米走雞 (太子藍馬之城)

营业中

休息中

服務貼心的咪走雞火鍋今天約了朋友在太子站，朋友介紹我到太子站藍馬之城2樓的咪走雞吃火鍋。米走雞是連鎖店，在各區都有分店。我們點了蕃茄粟米湯底。還點了脆鯇，水餃，新鮮牛肉，廣島蠔。首先來的是湯底，好足料哦！湯底裏充滿粟米，蕃茄，洋蔥，薯仔。烹煮期間，店員不停為我們加湯底，態度溫文，親切有禮。我最喜歡是這兒的新鮮牛肉，又滑又大件，分量超多，$98超值哦！脆鯇片$79，亦是厚切的，大大塊，吃起來有口感。這兒的水餃$53亦是不容錯過哦，餃內有木耳，大地魚碎，味道十分香。

之前喺網上見過朋友post呢間芝士雞煲，睇到我勁想食！！好邪惡好吸引🤤 終於捉到個friend嚟陪我去食😈我哋呢日係平日去食，樓上鋪靜靜地唔算好多人，而且呢度嘅座位大部份都係卡位，算闊落，唔會坐得好逼夾呢度叫嘢食係用QR code手機落單，不過侍應姐姐都好好服務，佢哋應該係一個人負責一個area幾張枱，負責我哋張枱個姐姐都有過嚟介紹吓有咩推介，必試嘅當然係芝士雞煲啦！🧀🧀 呢度嘅芝士雞煲，最正嘅係有得揀芝士份量😍😍 我即時揀咗「增量」芝士！😈 一係唔食，一食就要食最邪惡！上菜嘅時候侍應擺低個煲，然後講解一下，叫我哋等佢嚟開，然之後要由面開始食落底～我哋揀咗個細嘅煲，2-3人份量，我哋兩個女仔食真係算好多😂😂😂都有好多件雞！食到咁上下，就可以叫侍應姐姐加湯，呢個時候佢會問你加芝士湯定係雞湯，我哋就問咗佢嘅意見，佢話加雞湯冇咁漏☺️ 我哋就揀咗加雞湯喇！滾起之後，就可以落埋其他餸，我哋叫咗手打墨魚丸，同埋一份手打丸拼盤（墨魚丸、鯪魚丸、M五和牛丸…..etc）呢度嘅手打丸係自家製，好夠彈牙👍🏻👍🏻 我哋食完雞煲已經飽飽地，所以冇叫太多配菜，加埋一份油麥菜，已經夠晒飽！好滿足！飲品方便，有啲一

🔥真·火焰麻辣雞煲！🥘有鑊氣！閒日7 點入座唔算好多人，🧀芝士雞煲同埋火焰麻辣雞煲特別出名！唔想太Heavy就揀左火焰麻辣雞煲，食完可以加雞湯或者麻辣湯，唔洗另外加湯底💰，繼續打邊爐🫕。🍯一上黎就俾調味醬，埋單先知要$18/每位。不過勝在衛生、新鮮。🥑麻辣火鍋雞煲$198 ❗️推薦❗️雞煲炒起時候有噴火，好有鑊氣、惹味，打卡啱晒！幾乎全部係雞髀肉🍗，好嫩滑。雖然叫細份（2-3人份量），2 個人都好夠食。我地平時都比較食得辣，但今次叫左bb辣🌶，但都好麻好辣，雞味好突出。追加左銀菊露🌼，可以清下熱先。🥑手打5 寶拼盤 $108/全份有5 款丸😋，分別係鯪魚、和牛、豬、蝦、墨魚，真係完全手打肉，超級超級彈牙爽口。我最鍾意食墨魚、蝦、和牛。蝦丸係見到有蝦，真材實料，絕對唔係街邊d 急凍肉丸！🥑澳洲牛舌 $98膽粗粗試下牛舌（唔見好多人試）👅，竟然好有驚喜，牛味極重，油脂分佈均勻，煮幾秒食得，好似食緊肥牛咁，性價比極高！整體食物質素幾好，肉類好新鮮肥美，雞煲、打邊爐同時都食到💛

趁而家天氣涼返啲，要去食返個暖笠笠嘅打邊爐😝 估唔到火焰麻辣雞煲真係有火焰效果，有得睇有得食🤭✨ 雞肉沾滿晒雞煲醬汁，香噴噴，啖啖肉。而且火候適中，肉質都仲仲係保持嫩滑嘅。我地叫細份（2-3人份量），份量都好夠食。今次叫左Bb辣，麻同辣咪都都好突出，個醬汁真係好加分！後面加左湯打邊爐，因為本身雞煲醬汁好濃厚，個湯都唔會淡茂茂。我地叫左手打五寶拼盤、澳洲牛舌。有5 款丸，分別係鯪魚、和牛、豬、蝦、墨魚，感受到手打肉既威力，超級彈牙爽口。我比較鍾意墨魚、蝦、同牛丸。蝦丸真材實料，入邊真係有一粒粒嘅蝦肉，唔係d啲hea hea急凍肉丸。而澳洲牛舌都有驚喜，牛味重，油脂分佈均勻，好似食緊肥牛咁。追加左清熱銀菊露，清熱潤喉，解下辣。整體食物質素唔錯，新鮮好味，閒日夜晚都好多人食，最好book定位🥸

🥢 天氣啱啱轉涼，又到打邊爐同埋瘋狂食雞煲嘅季節啦，今次嚟到呢一間主打芝士同埋麻辣雞煲嘅米走雞食返餐勁嘅！ 👍🏻 店員服務貼心，會講解點樣食嘅雞煲會最好味，同埋火鍋配料可以供選擇一份或者半份，比較貼心，同埋就算係半份嘅份量都唔少，性價比係唔錯！ ⏳上菜速度: 🐄🐄🐄🐄 ✨ 黃金芝士雞煲 $208本身芝士唔會太濃，食到底越黎越濃，好有層次！雞件大大件，小鍋份量都幾多，雞肉幾滑，好正！揾食指數: 🐄🐄🐄🐄🐄 ✨五香鮮牛肉 $98牛肉好大塊，肉質好腍易咬開，五香醃製都入味！揾食指數: 🐄🐄🐄🐄🐄 ✨ 手打五寶拼盤 $63手打M5和牛丸：牛味好濃郁，爽口彈牙手打豬肉丸：豬肉爽口，配埋冬菇增添口感手打墨魚丸：一粒粒墨魚肉好彈牙同埋有口感手打鮮蝦丸：鮮蝦份量足料，蝦肉晶瑩剔透好新鮮手打鯪魚丸：鯪魚打得Q彈，好足料，大大粒好味揾食指數: 🐄🐄🐄🐄 ✨ 哈哈蝦中寶 $68裏面好多蝦仁，每間都新鮮鮮甜，面頭有好多蟹籽搵食指數: 🐄🐄🐄🐄 ✨ 出前一丁 $20重頭戲，最後剩一半湯先落，索晒啲精華超濃味！揾食指數: 🐄🐄🐄🐄🐄

天氣開始轉涼又係時候約埋朋友一齊食雞煲打邊爐啦，最鐘意就係一大班朋友約埋一齊打邊爐，可以食多幾款，經openrice訂座仲可以享有早鳥優惠。凡於晚上7點前埋單及離座即可享有全單88折優惠，超抵黃金芝士雞煲 ($208)雞煲有辣有唔辣，我地成班唔食得辣所以就揀左個黃金芝士雞煲，呢個記得趁熱食，芝士仲做到拉絲既效果，雞煲份量都幾多，雞肉好入味，而且嫩滑多汁，超推介大家試呢個食完雞煲之後就可以打邊爐啦，可以加雞湯或者麻辣湯，我地就揀左雞湯，夠清甜，加其他火鍋配料都咁夾，幾個朋友可以揀個貴少少既牛肉，店員推介我地試下澳洲頂級和牛封門柳，重量級既封門柳肉味香濃又有咬口，果然無介紹錯

講到芝士雞煲，一定係諗起米走雞，幾年前食過一次，今次再嚟食水準依然係咁高🌟黃金芝士雞煲🐔🧀 (大)(4人) $268我同朋友兩個都比較大食，所以直接嗌咗4人份😂😂仲有得比你揀芝士嘅量，熱愛芝士嘅我當然係揀超激量啦，一上枱啲芝士真係多到唔洗錢咁🤣配埋嫩雞件，拉絲效果一流💯哈哈蝦中寶🦐 (全份) $128每粒蝦滑裏面都有原隻蝦肉，面頭仲鋪咗蟹籽，都幾飽肚👍🏻黑松露蟹子魚麵🦀 $158係比你自己唧的魚麵！仲配埋一大羹蟹籽同黑松露醬，撈埋一齊食真係雙重享受🤤竹蓆茅根🥃 $78忍唔住飲咗幾啖先影相🤣足料又清甜，係打邊爐必嗌飲品。

天氣開始轉涼🍂最好梗係約埋三五知己食雞煲打邊爐🐔🥰圍爐取暖😂環境:7.5/10係太子地鐵站行一分鐘就到，加上係商廈2樓唔怕街邊太多人與車😂，同餐廳多卡位，可以傾到計😛食物:7.5/101️⃣米走雞獨家火焰麻辣雞煲(小) $198雞煲嚟到嘅嘅時間，店員點火🔥wow😂都幾猛火同震撼，爆香埋d芫茜洋蔥，完全係視覺同嗅覺享受😂雞件全部都啖啖肉，揀走晒d多骨位，不過個秘製醬唔簡單🌶，小辣都幾麻🤭唔食得辣嘅你留意喔😛2️⃣白鱔片 $98有5-6塊好大片下😂要讚下條魚好新鮮🐟加埋個雞煲湯底打邊爐，吸咗d辣仲惹味😋3️⃣日本鮮帶子 $118食雞煲又太多肉叫d海鮮冇咁飽😂 大大粒鮮甜唔係急凍個d，讚👍🏻4️⃣蟹棒/金菇/響鈴/生菜無論係雞煲定打邊爐個湯底先係精粹😋一定要食一d最索汁嘅野😝加上佢呢到嘅響鈴係鮮炸，放上枱仲好鬆脆😍💰性價比: 7.5/ 10 ($350/人) 人均$350有找仲食淨唔少😂3個人夠食😜

秋意起，最岩就係打邊爐啦！今晚又去老地方食雞煲🥰火焰麻辣雞煲 *小辣每次都會揀麻辣雞煲🤣小辣剛剛好，惹味得黎仲食到雞件既香滑🤤 而且店員會幫手處理，坐定影相同等食就得👍食到差唔多就可以加湯打邊爐，可以揀清湯或者辣湯手打鮮墨丸好大粒😍又夠足料，墨魚十分彈牙，又好有咬口，正呀鮮炸響鈴好大條😂😂好彩叫半份，好脆油麥菜要讚下個湯唔係好油，所以我都好放心淥菜，油麥菜好新鮮出前一丁火鍋最後必食，掛埋麻辣湯，好邪惡🤣

#fafafoodblog打邊爐 #fafafoodblog太子🍴小 黃金芝士雞煲 208 蚊🐥叫左好多芫茜同激量芝士 🧀呢間雞煲食過幾次 每次質素都好好 冇退步 芝士今次點左激量 一上枱 勁多芝士 😈 兩款芝士 一路溶 一路滲落雞度 雞全部大大件 全部雞脾肉 夠哂滑 又夠口感 一路食芝士一路溶 配埋芫茜夠哂香 食完再落湯打邊爐 可選雞湯同芝士湯 我就點左雞湯有另一番風味 正👍🏻🍴米份鴨肝m5和牛丸 58 蚊🐂成粒牛丸用左 m 5 和牛整 牛肉味濃同 juicy入面有粒鴨胸 一到好香濃 同濃牛肉一齊好 match 🍴紅薯粉 22 蚊🍜🍴半份粟米 24 蚊🌽粟米半份份量都多 夠香甜 正🍴五香鮮牛肉 98 蚊🐂鮮牛份量多 夠軟熟新鮮 牛肉夠滑同口感 牛肉味適中 正#牛肉 #火鍋 #打邊爐 #芝士雞煲 #和牛 Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~

火焰麻辣雞煲隔咗好耐冇食，今次再幫襯，都係嗌咗一個小小辣，服務都係好好，個雞煲上枱之後會有侍應過嚟點火同埋撈一撈個雞煲，全程都唔使自己郁手。啲雞好嫩滑，大部份都係雞髀肉，個雞煲煮得耐，啲麻辣味越嚟越勁，好鬼過癮呀，食完啲雞之後，都飽咗六七成，打邊爐都唔係嗌咗好多嘢。鮮炸響鈴呢度既響鈴係自己炸嘅，比起出邊大件厚身好多，所以浸落啲湯度，更加吸汁。鮮切牛肉分量都好多，兩個人share食，每人都有六七件啦，啲牛肉有少少醃咗，有嫩滑又好味呀。嘢飲我哋嗌咗藍妹同青島，佢哋係大支裝，價錢又唔算貴，抵飲呀。最後都要讚一讚佢哋啲侍應服務好好，會同你換碟，飲完啤酒會問你使唔使添飲，相當之好服務。

好耐冇食熱辣辣惹味火焰麻辣雞煲➕打邊爐🍲久仰左【米走雞】大名好耐，終於同朋友夾到時間去食我啲兩個人叫左小份嘅火焰麻辣雞💰198、半份嘅鮮腐竹💰24、一份芋絲💰38、一壺酸梅湯💰78、一份紅薯粉💰22、半份豆卜💰24、半份蘿白💰24、雜菇拼盤💰48呢間雞煲夠曬方便、人性化，用QR code落單可以自行選辣度、走莞茜、走中芹，而且可以自己酌量落麻辣醬，對於唔太食到辣嘅朋友夠曬友好雞肉都好入味，啲肉好嫩滑，就算小份都好夠食😋味道：4/5👩🏻‍🍳服務：4/5🌃環境：3.5/5💰性價比：3.5/5

米走雞出名芝士雞煲同麻辣雞煲，之前食過芝士唔錯，今次食火焰雞煲！火焰🔥麻辣雞煲，揀咗bb辣都好惹味，另有辣油再可加辣～份量細雞煲都好大份，兩個人食好夠～上枱燒一燒，有專人負責炒雞件，香噴噴等食～好多髀肉，啖啖肉，嫩滑juicy香料十足～加清雞湯之後，就可以打邊爐～呢度唔係任食，但單點食材好高質～哈哈蝦中寶呢個正，原粒蝦肉加蝦滑混合，雙重口感，爽彈好味～新鮮制造嘅五拼餃，每款都可以試下，餡料飽滿，和牛餃咬落實淨全係肉～爽滑豬頸肉，肥瘦均勻，食落油香、肉彈爽滑～竹蔗茅根一大壺，解渴一流，抵飲！

男朋友成日話想食雞煲 見米走雞幾多人推介 就腳揀咗太子分店入座用QRcode落單同時會比呢set醬料你加落自己碗先雞煲好快就到 我地叫左黃金芝士雞煲 芝士份量我地叫左激量😂真係好多芝士好邪惡 拉絲效果一流 雞塊好嫩滑👍🏻配料仲有好多洋蔥 洋蔥好甜食到8899就可以加湯打邊爐喇~可以揀雞湯或者芝士雞湯 我哋梗係揀咗芝士雞湯啦🙈湯底帶啲甜甜地 幾好味蜂巢冰豆腐冇介紹錯!口感少許彈牙 放落湯底吸收唒啲湯汁超好食😋竹笙墨魚滑 由於出面冇見過所以叫黎試下😂食落好特別 夾起上黎唔會散 墨魚滑好有彈性好香 M5和牛餃好大隻 食落外皮有啲似雲吞 好滑 中間牛肉餡好似粒牛丸咁大 咬落好實好香牛味特級雪花肥牛每塊都好大片 食落都幾軟滑同香.每樣野我地都係叫左細份同半份我地都食唔唒😂

和朋友四個人吃了800多，人均220左右，这个价钱算是性价比高的火锅餐厅价钱了，两种吃法，吃完鸡煲，然后再加水就可以跟朋友仔一起打边炉了，雞肉真的很嫩，特別好吃，其实四个人吃完大份的鸡煲就很饱了，然后再加了鸡汤打边炉响铃很好吃，是我每次火锅都一定要点的菜，还有金针菇也不错，还有一些什么，我有点忘了，记不起来，火锅料出品都不錯。唯獨鴨血有點不新鮮，不是太好吃。勝在性價比高，還有生啤喝，會當回頭客的一家店。