米走雞 (太子藍馬之城)

营业中

休息中

芝士控對於芝士從來都沒有抵抗力，當韓式的芝士雞盛行的時候，作為本地薑的米走雞亦將芝士與港人的至愛「打邊爐」融為一體，來一個拉芝雞邊爐。當拉芝雞與港式邊爐相遇，會產生什麼的化學作用呢？！ 事不宜遲，去相！目測，芝士用了超過三種，車打、拉芝，深黃色的芝士醬，醬應該有2種或以上芝士制成，不然textile不會這樣～由於用上大量芝士，所以芝士味非常香濃。好誇張，芝士一溶，我馬上夾起雞件，拉芝力驚人！配料有十多件雞腿肉、大量洋蔥及香菜。醬汁芝味濃郁，每口都是芝士的咸香，好好喝！大量的香菜及洋蔥，令醬汁更加香甜，同時亦解膩作用。雞件用上雞腿肉，骨少肉多，食肉獸最愛！雞肉包裹著軟綿的黃金芝士，咸香可口，口感嫩滑！無論你是不是芝士控，也會對它欲罷不能！當雞件吃到差不多的時候，店員就幫我們加芝士湯，開始打邊爐喇！最近酷愛鴕鳥肉，難得這裡有，當然要點啦！這個鴕鳥肉吃起來嫩滑，肉味濃，薄薄的芝士汁掛在鴕鳥肉上，為鴕鳥肉套上一層咸香，味道足，不用外加調味料！朋友是魚皮餃控，所以每次打邊爐都是必點的！這裡的魚皮餃皮非常煙韌，内餡是豬肉，豬肉餡多，啖啖肉！這個翡翠苗必點！奶香軟滑、咸味適中的芝士湯汁緊緊掛在菜苗上

<REAL FUN FOODIES>今次真係食得太飽! 要寫下食左d乜先!經同學F-Dragon誠意推介話呢間野男女都好受歡迎!!!一定要同我地一班人黎食!!!今次一共12人岩岩好一圍 🙌🏻竟然呢度有private room! 真係好岩我地呢d大聲講大聲笑既人聚會！總共叫左兩個煲！🧀一個叫黃金芝士雞煲！🌶一個叫火焰麻辣雞煲！兩個都好鬼正！麻辣雞煲出面食得多喇！芝士就真係第一次食！真係無諗過咁嘩嘩聲😱食完真係有少少罪惡感！唔知要做返幾耐運動！😵我地仲叫左啤酒！！啤一啤去！！真係好正呀 hahaha另外同學們都推介牛頸脊，黑松露蟹子魚面，wasabi鮮墨丸！不過都有時有難題 要諗下將佢地放係邊個煲先可以令味道發揮到最好！例如我地都諗左好耐 菜應該放邊個煲好呢？XD ANYWAY, 呢餐食得好開心！！！P.S 一定要book位及女廁只有一格

5月份就是母親節，平常家人都不愛吃雞，所以甚少在家煮雞食，但母親又好喜歡食雞，所以便趁住母親節，讓某人帶母親前來一起慶祝。終於入座，便看到餐紙有教食客要先食雞煲，再吃火鍋，一煲2吃可以試到不同的味道都不錯。來食雞煲，原來還有辣麻味道，但我們還是想試芝士雞煲，我們人也不多，只要了一個細雞煲 HKD158。食芝士雞煲可以選上不同份量的芝士，但又怕太多芝士好太濟肚，最後選了普通份量。想不到米走雞的飲品選擇有不少啤酒提供，除了啤酒，還有其他汽水和涼茶選擇。芝士雞煲送上枱時，完全沒想到普通份量都放了不少的芝士碎在雞煲內。當芝士雞煲煮起時，芝士已經溶了，但其實芝士的份量也不算真的很多，如果愛食芝士可以選擇激量的芝士。雞肉都好大件，大部份都是雞脾肉，所以都是肉多骨少，啖啖肉食到母親非常之開心，還有我受食的芝士，更加好味。米走雞的飲品選擇也不少，還有手工啤酒，可惜某人今天沒心情飲啤酒，我們便只好選上了竹庶茅根 HKD68，一壼都幾大，味道很清香，又不會很甜，最合老人家飲用。炸彈 HKD58，見到炸彈覺得好得意，便要了一份來試，原來是用上蝦膠包著皮蛋再炸熟。雖然炸彈切開賣相有點散開，但沒想到吃下時又好好

昨天相約了朋友去了米走雞食雞煲及打邊爐，因為這排一直吃西餐及日本餐廳，十分掛住打邊爐，所以就約了朋友去。我們也十分喜歡這個芝士雞煲，所以叫了一個小的雞煲。然後再叫其他我們喜歡吃的東西。芝士雞煲（小） $158這個雞煲十分豐富，而且還有不少配料，更可以選擇芝士的份量。煲內也有不少雞塊，十分惹味，也很香，雞肉十分入味。竹蔗茅根 $68這個竹蔗茅根有一大瓶，而且還十分足料，可以清楚見到入面有粟米、竹蔗等等...味道十分清甜可口，而且還有助清熱氣消暑吃完雞煲之後，就可以打邊爐。店員替我們加入了大量的芝士湯，方便我們打邊爐我們叫了粟米、花膠及手打蝦丸等配料。粟米十分爽口，也很清甜。花膠煙煙韌韌，十分入味，吸收了芝士的味道，也很滑溜。手打蝦丸也十分爽口彈牙，很好吃昨天可能我們吃得早的關係，大約晚上六點半，所以店入面不是有很多人，很舒服很安靜，可以靜靜地談天說地，打邊爐。另外食物材料很新鮮，食物質素很好座位也坐得很舒服，有足夠的空間可以舒服地打邊爐

朋友生日要搵地方食飯，一大班人要搵地方都有很多選擇，最後選擇了來食雞煲。米走雞剛取到開飯熱店之一，當然要打鐵趁熱來吃個痛快。一眾吃辣的朋友便要了一個麻辣雞煲，麻辣汁是分開而上，要先等雞煲煮熱一陣，才加入辣汁，所以不能打開煲蓋大耐。加入辣汁之後，還要點火，把整個雞煲燒得紅紅火烈的吸引，原來是加入了酒在辣汁之內，才能燒得紅紅火烈的一樣。燒過之後的雞煲便有一陣酒的香味，雞煲的雞件都幾多，而且都幾大件，雞肉很滑，麻辣味道不算很重，一般人都易於接受。把雞煲吃完便加入麻辣湯底打邊爐。食個辣雞煲，當然要飲些又凍又有汽的7up解辣。先來一個涼伴木耳，除了木耳，還有海蜇，再加入酸汁，開胃得來又有少許辣，好惹味。壽星女要食花膠養顏，所以要了一客花膠。花膠都幾大片和幾厚身，口感都幾滑，膠質又豐富，用上花膠打邊爐都幾滋味。雪花肥牛來了一碟大的。肥牛切得大片又厚身，但一點都不韌。而且份量一點都不少，價錢數費也算合理。香脆炸魚皮，沒想到米走雞的食材份量都不少，價錢又不貴，連炸魚皮都幾大盤。直接而吃香脆如薯片，放入鍋吃又能吃出少許麻辣的味道，壽星女把炸魚皮當薯片吃，還吃得很開心。

再次到 "米走雞" 吃火鍋！上次試過招牌芝士雞煱，已經深深覺得超可愛，特別是這些雞件又滑又入味😋！今次想試試他們的 "火焰麻辣雞煲(小)$148"店員送上雞煲後，會即場加熱及點火，馬上可聞到濃濃的麻辣雞煲和調味料香氣，雞件多汁惹味、辣得刺激，不過我們只是點上小辣，朋友說下次可以升級挑戰為中辣。😆哈哈蝦中寶 係不少得，啖啖蝦肉，中間夾著的也是原只大蝦！ 😁😘雪花肥牛豐富牛味，在麻辣燙浸泡一下，辣汁和牛肉的鮮味、入口嫩滑、脂肪分布平均，真是無可抗拒，可算是完美組合！手打五寶丸拼盤新鮮各式丸是沒有失禮，粒粒彈牙、鮮味十足，而印象最深刻就是魚丸和牛肉丸，味道最為特出！👍🏻鮮製四拼餃鮮蝦水餃味道不錯，特別係鳯城水餃啦，薄薄的外皮包著菜肉餡料，一件再一件，非常滿足！最後點上竹遮茅也是火鍋伴侶，打邊爐不少得的飲品！不過我酒鬼朋友還是選擇冰凍啤酒！ 🍺

朋友話想去咪走雞食好邪惡的芝士雞煲，對我呢啲芝士控的人，聽到個名，已經全失去自控的能力，唯一可以做嘅就係打電話訂枱。黃金芝士雞煲，在雞上面放滿了紫洋蔥和爆份量的芝士，成功上枱後，就開爐……睇住啲芝士慢慢的溶化，由固態變成液態，濃濃的芝士香開始攻擊嗅覺，好像命令你的大腦要起筷！！每件雞都好像淋浴於芝士中，而且雞肉仲好嫩滑，主角真係主角。鮮炸響鈴，從上枱時響鈴的外型就可肯定係即叫即炸，仲要爆大件，放入芝士湯底1..2..3..4..5..6秒，就要泡夠芝士浴，響鈴遇上芝士，真係一個魔鬼的誘惑。特級雪花肥牛，呢度牛肉分三種，為咗同一價錢，食多幾味，我們選擇了最平的雪花肥牛，不過質量令我們意外的好，份量又夠。西班牙黑豚肉，食個平牛，就係為咗呢碟黑豚肉，記得八成熟就足夠，味道？？好質量的豬絕對可與有質量的牛肉比美的。黑松露蟹子魚面，普通的魚肉面試得多，混合了黑松露和蟹籽的，還是第一次，蟹籽帶來的口感，黑松露帶來的味道，Prefect Match。鳳城水餃、鮮蝦雲吞，都是自製的，用料足，味道爆讚。

之前有食過米走雞的黃金芝士雞煲, 今次再有朋友仔約我嚟, 就一於試下另一款雞煲啦! 火焰麻辣雞煲 (中辣) - $148 for 2~3人起初以為"火焰"只係形容食完麻辣雞煲好似噴火咁辣, 原來真係會有"火焰"的, 服務員端上雞煲後會在雞煲內點火, 將雞件炒香, 之後再加入麻辣濃湯, 再煮多一陣讓辣味繼續發酵, 變得更香更濃雞煲配料包括洋蒽、芫茜, 多汁惹味, 每件雞件都沾滿辣汁, 越辣越想食以2~3人份量來說, 雞件份量不少, 吃完成煲雞已經7~8成飽 (幾抵食), 雞件較大舊, 但肉質夠嫩滑雞件食得七七八八, 就可以叫店員加湯 (有清湯 / 辣湯) 吃火鍋鮮炸響鈴 - $48上次有食過呢度的炸響鈴, 真係即叫即炸, 所以好鍾意食, 響鈴的卷數較多, 吸湯能力高手打五寶拼盤 - $88手打系列 ~ 每款兩粒...鮮墨丸、鯪魚丸、豬肉丸、鮮豬肉丸、鮮牛丸, 鍾意食手打丸,因為必定係新鮮, 唔係雪咗N世一陣雪味的丸類,每粒手打丸都大大粒, 仲打至起膠,夠彈牙

老公朋友話過嚟太子食飯就揀咗位置就腳嘅>>米走雞<<啦！前菜叫咗個酸薑皮蛋皮蛋好好味，食埋啲薑好開胃朋友未嚟過，梗係點個大芝士雞煲啦！芝士舖滿雞面，洋蔥夠哂甜不過雞件依舊切得大大件成舊雞都被芝士包住，好邪惡🙈其實我偏好細件嘅雞，好似易咬啲😆配菜都唔錯👍牛頸脊，有牛味又唔會變柴皮！翡翠苗，淥一淥食得，必叫！竹笙，吸哂芝士湯汁，正！金菇，無特別。手打五寶丸，都幾新鮮彈牙，可以~另外加2支藍妹同汽水1罐埋單$890三人行，一人3舊，都合理嘅

之前在長沙灣想試好耐都無食，上個月發現原來太子有就去。點了芝士，我想講d雞全是雪藏雞脾，估他應該是先泡油，雪藏後再煮返。其實吃雞煲我唔介意亦預咗唔冰先雞，但好唔好不是雪藏雞脾呢，想慳成本都唔好咁。。不過其他火鍋料都幾好嘅

無論是嚴寒的冬天,還是天氣酷熱的夏季, 也阻擋不了我對雞煲的熱情! 雖然次次食親雞煲，都必定生一兩粒暗瘡出嚟， 但係為咗食好西，都唔理得咁多！ 太子依家米走雞是樓上舖， 地方特大座位寬敞， 坐得舒服食得開心啲！ 而且侍應夠多，招呼唔錯， 不會出現舉極手都冇人理的情況！今日食番呢度嘅招牌菜，就是黃金芝士雞煲！ 先以大火煮沸， 調至保溫，先吃雞件，不需攪拌,味道更濃! 成吋厚的芝士蓋住雞件， 情況就好似落咗一場大雪遮住曬啲道路一樣， 隱隱約約還見到金黃色的芝士湯， 如此金光閃閃的畫面， 豈有不雙眼發光之理？ 每次夾起雞件都會拉出四吋長芝士絲， 極度推介芝士迷， 講真如果連芝士雞煲都未食過，又點稱得上次是芝士粉呀！ 雞塊大多以雞腿肉為主， 所以每件都食到好嫩滑的口感！ 不過原來食芝士煲會比較食麻辣煲濟住個胃， 就以那一晚為例，我們叫的都是平常吃慣的份量， 加上我倆都非常肚餓， 暫時想不到吃到一半已經覺得飽飽滯滯！ 所以強烈建議大家如果吃芝士煲， 先點平時一半的分量好了， 真的不夠才加喔！ 打邊爐或者係雞煲的最好partner就是來番杯冰涼的竹蔗茅根，下下火清清熱~ 而且這裏的竹蔗茅根水只有微

今次又同朋友黎食米走雞食雞煲，上次食deluxe,今次食普通版！去太子！我地order左黃金芝士雞煲（小）！2-4人份量，雞件有成廿件，啖啖肉！四個人食岩岩好，兩個人食就食完唔使叫配料都飽哂！手切特級霜降肥牛（小）呢個霜降肥牛一睇就知靚野，紋理細緻，脂肪分佈平均。擺落湯滾一滾好攞返上黎啦！不過就算烚耐左都仍然唔會un,食落口好有牛味！黑松露蟹子魚麵，食落口好大陣黑松露味，好香，而且份量好多。你見佢得一枝好似好少，但其實都唧都好多出黎。另外要讚下侍應姐姐好服務，見我地唧到一忽忽，即刻幫我地唧埋落鍋！蜂巢冷豆腐呢個豆腐吸水力強，一放落湯滾兩份量，即刻攞返上黎！但小心辣親個嘴，佢真係吸好多湯！🤤另外都叫左d蝦，隻隻都大大隻，唔失禮！

其實同朋友搵個食嘅地方真係有好多同選擇，但想要食過再返轉頭嘅店舖有時候就較難一齊都想係同一個地方！但這裡大家都一齊覺得可以再來！今次點了個黃金芝士雞煲(小) $158，煲內放滿了濃郁嘅芝士，雞肉嫩滑軟熟，加埋煲熟了嘅芝士，入口嘅口感超正！啱晒喜歡吃濃味嘅朋友！除此之外，亦加了個小吃紫薑流心皮蛋$28，流心皮蛋入口即時就已經溶化，加埋帶酸辣嘅紫薑，味道就係一個最佳配搭！當然美食當前，手快有手慢就...加多個香辣炸魚皮$48，大大份，入口香脆爽口，加埋個芝士雞煲內嘅湯汁，濃郁芝士嘅味道加少少辣嘅感覺正！一群愛吃肉嘅人，絕對不能沒有肉，雞煲一完前已經即刻落單手切特級霜降和牛(小)$288，嘩脂肪紋清楚見到，塊塊都係分佈均勻，一滾就差不多可以入口，最緊要係肉質嫩滑，入口感覺到佢嘅香滑肥美！真係堅正！另外必定出現嘅手打五寶丸拼盤$88，想樣都試吓就係首選，全部手打嘅牛、豬、墨魚、鯪魚、蝦，粒粒都彈牙爽口，特別係牛丸，加埋陳皮，入口香滑，夠晒味！當然其他嘅亦超好味！嘅然個湯咁正，加埋鮮炸響鈴$48，絕對係一個正確嘅選擇，入口即時溶化，脆，鮮味就係唯一嘅描述，當然鮮炸嘅關係，上枱重係熱盪盪，放湯即上

大家都喜歡 work-life-balance ，但係公司生意好工作量就自然大增，點都係要做哂先可以放工架啦！唯有放工食好啲，安慰下自己啦！我同班同事最鍾意就係食雞煲吖火焰麻辣雞煲(小)$148火焰雞煲係我每一次都必叫嘅，店員會即場係我地面前炒一次雞煲，我們就鍾意食BB辣，雞件多汁惹味又刺激，一邊食一邊出汗。另外我哋都喜歡叫啲即食唔駛等嘅小食，今次係椒鹽脆鯇腩$48。啖啖肉冇骨食完雞煲之後加湯就可以打邊爐啦！真係要讚下佢，就連追加嘅湯都係辣嘅，無論食幾耐都好似原汁原味咁兩位男人同事話要生仔喎日本廣島蠔$78 比佢哋食晒佢. 大大隻好似好 creamy 喎，佢哋話入口非常順滑。為咗唔食牛嘅同事，我哋要咗一個西班牙黑豚肉$188, 肉質果然係好柔軟，入口嫩滑。脂肪分布平均，所以入口一啲都唔會覺得油膩。打邊爐必叫鮮製四拼餃$88。我覺得魚餃味道OK，最特別就係嗰牛肉餃啦！仲有你呢度一定要叫嘅出前一丁$14，加芝士$12, 咁樣食法芝士控一定好開心。打邊爐咁熱氣，到最後記得叫支竹遮茅根當涼茶飲呀！如果人多可以book VIP房，私隱度比較高，其實幾啱生日party 用基本上都坐得幾舒服，抽風系

本身以為芝士雞煲會好肥脷但去到但又唔係咁差可能你會覺得港女先喜歡食呢d芝士野但我想講經過呢次 同行男友人都有驚喜仲有新鮮肉類 海鮮下次要同屋企人黎食但重點係記得打電話去預留枱囉