米走雞 (太子藍馬之城)

营业中

休息中

之前都知道長沙灣有依間芝士雞煲, 但一直都比較少去長沙灣, 今日咁岩出去太子, 所以就BOOK左太子分店一試!好多朋友一聽到我今晚食雞煲就話: 下! 夏天咁熱仲食雞煲!其實依個係一個非常之大既謬誤, 請明白係一個夏天既晚上身處係一個開足冷氣既地方食雞煲係一件好正常既事, 請不要幻想我滴哂汗咁坐係街邊食雞煲雞煲係一樣四季皆宜既食物!雞煲一上台就見到佢既誠意, 滿滿既芝士粒同洋蔥!而雞件亦都係爆哂分! 件件都係多肉少皮少骨, 真係抵讚既!叫左碟前菜 - 紫薑流心皮蛋真係超級流心, 而紫薑唔會太酸, 反而食食下雞煲得閒食幾條仲可以沖淡下太膩既芝士鮮炸響鈴真係未食過咁大條, 不過索哂D芝士湯底食對我而言就真係太HEAVY, 我怕食唔落其他野, 所以最後無食哂打包走, 無做大哂鬼 由於我太鍾意食雞XD, 所以食雞煲點滑雞片係冒住俾女朋友鬧既風險而叫既! 雞片醃既酒味過濃, 但雞片好滑, 皮都唔多紫菜非常好味, 爽爽地, 好似紫菜湯咁, 唔會太咸, 配埋芝士都好好味, 亦都唔多地方有得叫, 絕對推介一試!哈哈蝦中寶 - 依個係類似蝦滑包住原隻蝦 再係上面鋪上蝦子! 食依個唔想D蝦子無哂, 可以將D

朋友推介米走雞嘅《芝士雞煲》好正，即刻約同樣係芝士怪嘅朋友去食。星期五晚特登早少少去食，驚排長龍。結果一去到就入得！因為第一次食，對間餐廳嘅食物分量無咩概念，結果食剩左好多。下次唔敢啦！其實係想讚米走雞嘅食物分量好足！就咁一個《芝士雞煲》其實已經夠飽（2人份）🙈加個即食麵真係perfec池!都有少少野彈下，食火煱類野，通常都會叫jar《 竹蔗茅根 》。諗住貴極有限，無睇幾錢就叫。埋單先知差唔多成70蚊。似乎貴左d喎...個人意見: 芝士雞煲好似同牛肉唔多夾。

每年生日都係呢位好朋友同我食第一餐生日飯, 相識15年. 有9成半都係第一個同我慶生. 真係好感動呀. 我地連續三年都去咗TST食Buffet. 因為可享用生日優惠唔洗錢. 2人只比一份錢. 但今年朋友話唔好再去同一地方. 她決定係旺角搵食. 她終於決定去旺角食芝士雞煲. 聽落好吸引. 去啦!原來間餐廳叫 “米走雞” 專門食芝士雞煲的. 當然有其他選擇. 去到間餐廳都幾大. 坐位寬敞. 燈光火猛.芝士雞煲細嘅. 舖滿芝士, 洋蔥, 當整煲芝士雞滾起時, 把所有芝士溶晒. 完全溶入晒D雞裡面. 香味四濺. 雞件大大件. 雞肉好滑. 加上洋蔥香味. 令到整個雞煲好吸引. 原本唸住芝士一定會好漏. 但食落係唔會的. 食完雞. 店員會添加芝士湯用作打邊爐的.由於食完雞煲, 我地兩個都已經有50%飽. 所以只叫了一碟牛/五寶丸/竹笙墨魚滑/脆鯇魚腩. 但食完之後真係飽都唔想郁. 好滿足.手切新鮮牛頸脊 – 每片切得薄薄的. 而且肉質軟綿綿. 有牛味, 沒有渣竹笙墨魚滑 - 好特別, 將墨魚滑釀入竹笙, 第一次見及第一次食. 這個食法可令到竹笙有口感. 而且墨魚滑好有墨魚味. 真材實料.手打五寶丸

一直以為只有長沙灣一間店，近來先知原來太子都開了一間分店，更加是鄰近地鐵站比以前方便很多，當然要來試一試。不過同總店一樣，booking 好full,都要提前兩星期先book到。展示牌不算好大，不過沿著大馬路走一定找到店舖位置米走雞當然是主打芝士雞煲，但同時配菜都不少。主打出場了，芝士份量十足，較之香芝士味的雞煲來了，配上大量洋蔥一起煮，更加刺激味蕾。雞件大且嫩滑，沾上滿滿的芝士一起吃，一流。提提大家，吃完芝士雞後先加水，慢慢吃品嚐芝士入口那種滿足飽和的感覺。即炸響鈴，朋友的至愛，平時我都不太吃但這裡炸的剛剛好，香口而不油膩，佳作當然少不了點女人的至補花膠，花膠夠厚身，不會一煲就溶，消失於煲中。竹笙必叫，很好地吸收湯的精華，爽口惹味特級霜降和牛，油花分布平均，呈現清晰紋路，也沒有筋夾雜其中，肥瘦適中稍一放煲裡則可，入口即化且嫩滑蟹子鮮蝦滑，蝦味道鮮濃，加上蟹子，咬口十足wasabi 丸真是首次叫，外層有粒粒的新鮮山葵，內裡原來是有wasabi 味的爆汁，雙重滋味和朋友兩個人的戰果是盛惠1000元。真是太好吃令我們都吃得比平時要多

好耐無食雞煲, 今晚約左個小朋友來太子陪我食雞煲。店內整潔雅裝, 坐得舒務。為食友推介米走雞的麻辣雞煲, 可惜今晚朋友唔食辣, 唯有試吓個芝士雞煲, 反正未食過, 我最鐘意試新野。鹹 O 7 , LONG TIME NO DRINK, 今晚放肆吓。服務員話呢幾日才新推的小食 ~ 芝士春卷唔錯, 問我地有無興趣試, 好吖, 鬼咁肚餓。芝士春卷 ($38)即平時食的炸春卷剪開再洒上芝士粉, 無咩驚喜, 春卷新鮮熱辣炸起, 卜卜脆夠香口。芝士雞煲 ($148/小)芝士雞煲上台後要等佢滾番熱才夠香, 煲內有生洋蔥粒及大量洋蔥提香, 滾起的雞煲 香氣四溢, 濃郁的芝士香氣撲鼻, 將糊狀芝士汁跟雞件撈混吃, 好香口, 雞件己預先用醬油醃好加埋芝士鹹香, 夠味但唔鹹口, 雞肉也嫩滑。食完雞件加芝士湯打邊邊牛魔王打邊邊點都要有碟牛肉依偎吓才滿足, 我選了手切牛頸脊。手切新鮮牛頸脊 ($208/小)牛頸脊油脂均混散佈於牛肉上, 顏色美艷, 焯2吓, 肉質微彈牛味濃, 不過芝士味太搶, 令牛味失息不少, 食到後期, 我用清水過過才吃, 牛肉味出好多, 真係要比個叻自已。花膠 ($88)用如此厚的花膠打邊邊

話說米走雞想食好耐 由冬天講到夏天 ....終於BOOK到位所以就  開餐喇 大家都係CHEESE FD 所以就芝士雞煲啦 來喇來喇~~嘩...勁多CHEESE 溶晒  食得!!!!!!每塊雞肉都被芝士包圍 芝士香濃 雞件滑滑食晒所有雞加湯正準備邊爐就出事喇好漏有種依個月都唔想食芝士的感覺連至愛牛肉都食唔落好可惜

點左‘黃金芝士雞煲’，‘麻辣雞煲’，‘嚮鈴’，‘新鮮牛肩脊’，‘鮮墨魚丸’，‘午餐肉’。首先，雞煲既雞就真係同出面好多既雞煲唔同，呢度每一件都有好大舊肉，點知食落就麻麻，可以講係唔好食，芝士那邊就算，麻辣那邊先係重災區，個麻辣湯底根本就癲覆左我對‘麻辣湯底’既認知，同埋有啲太甜，三個字：垃x圾‘新鮮牛肩脊’…冇牛肉味，又冰得太厲害。‘鮮墨魚丸’…好彈牙！但咬落去之後，會有種怪怪既味道出黎，感覺係用一啲唔新鮮既墨魚肉打既丸咁，真係唔好食。服務：可能成間店既員工平均年齡比較年青，所以都唔好期望會好得去邊，五個字：好x垃x圾我自己就一定唔會再去，亦都奉勸各位唔好去食。

見完客後肚餓了，和同事一班人經過了米走雞，二話不說便去取位，沒想到這裏都幾滿場，還好來到時還有枱可以直入坐下，因為太肚餓，所以由同事快點把食物選好便入紙。火焰麻辣雞煲 HKD138，這是小煲，但雞都幾多幾大件。送來時想打開來影相，店員便說不能打開，因為加了酒，打開了就煮不熟了。後來才知道，幾分鐘後店員前來打開蓋，搞下便著火，然後陣陣酒香的味道，難怪叫火焰麻辣雞煲。雞肉很滑又入味，麻辣味都幾清，因為怕太辣要了小辣，後來覺得不夠辣，所以再要加辣。食完再加湯可以吃火鍋配枓，感覺不錯。香辣炸魚皮 HKD48，食辣煲就要食辣魚皮，其實是第1次見有辣魚皮，便要了一份來試下，原來是加了些辣粉在魚皮之上。魚皮浸在煲內時間很快便上來，但原來魚皮厚身，所以一點都不是脆口又不是腍。但發現直接食魚皮更加好食。蒙古羊肉片 HKD138，羊肉片原形而且都厚切，色澤都幾鮮紅。蒙古羊肉片還是帶點羶味，雖然是厚切，但羊肉還是夠腍而不韌，放在麻辣煲會更好，可以把羶味減少。黑松露蟹子魚麵 HKD138，黑松露和蟹子加在魚肉內，從袋內唧出來成麵，放入湯內煮熟。吃時上了點黑松露醬吃，確實很香黑松露的味道，魚麵又有口感，還有蟹子

最近經常聽到朋友食芝士雞煲，仲話好難先訂到位，原來就係講緊呢間米走雞，雖然個人對芝士不是太熱衷，但都想一嚐熱店的魔力。先點了個 火焰麻辣雞煲（小鍋）＄138上枱已跟一碗麻辣汁，即刻令我熱血沸騰，話明火焰雞煲梗係要點火啦，店員會幫我地倒啲汁落個雞煲度，之後再點火。雞件本身已經9成熟，再落埋汁再點火，就在面前增加了火焰效果，增加視覺效果之餘，亦令雞件燒得剛剛好熟透。店員幫我地將啲雞件反覆用火焰燒一燒，大約幾分鐘呢鍋熱騰騰又夠麻辣嘅雞煲就食得了。呢個小鍋內大約有半隻雞份量，而雞件切得幾大件，件頭十足。我地叫左中辣，實際上都唔係好辣，麻味唔算太重，一般愛食辣的人都接受得到，愛食麻的人可能會有少少失望，畢竟愛食麻的人是少數民族，還是迎合大眾口味會穩陣啲。雞肉尤其嫩滑，經火焰過的雞再慢慢煲住、慢慢食，雞肉都唔覺鞋口、唔覺老。 個人認為呢個煲嘅特式係落左頗多洋蔥，而洋蔥未完全熟時帶點辛辣，到一路食落去嘅時候，洋蔥就發揮左最大功效，就係帶點甜味又吸收了啲汁嘅味道，就咁食啲洋蔥都覺得好好食。 黃金芝士雞煲(小）＄148相信芝士控應該會好想試呢個鍋，一開始滾起芝士開始溶化，果噚濃郁嘅香味已經令到

雞煲很多地方都有得食，但怎樣才可以做到突為而出的雞煲? 米走雞推出了黃金芝士雞煲和火焰麻辣雞煲，來吸引食客。最特別是火焰麻辣雞煲，在食客面前把雞煲煮成有火焰，做到色香味俱全的道味，用火焰製造色、在煮熟過程香味無比，食入口還有酒的清香味道。 食完雞煲還可以打邊爐，食材選擇新鮮和特別，如魚麵、用蝦膠製成的蝦中寶等，確實吸引，難怪可以全場滿座。 ***************************米走雞位於太子彌敦道，從地鐵站行去確實很方面，來到大廈門前，可以坐電梯上2樓，非常之方便。雞煲只有2款黃金芝士雞煲和火焰麻辣雞煲，除了雞煲，還可以選火鍋湯底，此外還有其他火鍋食材和飲品如啤酒，涼茶或汽水等，還有肉類、海鮮、手打肉丸、餃子、菜類和主食類，選擇也很足夠。 枱上還有些食物的推介，不知食什麼也可以考慮看圖選食材。夏枯草 HKD68/渣，是自家製涼茶，大大渣足夠4人份量每人飲2杯。 夏枯草不會很甜，味道也很清，吃火鍋如此熱氣，飲夏枯草清熱也是不錯的選擇。 火焰麻辣雞煲 (小) HKD138，還可以選小、中和大辣的味道，雞煲雖然是小煲，但雞件都不少，還大大件。 雞煲要封蓋一陣，

搬左黎九龍之後，多左係油尖旺覓食。今日去左太子試而家好hit既芝士雞煲，地方雖然大，但係仍然座無虛席，可見其吸引力幾大。芝士雞煲差唔多有大半煲雞，件件雞都唔細，加上滿滿既芝士，每一件雞既表面都充滿濃郁既芝士味，但係單靠芝士唔係好夠入味，不過勝在雞肉夠嫩滑。差唔多食哂D雞，店員就會幫你加湯，然後就可以食火鍋既配料。牛頸脊要有肥牛先可以稱得上打邊爐，所以點可以唔叫牛肉。試左呢款牛頸脊，好似雪花咁均勻既脂肪比例，而且牛味好重，又有咬口。雖然價值貴左少少，但係我覺得呢個牛頸脊係值得呢個價錢。虎蝦$88 有6隻虎蝦，雖然只係得6隻，但隻隻都好大隻，啖啖都係肉，D肉都好彈牙。不過可惜因為心急搣第1隻，所以後面幾隻煮過左龍，無第1隻D肉咁嫩。竹笙墨魚滑另外打邊爐食竹笙都好正，因為竹笙本身會吸左D湯，所以會好入味。而釀係竹笙下面既墨魚滑，爽滑彈牙，2個都係好組合！

下雨天，來到太子附近見到有雞煲。爸爸看到十分有興趣，火鍋食得多，未食過雞煲。再睇睇原來米走雞主打食芝士雞煲，可惜我不好芝士，入去只點了最普通的雞煲，加一些火鍋配料！選擇令有選擇困難症的我更難揀了！一上枱先讓雞煲煮一會，之後店員會拿著火槍點火，加入麻辣汁就完成！整個過程會搶下火，記得拎定相樹！而雞件十分嫩滑，用了雞脾肉的關係所以啖啖肉，不過汁未夠濃郁，水水的，這點是令我有點失望。而其他配料方面，卻令人眼前一亮！牛脊肉這是半份，看見雪花平均分怖也令人流口水。小滾十秒入口即溶，牛味什濃也沒有雪藏味。牛魔王必點！虎蝦 ($88)大大隻又新鮮，蝦肉好結實！這個價錢係超值！不消幾分鐘已經清光了！美國桶蠔 ($138)拳頭大的桶蠔，只要滾幾分鐘就食得！海水味很重，不錯！不過大太隻吃下去難免有點漏，都係一隻起兩隻止就夠。蠔，還是男仕要吃多點吧？而另外菜類方面的選擇很多，而且可以用平的價錢點半份，人少少都可以食多幾款！而我點了娃娃菜，翡翠苗及蜂巢豆腐！蜂巢豆腐是第一次在外面食到，索哂湯汁真係好正！為雞煲注入一些健康的元素！哈哈蝦中寶這個有原隻蝦肉的十分吸引，很彈牙。加入蟹籽碌熟了後有不同的口感！好得意的

約朋友食飯你離去去都係打邊爐食雞煲 貪佢夠方便就可以一大班人坐喺度圍威餵 今次我就同班friend嚟咗太子米走雞 試下呢度出名嘅黃金芝士雞煲同埋火焰麻辣雞煲喺度嘅芝士雞煲芝士味極度濃郁，但食落口又唔覺得肥膩 ， 雞件件都好大隻，啖啖肉，岩哂我哩d食肉獸火焰麻辣雞煲 一黎就已經充滿玩意 侍應會在你的面前加上酒來調味 然後再用火機點燃，令整個鍋都充滿火燄，相當吸晴，令鍋中配料香味完美咁揮發出黎炸芝士春捲 春捲炸到外脆內嫩 春捲經過高溫炸果 入邊的芝士已經成為液體狀食落去之時滲出形成 獨特的感覺黑松露蟹子魚麵 呢個亦都相當有玩意 客人可以 支幾多食幾多，非常之彈牙鮮甜再配上黑松露 感覺清新當你食完雞煲之後 侍應會幫你添加芝士濃湯 以作準備打邊爐之用鮮炸響鈴 喺度嘅響鈴係店鋪自己炸， 好厚身食落好有口感，必叫魷魚喺度嘅魷魚非常大隻 餐廳好細心已經幫魷魚挑花畀開哂，放入邊爐一陣就食得，鮮甜彈牙脆鯇腩打邊爐仲點會少得脆鯇腩 喺度嘅脆鯇腩畀的特別 唔係平時出街食到一片片 佢係一條條骨怎樣㗎 將整個魚腩骨放喺邊爐滾兩滾，一陣就已經熟曬，口感比平時更彈牙，更爽口，更鮮甜竹笙墨魚滑 顧名思義一條竹 笙入面

上次聽朋友講旺角有間芝士雞煲J專門店，聽到我呢個芝士迷流晒口水今日一於同老公黎試下！我地叫左個細雞煲，黎到見到都幾大份！應該4個人食都夠！雞上面舖滿芝士等佢溶左就食得啦！芝士溶晒之後，將佢同d雞攪勻晒！食得啦！嘩！好正呀！芝士味唔會太咸，味道剛剛好！d雞全部都係雞脾肉黎o既！啖啖肉！好滑！食完雞之後，就加湯打邊爐啦！值得一讚o既係呢度加湯係用返芝士湯而唔係用清湯，唔會溝淡左個芝士煲o既味！虎蝦好新鮮好彈牙成隻手掌咁大隻牛頸脊打邊爐必選呢度o既 牛頸脊好新鮮肉質好林，咬落充滿肉汁牛頸脊吸收左d芝士湯，好邪惡呀！超好味！花膠近來打邊爐好鐘意食花膠呢度o既花膠好厚身食落好黏口！滿滿的骨膠原！好幸福呀！手打5寶丸我最愛蝦丸&墨魚丸好彈牙！好鮮味

再一次黎呢度打邊爐係因為上次食過個芝士雞煲好回味所以今次叫多幾個朋友一齊食,可以食多啲野嘛朋友們愛食辣,所以叫埋佢地另一主打火焰麻辣雞煲雖然天氣好熱,但都無損開行冷氣打邊爐既興致呢度除左芝士雞煲正之外,麻辣雞煲都係呢度既主打有唔同辣度可以揀,揀左個BB辣(但估計應該有小辣程度)食之前會先點火,成個煲著哂火完全係有哂視覺效果啲辣味即刻出哂黎超級香啲雞肉舊舊都係比雞脾肉你,大大舊之餘啖啖肉雞肉嫩滑,加埋個湯底係辣既更惹味食哂啲雞就可以加湯,可以加辣湯/清湯,個邊爐愈打愈辣呀!!!!至於芝士雞煲我地都有叫,畢竟都係呢度既皇牌又點可以錯過呀!芝士味唔係話好濃,味道剛剛好,食落完全唔會漏同樣都係大大舊雞脾肉做到少少拉絲效果既食完雞煲就落湯打邊爐特級雪花肥牛牛肉好肥美,脂肪分佈幾平均脆鯇腩真係超正,以為咁厚身唔會脆,誰不知脆到不得了有肉地之餘又夠爽口,好高質!竹笙墨魚滑以為呢條係竹笙咁簡單?少年,你太年輕啦!竹笙既外表,入面包住爽口既墨魚滑真係好大驚起,不過淥太耐既話墨魚滑會走佬架!牛坑腩以為得牛腩鋪先有呢啲食,原來可以用黎打邊爐架咼肥肉就冇乜,但好腍身魷魚切得薄薄地,又夠哂爽口,正呀!鮮炸響鈴淥