米走雞 (太子藍馬之城)

营业中

休息中

話咁快一年了，又到Deep V 生日。今次上openrice搵食。由於Deep V 要7:00放工，就吓佢揀太子。見到有間米走雞，個名好過隱。又近佢公司。又見入選餐廳。就揀咗米走雞喇。book咗7:30去到唔洗等位。有芝士雞煲及麻辣雞煲。由於我地兩個都未食過芝士雞煲。試吓先。職員問我地要唔要加多d芝士。但又怕漏。但職員推介要加。博吓啦！雞煲滾起後好香，有洋蔥芫茜雞件大大件，芝士香濃。食落又真係唔太漏。雞肉都好滑。食完雞煲就叫咗碟和牛。脂肪分部平均，就算淥耐咗，完全唔靱，牛肉味香濃。再叫咗一碟虎蝦，有6隻大大隻，肉厚，蝦味濃又新鮮。花膠，一碟有大概4-5塊，塊塊都好大。口感唔錯。竹笙墨魚滑，竹笙爽，包住墨魚滑好特別，第一次食，覺得唔錯。再加蘿蔔，什菇，豆卜，冰豆腐。食到飽飽的。最後加杯咸寧七Deep V 話今餐生日飯非常滿足。