米走雞 (太子藍馬之城)

营业中

休息中

朋友喜歡食雞煲，但我又唔食得辣，所以在openrice 見到呢間芝士雞煲，comments 都好好，所以就去試試！今晚試左話必食的"芝士雞煲", 開蓋時見d 芝士已經全部溶曬，芝士配上雞真的好夾！可惜雞唔夠嫩滑。。。食完雞煲再加芝士湯打邊爐，叫左炸響鈴、粟米、豆腐、豬&牛。我自己就認為炸響鈴、粟米&豆腐真係同芝士汁夾但用芝士汁打邊爐配肉類就唔及以其他湯底咁惹味。另外值得推介嘅係-- 竹䉀矛根，清甜滋潤，又可解芝士的膩滯感

米走雞 喺太子一間打邊爐店 主打 芝士雞煲 打邊爐 當然仲有其它湯底 以我所知 佢長沙灣係總店 仲有cwb分店 食店入到去都幾打 座位好多 燈火通明 位都算舒服 , 點野食既menu都多野揀 首先揀左個湯底先 當然係佢最出名既芝士雞煲黃金芝士雞 158 蚊細鍋 配料 有洋葱 中芹 芫茜 芝士碎 點左激量一上碟 有好多芝士同洋葱鋪面 煮到甘上下 芝士味越黎越出 溶哂後完全滲落湯底 連埋啖啖肉質鮮嫰既滑肉一齊 雞肉盡吸半溶既芝士醬 好正！火炎麻辣雞煲 細 148 蚊 配料 有辣椒乾 洋葱 中芹 芫茜 辣度點3,4最高用洋葱 香料 辣椒 浸住雞肉 用火槍點火 一邊燒一邊炒雞肉 又香又惹味 再落好以辣醬 焗一分鐘就食得。 雞肉嫰滑之餘盡吸辣汁 又不會蓋過 雞肉 既味道 正Floris raspberry 48 蚊Floris apple 48 蚊Floris chocolate 48 蚊手工啤 floris呢個牌子 既酒精濃度唔高 而且味道好出 好似apple味 酸甜開胃 Chocolate味真係有好香朱古力味甘 而raspberry夠哂莓味 價錢唔貴 係幾值得試既手工啤花膠 88 蚊花膠

太子米走雞 好耐冇去過 對上一次係食佢長沙灣總店 今次試下佢太子分店 . 太子分店 比較大 好近地鐵站 環境夠大燈光夠 坐位算舒服 不過去食時要book位 因為都出名多人 食店其實除左芝士雞煲外 都仲有麻辣雞煲 個人始終最鍾意芝士雞煲 芝士雞煲 雞肉好至 炸過皮脆肉嫰 而煲入面充滿住芝士汁湯同芝士 一路煲慢慢溶 直到完全滲哂落雞入面 . 配埋爽口既洋葱調味 好正而麻辣雞煲都好正。雞肉嫰滑 麻辣度十足 用火槍 燒雞肉 火keep住燒 keep住用兜炒雞肉 好有麻辣香 打邊爐料都有好多款 手切肥牛 牛頸脊 脂肪肉分配平均食落好夠味 如果想有口感d可以點牛柳粒 鯇魚片新鮮 一碟有好多件餃類 大大隻落足料 粟米菜類夠鮮甜 手打丸好似牛丸 蝦丸 鯪魚丸都好彈牙 内臟好似雞子同鵝腸都十分新鮮 整體食物都好正 配埋 芝士湯底好好味 而最正係最後 會將出前一叮倒落去 連埋d芝士汁精華一齊食 好正整體都好好食 值得去試 !

食咗芝士雞煲。個煲啖啖肉。叫咗少量芝士。但份量都幾多。附近侍應會幫手望住個煲直至芝士溶晒會幫我地開蓋可以正式開動。啲雞似雞柳。唔似原隻雞。另外我哋點嘅配件份量都幾多唯一美中不足嘅係我哋點左個魚。88蚊。泥未極重。二人買單大約＄500⋯⋯侍應好好唔會視而不見。好快幫手張枱嘅嘢清空。

好耐都無去太子行街，今日心血來潮想濕平，濕平完當然就係時候要晚飯喇！諗左好耐，決定去食火焰雞煲同之前食既一樣，個雞煲黎到之後，服務員就會過黎點火，再加辣汁煮下，令到香味更正不過今次食呢個雞煲反而有d甜味，即係辣得黎仲有d甜，好彩加左湯之後，味道就同之前一樣咁好味每次食親雞煲我都會叫竹笙，吸哂d辣汁超正而且仲洗得好乾淨，無黑色一點點的黑毛豬肉呢碟豬有d失望，肥肉既比例偏多，口感亦有d遜色哇！呢碟和牛超正呀！齋睇都已經勁吸引，食落更加超滿足，牛味好濃真係一件接一件咁食唔停口海蝦好鮮味，蝦肉又夠爽

間唔中同成班朋友都會去食雞煲聚一聚，我地最愛大家圍住搶食既時刻，夠哂開心又熱鬧，今次我地都唔例外，相約去食雞煲，今次終於都黎到食依間既芝士雞煲，依間既芝士雞煲相當有名，之前一直想食都訂唔到位，長期滿座，令我地更加期待一般入到雞煲店都會一大陣打邊爐味，但依度竟然唔會有個陣味之餘，通風系統做得幾好，食物同飲品都有很多選擇，仲有私人房供訂座，如果人多係可以訂房，望落應該都可以坐到十個人左右平時去食雞煲都係食麻辣，但依度既芝士雞煲好有名，當然要叫黎嚐一嚐，叫左個細煲，落單時店員好細心預先問我地食唔食芫茜，因為煲內有，如果唔食，可以叫佢走芫茜的，芝士煲一送上枱，已見到好多芝士係面頭，芝士慢慢咁溶化中，店員幫忙開煲蓋話可以食每件雞都被芝士包住咁，雖然係芝士份量非常多，但食落一點都唔會感到有滯膩感，而且味道剛剛好，唔會過咸，味道又香，仲有我最愛既洋蔥，份量又夠多，正！手切特級霜降和牛(細)食落好重牛肉味，啖啖肉有咬口，唔會太薄又唔太厚，肥瘦適中，脂肪分怖好靚，值得推介黑松露蟹子魚麵食落好似魚滑咁，只係形狀唔同左，一條條咁幾得意，入口好香黑松露味，個味道同芝士好夾，食個時仲食到蟹子脆卜卜口感白鱔片平時

話咁快一年了，又到Deep V 生日。今次上openrice搵食。由於Deep V 要7:00放工，就吓佢揀太子。見到有間米走雞，個名好過隱。又近佢公司。又見入選餐廳。就揀咗米走雞喇。book咗7:30去到唔洗等位。有芝士雞煲及麻辣雞煲。由於我地兩個都未食過芝士雞煲。試吓先。職員問我地要唔要加多d芝士。但又怕漏。但職員推介要加。博吓啦！雞煲滾起後好香，有洋蔥芫茜雞件大大件，芝士香濃。食落又真係唔太漏。雞肉都好滑。食完雞煲就叫咗碟和牛。脂肪分部平均，就算淥耐咗，完全唔靱，牛肉味香濃。再叫咗一碟虎蝦，有6隻大大隻，肉厚，蝦味濃又新鮮。花膠，一碟有大概4-5塊，塊塊都好大。口感唔錯。竹笙墨魚滑，竹笙爽，包住墨魚滑好特別，第一次食，覺得唔錯。再加蘿蔔，什菇，豆卜，冰豆腐。食到飽飽的。最後加杯咸寧七Deep V 話今餐生日飯非常滿足。

踏入三月的春天，天氣開始和暖起來；但對香港人而言，一年三百六十五天，天天都是火鍋天。適逢筆者快將生日，老爸又愛吃雞煲火鍋，一於來個籍口做做孝順女！之前跟他過米走雞，老爸讚不絕口，一於再來。春天時份，對比之前冬天的時候，果真少了一份熱鬧的氣氛。火鍋店沒有甚麼特別裝潢可言，但環境尚算乾淨。餐桌以方枱合拼為主，亦有些六人的卡位。雞煲有芝士或麻辣，筆者不太能吃辣；爸亦不太好麻辣，於是點了半隻芝士雞煲。火鍋配料的選擇亦都不少，有海鮮、肉類、手打製品、蔬菜、丸裡。竹蔗茅根飲料先來一壺竹蔗茅根，看來十分足料，蘿蔔、粟米、茅根等材料都在壺中找到。味道十分清甜，而且清涼，火銅同時清熱滋潤一下。芝士雞煲半隻雞的雞煲份量不少，雞件大部分都啖啖肉，而且肉質嫩滑。芝士味香濃，卻又不會太膩。芝士碎可以自行選擇份量，配合個人的口味。配料如洋蔥、芫茜等等，亦可選擇性加入。當雞煲完成後，店員會加湯繼續火鍋。加入的是芝士湯，不會令湯底芝士味愈來愈淡。金菇、翡翠苗先來蔬菜類，吸收一下纖維。蔬菜可點半份或一份，人少的話也能多點兩款。金菇及翡翠苗都十分新鮮，顏色嫩綠。手切特級霜降和牛牛，當然是火鍋必點食材。這次還點了和牛，真的

香港可以食到芝士雞煲既地方好少，呢間最出名，今次就嚟試下呢個邪惡雞煲！細既芝士雞煲上面滿哂芝士，仲拉到絲，芝士包住雞件，入口帶芝士香濃既奶味，又食到雞肉既嫩滑，意外地又唔系太膩，唔錯！桶蠔好大隻，掌手咁大，食落好滑唔腥，帶淡淡海水鮮味！牛頸脊滑中帶爽，油份啱啱好，唔太肥唔太瘦，鮮味十足，個個都讚好！脆鯇片食落又爽又冇骨，亦都唔會腥！手打五寶丸有墨魚丸、鮮蝦丸、鯪魚丸、豬肉丸同牛肉丸，全部都夠彈牙，唔會又粉又實，最鍾意系牛肉丸，因為好鮮味！出於好奇而叫既哈哈蝦中寶原來出面系蝦滑，中間包住一隻蝦，夠哂特別，蝦味仲好濃添！蜂巢豆腐好特別，佢冇豆腐既滑，就好似好大腐皮集埋一齊咁，但好處系非常吸湯！吸哂湯之後，一咬就爆汁！呢度飲品種種好多，除左汽水、茶、啤酒，仲有竹蔗茅根，唔太甜，唔錯！呢個芝士雞煲唔系淨系賣gimmick，味道都出色，難得！

一直都好想食呢度既芝士雞煲，因為我系一個芝士怪，無芝不歡！呢晚就同屋企人嚟食返餐好既！餐廳都幾大，全部都系卡位，坐得舒服！我地叫左2個煲，一個細既芝士雞煲，一個番茄薯仔煲，因為屋企人怕芝士味會蓋左食物既原味。細既芝士雞煲原來份量都唔少，芝士融化系雞上面，仲拉到絲添！食落芝士味幾濃。奶香比較重，唔會好咸，雞亦啖啖肉，仲有大量洋蔥好惹味！番茄薯仔湯番茄味夠濃！食完雞煲加湯就可以打邊爐啦！海鮮方面，美國桶蠔超大隻！食落好滑又冇腥味，不過鮮味唔算好濃。虎蝦都好大隻，成隻手掌咁長，肉質彈牙鮮味，唔錯！新鮮牛頸脊正到不得了，充滿牛鮮味，食落滑中帶少少咬口，但又唔會韌！霜降和牛粒食落就更香口，厚厚既和牛粒一咬落去，成個口腔都充滿油脂香，好幸福！四拼餃有牛肉餃、鳳城水餃、韭菜餃同鮮蝦雲吞，全部既size都比一般既大，牛肉餃辣辣地好惹味，水餃裏面有木耳夠爽口，而雲呑既蝦肉彈牙又鮮味！食左咁多肉，最後要食返啲菜平衡返。呢度既准山唔錯，外帶少少爽口，但中間又夠粉稔。粟米夠清甜，秀珍菇菇味好濃！呢度既竹庶茅根足料又唔太甜，正好可以清走火鍋既熱氣！今次呢餐食得非常滿意，食物環境都一流，絕對有下次！

生日聚會，一齊試下米走雞，心諗個名咩料，完全吾知佢係食芝士雞煲🤣😂我地book左8點半，準時到，但無位比我地，等到9點1..2倒先比到位，雖然其間個侍應姐姐keep住話就得就得，但係⋯我就黎餓死🤣🙈🙈sorry吾知點解用左個甘核突既濾鏡，請大家將就下😂差唔多等左15-20分鐘，再催單先黎。芝士可以分等級嗌份量，朋友嗌左爆芝，心都離一離。芝士嘅味道正常，吾係好濃，吾「漏」，啲雞啖啖肉，但多肉到有啲得人驚，食得出啲雞係炸過下。食完雞煲就可以加湯打邊爐啦，雪花肥牛都幾靚，食落幾香牛味。雲吞好好食，皮薄饀靚，竹笙墨魚滑亦好有驚喜，好飽滿，估唔到竹笙同墨魚，加埋黎食都幾得意。四寶丸都好好食，唔係用粉溝出黎。炸魚皮就係嗰啲炸魚皮啦，冇咩特別。反而個鴕鳥肉就幾有驚喜，出面打邊爐好少見到可以叫駝鳥肉，幾嫩滑！*不過呢間野啲staff都怪怪地，有個女仔好似未訓醒甘，問A答B~ 某啲男仔好似玩玩下甘，講粗口，又hea hea地。同埋提醒返呢間餐廳吾收信用卡🙈🙈🙈

其實我真係好鍾意食雞煲架，以前香港未興我都成日周不時同朋友返大陸揼完骨順便去向西村食過雞煲先返落嚟香港，諗下諗下都十幾二十年前呀。近呢幾年唔知有冇興咗十年嘅香港 真係 梗有一間係左近架喎，開雞煲嘅舖頭。見 呢排天氣凍凍地係打下邊爐食下雞煲嘅好時間 ，之前嚟呢度食過1次芝士雞煲， 覺得都幾特別，所以今次再約埋朋友一齊嚟， 諗住試下佢個麻辣雞煲。雞煲一上到嚟， 等咗一陣個夥記就係個雞煲度點火兜咗幾下， 睇住個熊熊烈火，個架勢同埋賣相真係好吸引呀。等咗陣終於可以食得啦， 其實之前都覺得有啲奇怪 點解佢啲雞煲，全部都係雞髀位，啖啖肉，但係個陣時就冇特別多想太多， 今日突然之間諗下諗下， 根本就全部係一隻隻雪藏雞髀黎， 都唔係一隻隻雞 嘅雞煲， 就算係冰鮮雞我都情願食一隻隻雞，而唔係一隻隻雞肶咁樣啖啖肉囉。完全冇咗個種意義 而且 雞髀雖然係好多肉但係一D雞味都無， 唔覺得好食囉。如果我要食麻辣雞肶我洗乜特登走上嚟畀百幾二百蚊點過咁嘅煲，係度嘥我時間去食呀。 平時茶記大大隻炸雞髀 都係廿零蚊點兩隻 食，已經飽到可以暈低。加上佢地嘅麻辣要麻辣無麻辣，一啲四川風味都冇完全唔夠香口惹味，十分令我非常失望

今天放工去太子買魚飼料，甘岩見返中學同學，我們傾下講下養魚經驗，到左8時多，佢提議不如一起去食晚飯，重話附近有一間食芝士火鍋好正！而且非一般的芝士火鍋，有她帶路，我一於奉陪！去到太子藍馬之城，見到個牌寫住「米走雞芝士雞煲專門店」就入去搭lift 上2樓有不同味道雞煲選擇，同學說尼間寫明主題芝士雞煲，選擇芝士味，還可以選多或少芝士，我們當然選擇2人份量芝士雞煲，激量份量！在已煑熟的雞上面放上洋蔥、芫茜和激量芝士，開爐！待數分鐘後，芝士溶解就可以食得。濃郁的芝士包住嫰滑的雞，非常可囗，使人食不停口😋食完芝士雞便加入有芝士的上湯，準備食芝士湯底火鍋！手切特級霜降和牛（小）：名符其實--霜降，和牛的油脂分布就像雪霜降落地面一樣,非常均勻，所以只需將和牛輕輕在芝士湯裏浸幾秒，就可品嚐和牛的鮮、甜、嫩。已沾有芝士汁的和牛，不需豉油也很美味！西班牙黑豚肉：選用黑毛豬，肉質鮮美、爽滑，正👍鮮炸響鈴：即叫即炸，大大卷，豆味甚濃，放入芝士湯底數秒，夾埋芝士湯一起食，非常可口！真的食不停口😋哈哈蝦中寶（上）：用蝦膠包住完隻蝦，再放些蟹子放在面，很特別的設計菜式，外面蝦膠因帶有調味和勤菜，又香又鮮美，內面的蝦

If cheese is your thing, this place is for you.Make sure to bring someone who can read Chinese because they don't have an English menu. I was informed of this when I called to book a table but the nice gentleman who took in my call very hospitably volunteered to help out with picking things off the menu if none of us can read Chinese. Alas, he seems to have not been on duty when we went because we didn't exactly have an easy time finding a server who spoke English well enough to easily help us o

其實由“米走雞“在長沙灣開業時已經知道此餐廳，但我害怕芝士雞煲加湯後芝味盡失，所一直都沒勇氣嘗試。直到男友跟同事吃過後覺得我非吃不可，就在星期日晚帶了我來這裡。事後，我完全改觀了。七點進去還有很多位置。舖面頗大，有軟皮坐椅，感覺舒適。我們只有兩人，點的菜不能太多，所以就點了我們認為跟芝士最合襯的食材~請看下面menu~只消一會就上菜了。先待滾起再調保溫免黏鍋。由於我們點了激量芝士碎的關係，拉絲的效果明顯，賞心悅目。然後就直接飲湯汁了(笑)。湯汁杰身，有濃郁芝士香味和味道，微鹹(正常的芝士鹹味)，。我在吃雞前已飲了十匙... 這鍋是小的，但雞件比我想像多和大件，很足料，不是給你骨頭啊! 雞肉嫩滑，跟芝士相襯。店員一都在巡邏，所以完全不怕沒人理會。我們想搞動鍋底時店員說不需要，還幫我們調校火力呢。吃雞後到了我最緊張的加湯環節。上圖是加了芝士湯後的樣子，仍然保持原有色調，芝士味更沒有減退啊!!! 因為加的是芝士湯非清湯，所以芝士滋味仍能保持。再飲了多匙湯...鮮製四拼餃，可一次試完店內所有餃子。個人特別喜好鮮蝦雲吞和鳳城水餃。前者的蝦又大件又爽口彈牙，味道鮮美，後者的肉配木耳絲也是多重口感。