米走雞 (太子藍馬之城)

营业中

休息中

🥢旺角啖啖肉惹味火焰麻辣雞煲火鍋🥢這排天氣涼左真係特別想食雞煲火鍋，而今次這間雞煲上次食過佢地邪惡芝士雞煲，可以麻辣雞煲，感覺很不錯，今次人少少再來食下佢地的火焰🥢火焰麻辣雞煲（2-3人)小$168雞煲上枱時已經主治熟透，店員姐姐會親自過嚟到點火，再炒一炒香味即時出晒嚟，呢度嘅雞煲好多汁，味道非常之重口味夠晒麻辣，而且雞件啖啖肉因為全部都係雞脾肉，唔使再爭邊個食雞脾🥢手切新牛頸脊（小）$228兩個人少少所以帶咗碟細嘅牛頸脊，牛頸脊肉質油花均勻，牛味夠濃而香，入口軟熟🥢鮮炸響鈴（半份）$28響鈴最啱就係沾雞煲醬汁，呢度嘅響鈴食落仲係好脆卜卜，沾一下再食回味無窮🥢呢度嘅雞煲絕對係好食，雞件好多啖啖肉，感覺上兩個人食一個煲，真係都幾飽下，所以過嚟食雞煲可以叫多幾個朋友一齊點多幾款餸開心share

4人行，叫左個4人分量雞加其他野。雞好失望原來全部雞髀🍗，不是半隻雞或一隻雞，第一次食雞煲係食雞髀，真係大開眼界。見朋友推介去試下，真係無第二次。再加上最後仲有半個鐘時間嘅時候，個職員好緊張咁同我地講話外面有好多人等位叫我哋食快d，講完5分鐘後再次出現再催我地快d，未試過食飯食到咁樣俾人催

經openrice 訂位, 一去到就安排入座。黎到緊係要試最出名嘅芝士雞煲, 可以選擇芝士份量,由無至大量, 啱晒唔同口味嘅朋友。雖然我都中意食芝士, 但都只係揀左普通, 因為驚太膩。好快就上菜, d 雞幾滑, 芝士都好正。食完雞煲即刻加湯打邊爐, 店員好禮貌咁介紹幾款出名嘅火煱菜式, 例如必食鮮炸響鈴, 好食!!

< 💛米走雞🐔> 📍太子、觀塘、銅鑼灣最近天氣開始轉涼 又喺時候食雞煲打邊爐🍲💛黃金芝士雞煲 (小) $178開頭驚唔夠食 最後三個人食啱啱好🤣 雞件大約有十幾舊 每舊都好大舊😆 而且有得揀要幾多芝士碎 鍾意芝士嘅我就揀咗激量🧀 雞件索晒啲芝士汁好好味😋 好多雞脾肉 雞肉好嫩滑 而且冇乜細骨 啖啖肉好滿足🤤 配料有洋蔥、乾蔥中芹同芫茜 令到個雞煲更惹味👍🏻👍🏻 最後仲加咗兩個出前一丁索湯😆🥩特級雪花肥牛 (小) $158食完雞煲就到指定動作 打邊爐🍲 雖然係最平嘅牛 但係食落有驚喜😛 雪花紋好靚 而且食落好重牛味 肉質仲好嫩滑👍🏻👍🏻 一碟都有大約十片牛 每塊都好似手掌咁大塊 抵食之選🤣 🍢手打五寶拼盤 (半份) $48五寶拼盤分別有墨丸、蝦丸、鯪魚丸、豬肉丸同牛丸😋每粒都大過乒乓波🤣個人都鍾意墨丸同蝦丸 食到粒粒墨魚肉🦑 而且蝦丸都好彈牙🦐 豬肉丸同牛丸都重肉味 而且食得出係手打 very good👍🏻👍🏻🥟鮮製五拼餃 (半份) $58試咗鮮蝦雲吞同韮菜餃🥟 個人比較鍾意雲呑 都係大大粒🤣 另外我麻麻地個餃子皮 而且得五粒 個人覺得性價比唔高😢 可以叫多啲肉同丸鮮炸響

米走雞 香港人生活好大壓力！ 每次小編唔開心既時候都會暴飲暴食飲飽食醉後就會有種好滿足既感覺-呢間雞煲超惹味‼️辣醬、芫茜、洋蔥都好足料雞肉肥美嫩滑，炒到帶有焦香又入味，好香口肥牛唔會太肥，牛味濃郁響鈴炸到好脆，索曬d 醬汁餃子多餡，薯粉彈牙呢間雞煲絕對係小編食完又食之選‼️

落左勁多芫茜既火焰雞煲，非常香口個雞煲醬好濃郁，麻辣得黎好惹味半隻雞份量岩岩好兩個人食雞髀肉口感嫩滑，肉厚多汁蝦丸、墨魚丸好彈牙，仲有粒粒蝦肉同墨魚肉肥牛都唔會太肥，肉味濃郁小編第一次食雞煲落紅薯粉好似食緊酸辣粉甘，正！

各位芝士控一定要試下依間鋪頭既芝士雞煲🤩 依家仲要做緊半價優惠，真係好抵😋 只要係落單前like佢地既社交平台page就可以享有優惠了🤪-💎 黃金芝士雞煲(小｜2-3人份量) $178（未半價‼️）可以自己選擇芝士份量，小編揀左普通，覺得份量已經好足夠🤣 雞既份量都算多，而且件件都好大舊，仲要全部都係雞髀肉，食落每啖都係肉🤩 配埋溶左既芝士簡直係完美😚 食完啲雞就可以叫職員加湯打邊爐，湯底可以選擇芝士湯或者清湯。小編就揀左芝士湯😋 而配料就係逐碟嗌既，可以半份半份咁嗌，岩哂兩個人黎食既人都可以食到多啲唔同既野😎-💎 西班牙黑豚肉 $198💎 鮮製韭菜餃(半份) $43💎 魚皮餃(半份) $22💎 娃娃菜(半份) $24💎 油麥菜(半份) $24

🧀香濃芝士雞煲🥘Cheesy Chicken & Chewy Minced Shrimp.係屋企煮飯仔煮到冇新嘅idea？係屋企上門order咗米走雞嘅外賣套餐，試下拉絲雞煲同手打蝦滑一樣咁好味！🍗邪惡雞煲拉絲誘惑🍤鮮蝦彈牙鮮味爽滑🥫預先煮好送貨上門😋香濃難抵開胃滿足由即日起至2020年8月31日，米走雞(觀塘店)外賣自取或經CALL4VAN送貨，消費滿$500即可享八折優惠，加$50即可送貨，滿$800更可免運費#米走雞 -#nataliefooddblog

疫情持續， 每日就係諗下叫乜外賣 今晚我哋食雞煲 😆 叫左呢間外送。 叫左芝士雞煲、 五寶丸拼盤、美國雪花肥牛🐂。送到黎各樣食材非常齊全， 湯底、芝士碎、大概半熟嘅黃金芝士雞、醬汁 都齊哂。 芝士雞煲一放入打邊爐煲， 煲一陣已經聞到超香， 唔使3分鐘就食得， 雞肉好滑滑。 小姐仔同細佬寶食吾停 😋五寶丸都好好食， 新鮮手打。 尤其推介蝦丸同埋墨魚丸。 肥牛份量超多。 多到食唔晒仲可以留返聽日整金菇肥牛卷。 自己加少少菜同埋烏冬又搞掂一餐。 送貨服務有禮貌又準時。 安坐家中食雞煲不是夢 。

由於疫情嘅緣故好耐都冇得出街打邊爐，難得早排食肆稍為重開，終於可以去到屋企附近嘅米走雞食雞煲，我哋訂位訂咗6:30,但去到餐廳嘅時候都已經有少少滿座，職員好快咁帶咗我哋入咗而且介紹左餐牌，我哋揀咗個火焰雞煲，等咗5分鐘到雞煲就上枱喇，職員就過嚟幫我地攪拌雞件同埋點火..米走雞嘅雞件一概都係用雞腿，所以食落會係啖啖肉，我哋叫咗小辣所以配合埋辣到每件雞都辣得好惹味，我哋仲叫咗牛小排啦雲吞同埋響鈴，米走雞響鈴夠晒大件，而且好掛湯，配合埋雞煲辣汁，無得彈值得一讚嘅係呢度點餐可以點半份，如果只得兩個人嘅話，就可以多嘗試幾款菜式

今晚來吃邪惡芝士雞煲 到達餐廳，店員為我們探體溫後，便入座了。座位算寬闊，坐得舒適。首先我們點了一個前菜，是涼拌木耳拌海蜇。味道非常辛辣，而且很麻。涼拌菜十分爽口，吃完很開胃。我們點了一個2-3人份量的芝士雞煲。芝士碎我們選擇了增量。佈滿芝士的雞煲賣相非常吸引，光看已經在流口水了。湯底是非常濃郁嘅芝士湯，而雞上是芝士溶和洋蔥，吃每一口雞都有濃郁的芝士香味。雞肉肉質滑嫩，而且好大件，份量好多。我吃完一半雞煲都已經七成飽了。炸響鈴色澤黄亮，吸了湯後鮮香味美。然後點了半份芝士腸，用芝士湯底煮芝士腸，絕配。芝士腸外皮香脆，咬落內裏的芝士汁爆出來， 十分美味。油麥菜新鮮，煮後帶清香甜味。最後把辛辣麵放落鍋，煮5分鐘。美味的芝士辛辣麵就完成了 吸了湯的辛辣麵充滿濃郁芝士味，軟硬適中。配芝士腸和油麥菜，美味可口。吃得十分滿足。餐廳店員服務態度非常好，清碟速度非常快，還會主動詢問客人有沒有需要幫忙。不錯

今天雖然是個大熱天，但仍阻礙不了我們吃火鍋的熱情。在這酷熱天氣下，火鍋店仍是座無虛席。米走雞在香港有三家分店，今次來的是太子分店，距離太子地鐵站約一分鐘步程，地點非常方便。除了招牌的芝士雞煲外，還有麻辣雞煲和另外約八款火鍋湯底選擇。來芝士雞煲專門店，當然要試試芝士雞煲了。芝士雞煲可以選擇芝士的份量，我選擇了普通正常的份量。上方灑滿紫洋蔥碎和芝士碎的芝士雞煲，配合嫩滑的雞腿肉，既美味又邪惡，芝士還能拉絲的！即使有多怕肥，都要決定食左先減。吃完雞肉後，店員加入芝士湯來做火鍋湯底。我倆點了五款火鍋配料，當中特別喜愛手打丸。手打鮮墨丸半份鮮墨丸有四粒，雪白的墨丸超彈牙，遇上濃味的芝士湯鍋，亦不會過分掩蓋墨丸的鮮味。手打鮮牛丸鮮牛丸蘊含豐富的「筋」，彈牙得來又有咬口，牛丸的鮮味更芝士湯鍋味道特別夾。哈哈蝦中寶這道每粒大如湯匙，而且名堂特別的配料，是以蟹籽混入蝦膠，再以蝦膠包裹原粒蝦仁，美味又有咬口。響鈴響鈴是我最愛的火鍋配料之一，是我每次到火鍋店的必點食物。這兒的響鈴味道新鮮，脆脆的響鈴輕輕地放入湯鍋中數秒拿起，半脆半軟吸滿湯汁的模樣，味道好極了。邊吃熱辣辣的芝士雞鍋，邊喝冰爽清涼的竹蔗茅根水，

今日興致勃勃，搵個地方食雞煲，今日來到這間鄰近地鐵站👍🏻先點雞煲，我們揀了半隻辣椒辣度，果然野味，經店員解釋得知雞煲內全部是雞髀位，件件都是大件滑溜的🐔，雞煲內醬料豐富，所以配上配料洋蔥十分好味，（不過食食下超咸，要加以雞湯及滾水，令不要過咸）之後我哋再點了一些打邊爐配料，竹笙墨魚滑，配搭相當特別值得一試，另外叫了 「哈哈蝦中寶」全個以蝦肉做成中間也有一隻蝦，口感爽口備註：店員每位都好細心，每次經過都會關注我們的爐，看看煲內是否乾底

肥氏又想打邊爐，我哋真係愈來愈大食🤣其實我訂呢間係好想試芝士雞煲，但我的他今晚又話唔想太膩，佢拒絕我了😭咁我惟有就吓佢，齋打邊爐啦，又係點咗我倆都喜歡嘅沙嗲湯底$78。今晚點咗幾款食物，全部都係最想食的！特級雪花肥牛（小）$158。呢份牛非常好味，啲油花分佈真係好均勻，切得不薄，牛味濃，又有口感，一啲都唔會韌😋肥牛喺打邊爐活動嘅存在真係好重要㗎🥰所以好味嘅肥牛，令到成件事都好完滿☺️他突然想食出前一丁$16。手打五寶併盤（全份）$88。呢份丸非常出色！我哋由最上面嘅丸食落去，每款都好好味，最上面嘅鯪魚丸，完全無骨，又唔腥，讚！墨魚丸非常爽口彈牙！點解可以爽到呢個程度？餐廳真係做足功夫！牛丸亦係好夠爽口！豬肉丸有陣脂香味，爽得嚟竟然帶點滑😻最下面嘅蝦丸，火鍋店除咗打到蝦丸好爽外，仲加入蝦肉，蝦味又夠新鮮，讚😋哈哈哈中寶（半份）$63。蝦膠面放上大堆蟹子，我強烈建議我的他放入湯底滾之前要壓實蟹子，否則蟹子唔見哂就浪費了😝滾好了！呢款蝦膠夠哂特別、貴氣☺️除咗成件都係手打蝦膠，仲加入原隻大大隻蝦肉，感覺唔會只係咬緊一件大大蝦膠🤣加上面層嘅蟹子卜卜脆，蝦膠夠哂大件，一口咬落去口感層次豐富👍蜂巢冰豆

疫情之下，困左係屋企咁耐，終於可以放鬆吓周圍去食嘢，今日特登約埋朋友出去振興下香港經濟先😂今次會去食一間芝士雞煲火鍋，今次係我第一次食芝士火鍋，因為我成日覺得芝士同埋火鍋雞煲係味道唔夾，但經過今次之後我覺得，有驚喜食雞煲嘅時候，雞件都算多，而且肉質都幾鮮嫩，再配合濃郁嘅芝士，但芝士又唔會搶到雞嘅味，大家都幾夾👏牛嘅質素唔錯，幾有牛味，入口有真淡淡的脂肪香味，而且份量都唔算少，推介👍響鈴我覺得就一般，不過不失呢個新鮮墨魚丸唔錯，入邊仲有墨魚嘅肉粒，入口爽脆如果兩個人嘅話，叫碟新鮮手切牛頸脊，加埋芝士雞煲，都基本好夠食，整體質素我覺得唔錯👍