米走雞 (太子藍馬之城)

营业中

休息中

有時去開旺角一帶，上呢度搵下附近有乜餐廳，經常search到呢間店，它的名稱真的很容易記，咪走雞。今晚又黎旺角，突然間我和太太都想食雞煲，便第一時間想起呢間，就黎試試。我們大約6點半便到，由於時間倘早，仲未有好多人，一上到去就可以入座。但座低後大約15分鐘，全店爆滿，所以如果下次黎，最好book位先。睇一下個餐牌，見到有2種鍋底："黃金芝士" 和 "火焰麻辣"，由於我們都喜歡辣多過芝士，所以選了"火焰麻辣"鍋底，3辣度。跟住再點左太太喜歡的牛栢葉、蟹柳，而我就選了雪花肥牛、手打五寶丸拼盤、鮮製四拼餃。另外我們都點了咸檸七，去降下火。不用等好久，雞煲已上，應該係點完後，厨師收到Order，即時放好雞、材料、醬汁，便上枱，再等枱上的電爐煮熟。不過我覺得d雞應該有炒過一下的，否則要等好久才能開蓋食。點知煮左一會，有個waiter過來，開蓋，倒一盤液體入去，再點火！全個鍋即時燒出火焰，哦！原來火焰麻辣就係指呢個火焰！意想不到！再過多一會，又有waiter過來為我們加醬汁入去攪拌，即時嗅到一陣陣麻辣味。試完d麻辣雞之後，覺得個味道好特別，跟以前食過的麻辣味有點不同，但都非常好味。而且這裡雞煲裡的

米走雞這間芝士雞煲專門店都吃過幾次 除了有芝士雞煲這裏還可以單打邊爐 今日跟爸爸兩個人吃想吃肉多一些(芝士偏濟嘛) 便點了個湯底二人打邊爐下單後送上個醬料六小盒 醬料費每位$14點枝青島 $29 同爸爸啤一啤湯底點個皮蛋芫茜湯 $78 除左有皮蛋芫荽 仲有粟米紅蘿蔔馬蹄豆腐等 十分足料(記住食忘記拍照…)等火鍋期間 食個涼拌木耳 $38 份量好多 味道帶少少麻辣非常開胃今晚材料點了全是肉 當中脆鯇腩$98 有6件厚切 我們覺得是最健康最好味的一碟另外仲有蒙古羊肉片$148 特級雪花肥牛(小)$158 每碟大大片分量超多 幸好我們兩人都成功吃空

今日去了太子，食米走雞煲，原來佢哋有分芝士雞煲或者麻辣雞煲，仲有四種普通湯底，我們點了麻辣雞煲小辣，四周環境乾淨，服務員動作都好快手，主動提供熱水或茶，我哋先食咗雞煲先，先講雞煲份量系二至三人，打開個蓋去望下喺好多雞肉再睇下清楚之下原來全部都係雞髀肉唔係一隻雞斬件，雞肉嫩滑好有雞味，辣味稠得啱啱好(小辣)，食落都知道新鮮雞脾肉。食得七七八八之後就加辣湯轉為打邊爐，就咗其他食物菜有凍豆腐，白鱔片，油麥菜，一啲丸一啲蟹柳，午餐肉，紅薯粉。總括嚟講我對個雞煲非常滿意，唔知道佢地嘅芝士雞煲都係唔係用雞髀肉整。下次再來就試下芝士雞煲先。

今晚約左朋友打邊爐，其實間鋪頭主要係食雞煲，但都有幾款唔同嘅火鍋湯底。我地要左皮蛋芫茜湯底，清清地，又可以下下火。湯底有皮蛋、芫茜、紅蘿蔔、豆腐、馬蹄，全部都係生嘅，要即刻煮。配料有白鱔片，煮完好爽口，少少韌。鯪魚豆卜嘅鯪魚都幾彈牙，豆卜要快點食，太較就太腍。竹笙墨魚滑都幾得意，好似D魚網網住D白色嘅墨魚滑。油麥菜都幾翠綠下。雜菇拼盤中我最中意冬菇同金菇。食完飽飽地，再來個烏冬就夠曬滿足啦。2個人都有4人枱，都坐得幾舒服，唔錯。

我絕對是衝著芝士雞鍋來這店的！首先先說說地理位置，實在是太方便了,在太子地鐵站附近,Happy Friday 當然約朋友去食飯啦，環境新淨,闊落, 這間絕對是坐得舒服可以吹水的地方只是賣相就已經相當吸引 !! 上面鋪住滿滿的芝士粒,有驚喜,每件雞都比芝士緊緊包住. 每一口嫩滑的雞肉都充滿住芝士, 雖然好邪惡, 不過食左先講鍋內還有大量洋蔥, 和芝士味好夾,而且芝士竟然冇痴底上菜速度很快,食完雞,已經半飽,打個邊爐先,驚喜既係唔係加普通湯,而係加芝士湯!!!!!!!店員服務亦很好，會自動自覺加湯，響鈴卷吸入左湯底既味道，食落十分惹味。韭菜餃大大隻，好好味，皮薄吾厚，食倒餡料足吾馬虎，皮薄有肉汁，好好食蜂巢冰豆腐 豆腐放入湯內，吸滿湯汁後，變得有咬口，口感幾得意，冰豆腐真喺一樣好神奇既野每次打邊爐都會叫山藥,感覺健康又養生,食落爽口,有益又好味最尾出場緊係一棵新鮮既生菜,菜擺得美美的，每棵都很漂亮，不會霉霉爛爛的。 

雞煲從來是小妹相公至愛, 行過旺角, 見到•米走雞•當然唔好錯過。時間接近6點, 搭life上到2樓已經有很多人排隊中, 小妹惟有靜心輪候啦。今次小妹要挑戰老公低線, 一於試下黃金芝士雞煲, 岩哂我呢個芝士控口味。黃金芝士雞煲 (小) 2-3人份量 $168店家雞煲份量十足, 仲可以讓食客選擇芝士碎份量, 小妹怕有人頂唔住, 只好選擇小量啦。 店家芝士醬汁量十足, 卻沒有令人很膩的感覺, 猶如白汁似的, 連最怕芝士的相公都贊好食。如果自命視芝士如命的朋友, 可即管一試激量芝士碎, 哈哈。竹笙墨魚滑 $88大大條的竹笙裹住彈牙墨魚滑, 口感一軟一彈幾得意, 加上竹笙吸收湯底日月清華, 味美非常。鯪魚釀豆卜 $58豆卜份量都算多, 每個豆卜都釀有足量鯪魚滑, 抵食又飽肚。炸魚皮 $48店家炸魚皮不會過份調味, 醮上湯底味道剛好。另外, 最欣賞店家魚皮炸得香脆而乾身, 不會如坊間有種油膩感覺。脆鯇片 $58脆鯇片從來是打邊爐必點菜式, 店家魚片彈牙爽脆, 不過要小心微細的魚骨。小妹都有追加其他小食, 如蔬菜蟹柳得等等, 最貼心是店家可供食客以半份下單, 令大家均可品嚐到更多不同款式食材。品嚐

由於阿媽冇煮飯既關係，所以就帶左屋企人去試吓呢間米走雞。店員安排左我哋坐卡位，對於四個人黎講係相當闊落，就算坐多兩個人都冇問題。叫左一個芝士雞煲(大)，芝士味十分濃郁，濃郁得黎都唔會有令人有好溜既感覺。每一舊雞件都好嫩滑同埋痴滿左濃濃既芝士真係令人食指大動。雞煲入面仲有大量洋蔥同埋洋蔥粒，撈埋D芝士一齊食都好惹味。特級雪花肥牛，肉質幼嫩唔鞋口。手打五寶拼盤。有牛丸、墨丸、蝦丸、鯪魚球丸、豬肉丸，粒粒都爽口彈牙。雜菇拼盤。有冬菇、金菇、雞脾菇，新鮮好味。最後我想講我一定會推介比親朋戚友黎食

隔一陣子就會想念米走雞，是次一行四人再戰芝士雞煲。一如以往雞煲上有洋蔥等配料，是次要了激量芝士，果真多到鋪滿了雞件。每次都深怕會吃不完雞煲，幸好芝士味道濃而不膩，份量雖多卻也不會叫人吃到濟。是次火鍋配料要了五香鴕鳥肉、蜂巢冰豆腐和必點花膠！鴕鳥肉顏色鮮好，肉質柔軟，陣陣五香味，是牛肉以外的肉類選擇。蜂巢冰豆腐充滿蜂巢般的小孔，可以吸收湯底精華，第一次吃的我見到一塊塊冰狀豆腐覺得很新鮮！每次必點的花膠一如以往抵食夾大件，正！

米走雞一直都喺我想食既餐廳list入面，難得今日幾個女仔聚下舊，雞煲打邊爐就岩晒地理位置方便，介乎旺角與太子中間。搭專用𨋢上二樓即到店員先送上豉油醬料自己調配。因為想嗌多啲唔同既餸，所以就只點了小份火焰麻辣雞煲。張相睇唔出，其實真係有啲藍色既火焰咖。店員會幫手再炒炒啲雞，然後就食得其實小份都勁多雞件，而且大部分都係雞脾肉，滑嘟嘟。小辣其實真係唔辣咖食到差唔多就加湯打邊爐，有得揀辣湯定清湯特級雪花肥牛 (小)牛就必吃咖啦，同樣，小碟份量唔少，牛肉味重，而且唔會靭響鈴好正！唔係街市買到既頹貨呀，亦唔會有油溢味牛栢葉大塊兼夾脆日本鮮帶子一碟有6粒，夠晒鮮甜，伴碟仲會有金菇同粉絲桂花蚌好入味，亦都夠夾滑白鱔片唔係冰鮮咖，係新鮮既白鱔片，正銀菊露緊係要嗌返啲清熱飲品balance 下咖啦，呢渣銀菊露好足料，仲要唔會太甜一間餐廳既服務都好重要咖，店內提供手提充電，岩晒我

天氣就黎熱返，好想趕係夏天之前食返次雞煲，唔洗夏天食熱辣辣。今晚就同好姊妹試下一直好出名既米走雞因為我地都唔係芝士控，就一致決定嗌惹味既麻辣雞煲。我地四個因爲想嗌多啲配料打邊爐就決定嗌一個細既，估唔到細既雞煲都勁足料，雞唔止大件多肉之餘，件數都好多！四個人每人都起碼食到7-8件雞好抵嗌。我地點咗一份細既雪花肥牛，一食落口就知係靚牛，肉嫩又有牛香。鯇魚片睇起上黎好薄，但原來煮熟之後都幾厚身，肉質都幾彈牙，加埋魚皮既魚油食，好香桂花蚌好新鮮，入口彈牙，食得過！日本帶子，係我今晚最愛，新鮮有肉地，打邊爐原粒放入口勁滿足！蝦滑有驚喜，入面有新鮮蝦一齊，新蝦數量慷慨，贊埋單每人唔洗$300食到咁多野，好開心

天氣又涼番，又想打下邊邊，朋友話想食雞煲就記得朋友講過米走雞幾好架！咁就即管去試下黃金芝士雞煲睇落好吸引咁佢芝士份量重可以自己揀！咁就揀左激量喇同埋叫左個前菜。紫薑流心皮蛋等既期間撈下醬汁先黃金芝士到喇！！侍應話等一陣幫我地開蓋，咁我地就乖乖地食住皮蛋等喇皮蛋到喇！都幾香，紫薑既配搭都係第一次，唔會太奇怪，幾開胃食得喇！！一開煲蓋就聞到勁香既芝士味！好香啊，跟住見到d雞好大件！每件都好厚肉夾起果陣每件雞都有芝士溶溶地咁包住！一放入口跟本就啖啖肉啖啖都係芝士！無得彈啊！每次夾都有芝士，真係好滿足！如果係芝士控真係要叫激量芝士！差唔多食晒雞，就叫火鍋料，佢選擇都唔少。手打五寶拼盤好大粒啊！裡面有墨丸、蝦丸、鯪魚肉丸、豬肉丸同牛丸！另外叫左鵝腸！好肥啊，好爽口同埋都大盤！，同朋友都覺得好掂呢份鵝腸我食火鍋點可以無最愛既栗米呢。特級雪花肥牛（小）牛都有驚喜，入口唔會Un，錄佢幾秒即食，肉味好夠飽晒

今日落雨而且有少少轉涼，最啱就係去食雞煲，見米走雞好多好評兼入選《 優秀開飯熱店大賞》2017，就一於同老公去試一試。店內都幾大，店員見我們二人也給了我們一張四人坐位，枱與枱之間亦都唔會太迫，坐得舒服。似乎米走雞有兩大雞煲，黃金芝士雞煲及火焰麻辣雞煲，兩樣都想試，魚與熊掌下選了火焰麻辣雞煲(細)小辣。店員在我們等候鍋滾途中放上調味架給我們自行調味，鍋底滾起的時候店員就用火槍燃點煲內的酒精造成火焰效果，真係又睇得又食得。雖然係細雞煲，但份量也不少，煲內全部都係雞脾肉，食落啖啖都係肉，很滿足。食完雞煲就開始打邊爐，米走雞好正丫可以加麻辣湯或清湯，為保持麻辣味我緊係揀加麻辣湯。五香駝鳥肉很滑，味道香濃，與鮮牛肉味道很相似，唔講都分唔到是牛肉定是駝鳥肉。脆鯇片新鮮爽口，無草腥味，與麻辣湯底也好夾。手打五寶拼盤，包括墨丸、蝦丸、鯪魚丸、豬肉丸、牛丸。手打丸足料，墨丸內有墨魚粒，蝦丸內有蝦粒，而且爽口彈牙，推介。最後叫了稻庭烏冬吸盡麻辣湯底，鳥冬又滑又吸味，非常滋味。米走雞的火焰麻辣雞煲唔錯，下次再幫襯可以試埋黃金芝士雞煲。

好朋友慶祝生日 ，定必 選擇間最好 食的雞煲 餐廳， 便 選擇 了太子 藍馬 之城2樓， 米走雞餐廳。這餐廳的雞煲， 雞肉美味，而且 是用雞髀肉 烹製。我們先order咗一個火焰雞煲 (細煲)雖然只是細煲 ，但雞件 份量很多， 足夠兩三位 食用， 有洋蔥， 紅辣椒，芫茜 ， 味道 非常 香濃惹味。 即煮即食，鷄 肉嫩滑， 還可以選擇 不同的 辣味， 我們選了微辣， 更加醒胃。食完雞煲後， 可以加入清湯作湯底， 繼續 食火鍋。餐廳外的火鍋配料 也非常完備。 有鮮製響鈴， 每份有六大嚿 。手打五拼丸， 可以嚐到五款肉丸的滋味， 肉丸入口彈牙 。鴕鳥肉 ，肉質新鮮 嫩滑 ，入口即溶。還有 食火鍋 不可缺少的 田園的娃娃菜， 新鮮翠綠 ，浸入湯底 灼熟後， 娃娃菜吸收了湯底的精華 ，非常入味。一邊食火鍋一邊飲青島冰凍啤酒 ，同朋友慶祝生日 非常愉快。

位於太子藍馬之城既米走雞，遠離小小MK .無咁多人迫迫 雞煲食得多，芝士雞煲第一次食。初時還擔心會很流，但咪走雞的芝士雞煲剛剛恰到好處。未開蓋已經散發著濃濃芝士味加 洋蔥味。好不容易等到待應為我們開蓋， 嘩！黃金芝士雞煲 細 $178好多雞， 仲係好多肉呢！其實兩個人食咗8 成雞份量已經飽左。 但來到火鍋店冇理由不拾下拾下吧！清清地叫咗油麥菜 $24 半份特級雪花肥牛(小) $158靚嘅！但可能被濃濃芝士味蓋過咗一點肥牛肉味， 但當芝士味愈滾愈淡時， 肥牛味更出。桂花蚌$128

米走雞一直係我雞煲list的唯一，雞煲火鍋店現在做到成行成市，但正所謂「易學難精」，米走雞「成左名」後更能保持水準，實在難能可貴！而且它分芝士鍋同麻辣鍋，符合唔同客人既口味！餐桌上有指示怎樣食才有最佳效果1. 先以大火煮沸個雞煲2. 調至保溫，先食雞件，不需搞拌，味道更濃3. 加湯吃火鍋🍲料4. 如食出前一丁，可extra 點火鍋料，味道更香更濃點了黃金芝士雞煲，芝士條好粗，溶左一定會好juicy! 配以洋蔥粒，芫茜粒，同半熔芝士雞件，開左火，等一陣就有得食喇！十分鐘後，話咁快就食得另外，我們也叫了唔同火鍋配料～有肉有菜雖然火鍋配料有點貴，但都非常值得encore 再 encore 的！