米走雞 (太子藍馬之城)

营业中

休息中

雞煲食得多，芝士雞煲就第一次，今次嚟到呢間芝士雞煲專門店，當然要食招牌雞煲啦，另外亦有麻辣雞煲可以揀～兩個人食，叫咗個細雞煲，揀咗激量芝士，後來發現太多芝士，好快食滯，下次揀普通份量既芝士碎應該會更好～～超多邪惡芝士配上嫩滑雞肉，正！件件雞都好大件，啖啖肉，仲有好多洋蔥做配菜，幾爽口～食完雞煲，可以揀加芝士湯或清湯做湯底，我就揀咗清湯，因為鍋已經有好多芝士，order咗幾款火鍋配料～鮮炸響鈴超大條，浸幾秒芝士湯底，幾夾！另外，叫咗個手打五寶丸同五拼餃，半份就每樣有一款，鮮蝦丸幾爽彈，牛肉餃好似牛肉球咁飽滿，配芝士湯都幾新鮮好味～仲有爽滑豬頸肉，份量好多，爽彈～食到超飽，好滿足～

除左個響玲之外，所有食物都一流！👍🏻👍🏻👍🏻👍🏻👍🏻今次4人去食，平日食，人流唔多👍🏻叫左一個麻辣雞煲(1隻辣椒辣)，一個芝士雞煲(激量芝士)。再加左d火鍋料 (菜，肥牛，韮菜餃，午餐肉，響玲，等)之後打邊爐。講個響玲，因為之前係即叫即炸，勁新鮮勁好味熱辣辣。係必定會叫既食物 ！今個月去食左2次，發現同之前唔一樣，佢係咪即製我唔敢肯定，但口感同新鮮度就差左都幾多😢😢😢😢 應該唔會再叫🙈

Bookmark左黃店米走雞好耐 💛佢地主打雞煲火鍋😜大部份人都會揀獨家火焰麻辣🔥或者自創既黃金芝士口味🧀店員都會先提供醬料盤比我地😆黃金芝士雞煲(小) $178由於朋友係芝士控🧀 所以芝士碎揀左激量(邪惡到不能)😂 呢道可以按喜好揀芝士碎既份量：無、少量、普通、激量✨店員提醒芝士雞煲唔需要撈勻🤣芝士醬汁濃郁又香滑，用上左車打、巴馬臣、大孔芝士等5種芝士秘製😎雞既份量多而且啖啖肉👏🏻食落比想像中更嫩滑🥰 每件雞都被大量既半溶芝士包住，拉哂絲咁視覺效果一流😍 超好食🤤食完之後就可以加湯打邊爐啦～特級雪花牛粒 $148雪花牛佢切得比較細粒，所以份量都幾多可能有成三四十粒🤪 碌30秒左右咁食個肉質就最軟腍👍🏻個人覺得可以切返大粒少少，咁咬落就更有質感啦🤓哈哈蝦中寶(半份) $63一份有三粒，而且每粒都脹卜卜，餡料十足！蝦膠做到晶瑩剔透，而鮮蝦口感爽滑彈牙，面頭仲加左蟹籽增加口感🤤Wasabi鮮墨丸(半份) $48呢道有手打五寶拼盤～今次專登揀左款特別d有wasabi口味的😉 又係大大粒食落都幾彈牙，可惜有陣怪怪的中藥味(?)🥲同朋友都覺得一般般🥺另外都叫左生菜 $24、鮮炸響鈴$28、魚皮

雖然夏日炎炎 但都阻唔到香港人食雞煲打邊爐今日就約左朋友米走雞入到餐廳 冷氣算足 仲開埋風扇 實無死喇例牌有齊調味料盤 可調自己口味當然芫茜 炸蒜 辣椒走唔甩先叫左個麻辣雞煲小辣食住先等左陣已經ready上枱 先焗一陣店員開蓋加上麻辣醬汁再翻炒一下 食得雞件外皮焦香 肉質保持鮮嫩醬汁夠麻 條脷同嘴唇都麻埋 愈食愈過癮即刻叫左杯咸檸七解解辣啲雞件食到七七八八 就叫夠碟肥牛店員加湯入雞煲 即係變成麻辣湯底肥牛肥瘦均勻 配麻辣湯非常正

本來想上黎係用湯底打邊爐，但坐隔離枱食緊招牌黃金芝士鷄煲 (小/$178)，忍唔得住即刻轉軚.......哈...哈....配料仲有洋蔥，中芹同芫茜，增加香味之餘，洋蔥入口香甜多汁，用黎中和一下芝士醬汁嘅膩感!最期待嘅畫面出現啦........................夾起件鷄就有拉絲效果，芝士量已經係選擇普通份量，再多D就真係唔得掂啦.......鷄肉完全被芝士醬汁包圍住，肉滑得黎食到芝士嘅咸香味，小煲完全足夠2-3人享用雖然已經食左個芝士鷄煲，但黎呢度點都唔能夠唔叫客手切新鮮牛頸脊 (小/$228)，睇下肉色幾咁靚仔，排列整齊加入鷄湯變成芝士鷄湯，輕輕一烚，轉色就食得，切成蝴蝶片，烚後都唔會變得好細塊影響口感，肉味相當出，肉質鬆軟，幾乎食完一塊接一塊!依加打邊爐必備食品乃為鴨血 ($43)，咁受歡迎自然多咗地方都有得叫黎食，呢度都唔例外一客份量都唔少，烚完用蒜蓉芫茜蔥伴食，口感軟滑但又有少少嚼口，唔駛一定要同麻辣湯底先做到朋友嘅!索湯恩物除左響鈴同蜂巢豆腐外，棉花肚 ($78)亦係一個好選擇放入芝士鷄湯內烚，軟身棉花肚索滿湯汁，食時小心熱湯咇出，無需調味醬汁都好味道!

今晚係即興局，好想打邊爐🍲又想食雞煲🐔所以就揀咗依間已經開咗一段時間又非常近我屋企嘅米走雞🤩聽過依間米走雞非常出名嘅芝士雞煲好耐，今日終於可以試試咩料子🤪7:00準時到達，帶埋靚女開始點餐😍黃金芝士或者火焰麻辣兩款雞煲，當然係揀黃金芝士啦🧀黃金芝士雞煲🐔單單係顏色已經好吸引，雞肉🐥芝士🧀洋蔥碎🧅再加埋薦底嘅蔬菜🥬色彩繽紛，維和感十足💯加熱後馬上食得，第一次食芝士雞煲，因為雞同芝士都係我好喜愛嘅食物，兩種喜愛嘅食物加埋一齊就= 非常喜愛🥰雞肉新鮮👍🏻用咗兩種芝士烹調🧀🧀唔需要點豉油都覺得好好味😋兩個人食小份芝士雞煲已經好飽飽🤪青島啤酒🍻用嚟清一清口腔裏面餘下嘅芝士味道，又可以準備食火鍋🍲加入清雞湯，準備食火鍋🍲特級雪花肥牛🥩雖然叫小份，但係都分量十足，單單睇肥牛嘅色澤同埋雪花嘅分布，就知道係靚牛🐮手打鮮墨魚丸🦑真係彈牙到不得了！我一個人食咗三粒，食到唔停得口😆油麥菜🥬食完重口味，要食D新鮮蔬菜清清腸胃山藥🥔加上雞湯，今餐非常完美🥰

作為「芝士控」的我，可以同時食雞煲兼打邊爐🍲簡直就係人間天堂。今次朋友介紹下黎到太子藍馬之城大廈二樓食最出名「米走雞」，位置十分方便，鄰近太子站E出口。剛坐下不久， 店員呈上醬料，非常新鮮，有我最鍾意嘅芝麻醬，芫荽！店員非常有禮貌，亦會講解芝士雞煲嘅食法同埋注意事項⚠️。望一望菜單，發現可以揀芝士份量，當然要要揀「極量」！香濃芝士同埋雞味撲鼻而來，已經流晒口水，毫不吝嗇嘅芝士碎鋪晒喺雞件上面，等佢煮幾分鐘，芝士滾動時即可食用。芝士做到拉絲效果，好過癮好邪惡，雞件用上雞胸肉，雞肉嫩滑而且充滿香濃芝士味，啖啖肉食得好過癮。🥳食完第一輪芝士雞煲，店員加埋芝士湯就開始打邊爐🍲當然要叫個出前一丁，自行整個芝士撈麵，香濃芝士掛上面條上，一啖接一啖食唔停口。手打五寶丸：食得出全部都新鮮食材製成，墨魚丸爽口彈牙好多墨魚粒增加口感，鯪魚丸啖啖鯪魚肉，正！ 牛肉丸鮮嫩，牛肉味濃郁，媲美和牛。有一粒好特別好似鹹魚肉餅豬肉丸咁，夠創新。黑松露蟹子魚面：手唧魚面成米長，即使係鍋中滾燙良久，都無損其濃郁黑松露味，蟹子配合魚麵爽脆彈牙，食開重口味的人有福了，餐廳好細心另外放左一小碟黑松露醬和蟹子係旁邊，實行雙重享受😎

媽咪鍾意打邊爐，於是母親節去咗食雞煲~食完雞煲有得加湯打邊爐☺.麻辣雞煲一黎火焰燒一燒，鑊氣香味出哂黎，夠麻夠辣唔會過鹹，雞件超大件又滑，仲好有雞的鮮甜味😂唔食辣的弟弟都讚~食唔哂就夾起先加湯啦(可以外賣拎走唔好徙！).藥膳湯底本身冇期望因為平時多數淡味，呢個有驚喜😍足料黨參夠藥材味，仲有甜甜黃酒味，愈煲愈濃！！食吸湯料：竹笙，響鈴，粟米，蘿蔔等等一流♥最尾加個讚岐烏冬好滿足😘.推介特別食材(掛住食冇咩影相😫) 1. 哈哈哈海中寶其實係蝦膠包鮮蝦⏩夠彈牙鮮味 2.牛舌濃牛味又唔膻，切得薄唔會韌，似食肥牛咁😂 3.鱔片真心正好鮮甜，又有魚油香♥五星呀 4. 難得有的鴨血呀😍一 d都唔腥！唔會好實，又滑嘟嘟.叫埋啤酒每人都係$3xx, 抵食再 encore~下次要食芝士雞煲😍.

平日搭車經過得多既米走雞 呢日終於無走雞 😎嚟咗米走雞食雞煲 之前已經外賣食過佢既雞煲 雞肉非常之滑 今次堂食睇吓係咪仲好食先😛我哋兩個叫咗個火焰麻辣雞煲🔥要咗兩隻辣既辣度 配料加上醬汁 正🥴好鐘意煮到軟淋入口香甜既洋蔥 中芹 芫茜吸收咗雞煲既精華 真係好正 🥰雞件件件都多肉嫩滑 香辣惹味 我哋兩個好快就掃哂啲雞🤪然後我哋叫咗份細既特級雪花肥牛 嚟到見到碟肥牛放得好好睇睇 二個人食覺得佢既份量都okay多😳雪花分佈得都幾均勻唔會側埋一邊又無偏多偏小 幾靚仔下😌肥牛厚薄適中 滾幾十秒點埋一入嚟店主放低俾我哋自己調好既醬料 真係好香口🥰乾蒜濕蒜蔥花辣椒粉莞茜碎全部配合到天衣無縫 無得彈 😊然後我哋叫咗碟竹笙 40蚊左右有一碟咁多條竹笙😟呢度叫竹笙真係幾值 平時食米線30幾蚊碗得幾條竹笙仲要碎碎地既🥺呢度十幾條 竹笙fans表示好happy 🥳竹笙條條都原條完整 咬落爽口好吸湯 一入口超滿足😋除咗竹笙我哋仲叫咗份手打五寶拼盤 五大粒 一碟有整手打既鮮墨丸 鮮蝦丸 鯪魚丸 豬肉丸 同埋鮮牛丸 啲丸雖然望落唔算特別大粒 但一人食哂五粒絕對會好濟 所以我哋粒粒分半淥 😏開心share 食落粒粒都好

第二次食，雞煲足料又夠滑，麻辣一流。服務好好。只係食2個鐘真係夠鐘就叫人走，我地最後啲菜要快食，我都明想做兩個轉生意，所以算啦。提提大家差唔多夠鐘例如仲有半個鐘都唔好加野，真心食唔切。 🤣🤣🤣🤣🤣個5件蝦嘅野（唔記得叫咩名）勁夠蝦肉，食一粒好滿足。🤤🤤🤤🤤

係fine dining無法比擬的麻甩上等享受啊！～～～由我認識雞煲呢樣嘢開始就對佢一試愛上大大件嘅雞肉食完仲可以打埋我中意嘅邊爐飲埋啤酒簡直一絕嗰種麻麻甩甩嘅享受絕對唔係fine dining可以比到嘅～～～今日我就同朋友嚟咗喺太子嘅呢間雞煲專門店 鍾意食辣嘅我哋一坐低就叫咗個 火焰麻辣雞煲 店員送上一鍋雞煲之後 就會喺我哋面前加入玫瑰露 之後點火炒下啲雞腿肉 成個過程壯觀之餘亦都好香 味覺同嗅覺都飽受驚喜 😎～～～除咗雞件之外 裡面仲有好多香料 辣椒乾同洋蔥等等 雞肉花椒香味突出 鮮嫩無比 呢種只應天上有嘅難得味道 完全係令人欲罷不能😋～～～飽嘗過雞煲之後 就可以叫店員幫手加水打邊爐 如果唔鍾意加水 另外加湯都得 不過個人就覺得加完水已經好好食 其他口味嘅湯加唔加都冇乜所謂😆～～～火鍋料裏面我哋試咗生菜 菠菜豬肉餃 手打鮮蝦丸 山藥 紅薯粉 生雞蛋 脆皖片 整體來講 全部火鍋料嘅質素都唔錯 尤其係佢嘅手打鮮蝦丸 非常彈牙而且好多蝦 🦐 有少少食緊蝦餃打邊爐嘅感覺 而脆皖片就鮮脆非常 加上少少辣嘅湯底 好惹味 最後亦都推介大家試吓索汁嘅山藥同紅薯粉 前者軟爛非常 好似薯蓉feel

差唔多成年幾冇食雞煲，今餐一於食返夠本！(最後眼闊肚窄 叫多左😂)⭐️麻辣火焰雞煲 (細)⭐️特級雪花肥牛(細)⭐️手打五寶拼盤 (半份)⭐️炸響鈴(半份)⭐️娃娃菜⭐️薯粉⭐蜂巢豆腐雞煲嚟到嘅時候職員就會幫手用火槍點火🔥，再炒幾下，香味撲鼻，口水充斥着口腔🤤西芹花椒八角同辣椒嘅味道都好出。同埋份量真係幾多下，兩個人食完個雞都已經半飽。🤣但係我哋叫嘢食嘅時候唔記得咗唔記得咗有雞肉，所以叫咗所以叫咗平時打邊爐嘅份量，到最後都食唔晒要拎返屋企😅打邊爐配料選擇有好多，最好係可以簡半份，兩個人食就可以嗌多啲唔同款式！😉我自己最驚喜係招牌五寶丸：有牛肉，豬肉，鯪魚，蝦同埋墨魚，每款都結實彈牙。另外雪花肥牛🐮都唔錯，紋路清晰亦都唔似平價貨，同埋份量都好多！可能亦都係自己炸，卜卜脆，浸落去雞煲嘅湯入邊吸晒啲汁，又係邪惡首選😇

上次經過太子見到米走雞這個招牌， 於是就留意了這間餐廳，今日來到太子，就決定今晚試下米走雞。餐廳裝修企理，坐得舒適 。可以直接食火鍋，也可以先食雞煲，跟著加湯再食火鍋。火焰麻辣雞煲小$168我們要了個火焰麻辣雞煲，雞煲上臺後，侍應先加上麻辣醬汁， 翻炒一陣，然後蓋上蓋，先煲上幾分鐘，期間聞到很香的酒香味，開蓋後點火再翻炒，期間藍色的火焰及聞到很香的雞煲及酒香味，當真是色香味俱全！我要了小辣，侍應將餘下的麻辣醬汁放在枱上，話如果要想再辣些可以自行再加辣，侍應都很細心體貼顧客的口味， 雞肉切得很大件，裏面有芹菜、洋蔥、芫茜蔥……等，令雞煲的汁很惹味，雞肉全部都是雞髀肉，切得很大件，食落當真是啖啖肉，肉質嫩滑麻辣又多汁，非常香！！雞煲雖然是小份量，但份量也很多，我們食完雞煲後加湯食火鍋。要了個白鱔片、五香鮮牛肉及生菜~白鱔片 $98廚師將白鱔片切成雙飛，切得很長的一件，放入鍋內，灼上約20秒可以食，白鱔口感還帶點脆，新鮮又鮮味 ！！五香鮮牛肉$98 廚師將五香鮮牛肉也是切得很長的一件件，切得很薄，這個五香鮮牛肉牛肉味相當好，配上自行調製的辣醬汁 ，令牛肉辣中帶鮮味，層次更豐富！！可樂$14

上次在長沙灣分店食過雞煲一直念念不忘後來知道原來太子都有分店Join 埋一齊食今次叫黃金芝士雞煲雞件又多又大件仲要雞脾肉為主，啖啖肉，好嫩滑加上我哋要激爆的芝士勁多芝士粒慢慢融化黏着雞件時勁濃郁的芝士香味配菜很豐富，洋蔥，芫茜，中芹等等在芝士汁滾來滾去，我平時唔食洋蔥，都忍唔住夾黎食，真係好甜，無左生洋蔥的辛辣食完後加雞湯係滋補的奶黃色的湯底好吸引枱上有建議食法，教你食乜野可以配搭到芝士火鍋，甘我中意食牛就一定會叫返碟肥牛，牛味香濃，肉塊有少少脂肪，色澤通紅，好新鮮。生菜一籃都夠食，都夾到湯底，唔想食澱粉質太多，食芋絲一樣飽肚。

呢間質素幾高，一棒上來姐姐就點火幫我們攪拌好igable!!!點了小($168)二人食剛剛好，雞肉彈牙又厚肉好鮮味，有五個辣度可供選擇，jo點了level 2辣都覺得ok，所以食得辣應該要點三個辣度以上😂配菜也滿多有辣椒乾、洋蔥、中芹、芫茜.食完雞煲仲可以打邊爐，可以加麻辣湯或清雞湯，jo選了麻辣湯相當惹味！完全唔駛再點醬汁，jo最推介手切特級霜降和牛 $308（小）牛味好濃，又有咬口，竹笙墨魚滑（$48半份）也相當不錯，口感好特別出面軟身入面墨魚滑又彈牙，食辣辣再配上竹蓆茅根（$68）下火一流！.如果想食有質素雞煲同打邊爐滿推介，坐位也舒服職員態度也不錯，地點又方便太子站行幾分鐘就到！