米走雞 (太子藍馬之城)

营业中

休息中

打邊爐，又稱火鍋，不受時令限制，一年四季都合時，時不時都會心癮起，便約了朋友三五成群一起去打邊爐。咪走雞，喺香港有不少分店，這是其中一間。當我們坐下來之後，第一時間當然係睇吓菜單有什麼好吃啦，發現其實菜式都算非常豐富，選擇好多，各種類型都有提供，例如肉類、丸類、菜類、海鮮等等。飲品方面除左罐裝之外，還有中式特飲，有竹蔗矛根、銀菊露和酸梅湯。以一壺為單位。醬料方面有六種選擇。今晚不想吃辣，也不想吃芝士火鍋，所以選擇了比較清淡的湯底，皮蛋芫茜，其實一點也不清淡，除了皮蛋芫茜，還有粟米、豆腐等…而且是濃湯底，湯底稍偏咸。配料中的菜洗得乾淨，放置整齊，可以放心吃，菇類由各種雜菇組成，塊山已經切好，件件均勻。四拼餃和五寶每款兩件，新鮮制成，五香牛肉肉質嫩滑。

我生日前一日朋友約我食雞煲，我地想來米走雞，因為上次食既芝士雞煲好正，今次黎要食麻辣雞煲！先點左一個麻辣火焰雞煲$168再來就係火鍋必做「自製醬汁」！有辣椒、生炸蒜、蔥呀、麻醬可以選擇，一上雞煲見到成煲雞好香好惹味，等職員幫助炒一炒，再表演埋火焰燒雞，就急不及待開餐啦！😋火焰燒雞好震撼，必須相機先食😎雞肉真係啖啖肉呀，大部份都係脾位，我地真係好彩呀😂材料有大量洋蔥，我同朋友都大愛洋蔥，洋蔥吸晒湯汁好入味，我地都要搶食😂另外我地點左蝦中寶、炸響鈴、餃子拼盤、油麥菜。蝦中寶有六件大大隻，蝦膠好彈牙，唔係一般開粉打成，每個裡面都有起碼兩隻蝦，放湯火鍋真係好正，必點！炸響鈴都係六件大大件，絕不欺場餃子拼盤有韮菜餃、牛肉餃、雲吞、水餃，隻隻都大大粒，好滿餡肉，好味～油麥菜好新鮮，洗得乾淨最後其實我地係食唔晒，我地包左剩餘既雞、蝦中寶回去😎呢度好處係唔係任食，食剩可以打包，又可以坐耐少少唔會趕人走，每人二百拎蚊又食又拎又好味，下次一定會再幫襯😁

朋友帶路食雞煲，行完旺角，行埋花園街，剛好到達（米走雞），晚上九點好彩有訂枱，直接入座👍🏻👍🏻有免費WiFi 也有免費借用充電器服務，太細心了👏👏調味盤！火焰麻辣雞煲，只係選擇了一級🌶度，已經覺得足夠，多種香料腌制雞件，即叫即炒加入玫瑰露點火燒一燒，麻辣香已經四散！😋😋😋全部都是雞髀肉，真是啖啖肉🐔🐔🐔而且雞肉嫩滑😋鮮炸響鈴，建議浸湯3秒，等佢吸收湯底精華先品嚐，香脆惹味！魚片肉質柔軟彈牙！（十秒已足夠)麻辣豬肉餃，口感爽身似肉丸，麻辣惹味食唔停口！🌶🌶

係旺角行完街，行到旺角警署對面就到米走雞。第一次食芝士雞煲，原來芝士同雞煲係出奇地夾！一係唔芝士，一係就去到盡😂，同男朋友叫左個激量芝士既小黃金芝士雞煲。店員見我同男友都無落醬料，主動同我地講可以少收一份醬料錢👏👏👏一上枱既時候，見到煲面中間有大量，sorry，係激量既芝士粒同埋洋蔥粒！等左陣見到芝士煲開始滾既時候我地已經急不及待起筷，唔似一般既雞煲，有啲雞多肉，有啲就淨骨，呢度既雞好似全部都係雞脾，啖啖肉！我地淨食雞起碼用左9個字，超足料！我地發現到後段，芝士底滾耐左，再撈埋癡係煲邊半凝固既芝士再食雞係別有風味！之後我地麻煩店員換左個清湯，打埋另一個大佬，手切特級霜降和牛！（如果好似我地咁食完雞煲先開始食牛建議牛肉請店員後上😉）每片上上落落淥7-8下就岩岩好！肥美既牛肉，肉質剛剛好！

呢間食店已經聽咗好耐，正好朋友也想食雞煲，所以book咗佢放假齊齊去happy下。朋友不能夜歸，所以Book 左六點，我哋一入到黎己經見到有幾台客。其實過左唔夠1小時，佢啲枱到差不多full 了，勁。一入座佢就送黎左6款醬料自己混。Menu佢得兩張，一張鍋底，另一張就係配菜紙啦。黎得呢度，一定係叫雞煲米走雞。見芝士雞煲好似好特別，所以就叫左佢啦！因為得兩個人，係我哋仲諗緊啲咩嘅時候，隔離枱嘅芝士雞煲已經上咗枱啦，望咗一眼，勁大煲裏面好多雞，我哋即刻改變加點一啲輕can啲嘅嘢。因為怕食唔晒，所以只加叫咗脆鯇片，蘿蔔同埋響鈴，加多一壼竹借茅根。食到最後，咩都清晒，所以叫埋甜品先。佢得兩款甜品，綠豆同埋楊枝甘露，可惜楊枝甘露已賣灑，所以叫多個檸樂食住甜品飲住檸樂嘆多一陣。享受一下。

這天晚上約了朋友到太子吃晚餐，我們決定吃「米走雞」。這店的芝士雞煲很有名，我們絕對要試！店面：門口有個大魚缸，很養眼。裡面幾乎滿座：遠處有飲品櫃：餐單印刷精美，上面有各種食物的圖片：有醬料費，每人$14。醬料挺豐富的：黃金芝士雞煲（小）$178雖說是小，但也足夠3-4人吃，實在是太足料了。加上芝士很飽肚，我們基本上不用吃別的東西。煮了一會，有店員幫我們揭蓋：可以吃了！雞肉肉質鮮嫩，雞味濃郁。芝士可以拉絲，有韓式烤雞的感覺，但當吃到底下有芹菜時，突然被提醒這並非韓國菜。吃後齒頰留香。（上）翡翠苗$44、（下）金菇$31翡翠苗每條都很幼，很爽口，非常fresh!金菇香軟彈牙，有口感。（左）手打鮮墨魚$78、（右）蟹粉丸（半份）$24鮮墨魚有墨魚獨有的香氣，打邊爐一流！清熱銀菊露$68是凍的，有菊花的香味。很止渴，而且甜度適中。埋單$500，平均每人$250，有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！

同幾個朋友食飯，總會有人提議打邊爐，今次就搵左地點比較方便嘅太子區，不過就只限食二小時一坐低朋友立即叫個雞煲，待應將個雞煲放上爐就表演點火, 其實火熖就無咩特別令雞煲好味D，不過D雞就啖啖肉，肉質尚算嫩四寶丸，味道ok牛肉唔算肥美、不過淥到全熟會嚡口牛舌略嫌牛蘇味濃冰頭腐，豆卜吸哂湯味，好食雜菇，爽口埋單價錢唔太貴

今次試咗佢地最出名嘅黃金芝士雞煲，果然名不虛傳，每舊雞都好大塊，真係啖啖肉，而且份量仲好多，兩個人黎食真係食完個雞已經飽飽地，仲要芝士味特濃，中意食芝士嘅人一定要試下。而雪花肥牛都好新鮮，又唔會真係好多肥嘅部分。而最唔推薦係四拼餃，有鮮蝦雲吞、韮菜餃同埋肉餃，個人認為肉餃味道好奇怪，所以叫淨餃會比較好。個人認為呢間價錢偏貴。

很久沒有食雞煲，便约了朋友放工後到太子藍馬之城2樓，食麻辣雞煲。我們安排入座後，便開始選那款雞煲，先看看餐纸，原來餐廳內有兩款雞煲 選擇 ，其中一款是芝士雞煲 ，另外一款是火焰雞煲。我們選擇了火焰雞煲(細煲)$168.只是細煲但是分量非常足夠 二人食用 。還有每件雞 肉 大大件 ，而且雞肉嫩滑， 雞煲內有 洋蔥， 紅辣椒 ，芹菜， 玫瑰露 ，配料天然， 雞肉 麻辣配料的精華 ，很是惹味。 認真超值抵食。食完雞煲後， 還可加入清湯 作火鍋湯底 ， 一煲兩用 非常方便 ，再點 幾款火鍋配料， 日式蟹柳 和稻庭烏冬$21。 再加一瓶冰凉的竹蔗茅根水$68 清熱 解燥， 今晚的晚餐 非常豐富 ，我和朋友都 很飽足。

呢間係專門食芝士雞煲，但見到隔離有客人食緊麻煩雞煲，都忍唔住還是order火焰雞煲。點樣為之火焰雞煲呢？拭目以待吧～首先調配醬料，算幾豐富同埋新鮮，每一樣都落少少。正！叫了一個涼菜，涼拌木耳絲海蜇皮，等待雞煲到來。因擔心太辣，特別tick一個綠豆百合爽，估唔到幾好飲，如果可以凍少少就更加好了！想食到火焰雞煲，有3個步驟呀⋯step 1，燜大概兩分鐘step 2，開蓋，點火，燃大概1分鐘，可以見到雞皮變焦糖色step 3，落特製辣湯汁，再煲一煲，就食得啦有無間道雞塊表面的藍色火苗，見到都覺得幾香口，雞塊比較大粒，唔係特別辣，好入味，略有酒味，正！咬一啖，發覺雞肉幾鮮嫩，並且去曬皮和肥膏，正！份量算適中，兩個人食，加三個配菜就查唔多了。食完雞，落辣湯繼續涮涮涮⋯配菜有薯仔、娃娃菜、特級雪花肥牛，肥牛片得好薄身，肥瘦相間，有牛味。我食完已覺得好飽，於是呢一碟肥牛都係老公消滅的食到扶牆而出，兩個人大概500蚊買單，下次叫上幾個姊妹來試下芝士煲啦～

米走雞已經不是第一次來, 但這裡卻是第一來, 皆因上次係銅鑼灣, 今次係太子環境沒像銅鑼灣般華麗, 掛上油畫, 但這裡依然很闊落, 整潔靠牆的一邊, 座位更寬闊, 私隱度較高, 但可惜, 我們來晚了一點雖然只得我們兩個,  但也安排四人的座位火鍋調味醬料盒, 跟一般火鍋店沒有太大分別基本的火鍋配料, 但我們發現一樣較特別的"五香駝鳥肉"上次喺銅鑼灣店, 湯底由我發板, 選擇了芝士雞煲, 今次由同事決定, 選擇了蕃茄湯底, 雖則不是我的至愛, 但材料亦相當十足特級雪花肥牛: 話雖肥牛, 怕膽固醇超標的我, 三七肥瘦正合我心意, 且肉質嫩滑, 不錯的選擇侍應放下一碗牛柏葉那一刻, 同事跟我都有Wow的一聲, 份量咁多嘅!!! 其後發現牛柏葉比D椰菜絲扥起,所以才...... 即使是這樣, 本身份量也不少只影魚皮餃 , 沒影韭菜餃,  正正常常, 合格水平能盡吸湯汁的配料, 非蜂巢豆腐莫屬, 來到這裡, 不用想一定叫的食物五香駝鳥肉: 其實我不太愛試特別的東西, , 真係估唔到我同事會叫駝鳥肉近似滑牛肉的質感, 有點爽口但偏腍, 真的很特別, 但同事則很欣賞他叫的食物生菜盤都很乾淨, 且份量

今天難得和朋友聚餐，因為朋友喜歡吃芝士所以選擇了一家芝士雞煲。 這家芝士雞煲的價錢 ，一個二人份量的芝士雞煲只是178， 我們點了雞煲及打邊爐用的餸菜後， 便可自家製作自己喜歡的醬料， 麻醬，醬油蔥芫茜辣椒，生熟蒜， 樣樣俱全。雞煲上台，看見雞和芝士還未熟透，等了幾分鐘再焗一焗，便可享用。雞件滑，配以芝士濃香，淡淡肉軟鮮嫩， 中和洋蔥輕輕點聚， 讓整個雞煲濃而不膩。吃畢芝士雞煲後， 我們加了雞湯還可繼續 吃火鍋， 當然首先要加入花膠， 骨膠原封厚， 煙韌無比。 蜂巢豆腐給進芝士雞湯精華， 每一口爆出湯汁。 芝心丸 中間的芝士流出，更添鮮味。整個雞煲分量很大，其實足夠三人食用，178其實很抵吃。

之前同朋友去左哩間食芝士雞煲，芝士勁多鋪滿晒d雞，味道真係好夾好好味，賣相仲幾靚，要先食晒d雞先可以打邊爐，因為有芝士所以加唔到湯，食完當然要點埋其他野食啦，芝士丸，響鈴，肥牛，生菜，仲有其他唔太記得，肥牛好重牛味，易咬唔韌，好好食。食店環境幾大，坐得唔迫夠寬。服務質素方面，有禮貌有笑容，侍應人手都足夠，唔會舉手冇人理。價錢方面，因為不是任食，逐樣收費，要食到飽肚，賣單都幾貴下，間唔中食下一次半次都ok。

百食不厭嘅芝士雞煲，每次朋友相聚都選呢間火鍋店。因地點方便近地鐵站，坐位舒適。當你坐低點菜時，店員細心地拿上一個盤放有不同調味料，我地就會發揮個人創作力調出獨特醬汁。先來過一鍋大芝士雞煲，金黃色芝士包圍了大大件雞脾肉，已經去骨，所以食落談談肉，非常好食。蟹子鮮蝦滑，新鮮爽口彈牙。響玲大大條，在未加入湯之前，放入芝士鍋內，令響玲吸曬芝士嘅味道，入口後就流出香濃芝士味道白膳片都係火鍋必食，肉質鮮美，肉質有口感。肥牛都是必食之選，簿簿的一片，滾一滾就入口，入口即溶。五寶手打丸，集合幾款口味，粒粒人手制成，有質感，爽口彈牙。

14位醬湯費x2蒜蓉好正，新鮮夠刺激！芝士雞煲確係無得頂，久不久就要來回味😋是夜同小表妹即興去左食，雞煲佢就食得多，芝士雞煲咁中式既食法佢就未試過。芝士雞煲178(小)個原理係先食雞煲，後烚烚下咁食既，其實兩個食細雞煲，份量已足半隻雞，二人分享好多呢！d雞無肥皮，嫩肉索曬芝士汁，喜歡重口味又酷愛芝士既我，當然唔認為漏啦，加了洋蔥仲好惹味tim！特級雪花肥牛158(小)食火鍋係一定要，烚兩下就食得，啱曬無耐性既我，唔洗點等就有靚牛食。肉嫩鬆化，秒清🤣响鈴52熱辣炸起先有咁脆，大大一個賣相好掂，幾秒就食得，美味。魚皮餃22半份味道也不俗，像是自家制，不是超市貨。加多寶16食後感：美味總代表之選，九龍港島都有分店，梗有間係我左近，鍾意食雞煲既你，仲唸咩呢？！