米走雞 (太子藍馬之城)

营业中

休息中

前幾日放工同個同事口痕痕想食雞煲，就揀咗太子呢一間嘅米走雞。入到去都非常之多人食。不過好彩都有位。之前都有來食過，但係喺度食雞煲就係第一次。呢個叫火焰雞煲，所以佢會攞啲酒點着左個煲，大家睇吓有啲火喺上面，咁食雞煲都係第一次。望落個色有啲普通，但係嗰個汁就非常香，辣得來亦都有好豐富嘅麻辣味，搞到我忍唔住係咁食添美鮮榨響鈴係必食嘅，非常之大舊，比普通響鈴大三陪左右，好香脆，點知辣汁食咗一流。趣玩片好新鮮肉質都好好跟住仲叫咗個四拼餃子。雲吞同菜肉餃子裏面謝了都好充足，好大隻蝦，菜肉餃裏面將好多蔬菜同埋好味嘅豬肉。埋單每人大概＄250到，吾錯

朋友今個月生日，就去請佢去食佢最愛既雞煲一早就已經聽過米走雞既名堂，係近期大熱既雞煲店，所以今日就特意早d去到太子嗰間，費事要等好耐因為餐廳晚市時間都係6點鐘先開門，所以我地一去到就即刻有得入座啦。坐底即刻睇下個menu先！雖然米走雞出名既係芝士雞煲，但係因為朋友好鍾意食麻辣嘢，而且上網睇過佢個雞煲係會點火，好似好特別咁，所以我地最後都係選擇左火焰麻辣雞煲！落完單之後，侍應就會俾個調味架你，咁你就可以根據自己嘅個人口味，去製作屬於自己既醬汁啦雞煲等左無幾耐都好快上菜，一上菜既時候其實都已經聞到陣陣既麻辣香味，但係當佢另外再倒d玫瑰露落去，再點埋火既時候，個陣酒香味真係搞到我同朋友想即刻開餐，不過我地都要乖乖地等個火熄左先食得我地今次只係叫左小辣，呢個小辣連我呢d唔係好食到辣既人都接受到，所以食唔到辣既朋友都唔洗擔心！而食到辣既你就可以越級試下大辣tim la！首先講下主角，d雞好滑身，完全無冰鮮雪藏味，而且啖啖都係肉，份量對於兩個人黎講絕對足夠！另外，雞煲入面都好多紫洋蔥，紫洋蔥味道比一般既洋蔥更甜，d洋蔥仲要吸哂d麻辣湯汁，變得好惹味！食雞煲點可以唔叫野飲呢，所以我地另外叫做個紅棗薏

放工後特別 覺得 肚餓 ， 所以 約埋幾個同事去旺角米走雞食雞煲。 呢間餐廳的雞煲非常好食， 我個人最喜愛吃火焰麻辣雞煲。 於是 我們柯打咗 一個麻辣雞煲， 每件雞都是雞髀肉 ， 大大嚿，啖啖肉非常好味。 而且雞肉嫩滑， 充滿麻辣味 ， 同事都話讚好。👍食完雞煲後， 可以加入上湯作 火鍋湯底用， 餐牌上 火鍋的選擇配料 非常豐富齊備 。我們柯打咗豚肉， 豚肉色澤新鮮，嫩滑， 入口不韌。還有粟米 ，也是火鍋必備， 很有咬口感。最驚喜是越南虎蝦 ，下身大大隻 ，有手板咁大 ，認真 驚喜。 而且肉質結實， 非常新鮮 ，作火鍋配料， 一流的選擇。 同事都話冇介紹錯，可以下次再來光顧。

呢個星期真係向我地呢班打工仔挑戰底線，成個星期氣溫都係持續10度以下，如果你同我一樣返足五日無射波真係要好好奬厲自己咁凍當然要打下邊爐保保身，上次食過觀塘有busking 的米走雞，感覺很好，於是揀係太子的分店試下。平日夜晚8點鐘去到，滿曬場，好彩醒目一早book定唔洗等。水準一致，的確係信心保證!蕃茄粟米湯底酸酸甜甜夠開胃。湯底的配料刻意切得大大件，唔會咁易煲溶，仲可以打到最尾當餸食埋佢，正！故意無叫最貴的和牛，想試下中價的肥牛，肉質都已經好好！份量好大，好抵食丸類一樣出色，食得出係新鮮人手打的，特別鍾意手打蝦丸，鮮味無窮！另外，炸魚皮煮值得推一下，上次觀塘食過好好味，一路都記掛住，今次係太子店水準一樣掂！必食！埋單每人300幾，食到捧住個肚走，值得再去！

朋友介紹, 呢間近期大熱, 點都要試佢一試的,朋友叮囑, 如果係早段食的話, 最好就七點前到達, 否則有機會無位的,於是我和友人就六點半已經到達, 係樓下門口睇, 似乎有"有隱隱於市"既低調店咁喎,一上到去店面, 嘩, 已經坐滿左一半有多, 經理問有無訂位.......oh my god......幸好經理都仲搵到張枱俾我, 否則就撲個空了,坐低, 另一個問題來了, 同行朋友原來係唔食奶品/芝士類的產品,好彩呢度係有其他選擇, 又想食雞的話, 梗係叫個火焰麻辣雞啦, 期間職員仲會過來幫點火及處理的一點火就不得了, 果浸玫瑰露的酒香湧出來, 未食先肚餓了食完個火焰麻辣雞煲, 老實講其實已經飽左七成 (我連雞煲入面 D 洋蔥都要晒, 因為真係好入味)幾飽都好啦, 喂住再加湯打個邊爐, 先至係一餐完美句號嘛碟牛肉, 係真係濃牛味而且頗大碟的, 完成後已經九成飽滿, 但.....仲有翡翠苗 / 蜂巢冰豆腐 / 鮮炸響鈴 / 稻庭烏冬 / 辛辣麵......嗚呀~~~以配料來講, 鮮炸響鈴真係要一讚再讚, 上枱時本身都已經係則炸好熱辣辣的, 再係湯度輕灼幾秒中, 簡直係人間妙品而個稻庭烏冬 /

朋友愛吃雞煲 又愛吃芝士 帶佢來米走雞之前我系觀塘分店食過一次 覺得不錯今次系太子分店入邊明顯冇觀塘咁闊落但都有卡位坐我嗰時六點到 冇乜人好多位呀叫咗個芝士雞煲 自己衰貪心叫咗激多芝士點知食到林尾勁漏後悔啊呢個係二至三人份量已經好多啦你睇吓啲雞幾大舊 雞肉無雪藏味 好滑口 加上容咗嘅芝士好邪惡啊同朋友食咗一半已經好飽就叫咗職員加湯打邊爐 店員服務態度好好我哋叫咗油麥菜 魚片頭 粉絲同薯粉廢時食肉太滯呢度每樣野嘅份量都好大 多人食會抵啲 因為兩三個人真係食唔晒 我哋盡能力食但都食剩滿足的一晚

朋友話想食芝士雞煲所以帶左我黎呢到覓食自己有得揀極量芝士啲芝士熱到溶哂個下真心正呀！件件雞都勁重芝士味呢到唔係一口價仼食仼飲既所以我地慳住叫 嗌左手切牛都切得好夠薄 唔會差過肥牛架！

上次黎呢到試左芝士雞煲，今次黎試埋麻辣既，睇下水準點我地2人就叫左小辣細雞煲，配菜就同上次差唔多，分別係手切牛頸隻、響鈴、生根、豆腐、芋絲同烏冬。雞煲好快就黎到，食得前店員會係雞煲灑小小酒，再點火，變成火焰雞煲，相機要拎出黎食先，雞煲一開蓋陣陣芫茜香撲鼻而來，再等多陣就食得了！雞件多肉骨小，肉質大部分都好嫩滑，麻辣汁有微微既麻辣，開頭食唔覺好辣，愈食啲辣味就慢慢出黎，但愈辣愈想食呀，小辣適合啲唔食得辣又想試下既朋友，我自己就覺得下次可以試辣啲！配菜方面都保持到水準，牛肉雪花均勻，淥一陣7成熟食最好，充滿牛味又保留到肉汁，當日仲有幸食到岩岩炸起既響鈴，就咁食又脆又香口，淥湯食又可以索哂啲精華，正最後可以淥啲蔬菜食，解解油膩感，食埋烏冬同芋絲就飽哂！ 結束美滿既一餐

已經尼過幾次。 尼到既芝士雞 煮得好入味 洋蔥 吸晒 芝士汁 超級正。 另外 手打五寶丸 wasabi 墨丸 同響鈴都 好有驚喜 。 下次都會再食。 服務員 個個都好細心 幫客人 煮雞環境都唔錯 係有小小嘈 因為人好多 同埋最好book位先 如果唔係要等好耐

米走雞最吸引我之處當然係招牌士芝雞煲喇！勝在無論雞或芝士有得揀分量 確保個胃之後仲可以繼續打邊撈！今日二人行 就叫左個細分量！足夠2-3人食開始前要先混醬打開雞煲 除左聞到香噴噴既洋蔥味外 仲見到件件金黃色既芝士雞件！個人好怕食太heavy既芝士 但呢到既雞件絕無呢種感覺唔會食到滯 只會愈食愈起勁而且雞肉相當嫰口～讚享受完芝士雞件 就會打入湯汁打邊撈等待既時候可以揀定火鍋配料鮮炸響鈴-size比一般既響鈴大 而且鬆脆吸曬芝味湯汁黎食味道勁昇華 除左可以浸湯 仲可以即食～ 特級雪花肥牛-肥牛分量多外 每塊都有相當既size! 因為雪花較多 食落都特別正～牛味極濃 估唔到雪花肥牛配上芝味湯底都咁夾 唔洗一陣成碟清曬

天氣凍左咁多，最岩食番個暖笠笠既雞煲! 雖然呢度都有幾款唔同既湯底，但黎到專食芝士雞煲既餐廳，點可以唔食佢芝士雞煲呢! 我地要左一個細既黃金芝士雞煲，芝士碎份量可以自己揀，我呢個芝士控當然要左激量芝士啦!等緊個雞煲既時候，店員就會拎左打邊爐調味配料比你自己調汁，有芫茜、生蒜泥、炸蒜、沙茶醬、蔥粒同埋辣椒粒，但其實我覺得個湯底已經好濃味，就咁食已經夠。過左分鐘之後個雞煲已經到左，一見到有咁多芝士碎同乾蔥粒已經知道會好香好正，煮左一陣之後D芝士開始溶哂，好吸引!入面每件雞都啖啖肉，而且仲好滑，夾埋D芝士真係一流! 而且份量真係好多，一個細煲都絕對夠3-4個人分。食完雞煲當然要Part 2 打邊爐啦，店員會幫你加芝士湯，呢度打邊爐配料都有好多，打邊爐點可以無肥牛呢，要左一碟小既特級雪花肥牛，睇相都知道正啦! 唔會好多肥膏，淥一淥就已經食得!然後就到我覺得係呢度必叫既響鈴，佢比一般既響鈴都大件得多，好新鮮又唔會有油益味，索哂D芝士湯真係一流! 另外索味既雜菇拼盤、山根、同烏冬都一定要叫，特別係烏冬，好彈牙!呢度都坐得幾舒服，唔會好大陣油煙味，仲有得甜借外置差電器同有免費Wifi，岩哂機不離手既

我已經好耐冇寫食評，但光顧左呢間所謂 "最優秀火煱店" 咪走雞 之後，真係吾想再有人比佢地所得既好評星星及評分欺騙到而走去食，所以真係要寫出黎比大家知道。首先，佢地既服務只係一般，有時叫侍應都吾應。第二，食物質素都只係一般，雲吞、肥豬肉多過乜、蝦就細細粒。D丸都係普通，同响街市買一樣。牛肉幾好味，但吾值這價錢。第三，芝士雞㷛D雞吾係一隻雞，而係D雪藏雞肶或雞件組成，仲要加埋隻雞吾熱，店員話已經得叫你食，感覺極差。第四，價錢極貴，呢個食物水準收接近四千元，非常吾值。第五，坐客隻腳成日撞到張大枱下面既鐵枝，(房内)，好明顯張枱的設計有問題。第六，連信用卡都冇得用，食幾千蚊野要帶現金。完全理解吾到一間無論 食物水準、價錢、種類、服務 都吾達標既火煱店都有咁高分？

曾經同男朋仔講想趁著冬天一齊去食芝士雞煲，今日佢就帶左我去太子米走雞食芝士雞煲，好滋味又好窩心！黃金芝士雞煲 $168 (2-3人份量) : 芝士碎ge份量我地揀左普通，如果超鍾意食芝士ge朋友可以揀激量😁雞煲份量都唔少，可能係一路行街都食左唔少小食ge關係，食完個雞煲都少少飽飽地😂d雞大大件，雞肉好嫩滑！平時麻辣雞煲就食得多，今次試芝士雞煲，真係別有一番風味，係幾match ge！食完雞煲就加湯開始打邊爐！特級雪花肥牛 $138 $小): 打邊爐點少得靚肥牛！牛肉肉質鮮嫩，就算碌得過熟左少少都唔會韌，唔錯！竹笙墨魚滑 $88: 特別推介竹笙墨魚滑！竹笙爽口，墨魚滑又非常彈牙，又係另一款Perfect Match!蟹柳 $20 (半份): 點黎過下口癮！食落都👌🏻最緊要係唔係粉粉地果種蟹柳！生菜 $40 (全份): 有菜至稱得上均衡飲食，打邊爐都要健康！生菜幾新鮮，爽口！冬天食雞煲打邊爐真係正！食完暖笠笠舒服哂！

👁‍🗨 黃金芝士雞煲 + 手打五寶拼盤 + 魚皮餃 + 鮮炸響鈴 + 雜菇拼盤 + 竹蔗茅根（壺）💲158（小=2-3人）+ 88 + 20（半份）+ 48 + 42 + 68係想試好耐既米走🐔今次我地叫一個雞煲加四個餸再加野飲，叫四個餸黎打邊爐好似好少咁，但係個雞煲既份量絕對唔野少，兩個大食既人最後都覺得好飽😚講返個雞煲先，其實我地已經係叫激量芝士碎，但係芝士味都係唔太濃，不過雞既份量真心多同埋都頗滑🤔食完雞之後加芝士湯就可以十下十下，但係就算加左湯之後仍然係無咩芝士味既，莫非味覺失調🤥最推介🌟手打五寶拼盤（手指掃去左邊睇五寶丸👈🏻）包括墨丸、蝦丸、鯪魚丸、豬肉丸、牛丸，全部真材實料，又夠曬彈牙👻個人覺得當中既蝦丸同豬肉丸好味，至於黑椒牛丸就辣辣地，不過都好味😽六條超級大既鮮炸🔔嚇親我地，因為每條都長過一隻手掌同埋粗過一個拳頭😱但係可能因為太巨型既關係，入面索左好多汁，食到尾會覺得小許漏🤤而雜菇拼盤就有冬菇、蘑菇、秀珍菇同金菇菜，食完太多肉類之後又係要平衡下，同埋喪飲竹蔗茅根清清熱🔛 整體評分（7/10）

突然間很想食雞煲 ，因為好耐冇去食雞煲， 於是就同老公去咗 太子 港鐵站E1出口，步行幾分鐘就到，藍馬之城2樓 那間{米走雞}食 雞煲。餐廳 環境寬闊 ，枱上清潔，整齊。我們先我打咗一個火焰雞煲158蚊。 侍應生放了玫瑰露， 使雞煲 噴出火焰 ，感官 非常 興奮。 雞煲 裡面放有大量洋蔥 ，芹菜，和乾椒 ，非常惹味 ，雞肉是用雞髀肉炮製 ，每件雞都大大舊， 肉質嫩滑 。食完雞煲後可以 加入清湯作火鍋 繼續食用。 非常方便又節省 抵食。我們又 order 了 新鮮翠綠的翡翠苗 ，肉質晶瑩新鮮的雞片， 還有 薄切 的 脆鯇片 ， 雀巢冰豆腐。 最佳火鍋的配搭。值得推介 ，鮮制四拼餃 ，有水餃 ，牛餃，韭菜餃，雲吞等等 ，大大粒，餡料充足。