行下行下見到佢地嗰水牌，咁就黎試下新嘢。好在我地早黎，坐到卡位。原來訂枱嗰d先有卡位坐。下次再黎都要記得先訂枱。環境都唔錯， 地方好闊落，擺滿餸都仲有位淨，唔錯唔錯。服務好殷勤，貼心。食物有質素。朋友真係無介紹錯。 好滿意 😋😋一坐低就侍應送上調味料架，好企理，乾淨。睇下有咩食先， 有個自創嘅芝士雞煲，獨家火焰麻辣雞煲。價錢$168- 238。 如果唔想食雞煲，都仲有其他湯底價$78-$208。 任君選擇。由於小兔子想食雞煲，就唔考量湯底喇。但我哋掙扎咗好耐，到底要芝士定係麻辣。 因為我哋兩個都唔食得辣，但又想試辣嗰個。 然後有位侍應姐姐可能見我地有選擇困難症，好熱情咁黎協助我哋揀。最後佢建議我地可以揀bb辣既麻辣雞煲 (即係得半隻辣椒，最低辣度嗰種) 然後煮雞煲嘅時候，辣油就淨係落一半。如果唔夠辣，先再加埋淨低嘅辣油。真係好彩多得佢，我哋真係連bb辣都頂唔順。😅😅😅 最終都無落哂d辣油。除咗麻辣雞煲，我哋仲叫咗日本帶子，翡翠苗，蜂巢冰豆腐，芋絲，雞髀菇，紅薯粉。 食咁多嘢，計埋醬油錢，加一，都

究竟我D朋友有幾鐘意打邊爐？答案係好鐘意，其實打邊爐無乜唔好，又可以食耐D，笑得大聲咗又唔會比人眼望望 😅所以明明前兩日先食完火鍋，今日就約咗兩個朋友食飯兼傾下黎緊既韓國之旅，我同呢兩個朋友都幾鐘意試唔同既火鍋店，今日就去咗米走雞DELUX。呢度最出名係黃金芝士雞煲同火焰麻辣雞煲，朋友話好多人推介芝士煲，但我怕食完食唔落其他野，所以今次我地就揀咗個火焰麻辣雞煲試下。2-3人可以揀個細煲，而且仲有辣度可選。個煲上檯後會先煲一陣，之後服務員會用火槍燒向雞煲，再炒下D雞，食得，果然火氣十足。煲內有洋蔥，芫茜，芹菜同辣椒，非常香口，而每件雞都啖啖肉無乜骨，我地叫個個係少少辣，第一口食時有D似咖喱甜甜地，好入味。雞煲應該係主菜，食完都飽咗六成，服務員見我地食到七七八八就幫我地加入湯底，我地再點咗生𧐢、黑豚肉、麻辣豬肉餃、竹生墨魚滑、山藥⋯⋯。生𧐢夠鮮又厚肉，山藥好少有係火鍋料出現，廉廉地食落感覺健康，唔會因為食得多咗內疚今日又食都好飽，聽日又要節食啦。

話哂係 #新年，#小秘書 梗係要約多啲 #已婚人士 出嚟逗吓 #利是、資助吓我呢個 #N無 人士啦🤣 可惜撞正 #小秘書 呢排 #感冒、唔係好舒服，所以都係得個 #講 字😅呢次出嚟除咗係 #小秘書 同 #朋友 第N個 #開年飯局，另外一個目的就係要為我哋個 #春季旅行 作好準備🤗 我喺呢日揀咗 米走雞 (銅鑼灣渣甸街50號渣甸中心3樓, Hong Kong) 做基地，貪佢地方無咁迫，方便我哋呢班 #嘩鬼 #高談闊論😝 #小秘書 本來好想試吓佢哋個 #芝士雞煲🧀，不過其中一位朋友話怕太heavy，一向就得人嘅 #小秘書 當然唔介意轉食 #麻辣雞煲🌶 啦😬為咗唔想 #小秘書 #病情惡化，大家都遷就我要咗個「微辣」雞煲🙏🏻 唔知係咪臨近 #情人節 關係，#廚師 嘅心情都應該特別 #sweet，就連 #雞煲 個 #湯底 都做得特別甜😏 不過配襯埋火鍋裡面嘅雞件同配菜，味道又幾夾喎👍🏻 其實 #小秘書 食哂個 #雞煲，已經起碼有七成飽👉🏻👈🏻 但係又點捨得唔加啲 #小食，#一舉兩得 嘆埋個 #火鍋 吖🥳因為呢日我哋人唔多，所以食物都以簡單為主😋 #米走雞 嘅 #響鈴 好鬼大碌，齋係食佢已經夠飽肚

有朋自遠方來，不亦樂乎？早排有外國朋友嚟香港玩，當然要帶佢試下香港嘅雞煲同打邊爐啦！為咗等佢可以食到雞煲之餘，又可以食到其他湯底嘅火鍋，我地就分開咗兩個鍋。先講下個雞煲，我地叫咗一個少辣嘅雞煲（）😍雞煲比較有驚喜，之前食過嘅雞煲都比較乾，肉質比較結實而且味道太重，可能因為為咗加水之後嘅火鍋唔會咁淡～但係呢到嘅雞煲嘅雞的確係比較滑同嫩，而且仲好入味！一行五人去，叫一個兩至三人份量嘅鍋都已經好足夠，因為雞件比較大而且啖啖肉，值得一讚👍🏻米走雞嘅火鍋係網上評論都幾好，今次試咗我地香港人必叫嘅沙爹湯底～沙爹湯味濃郁，而且仲有加咗一啲食材入去熬，比起出面只係得湯嘅火鍋好得多。火鍋配料上叫咗好多，首先係手切雪花肥牛，叫咗個細份，但份量夠多，牛味重，入口嫩滑～😜 另一份叫咗西班牙黑豚肉，薄片豚肉食落肉都有口感，肉質好結實！本身質素好，就算唔點醬都好入味呢，價錢性價比高！其他食物方面，值得一提嘅係鮮製雲吞，韭菜水餃同埋墨魚丸！雲吞蝦多又爽口，而且食落啖啖肉，代表雲吞夠足料。韭菜餃係我嘅最愛，餃子最重要就係餡料要夠新鮮同埋香～墨魚丸好似乒乓波咁大粒，而且好爽口彈牙，夾埋沙嗲湯一流啊👏🏻鮮炸嚮鈴好大

今日約左一個好耐無見既朋友去食佢想食好耐既芝士雞煲，我地約左6點鐘，上到去唔洗等就有位坐。坐低左之後侍應就送左一堆配料比我地撈醬汁，順便叫左一個細芝士雞煲。好快芝士雞煲就送上黎，我地仲揀左激量既芝士，好邪惡好滿足呀！除左芝士同雞之外，仲有好多洋蔥食，d洋蔥入哂味呀。雖然食完d雞都好飽，但又會心思思想食多d，我地就叫左金針菇，生菜同娃娃菜，魚皮餃。最重要既就當然係公仔麵，加埋d芝士就一流呀！食完呢餐之後我地成身咩味都無，又好滿足，食完呢餐之後就要努力減肥！

雞煲平日就食得多，米走雞的雞煲出名品質較好，今晚決定與友人一試。餐廳地方闊落，座位舒適，很適合一班朋友聯誼聚舊。我和友人先點店家名物火焰麻辣雞煲(小)($168)。雖然是小份量的雞煲，雞件的份量很多，亦夠嫩滑。最驚喜的是待應會在客人面前點火，視覺效果一流。雞件嫩滑，帶麻辣香，值得推介!吃完雞煲後，店員會把雞煲加湯變成火鍋，可選清湯或芝士湯，我選擇了清湯。點餐紙有不少火鍋配料可供選擇，今晚和友人想吃得清淡一點，選擇了菜和雜菇拼盤，蔬菜份量夠大，新鮮爽脆。日本廣島蠔，鮮味十足，與麻辣湯底很匹配。米走雞的雞煲性價比高，難怪一直人氣高企。

朋友喜愛吃芝士雞煲。 今次相約去到一間位於銅鑼灣的食肆。 此店的名字頗有趣 --- 「米走雞」。桌上已有享用「黃金芝士雞煲」和「火焰麻辣雞煲」的步驟，一目了然，好讓客人先了解, 頗細心。點菜紙上還有其他鍋類丶海鮮丶肉類丶蔬菜丶丸類丶飲品, 甚至甜品, 食品種類頗多呢。我們先點了一個激量芝士碎的「黃金芝士雞煲」和一壺「竹蔗茅根」和一杯「咸檸7」。 店員隨即送來調味料, 好讓我們自行調校用來吃火鍋的調味醬汁。 竹蔗茅根 : 不太甜, 是吃火鍋的好配搭。 黃金芝士雞煲 : 真的有很多芝士碎。當雞煲滾過來, 店員把煲蓋打開, 芝士已完全融了。 我們可開始我們的晚餐 芝士雞肉好滋味, 肉嫩多汁之餘, 厚肉少骨在我們吃完雞肉後, 店員在鍋內加上上湯, 我們便可吃火鍋。 蒙古羊肉片 : 大大片的羊肉片, 羊肉味不會被芝士火鍋蓋過。 五香鮮牛肉 : 新鮮嫩肉。 爽脆豬頸肉 : 真的十分爽口。 芝心丸 : 半份即五顆。 丸内是芝士, 愛吃芝士人士必喜。

今日朋友邀請，嚟到鼎鼎大名嘅咪走雞食雞煲。醬料嘅種類算係好基本， 不過其實芝士雞煲都好夠味，唔需要用到太多。我哋叫咗個四人份量嘅芝士雞煲，普通份量嘅芝士，睇起上嚟都幾多。因為芝士比較飽濟， 以後嘅湯都選擇咗清湯，唔考慮再食芝士湯。值得一提嘅係，作為一個四人份量嘅芝士雞煲，就咁叫雞煲都好飽肚。雞件啖啖肉，認真名不虛傳。配角方面，我哋叫咗牛脷，新鮮同埋切得好薄，口感好，冇乜筋。叫左鮮製四拼餃，因為三心兩意揀唔落手。