米走雞 (太子藍馬之城)

营业中

休息中

媽咪我今晚同你食米走雞呀！媽咪話咩走雞呀？我話間餐廳名叫米走雞啊！媽咪話哦！間野個名咁得意嘅，我話係呀我都覺。來到第一感覺係侍應生好熱情，佢會好主動介紹食咩煲好，因我第一次來佢就話第一次最好叫佢地出名的黃金芝士雞煲。雞煲份量有分大同小，咁我和媽咪兩人食就叫左個小的，材料有洋蔥，中芹，芫荽，加了激量芝士，雞件夾起超多芝士包圍住呀 ，估唔到芝士雞煲咁好味和夾的。當我地食完雞後就可以加芝士濃湯打邊爐， 咁我叫左鴨血，鳳城水餃，手打墨魚丸，鯪魚釀豆卜，生菜，油麥菜。水餃材料十足真係好飽滿，最愛鴨血煙煙韌韌😍😍，墨魚丸夠彈牙， 豆卜吸哂湯汁 ，成餐好豐富滿足。