米走雞 (太子藍馬之城)

营业中

休息中

米走雞出名芝士雞煲同麻辣雞煲，之前食過芝士唔錯，今次食火焰雞煲！火焰🔥麻辣雞煲，揀咗bb辣都好惹味，另有辣油再可加辣～份量細雞煲都好大份，兩個人食好夠～上枱燒一燒，有專人負責炒雞件，香噴噴等食～好多髀肉，啖啖肉，嫩滑juicy香料十足～加清雞湯之後，就可以打邊爐～呢度唔係任食，但單點食材好高質～哈哈蝦中寶呢個正，原粒蝦肉加蝦滑混合，雙重口感，爽彈好味～新鮮制造嘅五拼餃，每款都可以試下，餡料飽滿，和牛餃咬落實淨全係肉～爽滑豬頸肉，肥瘦均勻，食落油香、肉彈爽滑～竹蔗茅根一大壺，解渴一流，抵飲！