米走雞 (太子藍馬之城)

营业中

休息中

今個星期唔計星期六日，仲有兩日公眾假期， 好爽爽 家姐就嚟生日 ，趁機會去我好想去嘅米走雞我哋揀咗太子分店 ，交通方便 ，搭地鐵同火車都就腳， 因為要就齊人，book咗枱9:30， 唔緊要啦，返多一日又放假啦!估唔到咁晏仲咁多人，去到差唔多滿座， 好彩book咗枱， 仲編排我哋坐窗口卡位， 望到出面嘅街景 ，景觀唔錯 先點咗個火焰麻辣雞煲， 有四種辣度， 我哋揀咗一隻辣椒嘅辣度。 店員先用火槍點火， 然後再炒幾炒 ，雞煲充滿辣椒乾，洋蔥，唐芹，芫茜， 香氣撲鼻。其實仲有一小碗辣湯， 我哋怕辣， 店員提議唔好放湯落去先， 唔夠先落雞件好多又好滑 ，呢個辣度啱曬我哋差唔多食曬啲雞，佢哋會幫你加清湯喺個煲度，開始打邊爐啦! 我哋四個人都嗌咗唔少嘢食，火煱必叫: 特級雪花肥牛， 大大碟肥牛， 雪花夠分明 ，未淥 都已經想食秘製牛坑腩 ，應該先炆淋咗， 未試過打邊爐食牛坑腩， 好淋好味越南虎蝦 ，虎蝦大大隻， 又新鮮， 食落好爽甜手打五寶拼盤， 有五款唔同嘅手打丸， 墨丸，蝦丸，鯪魚丸，豬肉丸，牛丸， 每款兩粒 ，手打真係特別好食， 口感零舍好。仲有鮮制四拼餃， 水餃，牛餃，雲吞， 韮菜餃 ，每

米走雞個大名就聽得多，今日終於約到朋友一齊試吓。地點非常就腳，距離太子地鐵站好近，位置亦都好容易搵。黃金芝士雞煲（小，2-3人）$158佢只有兩款雞煲選擇，芝士雞煲或麻辣雞煲，我哋揀咗佢嘅招牌芝士味。朋友話芝士味嘅雞煲好有食韓式料理嘅感覺，雞件肉質嫩滑彈牙，水準以上。特級雪花肥牛（小）$108份量其實唔少，三個女仔都幾乎食唔晒。日本廣島蠔 $78新鮮，蠔味重，抵食！手打五寶拼盤 $88包括有：墨丸、蝦丸、鯪魚丸、豬肉丸、牛丸。粒粒手打，口感彈牙。娃娃菜（半份）$22粟米 （半份）$18雜菇拼盤 $42稻庭烏冬 $19粉絲 $19竹蔗茅根（壺）$68以後雞煲癮起，又多一個好選擇了。

期待已久的芝味雞煲，今天終於來吃了！我們6時已經到，已有2枱客，我們未算最早，7時多已幾乎滿座，米走雞果然是不能錯過呀！看看餐牌，很多選擇，我目標是黃金芝士雞煲，還可選擇濃味，我當然要最濃味的，即是激量芝士雞煲一上，芝士粒是未煮，要煲一會直到滾再焗一焗才可以食，打開蓋即時芝味撲鼻，濃郁芝士鋪滿雞件，每件雞肉都沾上溶化的芝士，雞肉嫩滑，啖啖肉，少脂肪，配上芹菜、芫茜、洋蔥和乾蔥的香味，令整個雞煲生色不少，2人吃的確有點滯，不過我們都非常好胃口，可以吃光光⊙_⊙之後加入芝士湯底，開始逐步將肥牛、駝鳥肉、鮮制四拼餃、蜂巢冰豆腐和雜菇放入鍋~肥牛脂肪分佈均勻、新鮮，而且細份量亦算多！很久沒吃過駝鳥肉，看似無醃過的，落鍋煮一會兒就熟，肉質鮮嫩，都不錯！四拼餃有點驚喜，分別牛肉餃、韮菜餃、雲吞、水餃各兩隻，粒粒飽滿，牛肉餃有黑椒辣，韮菜餃充滿韮菜香，雲吞有鮮蝦和豬肉，蝦肉彈牙，鮮味十足，餃子皮薄又滑，所以非常正我印象未吃過凍豆腐，朋友喜歡它有豆味，我卻喜歡重味一點，若放落麻辣鍋應該更索味！吃太多肉，要吃蔬菜平衡返，但對菜興趣不大，所以點了雜菇下次再來要記得不能點太多，真的飽到個肚快要爆出來，十級滿

周日傍晚，來到這裡開餐，見由地下上來的門口很小，心想沒甚麼期望。搭上到二樓，見到地方很大、環境很舒適、很整潔、企理，而且沒有殘留任何雞煲、火煱的味道，環境方面真的做得很好！因當晚只有我和朋友二人，朋友揀選了這張枱，能見到餐廳地方很大，還有窗眺望美景，食雞煲來說環境非常舒適！枱上有這些推介美食，我和朋友考慮一番後，朋友很愛芝士，及想吃駝鳥肉，我無乜心水，主要圍繞推介的來點菜，最後我們點：芝士雞煲（小·激量芝士）、駝鳥肉、四式餃（雲吞、牛肉、韮菜、水餃）、肥牛（小）、冰豆腐、雜菇拼盆。而我坐的位見到汽水櫃，我看見竹庶茅根很深色，相信很足料，也叫了來試試。我很口渴，竹庶茅根是第一樣上枱的，我也急不及待品嚐。試後有些失望，因為比想像偏淡，但尚算清，份量也很夠，用來送濃味的雞煲是很配合的。隨後雞煲未來，火煱配料已差不多齊，超級高效！雞煲當然最先食…見到芝士真很激，雞很大件！相信雞件有意切得這麼大，令雞可掛滿醬汁。不過食落，雞無雞味、芝士味也不夠，整個煲不惹味也不夠香，可能是自己不懂欣賞，但作為餐廳的主打，賣價$158，我覺得頗為失色！兩個人吃，雞量真的很多，「幾經辛苦」我們終於吃完，然後叫侍應

成日係ＦＢ見到人地食芝士雞煲，今日終於去試下啦。一坐底就緊係嗌依度最出名既芝士雞煲，因為我怕漏，所以嗌左小量芝士。然後就嗌左蒙古羊肉片夠嫩，但同芝士唔係好夾，下次嗌痲辣火鍋會好ｄ。生根，估唔到依到既生根有成兜咁多，一見到我即刻變心心眼，生根打邊爐可以索哂ｄ汁，正！響鈴，一定要嗌！！新鮮炸出黎，大大件，脆卜卜，擺落去浸２－３秒即刻落返上黎，脆得黎又索到ｄ湯，一定要食。同埋佢大件到索完湯之後勁重，我用筷子夾到好攰，不過係值得既！仲有ｄ打邊爐其他必嗌野食：芋絲鳥冬芝士腸貢丸最後總結，黎食一定要嗌響鈴，一定要嗌響鈴，一定要嗌響鈴！！！很重要所以講三次！

老友想食雞煲，我第一時間就諗起'米走雞'，點知原來好友從未食過，我當然要帶她去試一試我最愛的芝士雞煲。由於'米走雞'最近一口氣連開幾間分店，所以令到旺角分店終於比之前容易book位一點。一坐低即刻先order一個芝士雞煲先，配料就可以慢慢選擇。芝士雞煲芝士味超濃郁，所有芝士完全溶入湯底之中，又香滑又芝味，雞肉軟嫩入味，次次都食唔停口。脆鯇片新鮮嫩滑，而且份量十足，肉質鮮美。竹笙吸收咗芝士湯汁之後超級滋味，芝味濃郁又夠爽嫩。鮮炸響鈴響鈴店家每日新鮮即炸，香脆大件，放入湯底輕輕燙過，吸收咗芝士味又不失香脆口感，好好味喔！生根配上芝士湯底另有一番滋味。最喜愛食香口食物又點少得'炸魚皮'炸魚皮十分香脆，咸香惹味。生菜（半份）蔬菜新鮮而且仲好清甜。娃娃菜（半份）娃娃菜好鮮甜，吸收咗湯底之後甜味更加突出。好友好滿意這間芝士雞煲，而且還說下次要帶屋企人試試看。

籌劃同老襟做生日,其實佢係老饗一名,所以搵地方真係好傷神。好在上網搵到"米走雞",一來老襟鍾意食火煱,二來小朋友就喜愛食芝士;依度就滿足到雙方嘅需要。見到食評唔錯,所以早早報名留檯6:30pm恐防有失。直至坐落點菜後,都陸逐有客入座;7:15pm左右差不多滿座。好似只有一間包房,兩張窗口大檯。先叫一個大芝士雞煲俾小朋友,一個細川辣煲俾大人食。有驚喜,兩煲嘅雞入非常滑溜;個人比較讚賞川辣果煲。座上六大一細,食完之後飽咗一半,因為雞件唔細㗎,每人都分到五六舊。另外加叫幾款火煱料試吓菜。虎蝦非常掂,既新鮮而且又大隻,幾乎放唔落個(細煱)到。重有冰豆腐,嚮鈴等等都交到貨自己帶埋生日蛋糕唱歌仔,壽星人超high。最緊要埋單個個都讚"咁平呀!好抵喎"

搞聚會，12個人，旺角區，邊到好？上網睇，哩間米走雞環境好似唔錯，於是乎上咗去幫襯。上到去，除咗有兩個包廂之外，餐廳重個一個自成一角嘅角落，聚會一流，環境啱心水！記得之前幫襯另一間官塘咪走雞，芝士味太濃 (利申自己唔太好芝士！)，所以哩個問題係我最擔心嘅地方，但今次去太子食芝士雞煲，又唔係好強烈芝士味喎！可能我點咗少量芝士啦，所以今次幫襯夾啱自己胃口。今次幫襯有幾個特別地方：有d火鍋店嘅鵝腸，成抽肥膏，睇見就唔想食，米走雞嘅鵝腸，洗得好乾淨。另外d雞好滑，哩點同官塘果間無咩分別，保持到水準。ps:又又又係果句，見到d包廂，食淨好多野，成張枱d配料好似未食過野咁，唉....

今日約咗朋友食飯，想食雞煲但唔想食任食。因為想坐得舒服啲同埋唔想太嘈。諗左好耐，揀左依間米走雞。貪佢方便就腳！一入到去，內在環境好舒服，唔會好多油煙，啲位又好闊落。坐低未叫野食，已經加曬分！好，坐左一陣就睇menu!雞煲有兩款選擇，食完再加湯食火鍋！我地見隔離枱個麻辣好出色，就叫左個試下！火焰麻辣($148)小一黎到，終於知道點解叫火焰麻辣。因為真係有火！雞煲上面有藍色既火，睇到都覺得有鑊氣！麻辣香味隨之散發出來，正！雞件全部好滑，好有新鮮雞味。仲要冇雞腳雞脛，唔會冇肉食！辣味都岩岩好！好食！食完之後就加湯，為左避免加湯沖淡辣味，佢有選擇加豬骨湯定辣湯。好細心！我就加左落湯渣到成枱都係餸！等我逐個送講下！首先一定要講個特級雪花肥牛!牛味好濃，好滑身！食落口未至於入口融化，但都融左一半！油脂分布都唔錯，唔會食到好韌！好驚喜！之後就到炸響鈴好有質素既響鈴。有豆香，又炸得好夠乾食，夠曬脆。加埋個辣湯食，unbelievable!!!必食！再黎多個豆製品，豆腐食得出係布包豆腐，夠滑身但又唔會散到一舊舊，好食又健康！之後仲有個好出色既滑雞件個滑雞件我建議食完雞煲未加湯之前落落去，吸收曬麻辣味，又

出街食飯， 知道媽咪一向喜歡食雞煲 ，所以 帶他去米走雞 食芝士雞煲。 呢間餐廳鄰近 太子地鐵站， 交通 非常方便 ，只需行一分鐘就到達 。餐廳環境 空氣通爽， 座位舒適， 侍應 很有禮貌地 安排 我們 進入卡位 就座。這間餐廳 馳名 黃金芝士雞煲， 我選了 只是細煲份量 $158，但 雞件 原來很多， 芝士雞煲內的芝士粒 鋪滿煲面 ，還配有很多洋蔥片。 在 加熱 的芝士 後， 芝士溶化  在雞肉上 ，雞肉 沾滿芝士味特別香滑無比可口。食 完雞煲， 可以加入芝士湯 ，再吃火鍋 一煲兩味 ，非常 方便 又經濟。娃娃菜 是火鍋最好的夥伴，  這新鮮 的娃娃菜 ，浸入 芝士湯後， 非常淋甜又有芝士味， 非常愛吃。只是$1O五香鴕鳥肉， 肉質新鮮嫩滑 ，入口即溶， 充滿口感 ，也是 必備的火鍋良伴。$68鮮製四拼餃， 有鮮蝦雲吞， 韮菜餃，蝦餃， 豬肉餃， 每款 有兩粒， 皮薄餡靚， 大大粒 餃子 非常抵食$88。

今次因為個招牌黃金芝士雞煲而黎🧀😆因為朋友同我都鐘意食芝士，我地簡左激量芝士😋上枱喇，好睬簡左激量姐，因為好似都唔係好多芝士。芝士開始溶喇，不過無乜拉絲個種感覺。食落芝士味都無特別濃，反而有d咸，對於味道有d失望，話哂招牌架嘛。不過雞都好嫩滑，同埋大既份量真係好多雞，四個人食有餘。加分既反而係d火鍋配料手打丸真係好正！好彈牙粒粒都食得出真材實料！值得推介！又係好鐘意既黑松露蟹籽魚麵係我食過最彈牙既魚麵！再點埋附送既黑松露蟹籽不得了，好濃既黑松露味到依架都回味緊哈哈，小店果然手打火鍋配料好掂！至於雪花肥牛，雜菇拼盤同鮮炸響鈴都正正常常。飲品方面仲叫左手工麥子啤酒。總結:食物質素ok，唯芝士雞煲小小失望。不過星期六依間都唔full，所以無限我地時。依點對我地黎講係好事hahaha!

雞煲平日就食得多，米走雞的芝士Crossocver雞煲，這個配搭夠新穎邪惡，決定與友人一試。餐廳地方闊落，座位舒適，很適合一班朋友聯誼聚舊。我和友人先點店家名物芝士雞煲(小)($158)。雖然是小份量的雞煲，雞件的份量很多，亦夠嫩滑。最驚喜的是紫洋蔥、香茜與芝士的組合非常夾，雞件既有芝士的濃洧，也有蔥段的清香，值得推介!吃完雞煲後，店員會把雞煲加湯變成火鍋，可選清湯或芝士湯，作為芝迷的我當然選擇芝士湯。點餐紙有不少火鍋配料可供選擇，我揀選了店家的創意組合竹苼墨魚滑，在竹苼中釀入墨魚滑，彈牙的墨魚配合竹苼的芝士湯汁，吃起來格外爽甜。我們還點了火鍋必備的雪花肥牛(小)和鮮炸響鈴。雪花肥牛肥瘦分佈均勻，牛肉味濃，響鈴則份量十足，夠香脆。還有一份油麥菜，油麥菜也是大大份的不欺場呀!作為火鍋店，看到米走雞在傳統中推陳出新。對於一眾芝士迷，這裏的芝士雞煲相信能讓你大感滿足。

雖然天氣還是很熱，但香港沒有夏天不打邊爐的說法，尤其是餐廳室內冷氣很足，就完全不是問題。這家米走雞分店的位置較僻，太子站出口過去大概5分鐘，但大堂環境敞亮，地方很大，坐位舒適。一如既往選了招牌芝士湯底，為了多吃點別的，我們四人拿了個小的，配了普通份量的芝士碎。雞煲很快上桌，濃郁的芝士混了洋蔥，顏色亮麗，蓋著蓋子滾上一會，一旁的服務員會為你看著時間，見芝士始融，和了雞件，就可以開吃。煲低少許芝士湯避免了黏鍋，上下翻一翻，把融化的芝士碎搞混，包著雞塊，味道剛好，既有芝士的香滑，味道又不會太濃太膩。完了雞件，就可以加湯開始火鍋，既然是沖芝士火鍋來的，當然得加芝士湯，弄個雙重芝士。打邊爐不能沒有肥牛，隨便選了個價錢中等的特級肥牛，賣相意地吸引人，肥瘦夾雜，香重的牛肉味。墨魚滑吃得多，用竹苼包著的第一次見，偏偏兩款配料都是打邊爐的絕配，投其所好不過如此，自然非試不可，竹苼很入味，混了湯有時會特別膩，特別在內中包了味道清淡爽口的墨魚滑就解決了這個問題，而墨丸本身不易入味，恰恰就和竹苼互補，是個很有心思的設計。作為合格的魚肉控，兩樣必叫配料是白膳和脆鯇片，要讚的是它的魚肉處理十分干淨，肉質透明新鮮，

平時成日會路經呢間「米走雞」，啲frd成日都極力推薦，但一直都未有機會試。今日終於一嘗到呢間朋友口中嘅正嘢。入到去環境都幾大，因為未到食飯時間所以食客不算多。坐低我地簡左「黃金芝士」雞煲，重點係佢有得比Cheeseholic嘅你選擇埋芝士份量，然後我簡左激量。打邊爐應該要有嘅嘢都係齊度，落單嘅時候店員仲好細心提示多一次煲入面係有洋蔥，芹菜，芫荽同埋乾蔥，如果有嘢要走就提前講聲。教埋你點食。上枱時店員提醒唔洗撈佢，如果唔係芝士好易痴底。成個煲都好Creamy，啲雞件件都大大舊而且肉唔會話乾，好juicy。Menu嘅每一隻牛都有分大同小比你簡。呢碟係「特級雪花肥牛（大）」。連蠔佢都有兩款比你簡，呢隻係「日本廣島蠔」。「手打五寶拼盤」，分別係墨丸，蝦丸，鯪魚丸，豬肉丸同牛丸。食得出佢係真材實料，足料！邊爐必食「鮮炸響鈴」。仲實測佢係咪鮮炸就咁咬左啖落去，答案係 係嘅。最後我地兩條友就係叫左呢幾樣已經好飽好滿足。

一講雞煲，身邊好幾個朋友推薦呢間，抱著不妨一試的心態去晚餐。芝士雞煲沒有想像中膩，用料質素不錯之餘款式配搭有心思有創意，可以一試為左芝士雞煲而黎，不過其他煲都幾特別。雞煲除左醬汁係芝士，面頭仲有芝士粒，可以選份量，上圖係適中嘅量。雞好大件，入味得黎肉質好嫩滑。芝士好惹味，亦唔會好膩，老土都要講句，好邪惡呀！雞食得七七八八，加湯食埋芝士火鍋兩人食的話小份都足夠，牛肉唔算嫩滑但好濃牛味，亦唔會太肥，配芝士濃湯估唔到咁夾一試過試五款手打丸，真材實料。最愛蝦同墨丸，食到蝦肉同墨魚粒，好彈牙。竹笙爽口得黎吸哂湯底嘅精華，點會唔惹味！娃娃菜比想像中大份，新鮮菜本身有甜味，煮「林」少少吸收湯底，已經好夠味。推薦響鈴，份量好大，浸落芝士湯底食真係好正創意食法，加上用料靚，每樣份量又好大，確實係食得好滿足！