米走雞 (太子藍馬之城)

营业中

休息中

朋友仔同我慶祝生日，帶我去左哩間米走雞食芝士雞煲😋佢話之前食過唔錯，又知道我最愛芝士，所以極力推介叫我去試下食雞煲當然要下火，飲竹蔗水最岩啦👍🏻甜度適中蜂巢冰豆腐，打邊爐一洗，可以吸曬d芝士汁😍雪花肥牛（小）肉質唔錯，入口即溶，哩個仲要唔係最貴既牛款，鍾意食牛既朋友可以叫和牛🤗羊肉...哩個就一般啦，好有咬口，咬到好攰果隻，本人唔推介🙈主角：芝士雞煲，芝士有得揀多定少，揀激量都唔使另外加錢嫁👍🏻不過雞件有d大，如果佢可以切細件d就好啦，方便女仔唔使食得咁狼狽啊嘛😂😂黑松露蟹子魚麵，哩個一定要試，好味😋埋單600幾，食物對得住哩個價錢啦，下次黎要試埋佢個麻辣雞煲，我一直聞到陣麻辣味好想食😂😂

朋友一向都係芝士迷，之前自己試過米走雞既芝士雞煲覺得好正，今次同佢預祝生日食飯，就決定帶佢黎食餐勁既除左芝士底既雞煲仲有其它湯底選擇，我地就叫左細既雞煲，有得揀芝士份量，朋友即刻剔左激量芝士，呢個超級芝士迷已經不受控制材料有好多選擇竹蔗茂根。$68有一大壺激量芝士既雞煲登場，濃濃芝士味加埋嫩滑雞肉好正，雖然我地只係叫細雞煲，但雞既份量都好多呢度加湯底係加芝士湯，所以加完湯都仍然係濃濃芝士味細份既雪花肥牛，油脂分佈均勻，入口嫩滑羊肉片，羊味濃郁冰豆腐，索晒芝士湯後冇得彈黑松露蟹子魚麵，爽口彈牙，充滿黑松露同蟹子，真係必食首選

普通再普普通的火鍋，芝士雞煲仲得啖笑，金寶白汁雞湯底再加碎芝士，芝士煲賣相唔錯2-3人份量都有好多件雞，芝士味真的無點出🤔，雞都唔錯滑滑的唔乾，再加咗個蕃茄湯底同d打邊爐食材，火鍋無豉油、辣椒同蒜頭，要叫先有豉油，再到失敗🤔🤔！無特別唔加意解說打後的番茄湯底火鍋，失敗，又中伏啦，食評大陪份人都話好味的芝士雞煲係流流地🙈🙈

米走雞最出名當然是芝士雞煲, 原來這裡仲有麻辣雞煲.上次食過一次芝士, 今次就試試麻辣先.雖然現在是夏天, 但都阻不了我吃雞煲同火鍋放工時間6時半就來到, 時間早未有太多人,火鍋店來說環境真的不錯, 很乾淨很寬落其實除了雞煲, 還有淨湯底的選擇,火鍋配料都有很多款式, 而且有半份揀適合二人份量等待雞煲滾後, 店員會為我們點火加麻辣汁再炒香雞件每一件雞件的麻辣汁都很均勻, 很香口我們揀了小辣,不會太辣, 但當然會有少少麻痺的感覺吃完雞煲後就可以叫店員為我們加湯再吃其他火鍋配料, 這個麻辣湯底味道濃郁配料不用再加任何調味料已經很夠味!特級雪花肥牛(小), 肉質很軟滑, 厚度適中, 脂肪比例一流蟹柳, 是真的蟹肉, 不會一夾就散豆腐生根芝心丸午餐肉雜菇拼盤娃娃菜每一款配料都很高質很新鮮, 而且感覺很衛生.店員都很有禮貌, 價錢適中, 食雞煲的很好選擇!值得再來啊

芝士是我最愛的食物之一，而雞煲我每個月最少吃一次~但就從未嚐過芝士雞煲，不知道芝士X雞煲又會是怎樣的滋味?是夜約了好友到芝士雞煲相當出名的”米走雞”，六點多到，入座率也有一半，幸好一早訂了位。店舖通風做得不錯，地方寬敞，座位舒適。雞煲芝士碎份量可自行選擇，芝士迷的我當然選激量!2-3人建議選(小)雞煲~激量芝士碎果然非常多，芝士及洋蔥碎鋪滿整個雞煲。待芝士慢慢溶化就可以起動了!濃濃的芝士香氣非常吸引，雞脾肉肉質嫰滑啖啖肉，每一件雞件被芝士包圍住，芝士味濃但不會過咸，每一啖都令人非常滿足!之後就加芝士湯打邊爐，值得一讚是米走雞加湯是芝士湯而非普通清湯，不用擔心芝士濃香味減退~特級雪花肥牛 HK$108牛味香濃，油脂分布均勻，脂肪比例剛剛好，新鮮肥美!手打五寶丸拼盤 HK$88五寶丸包括鯪魚丸、牛丸、豬肉丸、墨魚丸、蝦丸。岩哂選擇困難症又愛試新東西的我!五種丸類均爽口彈牙，真材實料!翡翠苗 (半份)HK$22翡翠苗新鮮爽甜，非常幼嫩!

之前同屋企人係銅鑼灣食過米走雞，覺得幾好食～今日收工同朋友去咗另一間分店，係太子地鐵店附近，都幾易搵。我地都係無試到芝士雞煲，揀返麻辣嘅，我個人食小辣就夠啦😛要焗一焗先，然後再加麻辣汁！點火！炒勻佢🔥炒過之後更加香，啲麻辣味即刻散發晒出嚟！😋二人份量好多，仲有幾多雞脾肉，有乾蔥、洋蔥等嘅甜味調和咗啲辣味～啲雞肉幾嫩滑，但就雞味唔係特別重。特級雪花肥牛（小 $108）叫咗細份都覺得好多，3-4人食會比較好！雪花紋，但脂肪位唔多，啱晒我呢啲又鍾意食肥牛，又怕肥嘅人😂可能淥耐咗，有啲韌韌地～竹笙墨魚滑 （$88）第一次咁樣食墨魚滑，覺得好新奇😂竹笙係外面幾爽口，咬開食到入面仲加彈牙嘅墨魚滑👍🏻個味道比較淡，我都係鍾意就咁食多啲～鮮炸嚮鈴（$48）最愛鮮炸嚮鈴，不過呢到啲嚮鈴真心有啲太大，放唔到入口，所以好難一啖食到又軟又脆嘅口感～但係鮮炸係最香最好食，而且價錢👍🏻索晒啲汁食一流😋娃娃菜，油麥菜（各半份 $22）啲菜都幾新鮮，娃娃菜就略黃咗啲。可以叫半份，唔洗食死一種菜👍🏻

自從韓風興起了芝士料理後，芝士料理愈來愈廣受歡迎，不過吃膩了韓式料理，不如來點新意思，芝士雞煲又如何？！食雞煲的店舖開到成行成市，想要突圍而出，必定要有點gimmick 才吸引到食客，今次食呢個芝士雞煲是這裡的獨創菜式，芝士迷必like~餐廳地方廷大的，有很多座位，裝潢時尚，以黑啡色為主調，是富有現代感的loft 風設計。如果人數夠多的還可以book 房，不過只有一間，記得提前預訂喔～這裡除了有芝士雞煲外，也有傳統的麻辣雞煲可以揀，唔食辣的可以點芝士雞煲，鍾意香燶惹味的就一定要點火焰麻辣煲。如果唔想食雞煲，想單純地打邊盧亦得，這𥚃有四款湯底可供選擇。不過就現場所見，食客都是衝著雞煲而來的，火喉一流香味四溢的火焰麻辣煲側較多人點選。筆者可不是人云亦云的，概然今次選定了要來吃芝士雞煲，又怎可受鄰近麻辣的香味引誘，而臨時改卦呢～黃金芝士雞煲$158芝士雞煲的配料有洋蔥，中國芹菜，芫茜和乾蔥，配料跟麻辣雞煲大同小異，只是沒有了乾辣椒，而變成了芝士。芝士碎的份量可以選小量，普通或激量，食得芝士煲，芝士是重點，所以一定是點激量吧。排山倒海的芝士碎排得滿滿的，內裡藏著金黃色的雞塊，十分吸睛，以細火煮

為食朋友約我到彌敦道"米走雞"食火鍋， 聽講佢 經常去食 ，我未試過，今晚跟佢去試試约七点去到坐下片刻好快就已經客滿了，睇睇menu好多火鍋配料選擇，價錢都唔貴……先來一個小麻辣雞鍋 ， 雞鍋上枱在爐上加熱的同時再用火槍噴出火焰炒一會，這時候 散發出麻辣香氣，食欲高漲…… 大大件雞肉夠入味嫩滑，每件都啖啖肉，麻麻辣辣好惹味！食完 雞再加上湯 繼續打邊爐……雲吞一份有八粒，味道唔錯， 蝦肉 爽 雲吞皮滑 味道鮮美 ，唔錯！手打墨魚丸比較靱， 還有芝士丸 ，鮮炸響鈴 比一般的大件， 脆口 ！好味！冰豆腐索了湯底好滋味，而蘿白同樣清甜中帶有麻麻口感，菜也很新鲜！ 大快朵頤的同 時，喝上一口冰凍啤酒說不出的滋味！今晚食得好開懷暢快，米走鷄果然好味！ 值得再试！

#黃金芝士雞煲🧀 (HKD158)✔️👅：7/10✏️ 芝士 X 雞煲 肥死你😈 之前都介紹過兩次 今次係太子店食 都算寬敞 最後book位啦 雞件偏大塊 好彩食落去都算軟稔易嚼 芝士醬汁濃度適中 香氣十足 加上面頭Mozzarella芝士滿足所有拉絲控🤘🏻 值得一提係入味洋蔥 芝味十足之餘更添清香感覺 食左三次都覺得洋蔥好食過雞 喧賓奪主咁好似✏️ 配料方面 手切霜降和牛(HKD288)紋理分明 雪花紋等人垂延三尺😍 而特級雪花肥牛❄️(HKD108)油脂分布均勻 牛味香濃之餘配搭芝士鹹騷味意外地合拍 推薦五香鮮牛肉(HKD88) 調味恰當之餘牛肉肉質嫩滑 真係入口即溶既感覺！而且平d✏️ 即炸響鈴勁巨大！香脆之餘唔帶油益味 配上芝士係最合拍既配料❤️🙆🏻 其他例如餃子類、牛頸脊一般 唔推介⭐️ 食完雞件打完邊爐後 記得加個出前一丁配芝士🧀 經長時間滾熬而成既芝士濃湯 再加上金黃芝士 啖啖芝士既出前一丁 不能更邪惡😳👌🏻 但實在係太膩了！短期內唔想見到芝士！🐒 你又信唔信？😳

這天放工後，我約了家人在旺角附近吃晚餐，朋友推薦這間雞煲火鍋，説無論在食物的質素和環境都不錯，我們便決定入去試一試，來到這間餐廳看見店內環境寬敞和清潔衛生，店內的顧客是坐滿的，證明食物的質素都不錯，餐牌上食物的種類足夠多黃金芝士雞煲($198)非常多非常細碎十分濃郁的芝士碎，配上十分新鮮非常香稔軟嫩的雞,雞的份量非常多,吃完雞煲再加入芝士湯底來吃火鍋,芝士味更突出娃娃菜($22)娃娃菜的份量十分多,十分新鮮,軟彈煙靭特級雪花肥牛($108)肥牛的質素十分高,非常軟彈煙靭,份量足夠多哈哈蝦中寶($118)用新鮮蝦肉，蔥花打成的蝦中寶，非常爽彈鮮美，加入一些細碎的蟹籽鋪面，這個價錢挺合理的整體來說，食物的選擇足夠多，食物的質素非常高，食物的用料十分新鮮，上菜的速度延快，價錢相對合理，店員有良好的服務態度和勤力，所以我認為這間餐廳值得再去惠顧

昨晚和同事說起太子的 "米走雞" ， 大家即時心癢癢，下班後馬上去満足一下先😜！先點來芝士雞煲細煲 $158十足份量，雞件、洋蔥、芝士在煲仔內加熱時，香濃味道叫我們肚子打响了鼓🥁。雞件大大塊，配上芝士湯底，完全滲透了雞件內，入囗極滑細緻，惹味十足，啱哂我們大口大口喝。特級雪花肥牛新鮮肥牛，片片雪花紋，脂肪分布均勻，肥瘦適中牛味不錯，肉質香軟！哈哈蝦中寶外面鮮蝦膠包着原隻鮮蝦，上面放有爽脆彈牙的蟹子，食用時感覺，由外到內，充滿鮮味、爽口彈牙丶啖啖滿足！再一次滿足了我們的食肉獸，芝士雞煲真係無得輸！

今晚放學後經開旺角警署對面，見有間叫“米酒雞”就走上去試吓啦，上到去裝修唔錯，有卡位仲可以坐6個人放到兩個爐，好啱一班人傾吓計。上到嚟就一定諗住試雞煲啦!先選定雞煲啦，有“火焰麻辣” 及“黃金芝士”雞煲，有分4人或2-3人，而火焰麻辣雞煲，辣度仲可以有4個級別選擇，而黃金芝士雞煲都可以選擇芝士量，一樣有4個級別選擇，很貼心。最後我要咗個一級辣的“火焰麻辣雞煲”個雞煲上枱嘅同時，有一碗麻辣椒湯，跟住有位職員會嚟幫你開爐，一打開個煲蓋已嗅到濃濃嘅麻辣味，仲夾雜住雞嘅香味，職員馬上放碗麻辣椒湯，加上火槍點著煲中嘅雞，一路炒一路火光紅紅，嘩真係未食都覺得好精彩。急不可待馬上試一口雞，啖啖肉，個雞煲入面唔係雞頭雞尾雞頸，而係全部都係用雞髀肉，係雞髀肉，全部都係雞髀肉，好滿足啊！辣辣哋睇吓有咩飲品解吓渴，原來都好多選擇，除了氣水，奶茶，檸茶等，最特別連手工啤酒都有，我就清吓熱叫咗一壺“竹蔗茅根”，原來好大壺，仲要好足料，除咗竹蔗茅根仲有紅蘿蔔粟米，呢個好好飲，似足阿媽平時煲一樣味道，足料。再睇吓有小食喎 ，要咗一碟“紫薑流心皮蛋”，呢個簡直係必叫item,皮蛋真係流心，入口好香，而紫薑好好味，同皮

芝士味淡,已經揀選最多芝士量,加過水後已幾乎再無芝士味,日式快餐店芝士雞飯都好食過佢,難以理解咁多人話味道濃郁,入店時其實都聞唔到有咩芝士味,雞煲唔夠熱,雞亦唔新鮮,叫得雞煲但竟然無雞翼及雞搥,令人費解,什錦餃同丸算唔錯但十分貴,10粒連加一近百元一碟,和牛更叫價3百多元一碟,比食一次放題還要貴,叫左一芝士雞煲,一碟丸,一碟餃子,一蝦滑,兩支飲品埋單500幾,樓上舖收到咁貴實在有點過份,部份年輕服務員態度亦差,食一次乜都唔夠,除非十分富有,否則一次都唔推薦,真心不值。

二個人想打邊爐，終於搵到個好地方。平日打邊爐每樣食品也非常大份，這裏有半份可以選擇，適合人少少二人份。二個人打邊爐有梳化位坐，冷氣十足，感覺寬敞。人多應該可以訂房架！食物選擇多，有小食也有打邊爐配料，特別是有半份選擇！Order 了沙嗲湯底，湯底很濃，加湯時是加濃湯，而不是清水！湯底有豬皮，很入味！讚炸魚皮是脆脆新鮮的，一送上來，與朋友立即勁食！雜菇拼盤，一個order 有齊想食的菇，而且新鮮！四寶丸，每款二粒，很啱二人！但每粒丸也是大大粒，份量足！重點是彈牙肥牛我們點了細份量，但也很足哦！肥牛是肥廋中夾著，有牛香味，不粗糙！粟米有些淡味，不太甜！炸嚮鈴很大份，吸湯後超好吃！半份菜，但滿滿的，新鮮爽口，正拼水餃雲吞，四款餃子/雲吞，很大粒，入面很大只蝦，爽口。餃子味道造得十分好！必吃之一因為地方，食物，價錢也十分合適朋友小聚，朋友立即訂了位，下星期再食！

正係花園街血拼緊時, 收到友人打黎話想打邊爐, 都好喎, 近近地就去呢間, 可以開懷大吃一番好彩友人早點上去拎位先, 坐坐下都爆場呀!雖然佢既黃金芝士鷄煲同火焰麻辣鷄煲差唔多每枱必叫, 但今晚目標係打邊爐, 食完鷄煲都已經半飽, 所以都係叫呢個皮蛋芫茜湯 ($68)作為湯底, 清清地又下火! 呢個鍋底用料豐富, 除左皮蛋芫茜外, 仲有馬蹄, 紅蘿蔔, 滑豆腐同香甜粟米, 又多D嘢食啦, 未落火鍋配料, 試下啖湯先, 真係幾清但飲到少少甜味, 可能足料卦!火鍋配料選擇唔少, 大路想食既應該都有, 呢度仲有手工啤酒提供, 可謂大杯酒大塊肉每次黎都必點呢客手切新鮮牛頸脊 ($208/小), 雖則係小, 但份量好對眼喎, 每片牛頸脊都唔會太薄切, 只需烚幾秒就食得, 肉味相當濃又唔肥膩, 真係好正!佢呢度既菜同丸類可以有全/半份點, 可以比客人試多幾款, 呢客芝心丸 ($22/半份), 為左補償一下今晚無芝士鷄煲食而叫既, 一咬內裏流心芝士就流出黎, 一解相思"芝"苦白鱔片 ($88), 賣相及顏色都幾靚仔, 片得都幾薄, 無需烚好耐又食得, 魚肉幾滑及食到少少鮮甜味!打邊爐又點可以唔叫菜?!