米走雞 (太子藍馬之城)

营业中

休息中

同個芝士盟友搵野食，比我地搵到米酒雞係食芝士雞煲！ 呢到好多火鍋種類可以揀，不過我地就緊係諗都唔洗諗，向著我地目標出發，芝士雞煲😎呢個雞煲仲可以揀芝士多少，我地兩個就緊係揀激量啦😂真係激多芝士😍 當個鍋上咗一陣，我兩個好心急想打開蓋，就比個姐姐截停咗，佢話食得既時候會幫我地開蓋，好貼心既服務👍🏻我地可以安心傾住計等食。等多陣，姐姐幫我地開蓋，色香味具全，一大陣芝士味，仲要一鍋溶化咗既芝士舖係雞上面好靚我地兩個一口接一口咁食咗好多雞，呢個雞份量好多，淨係食雞都飽🙈所以即使火鍋材料多都食唔到食完雞加湯唔係加清湯，加芝士湯😍我地仲叫咗個響鈴👍🏻非包裝品，新鮮炸起，好好好好食鮮製四拼餃西班牙黑豚肉好正好啱芝士人既雞煲!

秋夜打邊爐，又來到米走雞，上次試過芝士雞煲，所以今夜打邊爐，六時許已經安座，時間尚早，我們是晚市第一枱人客，不過未到七時已經客滿。可選擇真不少......選擇皮蛋芫莤湯，清而不淡又是健康之選，非常喜歡清甜無比的粟米。鮮炸響鈴，湯滾一拖即食，快靚正！今晚打邊爐主題吃肉類，我被枱上半肥瘦的西班牙黑豚肉嚇了一跳，心腍：「咁肥點食呀！？」不過，我相信餐廳不會收顧客$188一碟的黑豚肉，會貨不對辨，既來既之，則吃之好了！果然一試冇失望，有肉味又爽脆。滑雞片和豬頸肉都非常腍滑，我們只點選竹笙，沒有點選蔬菜，不過，我們把每碟鮮肉墊底的椰菜絲都吃光，不浪費，而且很美味，湯底的紅蘿蔔、馬蹄、芫茜都是蔬菜，還有豆腐、皮蛋，都全部吃光...........還有兩份爽滑烏冬。有雞豬還有牛，肉味濃郁的特級霜降牛柳粒，吃畢，大家都感覺很滿足！我打邊爐喜歡吃原味不添加，所以不需要佐料，在「米走雞」如果喜歡濃郁味道需要豉油麻醬......需要可向待應免費提取。

生日飯局第四回之火焰雞煲，「米走雞」是我朋友飯堂，每星期都會幫襯一下，所以他請生日飯就別無他選，都好反正我未食過，適逢今日又有點秋意打邊爐都可以。我們 6:45 上到去已坐滿七成食客，朋友有經驗一早訂位否則要等到八點先有。真係聞名不如見面火焰雞煲，服務員打開煲蓋淋上花雕酒火槍點火一瞬間火光熊熊，火光過後加蓋焗幾分鐘，我第一時間嚐我等待的嫩滑雞脾，味道有點甜充滿豉油同花雕味道，他們採用全雞脾所以件件都非常嫩滑，最好味的是配角洋蔥，用上二種洋蔥同煮盡吸雞汁味道滋味無窮！哈哈蝦中寶見佢名字夠特別朋友又話必食就試下啦！真係哈哈，外面是爽陣蝦膠包著一隻蝦，面層是蝦子，一種蝦二個製法一啖 KO 真係過足癮鮮炸嚮鈴香脆且乾身不帶油份！手切新鮮牛頸脊油脂分布均好，牛味香只需滾十下入口溶化。鮮製四拼餃有水餃、牛餃、雲吞、韮菜四款我都有食，味道還不錯，味精少我最怕食到這餃類食品味重！點餐這間食店馳名芝士雞煲是最有名氣，朋友話下次要食下芝士雞煲。又一餐美味飯局完畢，多謝哂下次芝士雞我嘅！

一直都想食米走雞好耐 聽朋友講芝士雞煲好好食 怕肥既小妹今日全日特登食少D野就為左個芝士雞煲 所以都抱住幾大期望黎試 7點鐘去到唔多人 環境俾起其他食雞煲既地方乾淨同時尚D 坐低就俾左D紙仔我地剔 我地2個女仔叫左細芝士雞煲 西班牙黑豚肉 鮮炸響羚 四拼餃同一個辛辣麵 可能習慣左任食打邊爐關係 以為咁樣叫好少野食 原來係睇得自己太大食芝士雞煲都好快黎左 賣相係幾吸引 但食落冇咩芝士味 唔知係咪唔夠熱關係 我地加大左個火 熱左D的確濃味少少 但都唔係預期中咁香芝士味 而且仲因為咁濃左少少底 不過因為佢味道唔係好似平時食開雞煲咁咸咁濃味 所以食下又一舊食下又一舊差唔多就食得晒全部雞 平時食雞煲都只係食到大半就右湯打邊爐 今次真係第一次食得晒D雞先打邊爐用左芝士湯打邊爐 諗住用返芝士湯應該可以濃味D喇 但同用清湯冇咩分別 個豚肉都幾好食 佢的確同平時食開果D靚少少 肉紮實少少 但以$188呢個價錢實在有D貴 唔覺食左咁貴既肉響羚係打邊必點既野 如果湯底好好味配埋響羚真係好滿足 可惜今次個湯底冇咩特別 不過個響羚都幾大夠 浸一浸就淋左索晒湯 的確係鮮炸不錯個餃D蝦肉都幾大粒 入面好似有D香料味

約會三五知己又出來滾啦！ 😋😋😋這個是我們飯堂 “米走雞”地方舒適沒有火鍋氣味。 👍🏻火焰麻辣雞煲再嘗火焰麻辣雞煲，先把雞煲後，店員便隨即把煱內點起紅紅聖火，然後揮動手上的小夾不停地炒，香氣撲鼻，我們有急不及待要立刻品嚐的感覺！😅雞件香滑而且充滿四川麻辣味道，醒胃惹味！手切新鮮牛頸脊新鮮色彩斑斕的牛頸脊，件件半肥瘦，在湯底裡面攪一攪、搖二搖，牛頸脊已灼熟至七成熟，這是我的最愛食法，當然不用沾上任何醬汁，因為新鮮牛頸脊，是要吃到他的原味，啖啖牛味濃醇！👍🏻👍🏻特級霜降和牛粒一口一粒，而且入口即溶化，不知不覺中已一掃而空！😋新四拼餃大大粒四拼餃：水餃、牛餃、雲吞、韭菜餃。翡翠苗青鮮香味，入口甘甜爽脆！哈哈蝦中寶每次例牌必食之選！ 🦐脆鯇片片片肥美，爽彈好味。🐟每次到這飯堂，必然很滿足地離開！

跟一班舊同事去聚舊，一班人最適合吃雞煲。openrice 看到這家排名蠻前面，所以來試試。6行人點了兩個麻辣雞煲，辣度可選大中小，小辣味道比較淡，不吃辣的也hadle 到，中辣會更惹味。雞件大件夠滑，應不是本地雞，味道不錯，不過盡吃濃味難免有一點口乾。兩個大雞煲的份量很多，所以後來用來火鍋點的食物不多，但牛肉必吃，有滿足到。價錢中位，不貴，適合一班人要求不高又想找個熱鬧地方聚頭大吃一番見其他人推介黃金芝士煲，這次沒點，下次或會試一下！

之前已經食過一次，已我性格有好嘢當然就係要分享啦。鐘意食呢個個原因係，性價比算唔差。當然首先第一樣係好食先，芝士雞煲芝士味好入味，而每一件雞都好有咬感，好多肉，同份量好多，唔係小猫三四舊，價錢方面當然唔係算最平，但我覺得可以接受。開頭個樣就係咁。煮一陣之後，食得啦！真係啖啖肉，好好食！其實兩個人食一煲絕對夠，只係覺得唔加少少餸好似差啲feel，所以食完之後即刻加湯！牛脛脊好有牛味，厚但唔難咬。餃嚟講好新鮮，好食！

作為一個芝士狂迷，由看到網上的食評已很想到這裡一試，所以約了好友一同到旺角的分店進餐。雖然說是旺角分店，但發現其實由太子地鐵站出口走過去是比較近一點。閒日的晚上大概6點多到了餐廳，座位已經接近半滿，到7點多時已是差不多滿座。看一看點餐紙，原來除了多人介紹的芝士雞還有另一雞煲- 麻辣雞可選擇，友人雖然比較喜歡吃辣，但還是選擇了我的喜愛黃金芝士雞，還要選了激量的芝士碎😋很快雞煲便上桌了，看到很多芝士碎以及洋蔥碎已經口水直流😭 伙記很細心的解說要多等一會兒，待到芝士都溶了才進食。不消一會待芝士溶了便可享受了😭 芝士溶後就做出了拉絲的效果，每一口都濃濃芝士味😭😭😭底部也是有些芝士湯的！伙記有提醒吃完雞煲便可加湯作火鍋底來打邊爐，但我們吃了剩下三分一便等不及加湯打邊爐了，連加湯也是用濃濃的芝士湯的😭所有火鍋料都十分新鮮，個人最喜愛的是wasabi 鮮墨丸以及稻庭烏冬，吸了芝士湯真的很惹味😭😋

朋友仔生日，知佢係芝士控，又鍾意食火鍋喎，一於去食芝士雞煲啦! 黃金芝士雞煲 - 有別於一般雞煲，呢款芝士雞連唔食得辣嘅朋友都食到，上枱一邊興住，一邊睇住啲芝士溶，已經流晒口水，再試吓啲雞，又滑又有芝士濃香，果然係招牌，正呀! 食完啲雞就可以加湯，keep 住啲芝味打邊爐。日本廣島蠔 - 好肥美，食落好 juicy，唔錯。日本鮮帶子 - 帶子好鮮，一啲都唔韌，好味。手打五寶丸拼盤 - 啱啱晒心多多嘅我哋，可以試多幾款丸，我自己就最鍾意食彈牙嘅蝦丸。翡翠苖 - 好新鮮，爽脆又清甜，仲索咗啲芝士味。油麥菜 - 食返啲菜平衡返，又可以再繼續食落去。脆鯇片 - 脆鯇片好彈牙結實，好有魚味。西班牙黑豚肉 - 黑豚肉嘅脂肪分佈平均，一睇就知係靚貨，食落甘香無渣，仲要好有肉味，好味。鮮炸響鈴 - 每次打邊爐必叫，因為可以吸盡湯底精華，香口得嚟又帶有陣陣芝士味。竹蔗茅根 - 食打邊爐咁熱氣，飲涼水下下火就最啱，味道唔會過甜。最後每人請埋朋友埋單都係三百幾，好味又抵食呀!

那天晚上約了幾個好友去食雞煲火鍋,問有什麽提議,近近地就我收工位置,就㨂了太子附近的米走雞！有朋友吃過這家米走雞的其它分店,說不錯的向我們推介！餐廳在二楼,有專用𨋢直達,地方不算很大,但9点鐘,座無虛席,好彩剛剛有張望街的卡位！首先當然來一個招牌雞煲,麻辣個隻,要少少辣,店員上餐時,特别提我們,如果真的怕辣,附上的一碗辣的醬汁,就看我們喜好自行加减！店員很温馨的提示啊！這個是細鍋,份量都很足, 店員炒番幾下雞,加上些少白酒,把火點着,色,香,味,和動感！我地除雞煲外,還有点其它喜歡的食材,在雞煲吃完加上清湯,便成火鍋！打邊邊,當然要吃些牛,這碟雪花牛,脂肪分佈很平均,在火鍋內燎两燎,就吃得!又係牛,牛坑腩,厨房已經將牛坑腩處理至全熟和夠腍,放涼後切粗條, 加入火鍋內灼到更腍和入味,正呀！還有白膳片,勝在夠新鮮,切双飛,灼两下,又吃得,味甜！例牌不可缺少的五寶丸,你鍾意吃什麽,自己嚟啦！牛栢葉, 爽呀！雲吞和餃子,也是必吃的食物!還有本人喜爱的蜂巢凍豆腐, 烚耐咗,一樣有口感！仲有雲耳,清新健康,又爽口！好食呀！

有朋自遠方來,朋友由台灣黎咁帶佢食下好野今日黎到旺角既米走雞食佢個芝士邊爐因為朋友特愛今晚叫左以下食物黃金芝士雞煲,竹蔗茅根,西班牙黑豚肉,日本廣島蠔,日本鮮帶子,手打五寶丸拼盤,油麥菜,翡翠苗,鮮炸響鈴,脆鯇片黃金芝士雞煲---打邊爐最緊要係咩,緊係湯底啦,先黎過芝士雞先,好香口既芝士加埋雞混起黎食,超正呀西班牙黑豚肉--好香既豚肉味,食落好有豬的味道呀日本廣島蠔--滾黎食,香口,好有蠔味日本鮮帶子--帶子仲有金菇,粉絲,一碟滿足3個願望啦,帶子都算厚身,都好鮮味,正呀手打五寶丸拼盤--5星戰隊咁,5隻口味....D丸唔會好粉咁,係好足料真係好好食,各有特色,鮮味油麥菜--好新鮮,落入芝士湯底黎打邊爐吸一吸味好正呀翡翠苗--加入去一起打邊爐離奇咁夾咁好食,新鮮就基本野仲有夾味鮮炸響鈴--拳頭咁大既鮮炸響鈴,好正呀,吸埋芝士底,COOL啦啦,爽呀脆鯇片--新鮮既鮮味,爽口竹蔗茅根--5餅2魚咁,飲極都仲有,夠晒4人一起飲,好過飲汽水呀,又清熱,正呀

呢間一直都係人氣高企既雞煲店，之前已經試過芝士雞煲，呢次就特地來試個辣雞煲。約好飯腳，太子呢個地點十分就腳，七點多上到去，客人也已經坐得滿滿，我呢d穩陣派當然有訂位啦。有朋友仔唔食得辣的所以就叫了小辣， 係等候其間就點埋其他配料，選好了雞煲就準備好了，稍稍煮開了就有侍應來"放火", 個人認為十分精彩，雖然不知這動作會否提升味覺，但就就先提升了視覺享受。雞件算滑溜，但並不算入味，可以再濃味就更加好。四人很快就清了雞件，加了辣湯就開始火鍋了。手切新鮮牛頸脊(小)均勻雪花有咬口，肉味濃郁鮮製四拼餃 (水餃，牛餃，雲吞，韮菜餃)手打五寶拼盤(墨丸，蝦丸，鯪魚丸，豬肉丸，牛丸) 丸類十分彈牙足料響鈴十分鬆脆，只下湯三秒鐘，那半淋半脆的口感十分好吃。火鍋加紅薯粉就最索味，自己動手隔去d油，再放入鍋內，吸受晒所有既精華，十分滋味。

朋友生日，佢想食雞煲。即時想起米走雞。上次去了銅鑼灣店, 咁岩又係吃生日飯。今次呢班朋友喺九龍人，而且收工比較夜。今次去旺角店，方便大家，因為喺太子地鐵站附近, 非常就腳。又是先來一個火焰麻辣雞煲，辣的程度有得揀。朋友是初級組，所以㨂左BB 辣。店員會幫忙點起火焰，跟手炒番幾下，D麻辣香味四溢。食到咁上下，就加湯底打邊邊。至愛白膳片，肥美虎蝦大大隻，好鮮甜打邊邊不可以少的⋯⋯小丸子 & 餃子。選擇困難症的人縂愛拼盤。五色丸-墨魚丸、蝦丸、鯪魚丸、豬肉丸、牛丸四拼餃 - 水餃、牛餃、雲吞、韭菜餃牛魔王不可缺的肥美雪花牛肉。真的太豐富，不自控的食到抱著個肚走。太美味。

約埋幾個 同事 去 旺角米走雞食 雞煲， 餐廳內 已經坐滿了 食客 ，非常旺場 ，我們等了一會兒， 才可 有位 進食。雖然有很多 客 人正在 食 火鍋， 但餐廳內的 空調設備 及抽煙設備， 非常 完善， 使人感到身心舒適 ，樂意享食。我們 安排 坐下 舒適的卡位， 感覺 座位 很闊落。侍應生 很細心地介紹我們 先吃雞煲 後，再吃火鍋。黃金芝士雞煲 放入很多芝士碎 ，煲一陣，芝士好快溶化了 ，芝士黏在雞肉上， 一陣陣  香噴噴的 芝士味， 使人為之醒神 ， 加入洋蔥烹調 雞煲 特別 開胃 ， 好味道。$158吃完雞煲 後，侍應生幫我們加入芝士 火鍋湯底， 使食物勁惹味，好食。手切特級 霜降 和牛 厚切肉嫩， 肉質新鮮 只滾幾分 鐘就可以食得， 非常正$288虎蝦大大隻， 新鮮 ，肉質彈牙 每碟有六隻。$98哈哈蝦中寶， 用新鮮蝦肉 加入菜攪成蝦膠， 再包裹鮮蝦 ，喜爱食蝦的，是最好的 選擇。$118 新鮮竹蔗水 材料豐富 有竹蔗紅蘿蔔粟米 清熱解渴 是打邊爐的 良伴。

朋友話想食雞煲，比我係openrice 揾到呢間「米走雞」，評價唔錯，一於試下！環境都幾闊落，坐得尚算舒適。黃金芝士雞煲由於我地人數唔多，就選了小份量的，夠2-3人食，價錢都只係$158，也太抵了吧！芝士可以拉絲，連之後加湯打邊爐都係加芝士湯底，太邪惡了！特級雪花肥牛（小）$108肥牛用料上剩，牛味重，肉質佳，必點！手打五寶拼盤$88，有墨丸、蝦丸、鯪魚丸、豬肉丸、牛丸各兩粒，個人覺得最正係墨丸！娃娃菜（半份）$22粟米 （半份）$18粉絲 $19竹蔗茅根（壺）$68食到咁飽每人都只係$250埋單，吃到就是賺到！