米走雞 (太子藍馬之城)

营业中

休息中

之前聽過米走雞嘅大名好耐 今日終於有時間嚟試下 來到當然要食佢招牌嘅雞煲 亦都揀咗佢鼎鼎大名嘅芝士雞煲 係menu有得揀芝士嘅份量 阿媽驚濟 所以揀咗適中嘅份量雞煲上到枱真心嚇咗一嚇 佢嘅份量比起平時嘅雞煲至少大咗三份一 基本上淨係食完啲雞已經飽咗六七成 加上非常濃厚嘅芝士 分量非常充足 值得一提嘅係 佢嘅雞肉全部都係雞髀 絕對唔會有雞胸 所以鐘意滑嘟嘟肉類嘅朋友就一定要試下啦食完個雞煲 就可以加上湯打邊爐 上湯都有得揀芝士湯定係清湯 瘋狂嘅我哋都另外叫咗好多嘢食 所以清清地用清湯就算啦我想講我超鍾意食一樣叫做哈哈蝦中寶嘅野🤣 佢係超大嚿嘅純蝦膠 入面再包住一隻原隻好新鮮彈牙嘅蝦 外面仲有類似蟹子嘅嘢 第一秒嘅賣相已經係好正 咬落去口感豐富 外面仲有脆脆地嘅口感 超好食😍😍