米走雞 (太子藍馬之城)

营业中

休息中

雞煲癮發作，今次特意來了在太子的米走雞店員一開始就奉上醬料盤，有齊常見的辣椒、蒜、蔥，乾淨衛生火焰麻辣大雞煲 $228份量足夠4個人店員會幫忙拌入麻辣醬翻炒，期間就有🔥睇得又食得👍🏼雞件全部都是雞脾肉，多肉少骨，非常嫩滑啖啖肉的口感非常豐富，食肉獸最氣鹹檸7 $18清爽解膩，仲好解辣，正雜菇拼盤 $44多達4種菇類：鮮冬菇、秀珍菇、金針菇、雞脾菇全部很新鮮蟹子鮮蝦滑 $88份量比想像中多呢！蝦滑蝦肉含量多，咬口彈牙好似食緊成隻鮮蝦一樣

麻辣雞煲做緊半價，半價後$84,星期二再用嘛master card減$15 優惠，最後$69 就食到，超抵抵抵。我叫咗小份的火焰麻辣雞煲，佢寫2-3人份量，份量真係夠3人食，因佢d雞件好大舊，仲要件件都係肉，個套另外會有一杯清湯和一杯醬汁，取餐時個姐姐仲比咗張紙仔我，我以為是下次幫襯的優惠卷，原來是教你如何回家後，如何整個雞煲。個餐仲有一大盒洋蔥和茜，絕不吝惜，真係值得一讚，因為有這2款配料，整到個雞煲又香又甜甜地，好好味。

今天終於去吃期待已久的雞煲，雞煲現在有半價優惠，非常抵吃！坐下來，我們先選調味料，夠新鮮，選擇也不少。我們叫了火焰麻辣雞煲，辣度由BB辣開始，我們選了小辣。細煲適合2-3人吃，份量夠大，看他在你面前點火把雞炒一炒都幾過癮。雞件很滑，又入味，麻和辣都很夠喉，期待已久絕對沒失望！吃完雞煲，可以免費加清湯繼續打邊爐，我們點了全份手打五寶拼盤，包括墨丸，蝦丸，豬肉丸，鮮牛丸和鯪魚丸。手打丸又滑又彈牙，丸裡更有墨魚粒和蝦粒等，真有水準！哈哈蝦中寶更是特別又令人喜出望外，蝦滑和蟹籽包著數隻蝦，真是物有所值。牛柏葉一點也不少，夠爽脆。鮮製五拼餃又再次可以試盡不同款式。我們最後點了半份油麥菜，份量比想像中多，夠甜夠嫩，沒搵笨。$29的青島啤酒都可以倒2-3杯，算抵飲。總括：麻辣雞煲CP值極高，可能會被視為配角的火鍋也一點都不遜色，絕對會再去！

好掛住食雞煲好耐🥰今日試左非傳統雞煲，係芝士雞煲呀 （$178/細）🤤 面頭舖滿好厚芝士嘅雞肉，仲有拉絲，好正好邪惡囉😍好多雞煲嘅舖頭，都只著重喺雞煲，呢間d配料都好正，睇得出佢用心選料日本廣島蠔 $88/6隻好新鮮，好多時打邊爐會無晒味，呢件蠔都幾重味竹笙墨魚滑 $48/半份好得意，竹笙好爽口，包住墨魚滑，成件事好彈牙蜂巢冰豆腐 $ 24/半份好大舊，成舊番梘咁，好攪笑，外形真係好似成舊蜂巢咁，勁索湯，好正🤤Wasabi 鮮墨丸 $48/半份好鬼馬，好彈牙竹蔗茅根水 $68好大樽，唔太甜，解渴整體食得坐得好舒服，店員又無話成日收野咁阻住晒，防疫措施都唔錯，圍板好高，食得好放心，讚！

首次光顧米走雞火鍋店，感覺非常良好，食物新鮮之餘又坐得舒服，入店需先量度體溫及以搓手液清潔雙手，衞生程度使顧客食得放心。我與朋友點了美人藥膳鍋，鍋底用料十足，未食已深深被濃濃的藥膳味吸引著。特級雪花肥牛相信是用了上等貨，花紋靚肉質嫩滑，入口啖啖牛味非常濃郁。Wasabi鮮墨魚丸是頗有特色的，每囗可嘗到wasabi的餘韻但不至於攻鼻，喜歡少辣的朋友可挑戰一下。鮮炸響鈴是必食之一，Size是偏大的但豆味十足，令人禁不住吃完一條又一條，若怕熱氣的可以啤酒清熱。脆鯇片顏色通透非常新鮮，每片起了雙飛吃得滿足。這裡更設有房間，若一大班朋友想慶祝或想有私人空間，可預訂包箱。

呢日同朋友即興去咗打邊爐，太耐冇食啦！次次都會勁加莞茜同蒜片，勁香口！湯底我地叫咗栗米蕃茄湯，好足料除咗勁多蕃茄栗米之外，仲有好多洋蔥令到個湯底好清甜d栗米又夠清甜，好食！叫咗份細嘅手切牛頸脊雖然係叫半份，但係份量都好大方，抵讚！d牛肉睇個色水就知好新鮮、油脂分佈又靚肉味香濃，正呀！蟹子鮮蝦滑好足料彈牙！手打五寶丸，最鍾意墨魚丸彈牙又鮮甜，好味！蜂巢豆腐同響鈴索曬d蕃茄湯好好食好鐘意蜂巢豆腐個種好似海綿咁嘅口感！無論湯底定係食材配料都好新鮮足料！

呢道既雞煲食過好多次，水準好穩定，次次都令人滿意！位置方便，太子地鐵站一出行三分鐘就到除左辣雞煲，重有芝士，兩款我都試過，都係高水準之作，絕對唔會令人失望；如果唔想食雞，亦有其他湯底揀配料選擇都非常多，最鐘意佢有半份揀，兩個人一樣試到好多款我地揀左小辣，入面d椒會越煲越辣越煲越惹味！雞肉份量比平時食開既雞煲多好多，而且唔會係得皮包骨！名符其實既大件夾抵食雞煲好惹味，唔會出現水汪汪既情況啖啖肉，肉質結實、嫩滑，超正什菇可以一碟有試齊四款菇稻庭烏冬口感煙韌又彈牙即炸響鈴每次必點，呢款唔係食風果種口感，捲了幾層，口感會實在一點，食落新鮮無油益味哈哈哈中寶，粒粒都超巨型口感爽彈，每一粒入面都有成幾隻蝦埋單五百有找，兩個人食同任食差唔多價，但不限時慢慢坐又可以貴精不貴多食到高質食材

最近好久沒有出去吃飯，突然想吃一點重口味的東西，本來想吃普通雞煲，來了這裏發現是芝士雞煲專門店，沒有吃過這個配搭，當然要試一試！黃金芝士雞煲 芝士的份量可以選擇，我們選了普通份量。芝士雞煲來到的時候上面佈滿了芝士碎；雞件是雞腿肉，已經預先煮熟。稍微一煮，待芝士溶化後就可以跟雞件一起吃。芝士的味道調校得非常好，有車打芝士、卡夫芝士、巴馬臣芝士、大孔芝士和莫札瑞拉芝士。味道不過酸，也不過鹹；有芳香的奶油，又有濃濃的鹹香，跟雞肉配搭得很好吃過雞肉後，可以選擇加芝士湯或者是清湯繼續吃火鍋。我們加了清湯，芝士的味道淡了，火鍋湯底就跟一般的雞煲差不多，所以好像吃了兩個不同的雞煲一樣。火鍋配料方面我們特別喜歡：炸響鈴：吸收了芝士跟湯汁後的響鈴令人想多吃幾個。鮮製韭菜餃：大大一顆，裏面的韭菜新鮮爽口，喜歡韭菜特別的味道的人一定會喜歡。這裏價格合理，地方寬闊、清潔，店員有禮，是一間CP值很高的餐廳。

天氣好好，約朋友出花墟逛逛花店。附近又有始創中心，逛一逛之後過瀰敦道對面搵到藍馬之城有《米走雞》。乘電梯上二樓，雞煲火鍋，份量有大有細 ，今日人少，選擇小，份量其實都唔少，小辣啱啱好。友善的店員幫忙加入秘製醬汁，然後炒起撈勻雞煲內的材料，點著即起火，嚇我一跳呢！店員好好人，主動於火焰熄之前，幫我們拍照留念。 味道香濃，洋蔥、芫茜、芹菜、辣椒等，帶出整個雞煲的神髓，雞件好夠滑，件件食得，似乎好好彩，唔少件屬雞髀部位。吃到差不多，店員會幫忙加上湯，繼續打邊爐。豬小腸夠肥夠粉夠滑，絕對唔韌。 牛柏葉勁爽~ 索滿雞煲辣汁，好和味。五寶餃~ 樣樣試啲，韭菜餃最香，鮮蝦餃 夠爽，特別的有個牛肉餃。哈哈蝦中寶~ 表面有蝦子，用蝦滑包住鮮蝦，果然係哈哈蝦，欣賞你新概念，有創意。牛坑腩~ 好大碟，件件都好大塊，可惜有一兩件未夠淋。炸魚皮~ 這個都是我們的至愛，食到最後依然脆卜卜。

呢日下午心癮起想食雞煲，就叫家人唔好煮飯，出公司附近食米走雞。近排肺炎疫情影響，食肆大多都好慬慎，呢度都唔例外。一入餐廳有專人先量體溫，坐下後有消毒搓手液供清毒。因為家人未食過芝士雞煲，就叫左個黃金芝士雞煲食下。2個人食所以叫左個細既。呢度連芝士碎都可以揀份量，激量都可以唔洗加錢真係好難得。但我地只揀左普通。雞煲來了。嘩，好大煲！ 雖然叫左個細既，但都好大煲下！芝士量都唔少，熱溶左後好吸引！雞件全部都係雞脾，啖啖肉又滑！配埋溶左既芝士真係正！食到7788可以加湯打邊爐。連加既湯都有得揀，有清湯同芝士湯。我地揀左芝士湯，成煲都充斥住芝士味！另外配料我地叫左手切新鮮牛頸脊,油花好均勻！牛味濃！手切起雙飛，夠厚度，口感特別好！手打五寶拼盤，有五款丸，全部都係手打，爽口彈牙。分別有墨丸蝦丸鯪魚丸豬肉丸同牛丸，都鮮甜好味道！最後我地仲叫左上海年糕，係年糕片來。 用來吸晒打邊爐湯底d精華，正！無得頂！最後埋單$620, 價格公道，下次可再來！

很久沒有食雞煲了 因為直情的緣故雞煲及打邊爐都很少餐廳開門 但我還是忍不住所以找了這間太子的餐廳 主打的是芝士雞煲我當然不客氣點了一下芝士雞煲 雖然我點的是細分 但份量仍然不少 一上枱時濃厚的芝士令我震驚 非常香的芝士味直撲我的味蕾 再稍為加熱一下令芝士再次融化 炸雞及芝士徹底融為一體 令人垂涎三尺 雞煲的配料亦不少 總括來說只是吃雞煲易會飽肚但是吃完雞煲怎可以不打邊爐呢 所以我還是點了一些配料 其中手打五寶丸有齊五種味道 給予我五樣驚喜 可惜雞煲份量太多不能再次點了雜果拼盤我也是很推薦 因為材料新鮮用心 老闆的推薦令菜式生色不少

我看著這家雞煲的網上評分這麼高就去吃了，天啊雞肉全是一點肉味都沒有的冰鮮雞腿，味道非常一般。重點是，網上寫著12點關門，所以我們才10點去吃，下單的時候又不說，然後10點多就來收錢，說廚房下班，然後只收現金，我們當時未帶那麼多現金，他就在其他食客面前大聲不停說，我們如果收信用卡的話，門口會貼信用卡的標誌啊！大哥，我哪知道香港還有商場裡的餐廳不收信用卡呀！你還覺得這麼理所當然？那為什麼一開始下單的時候不說？我們不知道也不是故意，你咁大聲做咩？！———————————————————最差的是，我們吃到11點的時候，想問他加點湯到火鍋𥚃，他就超級臭臉的過來問怎麼了，你們還加湯？！湯沒有了已經倒掉了，我心裡面已經想好一萬句粗口⋯⋯然後過了十幾分鐘，他們又走過來說，你們快點，我們要下班了！為什麼我吃飯還要看你面色？在這裡希望各位喜歡吃東西的朋友小心踩雷，這家一點也不便宜，東西全部都是冰鮮，牛肉也不及格，雞肉又沒有味道，總結，我人生裏面吃過最差的一間雞煲火鍋。

係疫情之下，只要唔多過四個，食野係唔怕！當然，要注意好個人衛生！黎到米走雞就好放心，因為係門口要排隊量完體溫先入去，而消毒洗手液係門口，同每一枱都有的！超細心！每枱都會送上味架，等你唔洗走出去！芝士又香又濃，最緊要係唔會令你覺得好油膩，唔會食小小就飽！拉絲效果！勁呀！點左碟牛，意想不到地高質，油脂分佈合理！手打丸，鮮味十足，又有咬口，唔會食到一口粉，同樣高質！點小得點返2個麵？吸收哂湯底嘅精華，芝士，雞，麵味合而為一，高質！食咁多肉，點少得有菜！新鮮爽口，不得不叫！自家製牛肉餃，粒粒都超足料，啖啖牛！再有小小食物既寫真，實在太高質了，一定要同朋友再來！咸檸七，用金屬杯裝，勁有feel

火鍋店地方寬敞， 裝修特色、 簡潔， 座位舒適， 冷氣強勁， 聚適合打火鍋 ， 入座前，店員量度體溫及提供搓手液，十分貼心。食材款式選擇豐富， 令人目不暇給， 提供半份或全份的選擇， 靈活選擇， 確實不錯。提供多款醬料， 憑自己喜好DIY調配自己嘅醬料。黃金芝士雞煲$178先來招牌邪惡芝士雞煲， 二人份量， 好足料， 雞肉上面鋪滿大量芝士及紫色洋蔥， 芝士 分量還可選擇少量、普通及激量， 開火後， 看著芝士慢慢溶化，變成一片金黃色， 散 發出陣陣芝士香甜味， 令人垂涎 ，夾起雞肉時，有長長的芝士拉絲，十分邪惡， 雞肉被濃郁芝士包著， 更加香甜和嫩滑 ， 洋蔥吸收了芝士和雞肉的鮮甜， 讓人回味。吃完雞煲， 可自由選擇加入清湯或者芝士湯底， 繼續美味 火鍋，水滾後， 陣陣香味撲鼻而來， 喝一口湯 ，入口鮮、 香 、甜， 十分惹味。手打五寶丸全份$88(蝦丸、墨魚丸、 豬肉丸、牛肉丸和鯪魚丸)各種手打丸， size 大粒， 咀嚼丸時 ，肉質特別彈牙和緊緻， 肉汁充沛， 鮮味十足， 最喜歡墨魚丸和蝦丸， 厚實和濃甜的墨魚及蝦的鮮味， 丸 裏面發現仲有粒粒墨魚肉和蝦肉， 認真真材實料 。白鱔片$

火焰麻辣雞煲因為我哋得兩個人所以叫左小份 BB辣雖然佢係小份 但係份量都好多同其他地方嘅雞煲唔同嘅係雞煲嘅汁辣得來帶少少甜 同埋呢間大部份都係雞髀部份嘅位置 而且雞肉肉質好嫩滑 手切新鮮牛頸脊(半份)牛肉都好新鮮 食落去有濃濃既牛味一啲都唔鞋鮮蝦雲吞(半份)每粒入面都有好多嘅蝦肉真材實料 而且味道都好鮮甜手打鮮墨丸(半份)墨丸食落去都好彈牙爽口完全無好粉既感覺呢間雞煲既質素令我有驚喜而且性價比都頗高有機會會再食