米走雞 (太子藍馬之城)

营业中

休息中

今日又來到太子，必食呢間芝士雞煲。7點半到已經坐滿了人。雖然人多但聲浪不太大，可能同設計坐位有關，每張卡枱都係坐4-6人，入內長枱就可以坐8-10人。仲有一間特別房，可坐14人以上。所以大家傾談時就可以集中一些，不會阻礙別人。我地先叫左個大芝士雞煲配普通分量芝士，雞件大大件鋪滿金黃色芝士，香氣撲鼻，雞肉嫩滑，配料上嘅洋蔥都好好食。特級雪花肥牛（大）$218。油脂分佈均勻、肉質通透，燙一燙就食得，入口溶化。白鱔片$98，鱔片新鮮肥美。尤其在魚皮部分最多魚油，肉質嫩滑。手打五寶丸$88，都有5款口味，粒粒爽囗彈牙。食完雞煲後再加小小火鍋美食，已經好足夠，配合樽竹蔗茅根飲料，就是完美晚餐。

曾經在長沙灣總店吃過她的芝士雞煲，留下了深刻的印象，見到她在旺角也開了分店，當然要支持一下啦。旺角店比長沙灣店大很多，座位寬敞，裝橫也較原店好一點。由於已經試過芝士煲了，所以這次就點了麻辣雞煲。雖然材料應該一早就準備好了，但還是要等十多分鐘才到。店員有禮貌地幫我們開爐，亦會不時過來看看情況，十分抵讚。每件雞都是雞脾肉來的，口感特別嫩滑，十分有誠意。因為我們叫小辣的關係，初時感覺吃得十分輕鬆，怎知越吃辣味漸濃，為了救「火」，我們不得不叫飲品下下火，哈。另外，我們也點了響鈴和生菜，兩個人也覺得有點叫多了。

去旺角米走雞打邊爐～結伴二人放工到旺角一聚，決定打邊爐興生。米走雞出名食雞煲，我們之前都吃過邊個話夏天唔可以打邊爐😆結伴去米走雞，食左個超飽邊爐宴，每人盛惠$300。雪花牛粒$148.蕃茄粟米湯$78.手打五寶丸$88.蟹籽鮮蝦滑$88.牛栢葉$43.包心丸$24.翡翠苗$24.烏龍茶$16.飽到上心口！食物水準唔錯，地點一流。好彩早到，遲多少少到七點幾爆曬場。餐牌好多配料！花多眼亂！今次唔食雞煲食個蕃茄粟米，清甜的湯頭，也不錯。蟹籽鮮蝦滑，真的有原隻蝦粒在內，足料到呢。包心丸，正！牛栢葉好大磈又新鮮呀！菜苗都翠綠！牛粒嫩到不得了！牛味重，肥瘦均勻，用黎打邊爐就太正。手打丸非常新鮮！全部都真材實料！兩人都只係食左五百幾，成枱都係，材料新鮮，服務周到，值得一食再食。

食物質素極差，沒有可能再有下次光顧!!! 負評冇可能有星， 局住揀首先叫咗個食雞煲全部都係雞腿，味道完全沒有，d雞嗱到淋晒，連BB仔都食到，再跟住用所謂上湯去打邊爐，湯底得味精甜，我們叫咗五香牛肉， 雪花肥牛 ，五色鮮丸，4味餃， 鮮炸腐皮，菜，烏冬，以上東西只是菜和烏冬是正常入得口，鮮丸都係冰都冇朋友，4種餃味道咸過鹹菜，五香牛肉惨過茶記1000倍好像腐屍一樣， 而雪花肥牛咁嘅價錢唔使係到叫 其它食物快餐店嘅火鍋仲好食過佢100百倍!!! 價錢和食材都係差👎👎👎

雞煲真係一年四季都會想食，實在太惹味啦因為！之後食過芝士雞煲，今次就試下佢火焰辣雞煲啦！座位寬敞 坐得好舒服 又唔怕叫得多野食無位擺一大開蓋開已經好香啦！店員會幫手搞拌之後再加湯煮幾分鐘，食完雞再加湯打邊爐！大量醬料任你揀，我偏好炸蒜，超香口呀！由於半隻雞份量都好多，我地只係再加左少少配料。即炸響鈴 好大舊呀 非常吸引！牛頸脊 起雙飛既切法又靚又有口感 油脂分佈均勻！！服務very nice會主動加湯，環境亦好舒適！！

天氣熱辣辣仍然阻礙唔到我們一班雞煲粉絲對雞煲的熱愛，今晚同一班食雞友去了太子米走雞食晚餐。餐廳地方都算大，有部份卡座，亦有大房適合一大班人吃飯。醬料其實都可以唔使，因為本新都已經好濃味。原先想食麻辣但見這裏主打芝士雞煲，所以大家都決定一試，點了個小勁量芝士雞煲，話就話2-3人量，但整煲雞肉全滿，我們三個人每人差不多食到十件雞肉，芝士呈半溶狀，雞肉本身已醃過，味道濃郁，有點似蒸雞。之後加了個芝士湯繼續打邊爐，先試下秘製牛坑腩，牛腩啖啖肉無跟而且很腍。鮮蝦雲吞裏面有大大隻蝦肉，但豬肉味道不夠新鮮。魚皮餃、午餐肉、芝士腸是我們打邊爐必點，最普通的食物，但不能不點。牛栢葉大碟爽脆，碌一碌就可以食。當然不能少得的青島啤。

雞煲就食得多，多數都都麻辣口味，今次就試下這個芝士雞煲。這間有多間分店的米走雞，主打是芝士雞煲。兩個人點了一個小的黃金芝士雞煲178，但份量有足3-4人份，多數是雞比肉為主，表面舖滿了芝士，煮到芝士半溶就可以食啦！雞肉尚算嫩滑，芝士味濃郁但不會太咸，下面有些洋葱及芫茜墊底。食完雞煲後可以選擇加清湯或芝士湯，視乎個人喜歡的濃淡口味，我們就要了芝士湯，無想像中的杰身。因為朋友不吃牛，所以只點了海鮮類及丸類。其中手打蝦丸是必食之一，蝦丸內有粒粒蝦肉，爽口彈牙；墨丸都不錯，但不及蝦丸爽彈。蟹子鮮蝦滑亦都是必食推介，原隻鮮蝦肉混合蝦膠，啖啖蝦肉，爽口彈牙。白鱔片比較多骨，但肉質爽口結實，顏色雪白新鮮。最後食埋個沾滿了芝士湯汁的稻庭烏冬21，十分滿足的一餐。整體味道不俗，芝士雞煲幾有特色，價錢合理，座位舒適，服務態度良好，下次可以約多幾個朋友一齊再食過。

邊個話冬天先可以食火鍋？嘆住冷氣咁食火鍋一樣咁正！麻辣雞煲入味到不得了，每件雞都充滿住麻辣既香氣，而且雞肉淋滑無比，好味！為免太膩，另外要左個皮蛋芫茜鍋，估唔到咁足料，大量既皮蛋、粟米，仲有豆腐，淨食鍋料都飽唔少！點可以錯過呢度既手切牛頸脊？帶點嚼勁，牛味濃，啱哂我胃口！蝦滑啖啖都系蝦肉，誇張到...蔬菜方便最鍾意雜菇同准山，兩者都好高質，尤其系准山綿而不粉，正好沖淡肉類既膩感！呢餐雖然唔平，但間中嘆下又何妨？

食過幾次呢度既火鍋，都覺得質素唔錯，呢晚又同屋企人嚟食，睇下keep唔keep到水準。次次嚟都食芝士雞煲，今次就麻辣一下！雞全用雞腿位，啖啖肉又夠嫩滑，叫左少辣但辣勁都唔弱，我呢度唔食得辣既人啱啱好接受到，如果嗜辣既話叫大辣一定爽！次次嚟都要食既手切手頸脊！入口依然軟滑，牛味唔錯，但感覺冇以前咁濃，有少少失望。蝦滑價錢唔平但真材實料，裏面有唔少蝦肉，食落夠哂彈牙。桶蠔隻隻都好大隻好肥美，咬落系creamy既感覺，之後就系濃濃既蠔香，正！總括嚟講，呢度野食價錢唔平，但一分錢一分貨，間中一次也不為過！

開飯開得早，所以冇咩人，呢間米走雞好大，岩哂一班志同道合鍾意食雞煲既朋友係度開餐點餐紙就有兩款雞煲可以揀，分別係芝士同麻辣，麻辣平時食得多，所以今次就試下芝士鍋啦食完雞煲仲唔夠飽既話，仲可以叫埋其他火鍋料添選擇都好多醬料係要收費架，$14蚊位兩個人食，所以叫左個細既試下，點知都咁大個，煲入面鋪滿芝士同洋蔥粒，下面就係金黃色既雞食得啦！濃郁既芝士醬包圍住成舊雞，餐廳用左大量雞脾肉整雞煲，所以差唔多舊舊都咁滑之後就加返d金黃色既芝士湯打邊爐啦估唔到火鍋料都係咁出色，牛肉肥瘦分明，仲要好大塊肥牛配芝士汁，認真唔錯最後飲返個冰凍酸梅湯下一下火

我對雞煲既愛，已經超越了天氣既限制🙊🙊即使已經連續多日高溫，但都無阻我食雞煲既決心😎😎所以雖然34度，但都約左朋友出旺角食米走雞，貪佢坐得舒服冷氣夠！只要冷氣勁，夏天食雞煲一樣可以好爽清熱銀菊露$68強烈推薦，火鍋良伴！望到就知足料，大大壺斟到好多杯，飲落好清涼解辣，一點多餘甜味都無，唔會越飲越渴火焰雞煲（細）中辣$168呢個煲真係不得了，深得我心份量超多，個煲咁深都滿曬超惹味，隔住個mon都感受到🤣勁！雞肉肉質結實嫩滑，入口啖啖肉，辣味十足，除左雞多連洋蔥都超級多鮮炸響鈴$52火鍋必備，每條都份量十足！鮮製四拼餃$88有水餃、牛肉餃、雲呑、韭菜餃，一碟試曬四款平時比較少食牛肉餃，牛肉味濃郁，皮薄餡料結實彈牙油麥菜半份$24除左新鮮，重洗得好乾淨蜂巢冰豆腐半份$24呢個幾驚喜，平時好少食，軟綿綿但食落比普通豆腐有口感，吸埋湯底辣味勁整體質素很滿意

我是芝士控，更是雞煲追求者，所以芝士雞煲發源地—米走雞，我一定要來潮聖一下說潮聖當然誇張了一點，因為米走雞都開了好一段時間了，但因為工作太忙，而且朋友聽到芝士雞煲都覺得好古怪，所以到現在先搵到芝士腳一齊黎試下好！入正題先，我們二人必然是叫黃金芝士雞煲啦，未食已經聞到陣陣芝士香味，除了芝士和主角雞之外，配料還有洋蔥、乾蔥、蒜頭等等，雞件處理得幾好，至少沒有雪味，也算滑，好味道，食到咁上下，待應姐姐主動幫我地加湯，繼續打邊爐，湯也是芝士湯，其他配料都是用心之作，手打丸，鮮味之餘又夠大粒，牛肉好食，餃子穩陣之選

香港人極喜愛食雞煲，甚麼秘製雞煲/ 麻辣雞煲成行成市，但芝士雞煲卻寥寥可數。光聽芝士和雞，一甜一鹹好像並不搭配，但原來是帶來驚喜之選。米走雞當然也有麻辣雞煲，但作為芝士雞煲始祖，不能不試。細size的黃金芝士雞煲 ($178) 可按自己喜好選定芝士份量，此乃正常份量，若果是激量的話，真不敢想像芝味十足，相當足料，當芝士融化時，香味四溢，數分鐘便可享用，還有超級拉絲的Texture。雞件全採用雞髀肉，件件爽滑啖啖肉，每件都被芝士牢牢包著，極之入味，好好食!快吃完的時候便可開始加湯吃火鍋，但此前已有半點飽肚感，畢竟芝士相當膩和飽肚，加湯加選芝士濃湯/ 清湯，芝士愛好者必選前者，但須注意身體能否承受此等份量的卡路里和膽固醇啊。五香鮮牛肉 ($98): 鮮牛肉大大份，色澤紅潤蠻新鮮，最重要的是質感非常爽滑軟腍，而且牛味夠香。脆鯇片 ($58): 鯇魚片爽脆無骨，魚味適中並無腥味，輕灼十秒八秒即可食用。

今日落雨濕濕搞到唔想諗食咩,交俾朋友諗朋友就BOOK左米走雞大家可能落雨無心機做野,所以大家都好準時就去到一坐低朋友話要多芝士,結果我地要左普遍芝士大雞講返叫左咩食先黃金芝士雞煲,日本廣島蠔,手切新鮮牛頸脊,白鱔片,鮮製四拼餃,鵝腸,翡翠苗,鮮炸響鈴,稻庭烏冬,清熱銀菊露黃金芝士雞煲--夠晒芝士,連雞食都幾唔錯,隻雞都幾多喎,同埋又幾有雞味日本廣島蠔--幾鮮既蠔味,食落係唔錯既手切新鮮牛頸脊--脂肪分佈得幾平均,咬落去好有牛香味白鱔片--正呀好有鱔既魚香味,同埋爽口鮮製四拼餃--餃都算幾新鮮同足料鵝腸--又唔係好肥喎,食落唔錯翡翠苗--幾新鮮,滾兩下就可以食鮮炸響鈴--滾兩下食得,淋淋地吸下芝士汁既湯,一個字香稻庭烏冬--有黑洞人士,整個烏冬就FIT晒,滾一陣食爽口唔錯清熱銀菊露--都幾好飲,又唔會太甜,解口渴大包圍--成枱都係野食

今日放工同幾個同事去食飯,去左米走雞食芝士火鍋先落左D醬料先之後就點左個黃金芝士雞煲,手切新鮮牛頸脊,日本廣島蠔,稻庭烏冬,白鱔片,鮮製四拼餃,鵝腸,翡翠苗,鮮炸響鈴,清熱銀菊露黃金芝士雞煲--芝士入晒D雞度,雞都好夠味手切新鮮牛頸脊--肥瘦好平均咬落好重牛味,好香的牛味道又唔會好肥日本廣島蠔--好好味蠔味十足稻庭烏冬--爽口彈牙白鱔片--新鮮爽口.好有鱔的味道鮮製四拼餃--餃幾足料,咬落都好好食鵝腸--唔會好肥,爽爽地幾得意翡翠苗--幾新鮮,快浸兩下就食得,好新鮮的味道鮮炸響鈴--浸左湯有芝士味,浸兩秒就食,好好食清熱銀菊露--唔算太甜,都唔錯可以清下熱