米走雞 (太子藍馬之城)

营业中

休息中

疫情之下，困左係屋企咁耐，終於可以放鬆吓周圍去食嘢，今日特登約埋朋友出去振興下香港經濟先😂今次會去食一間芝士雞煲火鍋，今次係我第一次食芝士火鍋，因為我成日覺得芝士同埋火鍋雞煲係味道唔夾，但經過今次之後我覺得，有驚喜食雞煲嘅時候，雞件都算多，而且肉質都幾鮮嫩，再配合濃郁嘅芝士，但芝士又唔會搶到雞嘅味，大家都幾夾👏牛嘅質素唔錯，幾有牛味，入口有真淡淡的脂肪香味，而且份量都唔算少，推介👍響鈴我覺得就一般，不過不失呢個新鮮墨魚丸唔錯，入邊仲有墨魚嘅肉粒，入口爽脆如果兩個人嘅話，叫碟新鮮手切牛頸脊，加埋芝士雞煲，都基本好夠食，整體質素我覺得唔錯👍

平時食開麻辣雞煲既我今次想試試新口味米走雞既黃金芝士雞煲一向出名 所以一於試試佢啦果然冇令我失望 不枉我由寶林突登山長水遠走出黎食！雞既份量都幾多 加上滿滿既拉絲芝士 兩個人基本上食完個雞煲之後已經飽左7成 值得一讚既係芝士碎既份量係可以自由選擇既 可因應自己既口味選擇芝士味好香濃 同肉質嫩滑既雞簡直係perfect match! 非常滿足食完雞煲之後可以揀加芝士湯或者清湯打邊爐 由於已經飽飽地 所以我地揀左加清湯 同樣出色！今餐真係非常滿足呀！

今天與同事下班突然想吃雞煲。由於同事知道我是芝士控，便馬上推介【米走雞】這間出名吃芝士雞煲的餐廳給我...我們馬上走到藍馬之城準備一試味道。店員十分有禮貌，由於我們事前已訂位，因此店員馬上帶我們到就餐位置。到位子就坐時已看到店家為疫情而準備的防疫擋板以及消毒濕紙巾，真的令人安心！到了最重要的環節—點餐！首先當然要點這裏最出名的黃金芝士雞煲。芝士碎選了普通的，然後先交菜餐予店員。再來就是選之後火爐的材料。同行的同事因為不吃牛肉所以改點了西班牙黑豚肉，還點了必吃的哈哈哈中寶，然後分別又點了芝士腸、手打五寶拼盤、魚皮餃、金菇等等。火爐怎會少得調味料，這裏的調味料雖然選擇不多但恰當好處，當選完調味料後，店員會先收起調味料，待客人有需要時再送上。不用5分鐘的時間，重頭戲黃金芝士雞煲送上了～但先不要急，當店員告知雞已熟透後才可以開煲吃雞。終於到神聖的時刻，蓋一揭開，香味隨即撲鼻而來，令人迫不及待想咬一口，香濃的黃金芝士配上鮮味濃郁的雞塊真是一個一百分的配搭！減肥的朋友千萬不要來，因為會令你想一吃再吃！當雞吃至九成時便是常規的火鍋時間～當中最值得一提的是哈哈哈中寶真的非常好吃，蝦的鮮味十足，令人想一

很久沒有吃雞煲，見疫情現時暫時受控，忍不住要和老婆吃雞煲止止口癮。選了很久，最後決定選米走雞。晚上七時半，店員貼心為我們量過體溫，搓過消毒液後，就帶我們坐下。位置間都間上了黑色板，幸好位置闊絡，不會有局促的感覺。老婆是芝士控，所以我們點了黃金芝士。而我們只有兩個人，所以只叫了一份小的雞煲。店員非常貼心，會幫忙處理雞煲，又會提點我們該注意的地方。雞煲一開蓋，我倆都「嘩」了出聲，我們揀了普通的芝士量，不單芝士味亦非常濃郁，而且芝士鋪滿了整個煲，「拉絲」亦都無問題。而且雞件十分大件，雞肉滑嫩，份量十足，單是這份雞煲，已經足夠我們回味無窮。我們另外叫了一份大的手切特級霜降和牛。牛肉油花分布均勻，肥瘦得宜，牛味濃郁。配上打邊爐的芝士湯底，別有一番風味！另外，我們還叫了半份哈哈蝦中寶。本來只是被名字吸引，怎料竟然嗌到正嘢😂蝦滑當中再釀入原隻鮮蝦，既爽口，又有鮮味，相當過癮！整晚下來，無論是雞煲，還是配菜，都令人食指大動🤤當晚完全是挺住肚走😌

很久沒有吃雞煲，今天和朋友去吃一轉雞煲，這家店位於太子，很容易就找到。芝士雞煲由於我是芝士控 ，所以芝士雞煲對我來說是很吸引。雞煲可以選擇辛辣程度，但我想吃芝士雞原味，所以沒有點辛辣的。雞煲上台，先放在爐上煮一煮，讓芝士溶化。打開煲蓋覺得很香啊。雞件肉嫩多汁，加上芝士咸香，非常吸引。點了一個細雞煲，吃得我們二人津津樂道，食極都仲有，好多雞啊。吃完之後便可以加湯做火鍋。 我們點了墨魚滑，實的很滑很鮮味，響鈴很大件，脆脆的。再飲返杯竹蔗茅根，真得很爽。

今日放工黎到太子呢間米走雞食火鍋加雞煲，餐廳十分寬敞。剛坐下，店員立即拿來九宮格調味醬料，及介紹餐廳招牌雞煲。一般食法都是點了雞煲，食完再加湯食火鍋，同時滿足你兩個願望。芝士雞煲今次挑選了芝士雞煲，2-3人份量可選擇細，還可以自由選擇芝士碎的份量，喜歡濃厚芝士的朋友有福了。雖然是細的份量，其實2-3人份的雞煲都已經很大鍋，每一塊芝士雞都很大舊，雞肉肉質很嫩滑，而且沾上了熱溶的拉絲芝士，濃厚芝士味。吃過雞煲後，可以選擇清湯或者芝士湯轉火鍋，我今次挑選了清湯，但湯底仍然保留滿滿芝士味。另外我們點了其他火鍋配料：包括冰豆腐，鮮墨魚丸，響鈴，牛柏葉，娃娃菜等。雖然全部也是點了半份，但是半份的份量也很多，十分抵食。最後點了一杯飲品，凍檸七，配上火鍋，今天晚上十分滿足

係花園行完街心血來潮想食雞煲，於是就去大了太子的咪走雞，即興食隻雞。   坐低即興點了個麻辣雞煲，揀了一隻辣椒的辣度，比較保守。因為早到，所以上菜好快，個雞煲好快就到，稍微翻熱返，職員就幫我地加入辣椒油、辣椒醬。    雞煲醬汁惹味，雞件份量好多，重點係呢度嘅雞煲大部份用雞脾肉，食肉獸應該會瘋狂愛上這個煲！因為一件件雞肉，入口嫩滑，沾上雞煲汁，肉感一流！   食雞煲點可以無可樂，用碳酸分解辣味，是最正的方法！點了響鈴、牛肉、栢業，生菜等。 牛肉上枱我地反問我地係要細份，咁大碟係咪我地㗎？侍應話係呀，好抵食呢？ 響鈴係厚身的，淥落個湯唔會散晒，成條拉起身，吸盡雞煲精華，我鍾意！   栢業份量都不少，爽口彈牙。其實我地點左唔多野食，但都食唔晒，因為嗰雞煲份量太多，啲雞已經食飽左我地！   鍾意啖啖肉嘅，呢間雞煲不可錯過！就算不堂食，外賣都好受歡迎!!!

Satisfying both my crave for those cheesy chicken korean food and chicken pot at once!Super generous portion of cheese and chicken even for the small size. Absolutely enough for two people. Crazy satisfying cheese pulls.Not sure about you but chicken pot is a crazy delicious dish that hits your crave every now and then. But the problem with this dish is, as delicious as it is, there's so typically so much GMS that makes you regret your feast. Running chicken is where it shines, all the flavors c

我同老公兩個都係好鍾意食雞煲的，見到呢間好評都幾多，所以去試看看。一坐低就有人擺低醬料盤，大概有六樣野，因為我地本身就無打算要加湯打邊爐所以叫佢地收返唔需要了， 佢地無同我地講原來呢個醬料人頭費$16位， 就算唔要都要俾錢！我地點火焰麻辣雞煲， 等左8分鐘左右雞煲上到，有人幫手落酒燒出火焰跟住炒下再焗左幾分鐘就可以開始食，個醬汁偏甜，不過就越食越辣， 但食多幾舊就覺得好膩（我地兩個都係咁認為） 雞件全部係雞腿肉， 而且好油，我知雞煲一定會油，但呢個真係食到好濟，未食完已經唔想繼續食⋯最後埋單問佢哋點解有收醬料費，佢地係話： 醬料費係基本的，唔食都要收架啦！！欸，其實我食過好幾間雞煲 你有用的話收就基本，我根本掂都唔掂過而且一早叫你收走佢竟然都要收多三十幾蚊，服務費另收wo！無論味道， 服務， 我自己就唔會推介比我朋友囉！

疫情稍稍有回落的跡象，今天又是星期五實在太耐太耐冇見過好朋友了，一於約三個好朋友，一齊去打個邊爐𣈱食𣈱飮一番，經過商量終於決定，過年前已經約定到現在終於可以一嘗「米走雞」食雞煲打邊爐。火焰麻辣雞煲(小辣)雞煲陣陣飄香，尤其是麻辣雞煲，材料豐富如果喜歡啖啖肉，這裏的雞煲你一定喜歡，因為選料全部用上雞脾肉，雞肉香滑多汁加上秘製醬料非常惹味。大虎蝦大虎蝦，肉質鮮甜爽口，隻隻都有一隻手板咁大真係好過癮白鱔片白鱔片，刀工了得切得厚薄適中，入口軟滑鱔味香濃。手打鮮蝦丸手打鮮蝦丸，鮮味十足除了蝦膠外還有一隻隻鮮蝦很足料，入口爽彈有質感。油麥菜新鮮油麥菜條條挺身，油麥菜獨有的菜香味，加上麻辣湯汁好食到飛起。紅薯粉這個紅薯粉又是一絕，喜歡食酸辣粉的人這個絕不要錯過，除了麻辣味還有所有海鮮的精華味道，煙煙韌韌味道豐富。涷檸樂打邊爐點可以冇凍檸樂，尤其是食麻辣雞煲配凍檸樂，就是一個開心的組合。

期待已久再一次可以跟朋友聚餐😋朋友仔介紹公司附近＂咪走雞＂味道唔錯值得一試😋一入門口職員馬上量體溫，又有酒精搓手液，卡位之間還有高甲板，食得幾安心👍🏻火焰麻辣雞煲🔥（四人） BB辣太耐冇食雞煲所以起晒癮，我們叫了BB辣都好惹味，職員會在我們面前點火，回憶馬上回來🤣雞煲裏的雞全部是雞脾肉非常嫰滑啖啖肉，芫荽洋蔥香氣四溢，吃到差不多還會加上奶白的湯底，絕不會溝淡炸響鈴大大條的炸響鈴即叫即炸，放唔放湯都一樣咁好味虎蝦🦐（六隻） 大大隻虎蝦，鮮甜彈牙脆鯇腩脆鯇腩腩厚切肥美，滾幾耐都是那麼脆口油潤紅薯粉紅薯粉滾得耐少少也不怕，它吸取晒湯底的鮮味， 煙煙韌韌但又滑溜，最後食碗紅薯粉都幾飽肚😬唐生菜🥬唐生菜新鮮，放湯數秒碧綠爽脆檸檬七喜🥤麻辣雞煲配鹹檸七一絕👏🏻

因為疫情關係好耐無去打邊爐，依家襯疫情舒緩落黎, 雞煲癮開始發作。聽聞太子既米走雞既雞煲十分出名, 以芝士雞煲做特色, 所以今次特意同朋友黎到依間聚舊下。 餐廳地理位置十分便利，一出太子地鐵站不足五分鐘的距離就到。場內既環境都好寛敞, 坐得舒服。入店需先量度體溫及以搓手液清潔雙手，衞生程度使顧客食得放心。一坐低店員就會即時奉上醬料盤，好好服務。最基本既芫荽、濕蒜、干蒜等等都應有盡有, 乾淨又衛生。雖然我係芝士愛好者，但怕食太多芝士會好膩，之後見到免費點激量芝士，最後都忍不住點左！激量芝士雞煲有濃濃既芝士味，但真的一啲都唔膩，呢點係令人驚喜既！芝士係一樣好易燶既食物，唔知係未有客人煲燶過，所以呢到既侍應隔一陣就會過黎關心我地個煲。佢地仲教左我地秘訣，如何令芝士湯底唔燶:未滾之前唔撈得，滾左之後要攪幾攪。至於打邊爐既另一主角一定係牛肉，我地點左 特級雪花牛，完全唔韌，而牛既油脂味都重，絕對對得住呢個價錢！另外脆鯇腩，味道清爽超脆卜卜 ，鍾意食魚既一定要食！炸魚皮，好抵食超大份！最後，超推介粟米，味道超級清甜，而果種甜度並唔係浸過糖水既甜，而係黎自粟米本身既甜。如果唔係咁飽 ，仲想叫多份粟米

最近疫情放緩，悶左一段時間，終於可以約朋友食飯見面。既然難得一聚，就決定去米走雞食芝士雞煲！想不到朋友非常準時，我到達餐廳時佢地已經急不及待點餐。由於我們都非常愛吃芝士，所以這次點了激量芝士雞煲。而餐廳的員工都非常體貼，不時都會走過來幫我們控制火候。等了約五分鐘，雞煲便開始滾了，我們輕輕攪拌一圈後，便開始出現一絲絲的芝士拉絲。雞肉的份量比想像中多，肉質非常嫩滑，更重要是香濃的芝士完完全全混入在雞肉內，非常入味，而且芝士雖然多，但一點也不覺得膩，反而愈吃愈開胃！吃完雞肉後，我們的火鍋配料便一碟碟的送上，轉眼間配料便放滿了枱，真的很久沒試過叫得那麼豐富呢！由於湯底是芝士，所以大大提升了每種食物的味道，令食物的味道不再單調。至於食物有幾款我是較喜愛的，第一樣是特級雪花肥牛。它的雪花平均分佈，味道入口即溶，更重要是不太肥亦不太瘦，幾位朋友都對這碟肥牛讚口不絕！而第二樣是手打五寶拼盤，分別有墨丸豬肉丸蝦丸鯪魚丸同牛丸，全都是人手手打，所以吃落比平常的更爽口彈牙，值得一叫！而第三樣是鮮製韭菜餃，餃子都是人手親自包出來，所以材料更新鮮更健康，我一人都吃了三粒呢！而其他配料如冬菇，生菜，公仔麵等，我亦

食物可以，雞煲夠香夠辣，食物質素中上，但個啊嬸員工態度惡劣，口吻極差，唔想撈可以揀辭職，唔洗幫你老細趕客。食前已見到有食評提及呢位員工態度惡劣，估唔到咁都俾我撞到，都已經係埋單階段，估唔到個啊嬸一句就黎料，仲要係無啦啦受氣，大佬，食餐飯姐，仲要俾錢買難受？個啊嬸員工仲話下次未必咁做優惠同點點點，但因為呢個員工，我唔會有下次，食物質素再好都救唔反被呢啲員工趕走嘅客，做得對客嘅，麻煩俾反少少專業好喎！！

今晚到米走雞食雞煲，太子分店第一次試，7:00到達已見有數枱用餐中，大部分人客點招牌芝士雞煲，因為朋友不吃芝士，所以我們點了火焰BB辣雞煲。雞煲保持一貫水準，雞肉嫩滑，味濃而香。再來打邊爐，我們選了不是一般火鍋店有的鮮牛肉餃，、手打五寶拼盤，這是我吃過最美味的手打丸，蝦丸真的內藏鮮蝦，真材實料。另外點了生菜及油麥菜，非常新鮮。再來個蜂巢冰豆腐，吸了湯的精華，味道香濃，還有鮮炸響鈴。由於份量足，我們兩人也吃不完！實在適合三五知己共聚或大胃王到訪。