米走雞 (太子藍馬之城)

营业中

休息中

再一次黎呢度打邊爐係因為上次食過個芝士雞煲好回味所以今次叫多幾個朋友一齊食,可以食多啲野嘛朋友們愛食辣,所以叫埋佢地另一主打火焰麻辣雞煲雖然天氣好熱,但都無損開行冷氣打邊爐既興致呢度除左芝士雞煲正之外,麻辣雞煲都係呢度既主打有唔同辣度可以揀,揀左個BB辣(但估計應該有小辣程度)食之前會先點火,成個煲著哂火完全係有哂視覺效果啲辣味即刻出哂黎超級香啲雞肉舊舊都係比雞脾肉你,大大舊之餘啖啖肉雞肉嫩滑,加埋個湯底係辣既更惹味食哂啲雞就可以加湯,可以加辣湯/清湯,個邊爐愈打愈辣呀!!!!至於芝士雞煲我地都有叫,畢竟都係呢度既皇牌又點可以錯過呀!芝士味唔係話好濃,味道剛剛好,食落完全唔會漏同樣都係大大舊雞脾肉做到少少拉絲效果既食完雞煲就落湯打邊爐特級雪花肥牛牛肉好肥美,脂肪分佈幾平均脆鯇腩真係超正,以為咁厚身唔會脆,誰不知脆到不得了有肉地之餘又夠爽口,好高質!竹笙墨魚滑以為呢條係竹笙咁簡單?少年,你太年輕啦!竹笙既外表,入面包住爽口既墨魚滑真係好大驚起,不過淥太耐既話墨魚滑會走佬架!牛坑腩以為得牛腩鋪先有呢啲食,原來可以用黎打邊爐架咼肥肉就冇乜,但好腍身魷魚切得薄薄地,又夠哂爽口,正呀!鮮炸響鈴淥

炎炎夏日好想食辣，如果有個地方可以俾我同朋友一邊食一邊傾計就最好不過。想到米走雞不分兩個時段，不用食得好趕，米走雞可以坐低慢慢傾。火焰麻辣雞煲，小煲足夠二至三人，雞大大件，服務員當面為我地炒香雞煲，然後加入濃湯。炒時聞到陣香辣味已經令我垂涎欲滴，胃口大增。雞肉好嫩，配合大量洋蔥，香甜味十足。黑松露蟹子魚面， 面彈口再配上蟹子更有口感，魚面內已有黑松露再蘸另上的黑松露， 味道更突出。鮮製四拼餃：水餃，韮菜餃， 牛肉餃及鮮蝦零吞。皮薄食落無面粉的厚實感， 包得脹卜卜，裡面足料，口感豐富。鮮炸響鈴即叫即炸，點在辣的湯上真係好滋味。手切新鮮牛頸，牛片厚道適中，牛味非常豐富，嫩肉。竹蔗芧根，用足料煲，涷涷，清甜解渴。

朋友介紹話呢間餐廳ok，經過所以上黎試試，7點幾上到去都有9成full，格局環境尚算舒適，上到黎當然點鷄煲＋火煱，叫左個麻辣鷄煲，D鷄斬得大大件，唔似我以往食過果D。。。鷄肉尚算幼滑，有小許麻辣味，唔夠辣於是叫職員再加辣，加完都係差不多食完D鷄，點了碟牛脊肉，脆脘魚腩，生菜就開始打緶爐，牛肉都霖既但就冇咩牛肉味，早知點和牛啦，脆脘魚腩就幾好，有魚味又爽脆，我鍾意！由於太飽冇試個響鈴，朋友話即炸架，總結係個鷄煲湯底唔夠辣，唔夠香，食材ok，走既時候留意到一様野，食客全部都係後生仔女，最老係我地

在香港，港式火煱愈來愈多姿多彩。今天放假，陪伴著一生人最重要的男人，别誤會，那人正是我的老父，來到太子區，伴他行逛金魚街和花墟這兩處我一定不會獨個兒到的地方，伴老父選購他的至愛 - 熱带魚兒。晚飯時間又到，今次我不讓老父決定吃什麽，我向他説，我今晚帶你去…………食雞，老父側耳一聽，嚇了一跳，以為我要帶他食乜嘢。老人家對雞煲十分新奇，而且又未食過，覺得好興奮！來到太子米走雞芝士雞煲專門店，今次不是點芝士雞煲，因為感覺好似有點漏。反而我點了火焰麻辣雞煲（小$138）給父嘗（因我也是無辣不歡的人，可點小辣）。店員向著雞煲一點火，將全煲的雞件燒一烧，將麻辣雞煲提升到香口惹味，店選用了厚厚之雞腿肉，啖啖嫩滑，雞皮香口，加上麻辣，令口腔舌頭，有另一番的感覺。愈食愈辣是食雞煲的必經階段，吃完麻辣雞煲，父表示太辣了。之後加點清湯 (想惹味一點加辣湯)，一煱二食，又來邊爐十吓十吓了。吃得火煱，肥牛怎能或缺呢，不過今次不吃肥牛，我點了牛頸脊（$208） ，是小份來的，講到這牛頸脊，牛味豐富，入口即化，生一點吃也不見韌，與一般肥牛不能相提並論，試過就知誰是龍誰是蛇了。海鮮方面也是我一家的至愛。點了的還有大大

本來我係只睇人地食評唔會寫食評嘅人！但呢間實在太唔掂啦唔明點解有104😋我地一行10人每人差不多二百蚊唔知食左咩落肚叫左麻辣雞同芝士雞鍋個鍋都唔夠每人一隻雞，有啲人只食雞皮同洋蔥仲有個麻辣雞鍋唔夠辣，而且啲雞仲係白色嘅，問佢可唔可以加辣，佢話係麻唔辣咁就唔好話麻辣啦⋯⋯好啦食完雞到其他餸啦⋯⋯點知落完湯之後個鍋完全冇味不斷要加芝士啲芝士係$10 $10咁買.....好唔抵咁啲餸好多份量都好少，都冇心機影野食相記得價錢係有個和牛$368，冇味 唔值仲有啲丸$78-88咁上下，都係得8粒左右....臨尾，食左1個中都冇我地就埋單，佢話只收現金，數完俾佢 佢叫返轉頭話我地俾少$10，最後點知原來跌左係佢收錢個夾到唔揾清楚先！！總之，結論係冇下次

去完旅行幫朋友買咗嘢，梗係快啲約食飯喇，今次朋友就話好想食芝士雞煲，咁我地當然就吓佢喇~芝士雞煲 - 好芝士、好多芝士，我食咁多次雞煲都未試過啲雞唔係原隻有骨雞，呢間竟然係俾雞脾肉做雞煲，兩睇喇，有好有唔好，好就係啖啖肉，唔好就係，好似好呃秤囉味道當然係ok嘅，不過食多幾嚿就會好膩，會有唔想再食嘅感覺手打丸類，爽口彈牙，呢個可以話係全晚最抵食嘅一味~另外我地亦都order咗一個普通蕃茄薯仔湯底，好彩者，如果唔係，真係企咗喺度~其他火鍋配料都新鮮，不過價錢絕對唔普通

因友人上次試過芝士雞煲，所以今次叫左麻辣雞煲。最衰我唔食得辣，咁就嗌左最小辣嘅程度。一捧兜雞煲過黎，竟然有驚喜，哈哈，侍應姐姐隨即手拿火槍，輕輕點着雞塊，着住火兜兩兜，場面相當精彩。惟啲雞又唔係話好有鑊氣。雞煲好夠麻，辣度我都好接受到，哈哈。重點係啲雞好滑，而且啖啖肉。兩個人食半隻雞，其實都好夠飽。但一場黎到，冇理由唔叫番啲火鍋配菜。我地就叫左現炸響鈴，蜂巢豆腐，什菌拼盤。響鈴超巨型，蜂巢豆腐最正，索哂啲麻辣湯味，什菌都OK。

個芝士雞煲濃濃的超好吃，必須推介佢個火焰麻辣煲，辣得黎野味又過癮，仲有黑松露魚面，好彈牙，，豬頸肉都好好食，老闆又型又nice,, 下次再同成班fd過黎。一支棒!!!!!!!!!!!

呢個雞煲夠哂好肉，件件大大舊，啖啖肉，之前食過佢地既芝士雞，今次試下麻辣雞，有小同大辣2款選擇，怕大辣太勁，於是點左小辣，不過後尾覺得食落覺得唔夠辣再加番左d辣汁先有感覺。注意：雞煲嚟到米打開蓋住，要等佢滾一滾之後要點火燒燒佢，我就係心急想影相一嚟到就打開左佢個蓋，揮發左d酒精，所以點火時無乜火。竹蔗茅根水（＄68）超大樽，可酙到4大杯，淡淡地唔會太甜，貪佢夠清熱氣食完雞煲加湯打邊爐，肥牛當然唔小得啦，牛頸脊，牛味較重，比較好嚼勁，脂肪比例夠哂均勻，點左份大既，足夠滿足哂我地2個牛魔王。半份魚片頭有5件，炸到金黃色的，新鮮彈牙，超香口新推出，黑松露蟹子魚麵，好香松露味，食落粒粒蟹子好咬口，麵質很彈牙。隨碟再跟一份小量松露同蟹子，比你可以就咁食過過口癮。

早前被社交媒體爭相報導的芝士雞煲今天終可來辨一辨真偽店鋪名稱頗有新意 裡外都與雞環環相扣就秉持這股「米走雞」的精神吃下去店舖位於大廈二樓 雖不隱蔽 但也不張揚沒有大型懸掛的招牌 卻還是能吸引很多人慕名而來適合一群人來的食店 旁邊還有一個小包箱能容納多人當晚我和朋友大概七點鐘到達入座率還沒有很高 只有寥寥無幾數枱人但那股香氣撲鼻而來 在店員安排入座的路上我們已急不及待跟店員點選芝士雞煲店員也不禁一笑便馬上去準備了整齊擺放的餐具 但桌子略小了一點 放了雞煲之後就有點擠了對於第一次來的客人很貼心標示了如何吃雞煲還有什麼湯底撘配什麼配料才是絕配也有一些店內主打作為點菜參考 就不怕選中「伏野」了等待雞煲的同時我們便開始勾選火鍋配料了雖然選擇不多 但應有盡有說時遲那時快雞煲已經備好 店員把它安置爐上 告知我們等芝士融化後便可食用我跟朋友都有點傻眼 因為份量一點都不少剛才我們還點了很多配料 只怕吃不完啊～我們事先不知道雞件早已煮熟 所以一直等店員會一直在場巡視 眼看我們不懂拿捏時間 店員便前來替我們把爐子調到保溫狀態並收起鍋蓋以示我們可以享用啦圖中可見雞件切割得很大塊 拉絲效果跟韓式芝士排骨已經有點

 我親愛的弟弟生日，他平日最愛吃芝士，他又說過他喜歡吃火鍋，事倒湊巧，正有一間餐廳可以滿足他兩個願望，當然「米走雞」啦！  前一陣子，我嘗試walk-in去過長沙灣的米走雞，結果大排長龍，最後吃不成。有著前車之鑑，這次得知米走雞在太子有佔地大點的分店，決定先打電話預約，那就不怕要等位而浪費時間啦。  與長沙灣的米走雞不同，太子的分店不是地舖，而是樓上舖。從太子站E出口，步行一分鐘就到達，十分方便！  不要看這裡有空桌，太子的米走雞都是一樣的「爆棚」，餐桌清理好之後便有新一批食客坐下，所以如果不預約基本上是吃不到的。  菜單就是點餐紙，分類井然有序，火鍋配料的種類亦算多。既然是弟弟生日，當然要吃得豪邁一點！  黃金芝士雞煲（小）$148。點了他們自創的黃金芝士雞煲，（小）是適合2-3人共食；（大）則是適合4人共食。服務員端上雞煲後，會幫助食客開啟電磁爐翻熱雞煲，大概5分鐘，雞煲就會不斷噴出蒸氣，服務員見狀就隨即幫助食客打開煲蓋，以免食客燙傷，服務積極度上加分！  味道方面，雞肉口感嫩滑，不會過老或「諧烚烚」，馥郁的芝士汁完全滲入每一塊雞件，十分入味！雖然雞煲是（小），但是雞

停左一排無食雞煲, 呢排雞煲瘾又發作, 但唔想又食返之前比較普通既雞煲, 經友人介紹下, 得知有間叫米走雞既火焰雞煲店, 聽落都幾新奇, 一於去試試~~原來呢度都幾大呀!! 我諗坐滿都可以有成百人!! 主要以卡位同對坐既枱, 坐得都算舒服, 無壓迫感, 只係如食物到齊, 張枱好似唔係太夠位放食物啫~~呢度除左雞煲外, 配料選擇都唔小, 一定可以滿足一般客人既需要~~雖然呢度係出名食芝士雞煲, 但我仍舊喜歡食麻辣雞煲, 因為總覺得食雞煲一定要食辣辣地既~~我地揀左小辣, 雞煲上枱先滾一滾, 隨後店員就會點起火, 跟住用夾撈勻係煲內帶火焰既雞件同配料, 再加入小辣醬汁, 呢個過程已經傳黎陣陣香辣雞煲味, 食落口, 雞肉仲好鬼嫩滑, 食左幾件都好滑, 睇清楚, 原來呢度全部都係用雞腿肉的, 難怪每一件雞肉質都甘滑啦~~  鮮炸響鈴     HK$48呢個可以話係呢度必叫既配料, 因為呢度既響鈴由於係自家製, 所以每件比坊間個D大成三倍, 而且口感仲特別香口同脆tim~~虎蝦        HK$88虎蝦超新鮮, 又夠大隻, 肉質爽甜, 好好味呀~~白鱔片    HK$88作為一個海鮮控, 其

今日去左食太子有名氣的芝士雞煲(米走雞)，入到去果然人山人海，要等位。環境寬敞，不會感到太擠迫，桌上餐具整齊排放。落單時，服務員有禮寬待，也會向你介紹什麼食物較多人氣選擇，十分親切。最後，我們order 左特級雪花肥牛 (小)，份量其他已經好足夠，適合二至三人。鮮紅色的肥牛口感鬆綿，不韌口，感覺得新鮮虎蝦，比我想像中大隻，一碟共6隻，但其實一個人食已經好滿足了😋 蝦肉清甜爽口。最值得推介是哈哈蝦中寶！如果你中意食蝦，這樣應該能滿足到你，因為它是蝦中蝦，非常好吃。最後，當然不少得黃金芝士雞煲啦，濃郁的芝士醬覆蓋着雞件，客人需要先吃掉雞，才享用火鍋配料。芝士雞帶著非常濃郁芝士味道，感覺有點飽臍，鍾意食芝士的人，這必能滿足他們了。吃完雞後，服務員會主動幫你加湯，轉食火鍋配料。

身邊有位愛吃麻辣的朋友, 話有間麻辣雞煲會著火喎, 講到咁誇張, 就膽粗粗同佢去食.火焰麻辣雞煲 (少辣) $138待應捧著雞煲來, 埋到枱即聞到陣陣麻香, 一會兒後, 侍應過來開蓋在雞上點火, 雞煲一下子會出現了紫黃色的火焰, 原來這就著火的雞煲. 火自行熄滅後, 就可以進食了. 雞件份量多而且大件, 肉多少骨, 雞肉嫩滑, 麻辣夠入味. 雞肉食得七七八八, 加辣湯打邊爐, 不像部份食肆只加清湯, 令打邊爐時個湯底跟本唔夠味.虎蝦 $88虎蝦有手掌那麼長, $88蚊有四隻好抵食, 蝦肉結實夠彈, 蝦味足特級雪花肥牛(小) $108份量都幾多, 肉同脂肪平均, 夠牛味而不韌不鞋竹笙墨魚滑 $88個人非常欣賞, 尤其特別愛吃墨魚滑的爽滑彈牙, 外層包著竹笙, 竹笙充分吸收麻辣湯汁. 一咬就有麻辣湯汁滲出, 包圍著整個墨魚滑鮮製四拼餃 $88分別鳯城水餃/鮮製韭菜餃/鮮牛肉餃/鮮蝦雲吞, 皮薄料足, 當中鮮蝦雲吞最好味, 麻辣跟雲吞的蝦肉豬肉麻油味幾配合藍妹 $29 X 2兩人埋單$571

平時係街麻辣雞煲就聽得多 但係我諗芝士雞煲就真係得呢道有未行入鋪頭嘅時候已經聞到濃濃嘅雞煲味雖然只係星期四嘅晚上 店入邊已經人山人海由於同友人兩個食嘅關係食唔到好多配料於是就點左點一邊推介嘅幾款配料黃金芝士雞煲(小) ($148)雖然我地只係點左一個細size嘅雞煲但淨係食雞煲已經飽左一半就咁望落去已經見到雞煲入邊隻隻都係雞髀雞髀吸收晒芝士汁 唔使點豉油已經夠晒味芝士汁調校得好好 唔會令人食到好滯雞方面由於使用雞髀 舊舊都有肉食而且肉質鮮嫩餐廳仲細心咁係枱面放咗只是教大家點樣食先係最好食特級雪花肥牛(小) ($108)配料方面我地點左特級雪花肥牛呢度嘅肥牛係屬於厚切肥牛 絕對唔呃秤可能係因為厚切嘅關係 食落去有牛肉味之餘亦都吸收左支持汁嘅味道哈哈蝦中寶($118)我諗呢個係我食過最有誠意嘅蝦膠蝦膠嘅製作方法 除咗打碎左蝦肉之外 佢仲將打碎左嘅蝦包係一隻完整嘅蝦外邊保守估計一個蝦中寶應該有三隻蝦加上未煮之前上邊有大量嘅蟹子望住個樣令到人哋唔捨得煮熟咗之後食落去有啲似食蝦餃入邊舊肉 味道好好