米走雞 (太子藍馬之城)

营业中

休息中

火焰麻辣雞煲(小)($168)有五個辣度可以選擇，我點左2隻辣椒，小辣；非常IG-able，侍應姨姨會係你面前落辣醬，然後點着啲雞，真係火焰🔥🔥🔥🔥；雞真心滑，辣味較重，冇咩麻；不過食到最尾會有少少鹹，呢個時候就要加湯，打邊爐味道剛剛好，唔太需要點其他醬料.新鮮牛頸脊($158)次次打邊爐都會點牛頸脊，呢間啲牛頸脊非常好食，好新鮮，雪花均勻，肉質嫩滑，而且好香肉味，而且價錢相對實惠，推介👍🏻👍🏻👍🏻👍🏻👍🏻.手打五寶拼盤($48)蝦丸，牛肉丸，墨魚丸，鯪魚丸，豬肉丸；落好多粉，食到一粒粒蝦肉，墨魚等，新鮮，非常彈牙，一定要試👍🏻👍🏻👍🏻👍🏻👍🏻.點咗好多菜：油麥菜($44)，翡翠苗($34)，芫茜 ($24)，芫茜好正😍😍.丸類，蔬菜，肉類有半份叫，人少少都可以食多幾樣，海鮮種類較少，另外性價比高，服務態度好好，值得回頭，分數：8.5/10

我地叫左蕃茄粟米湯，五香鮮牛肉，五寶手打拼盤，生菜，紫菜，金菇，紅薯粉，竹蔗茅根。我哋嗌左嘢食冇幾耐，就已經有湯底送到，跟住仲有各樣嘢食送到添，手腳非常之快。演唱會有基本款式，更加令我驚訝嘅係竟然有芝麻醬同埋蝦乾粒，仲有大量芫荽，真係我的最愛。可以見到湯底用料十足，有成七，八舊粟米，薯仔塊，大量蕃茄，所以湯底非常濃味。五寶拼盤所有丸都係新鮮整好而成嘅，絕對唔係醃製陳年丸。最令我驚喜嘅係牛肉丸，同埋蝦丸。牛肉丸入邊有唔同大細嘅牛肉，所以食落去會唔同嘅口感，好有驚喜。蝦丸俾我嘅感覺就好似蝦滑， 淥一淥拎返上嚟，一啲都唔韌！唔少得打邊爐必嗌嘅金菇，真係蕃茄湯底嘅絕配，吸晒啲蕃茄湯底，冇得頂。生菜夠新鮮，唔會有啲老嘅菜葉，已經搣好晒一片片，加埋索晒啲蕃茄湯底，好味又係健康之選。我哋亦都叫咗新鮮牛肉片，健康啲，輕輕淥一淥就拎返上嚟，食落去都有好香嘅牛味，唔會韌，亦都唔會有羶味。出乎我意料，呢度竟然有紅薯粉嗌，呢度嘅紅薯粉係偏幼嘅，所以好快就熟，而且擺落去打邊爐，加埋蕃茄湯底好容易入味，去到最後食返一個薯粉真係好滿足呀。竹蔗茅根都可以見到好足料，有蘿蔔，粟米，竹蔗，同埋茅根，清甜又降火，打邊爐飲用

旺角哩一間人氣cheese雞煲🫕我自己真係想試好耐，今日晚黑，終於有朋友陪我一齊dinner time撐枱腳。叫咗佢哋嘅🥘特濃芝士，果然係店鋪招牌，啲芝士非常之多，而且加熱咗之後，融埋落雞塊入邊。拉絲嘅感覺真係好正好滿足。食完雞煲仲可以，加入芝士湯底🧀打邊爐。我哋叫咗肥牛，同埋蔬菜，雜丸等。值得一讚嘅係，🥩佢哋嘅牛肉非常之新鮮，鮮紅色嘅肥牛，已經見到就想食。總體而言我覺得出品非常之唔錯。同朋友都好滿意。

話說呢間火鍋雞煲專門店小編之前已經同朋友食過幾次，味道唔錯之餘火鍋配料選擇都夠多，今次再同朋友嚟食同樣保持水準，環境都夠闊落，值得一讚店員服務都好好，值得一試😊_火焰麻辣雞煲（小）$168嚟到一定要試吓佢哋既火焰/芝士雞煲！今次系叫咗2-3人份量😆店員會係你面前燃點火焰，大家記得把握機會打卡啦☺️辣度今次揀咗中辣，雞肉食落去夠入味同時雞肉仍嫩滑，配埋洋蔥一齊食好惹味香口日本廣島蠔 （6隻）$88餐廳火鍋配料亦有提供多款海鮮，廣島蠔大大隻都夠鮮甜，食完雞煲打邊爐正🍲澳洲牛舌 $88鐘意食牛舌既朋友仔可以試吓，薄切輕輕淥下就食得，食落去爽口彈牙生菜（半份）$24紅薯粉 $16另外餐廳亦有多款蔬菜麵類選擇，今次同朋友食到飽一飽非常滿足

今日放工約左家姐食好西😋😋有人話好耐無食雞煲喎，所以即刻問朋友有無好推介，朋友介紹我「米走雞」。最後book 左太子藍馬之城既「米走雞」食。入到去環境都幾寬敞，坐得幾舒服吾迫。侍應會俾配料同醬料你整定一陣打邊爐用👍🏻我地叫左個獨家火焰麻辣（小）2-3人份雞煲 $168 ， 叫左個小辣，上到黎侍應會幫你煮一煮，完全吾洗自己動手，煮好待應會同你講食得啦，服務一流👍🏻味道非常出，小辣對我地女仔食剛剛好，麻香同醬汁入哂啲雞到，啲雞又吾會overcook , 每個位置都好滑，啲雞件亦都大大件，食落口啖啖肉，正！另外，我地叫左個開胃菜，涼拌木耳拌海蜇。木耳海蜇好爽口，凍凍又酸酸甜甜，超開胃，味道不錯。當個雞煲食到差唔多既時候，我哋叫左侍應加雞湯打邊爐啦，叫左特級雪花肥牛（小）$158、手打墨魚丸同半份娃娃菜$24。成個雞煲加左湯有哂精華係入面，放啲牛落去焯一焯就食得，食到牛既鮮味同湯底麻香入哂落啲牛到，完全都吾洗點豉油😃😃另外，個墨魚丸非常彈牙爽口，非常推介！整體黎講，呢間係高質既芝士雞煲專門店，人均大概250左右，價錢概相對不算貴，值得再回頭👍🏻👍🏻

米走雞係一間雞煲專門店最出名有黃金芝士雞煲同火焰麻辣雞煲先食雞煲再打邊爐,但其實我覺得淨食雞煲一樣咁正,佢個雞煲分2-3份或4人份最初我仲怕食唔曬,但佢又香又辣又麻真係一路食停唔到手,細煲2個人食都係岩岩好夠食咋!好食到要搶~下次黎食,我一定直接叫4人份!唔打邊爐添呀!未上雞煲之前,例牌比醬料你調下另收16蚊醬料費,蔥,辣,蒜,麻醬咁啦店員會即席係客人面前炒雞陣陣麻辣鮮香再爆既火焰,最後落埋醬汁食起黎厚肉既雞件,吸曬汁入曬味辣得香麻帶勁,雞又嫩滑,呢一刻淨係排住食雞肉唔食得辣選小辣都非常正呀!最後打邊爐就有比較有傷害,都係雞煲最出色!加雞湯打邊爐叫左烏冬,牛柏葉同雲吞同一盤菜辣醬加雞湯,食起黎少少辣,但因為前面食咁濃味打邊爐就會覺得平淡太多!雲吞出色,飽滿大隻蝦肉爽甜烏冬係日本貨,夠粗夠彈牙牛柏葉切太細,食起黎更佳#米走雞 #雞煲 #打邊爐 #太子藍馬之城#港式火鍋 #麻辣雞煲 #太子美食 #銅鑼灣美食雞煲無敵好出色,下次必食4人份!

雞煲癮發作! 同愛人一齊尋訪雞煲雙雄!!米走雞獨家火焰麻辣雞煲&自創黃金芝士雞煲，真係唔好走雞~ 地段方便環境舒適服務又好，最緊要係CP高得滿意合理，回想返都流口水中。太子分店位於地鐵站E出口行3分鐘就到，2樓雖然沒有大大的招牌向你招手，但內在美的味道令人歡喜。滿滿的醬料盤有6味首先加分! 每位醬料費$16，先裝盛好就期待著雞煲後嘅惹味火鍋。兩款雞煲份量有分大或小，小的有半隻雞夠哂二至三人食，六有5種唔同辣度選擇。=̶ 火焰麻辣雞煲=̶ $168推介:⭐️⭐️⭐️⭐️⭐️千祈!千祈!千祈唔好打開個煲蓋住!!焗幾分鐘之後，店員會加酒點火再加麻辣汁，洪洪火焰散發著誘人酒香，再拌勻麻辣雞件，讓每一件雞件都沾滿麻辣醬汁嘅精華!據知秘製汁用上30幾種香料，加埋火焰燃燒雞的表皮，混入洋蔥，中芹及芫茜，整煲飄香豐富絕對讚!雞件的份量真心超多，係食過咁多間雞煲的居第一/二位，麻辣醬好濃好惹味，鮮嫩多汁，肉質嫩滑，十分美味!食完雞煲再打邊爐就係常識，指定動作加埋清雞湯，而打邊爐嘅質素絕對唔係HEA你，=̶ 特級雪花肥牛(大)=̶ $218推介:⭐️⭐️⭐️⭐️⭐️呢款必點，性價比十分高，肥瘦適中滾兩下變色就食得! 爽滑有口感係靚肉

雞煲癮起，約埋朋友一齊食雞煲，兼打邊爐，米走雞四間分店，近朋友放工揀了太子分店。火焰麻辣雞煲，五個辣度選擇，職員捧上來時會點火，效果好正！雞煲裡有洋蔥、西芹、辣椒、莞茜，醬汁濃郁，雞件都是雞脾，啖啖肉。特級雪花肥牛，叫了半份牛肉，但是都好對眼，牛肉和脂肪比例平均，有入口即溶的感覺。手打蝦滑，蝦滑手打製成，有蝦味之餘，特別彈牙呀。鮮炸響鈴，每次打邊爐都必須要有的火鍋配料，這裡的響鈴是即叫即炸，大件又鬆化。山菜，雖是半份但也幾多，夠二人吃，新鮮爽脆。今次吃過，質素都不錯，下次想來試吓個芝士雞煲先！

睇完YouTube人地食雞煲🐔🍲我又心思思想去食😋😋叫左朱家👨🏻去米走雞食返個麻辣雞煲🐔🌶🌶一上到去又系爆曬場好彩有留到枱😛等咗一陣就到我哋 我真系好中意呢到個雞煲醬汁超濃郁😋😋超入味肉質又滑又鮮嫩 我地二個人叫左個小份量雞煲都好夠食 工作人員服務好好好有禮貌又會主動協助同教我地時間上控制 😗二個人食左招牌手打五寶丸 特級雪花肥牛 鮮蝦雲吞 魚片頭 稻庭烏冬做結尾超掛湯 每一口都有紫洋蔥🧅同濃烈雞煲醬嘅味道👍🏻👍🏻所以個烏冬我係再encore左多一個😝😝

媽咪我今晚同你食米走雞呀！媽咪話咩走雞呀？我話間餐廳名叫米走雞啊！媽咪話哦！間野個名咁得意嘅，我話係呀我都覺。來到第一感覺係侍應生好熱情，佢會好主動介紹食咩煲好，因我第一次來佢就話第一次最好叫佢地出名的黃金芝士雞煲。雞煲份量有分大同小，咁我和媽咪兩人食就叫左個小的，材料有洋蔥，中芹，芫荽，加了激量芝士，雞件夾起超多芝士包圍住呀 ，估唔到芝士雞煲咁好味和夾的。當我地食完雞後就可以加芝士濃湯打邊爐， 咁我叫左鴨血，鳳城水餃，手打墨魚丸，鯪魚釀豆卜，生菜，油麥菜。水餃材料十足真係好飽滿，最愛鴨血煙煙韌韌😍😍，墨魚丸夠彈牙， 豆卜吸哂湯汁 ，成餐好豐富滿足。

之前聽過米走雞嘅大名好耐 今日終於有時間嚟試下 來到當然要食佢招牌嘅雞煲 亦都揀咗佢鼎鼎大名嘅芝士雞煲 係menu有得揀芝士嘅份量 阿媽驚濟 所以揀咗適中嘅份量雞煲上到枱真心嚇咗一嚇 佢嘅份量比起平時嘅雞煲至少大咗三份一 基本上淨係食完啲雞已經飽咗六七成 加上非常濃厚嘅芝士 分量非常充足 值得一提嘅係 佢嘅雞肉全部都係雞髀 絕對唔會有雞胸 所以鐘意滑嘟嘟肉類嘅朋友就一定要試下啦食完個雞煲 就可以加上湯打邊爐 上湯都有得揀芝士湯定係清湯 瘋狂嘅我哋都另外叫咗好多嘢食 所以清清地用清湯就算啦我想講我超鍾意食一樣叫做哈哈蝦中寶嘅野🤣 佢係超大嚿嘅純蝦膠 入面再包住一隻原隻好新鮮彈牙嘅蝦 外面仲有類似蟹子嘅嘢 第一秒嘅賣相已經係好正 咬落去口感豐富 外面仲有脆脆地嘅口感 超好食😍😍

今日同大家嚟到太子藍馬商業大廈二樓食好西。今日主打要試嘅就係“米走雞“嘅黃芝士雞煲 $178。一上碟已經聞到芬香撲鼻嘅芝士味， 雞件沾滿了芝士，十分邪惡但係十分好味。雞件嘅肉好滑， 一啲都唔會覺得好漏嘅，而且雞件嘅份量亦都十足 ，基本上一個二人鍋都夠曬食。 食曬雞件之後，仲可以加入芝士湯打邊爐， 呢個市面上嘅選擇唔多，幾有新鮮感。感覺就好似港式嘅芝士火鍋配料。 打邊爐配料我哋就嗌咗豬頸肉$88。都見到豬頸肉有一定嘅厚度，肉質好爽口彈牙。 之後又點少得我個人最喜歡嘅芝心丸$24。芝士湯底加芝心丸簡直就係雙重享受。 我哋亦都叫咗炸魚皮$48。 同芝士湯底係一個新鮮配搭。另外仲叫咗鮮蝦雲吞$48。餡料有原隻蝦肉， 今日芝士湯底有另一番風味。 另外個人推介嘅就係哈哈蝦中寶$63。份量十足，大量蝦膠入面仲包裹住原隻蝦肉，加埋蟹籽又多一重口感。整體嚟講咪走雞嘅雞煲做得出色。湯底都有很多選擇，鍾意食雞煲打邊爐嘅朋友不妨去試下。

一講起雞煲，即刻聯想到火辣的湯底。位於太子的米走雞，除左麻辣外，提供了芝士雞煲！唔食辣的都可以享受到雞煲的滋味。但好辣的我就叫了麻辣雞煲啦。麻辣分左幾種辣度，鑒於會越食越辣，我就選擇咗小辣。上菜速度好快，落左單大約5分鐘已經出菜了。🌟火焰麻辣雞煲（小）$168一開始係要蓋住煲一陣，大約5分鐘後，餐廳就會有人噴火燒一燒上面d芫荽香菜，再撈撈成煲嘢，確保每一件雞件及每一件配菜都佔有麻辣醬汁！一打開已經香噴噴！醬汁以麻為主，未算好辣！唔會話辣到食唔到，只係食完嘴邊會麻麻的。雞件都幾多，肉多骨少！但略嫌有點大嚿，如果細件d就更入味啦！當中芫荽及洋蔥吸收了醬汁，非常好味！尤其洋蔥非常新鮮，清甜。食得七七八八，就可以請侍應幫加清雞湯，繼續打邊爐。🌟蜂巢冰豆腐（$24）半份🌟油麥菜（$24）半份🌟手打五寶拼盤（$48）半份值得一試，肉丸非常新鮮，彈牙！🌟鮮製五併餃（$58）半份又係值得一叫。有韭菜餃，水餃，雲吞，菠菜餃及牛肉餃。水餃及雲吞，皮薄蝦新鮮爽口；菠菜餃及韭菜餃中和了湯底的油膩；牛肉餃好似直接包左粒牛丸，非常彈牙及重牛味！🌟酸梅湯（$68）非常大瓶，唔甜！解渴一流！醬料提供好多款，彈其實湯底

雞煲一嚟就梗係試下佢最出名既火焰雞煲啦，第一次食呢間野，唔知道有幾辣，所以嗌咗一個小辣，個雞煲一上到枱要再焗多幾分鐘，之後會有侍應過嚟點火同之後就再撈一撈個雞煲，一點火嗰一刻真係成煲都係火。咁之後梗係要試吓佢啲雞啦，嗌咗個小辣其實都幾野味，啲雞好嫩滑，無論雞髀或者雞胸為都好好食。同埋個雞煲份量都好多，我哋兩個人食，食完啲雞之後都飽咗七成，呢個煲仲要係細煲嚟㗎，係幾抵食嘅。之後梗係打邊爐啦，由於我哋都七成飽啦，所以唔係嗌咗好多嘢食。四拼餃啲餃子係新鮮自己包嘅，粒粒都好大隻同爽口。蝦中寶蝦中寶其實係由蝦整成既餃，成粒都係蝦，面頭仲有啲蟹子，火鍋煮完之後，成粒都好彈牙，我諗一粒入面都有四五粒蝦。最後仲要提一提，呢間餐廳啲侍應服務好好，又入座擺低醬料，都雞煲上枱同之後啲服務都好周到。

雞煲食得多，芝士雞煲就第一次，今次嚟到呢間芝士雞煲專門店，當然要食招牌雞煲啦，另外亦有麻辣雞煲可以揀～兩個人食，叫咗個細雞煲，揀咗激量芝士，後來發現太多芝士，好快食滯，下次揀普通份量既芝士碎應該會更好～～超多邪惡芝士配上嫩滑雞肉，正！件件雞都好大件，啖啖肉，仲有好多洋蔥做配菜，幾爽口～食完雞煲，可以揀加芝士湯或清湯做湯底，我就揀咗清湯，因為鍋已經有好多芝士，order咗幾款火鍋配料～鮮炸響鈴超大條，浸幾秒芝士湯底，幾夾！另外，叫咗個手打五寶丸同五拼餃，半份就每樣有一款，鮮蝦丸幾爽彈，牛肉餃好似牛肉球咁飽滿，配芝士湯都幾新鮮好味～仲有爽滑豬頸肉，份量好多，爽彈～食到超飽，好滿足～