米走雞 (太子藍馬之城)

营业中

休息中

再訪好味又抵食的米走雞！芝士雞煲是餐廳的signature 必叫之選，細看餐牌，原來麻辣雞煲都很受歡迎（staff會即場炒雞）！奈何我不吃辣，於是再吃黃金芝士雞煲。QR code下單，點激量芝士也不用加錢，各位芝士控不要錯過！另外洋蔥、芫荽之類可選要或不要，非常貼心。二人點個小煲就夠晒食，芝士超多很有誠意，雞肉算嫩滑，才$208元一個好抵食。店員提醒芝士煲千萬不要搞煲底，以免煲燶～吃完雞煲就可以加湯打邊爐，我們已經飽飽地，簡單叫了翡翠苗、鮮炸響鈴和竹笙墨魚滑就夠晒食。飲品叫一壺清熱銀菊露，一邊吃雞煲一邊慢慢飲～餐廳受歡迎的原因，其中一樣就是店員叔叔姨姨都十分親切好好，而且很樂意和客人聊天。

想當年試過邪惡芝士雞煲，今晚天氣轉涼突然諗起佢😁所以試吓火焰麻辣雞煲😆上枱時雞煲真係有火焰幾有特色，待應幫手炒，而且醬汁另上。由於我哋叫左小辣，所以決定落唒個醬汁，辣度可以接受，辣得惹味😁火焰麻辣雞煲半隻$198 大部份雞肉都係雞脾肉比較嫩身火鍋配料都比較有特色，其他火鍋店未必食到😆竹苼墨魚滑$54 -第一次見，竹笙入面放入墨魚滑，呢個組合唔錯，食落好有層次，重點係可以叫半份👍萵荀半份$28 䈑荀新鮮，半份足夠二人食用鮮炸嚮玲半份$32 嚮玲簿身又脆口，浸湯兩秒就食得🤪五香鮮牛肉 $98 平時食的滑牛，牛肉厚身又滑，撈埋雞汁食一流👍

✨冬天必食！超邪惡芝士雞煲🧀🤤✨————————————————————💛#littlefatwest良心小店 💛.冬天係瘋狂打邊爐既季節☺️☺️呢間雞煲其實都食過好多次不過今次係第一次試芝士雞煲🤤邪惡 正————————————————————🧀黃金芝士雞煲 $288 （8/10）芝士多到不得了！好邪惡好肥但食得好爽☺️好濃郁既芝士 仲有拉絲效果 雞件好多 雞肉肉質幾嫩滑食完啲雞仲可以加芝士湯打邊爐！.🥩特級雪花肥牛 $188 （8.5/10）半份都勁大盤！岩兩至三個人食肥牛雪花紋好靚😛又超大片肉味香濃又幾嫩 唔錯.🍢手打五寶拼盤 $63 （7/10）有齊墨丸，蝦丸，鯪魚丸，豬肉丸同M5和牛丸最好食係牛丸！會爆汁 幾juicy🤤全部都手打 口感唔錯又足料.🥠鮮炸響鈴 $32 （6.5/10）打邊爐係一定要叫響鈴😛😛不過今次炸得唔夠脆🥺.🥯黃金炸饅頭 $58 （8/10）炸饅頭fans!! 幾飽都要食炸到金黃色脆卜卜☺️再點煉奶冇得輸————————————————————📍 米走雞 (太子藍馬之城) (旺角)旺角彌敦道761號太子藍馬之城2樓.🔺#littlefatwest旺角 🔺#litt

📍#米走雞 (太子藍馬之城) (旺角)旺角彌敦道761號太子藍馬之城2樓♡人均消費: $504 @ 2🔺🔺🔺🔺🔺🔺🔺🔺🔺🔺🔺🔺🔺俾佢signature嘅芝士雞煲吸引而嚟～ 除咗芝士雞煲之外，亦都有麻辣雞煲可以選擇。❣#黃金芝士雞煲💰$208一上檯時見到滿滿的芝士，有少許拉絲嘅效果，但個人覺得芝士味唔算好香濃。雞嘅份量大概有半隻雞左右，而雞煲裡面比較多洋蔥口乾蔥，芹菜，芫荽等。❣#竹苼墨魚滑💰$54竹笙裏面藏住墨魚滑，食法幾特別，竹笙爽口，墨魚滑份量唔算太多，總共有四條，味道正常，略嫌定價太高。❣️#鮮炸響鈴(3件)💰$32就係一般嘅炸響鈴，唔係即叫即炸嗰種～ 正正正常。❣️醬湯費 $36 @ 2另外店舖亦附加左醬料費，六款常見醬料，如：炸蒜、乾蔥、辣椒、芫荽等等都會有～🔺🔺🔺🔺🔺🔺🔺🔺🔺🔺🔺🔺🔺

大棚人的生日聚會，有人想食雞煲又打邊爐，見食評都講到唔錯，一於試試佢，雞煲用雞肶肉，啖啖肉，岩哂我食肉獸。食完雞煲就會加打邊爐，攪到個湯加埋雞煲啲醬就好咸。炸嚮玲，即炸，點小小湯已經好好食。鴨血，都厚切同大件。丸類都爽同彈牙。肉類都正常。

全部都係雞~脾!!🍗🍗🍗又到聖誕🎄又到聖誕難得呢個禮拜凍凍地, 兩公婆去食個bb辣雞煲暖暖胃🥘火焰麻辣雞煲(bb辣)🥘估唔到佢雞滑之餘, 仲要多!雞!脾!!🍗食極都仲有咁😆洋蔥好正🧅個人認為bb辣係無咩料到, 大家可以起碼試個小辣(利申: 食開起碼10小辣)🤭叫咗五寶拼盤, 五拼餃同特級雪花肥牛呢個自製combo值得一叫$549埋單, 飽到上心口! 今晚實好好瞓Btw, 偷望隔離枱, 芝士都好激量, 下次多d人試試佢

-芝士雞煲專門店-芝士對我嚟講系不能抗拒既🤣見到依間專食芝士雞煲張芝士同雞煲 兩樣都系我鍾意既結合一定要試下先！位置旺角都好方便裝修不錯，座位都好大，坐得舒服既慢慢食，傾下計都幾好食雞煲之前，首先叫個酸辣鳯爪開一開胃跟住好快雞煲就上枱，一黎到就聞到好香好濃既芝士味雞已經系熟既，所以熱一熱，芝士溶就可以食得一夾落去就feel到又厚又軟既芝士重可以拉絲添一咬落去，啲芝士包住哂啲雞，正！食完雞可以加湯打邊爐不過食哂成個芝士煲都有啲飽肚所以配料叫得唔多，試左幾款都好新鮮好食既

天氣凍男朋友又想打邊爐，同事介紹米走雞好正， 所以放工同男朋友過黎暖下。佢地有2款招牌出名雞煲，一款芝士雞煲，一款火焰麻辣，同男友今日想食小小辣野，所以叫左個火焰麻辣雞煲（小）上枱時已經香氣撲鼻，有好惹味，微辣岩哂我地唔太食辣但又想挑戰下既人士😁雞件大件得黎又夠哂嫩滑，啖啖肉，配料都好豐富，洋蔥莞茜好爽好入味。食完仲可以揀雞湯或麻辣湯打邊爐。 我地當然擇左雞湯🙈。我地叫左豬頸肉打邊爐，豬頸肉色澤勁靚，食落勁爽滑彈牙，必點👍🏻雞子我唔食的，男朋友話好好食🤣另外手打芥未墨魚丸都係必食，墨魚丸配上淡淡芥末味道，更突出墨魚丸既鮮甜。加上自家手打，勁彈牙。 打邊爐豆腐響鈴牛柏葉同菜係我地必點既菜式😝， 呢道可以半份禁叫，同埋知我地多野食提供個架我地放食物，非常貼心。

最近天氣好凍🥶成日想打邊爐食，近年好流行各式各樣口味嘅雞煲，鐘意食芝士嘅朋友仔一定要嚟試吓呢間，當年首創芝士雞煲嘅餐廳《米走雞》就算唔食芝士嘅話呢度都有麻辣雞煲、卜卜蜆鍋、酸菜魚鍋同埋其他打邊爐湯底選擇㗎🙆🏻‍♀️不過今次我就介紹吓呢度嘅招牌芝士雞煲先🥳黃金之士雞煲(小)2-3人 $208佢哋嘅黃金芝士雞煲，每日用5種芝士熬製5個鐘，湯底濃郁，今次我哋兩個女仔嚟食，叫咗個2-3人細煲，可以選擇舖面嘅芝士碎份量，我哋都勁鐘意食芝士，選擇咗「激量」芝士碎🤣 嚟到見倒真係好開心😍 好多芝士～ 等佢煲一陣芝士碎溶曬，店員就幫我哋打開個蓋，未食已經聞倒芝士香味撲鼻🥰姐姐細心咁叫我哋要由上至下一層一層食唔好撩開底部嘅洋蔥，以防芝士太多燶底。每夾一件雞，都有拉絲效果😍 而且好少有雞煲嘅肉全部都咁厚肉咁嫩滑，好好味！雞件嘅份量好足，我哋食完個雞煲已經有少少飽，只叫多咗一碟牛同一碟菜，就無再叫其他嘢🫠食曬啲雞之後可以選擇加芝士雞湯或普通雞湯繼續打邊爐😆手切霜降牛頸脊(小) $258睇倒牛嘅油脂紋理已經覺得係正嘢😆 超濃牛味，口感軟嫩好好味😋最後食埋個新鮮嘅油麥菜，完滿🙆🏻‍♀️食雞煲真係要叫多啲人一齊食，或

呢幾日香港開始轉冷，實在最岩食暖笠笠既雞煲聽朋友講太子開左一間價錢相宜既雞煲店，叫做「米走雞」，就決定要去試一試今次試左佢地店內最有特色既芝士雞煲店員會好細心甘提你既食用次序。雞煲入面有五種不同芝士，包括車打芝士、巴馬臣芝士、大孔芝士和兩款秘密靈魂之選，再有洋蔥、中芹、芫茜作配料，增加甜味和香氣食完都唔會太膩，仲好有胃口試佢既其他餸食完雞煲之後，我地又食左好多打邊爐配料，其中最驚喜既係佢既和牛牛丸，好難得會係雞煲火鍋店見到店家落甘重本，值得一讚，勁正鍾意食芝士既朋友絕對值得一試另外不得不提佢地店員既服務態度超級好，又會細心留意客人需要，適當既時候會送上餐點同埋餐廳坐位都算闊落，聚會值得一試 #米走雞 #芝士雞煲 #麻辣雞煲

今日氣溫急速下降❄️最好就打返個靚邊邊🐔女食神💃🏻話想食雞煲🍲所以即刻book枱開餐藍馬之城米走雞🐥地點超方便🚝太子地鐵站隔離20步🚶🏻就曬女食神火焰麻辣雞煲🐔我唔肯定係唔係新鮮雞🐔不過食落去超有雞味😋絕對唔會有雪藏雞嘅雪味❄️要咗BB辣🌶️辣度適中👌🏻起火🔥嗰下超震撼手切霜降牛頸脊🥩超濃牛味🐂油脂分布均勻🧈 10秒上水💦入口即溶🤤美國桶蠔🦪大大隻肥𧐢🦪食落冇渣，非常鮮甜😋雞子🫘好難買到新鮮雞子🫘雪藏雞子同新鮮雞子係冇得比🤷🏻‍♂️靚雞子每粒都粉嫩粉嫩💖咬落爆汁油麥菜☘️最後食返個油麥菜🍀清一清剛才濃烈嘅味道🌶️簡直如沐春風🌬️價錢唔算貴，兩個人食啱啱好👍🏻

上次同朋友喺度食過芝士鷄煲，覺得好好味😋，無意中見到原來呢都有酸菜魚食，但睇過咁多篇食評，好似冇人試過😂，所以有d好奇係乜味，今次就特登叫左一鍋黎試吓😉～🌟老壇酸菜魚鍋 $238見到湯底有花椒、辣椒等等香料煮製😆，味道又酸又辣，好惹味👍～魚肉肉質滑嫩，味道鮮甜，啖啖肉，完全冇骨😁～除左魚肉，仲有好多蔬菜，例如娃娃菜，芹菜，全部都索哂湯底陣味，正😋！🌟紅薯粉 $22食酸菜魚點可以唔叫埋紅薯粉呢😜？紅薯粉較粗身，口感超級煙煙韌韌，份量仲非常多🥰！🌟哈哈蝦中寶 (半) $68其實我上次黎都有叫，果然 keep到水準😍，每粒仲係超大粒，蝦滑入面有滿滿蝦仁，新鮮彈牙😚！🌟手打五寶拼盤  (全) $108一次可以試晒5款唔同口味，包括墨丸，蝦丸，鯪魚丸，豬肉丸，和牛丸😊，當中我自己最鍾意蝦丸同和牛丸😋～蝦丸夠真材實料，入面真係有蝦，起膠彈牙😍！和牛丸牛味香濃，有肉汁☺️～

✔️火焰麻辣雞煲 $198每次嚟佢雞嘅份量都超級多🤩 仲要全部都係雞髀位 幾乎每舊都好嫩滑😋 佢有得揀麻辣或者芝士鍋🌶️🧀 講唔停為推薦佢嘅麻辣味多啲 因為真係辣得好過癮 好惹味😚 仲要有得揀多芫荽 啱晒鍾意芫荽嘅朋友‼️✔️手打鮮墨丸 $48呢個好有驚喜 裏面夾咗好多墨魚粒🐙 食落好q 完全唔會淨係食粉嘅感覺😝✔️哈哈蝦中寶 $68每件都有成幾粒原隻蝦🦐 不過滑裏面應該仲加咗芹菜 所以講唔停就麻麻🙈✔️白鱔片 $98有別於平時嘅白鱔片 佢口感冇咁爽彈🥺 不過完全冇腥味嘅而且大大片 都可以一試❤️✔️日本廣島蠔 $88呢個價錢有成六隻生蠔🦪每隻錄完都唔會縮水 食落都幾新鮮 唔錯🥰

天氣開始涼 由其晚上好想打邊爐暖下個人見到米走雞有個獨家雞煲無可能唔食既-🎏黃金芝士雞煲 (小) (2-3人) 💰$208 ✨✨滿滿既芝士簡直喺痴咗線咁邪惡 (如果你喺芝士控必食)檯紙/店員都會提下 芝士唔洗攪開 直接連雞夾起食先食到最濃既味道舊舊都有海量芝士 食起上黎幸福感爆咗啲雞舊舊都咁大件同滑身 食極都仲有 未打邊爐已經飽到上心口食到差唔多就可以加豬骨湯打邊爐-🎏手切霜降牛頸脊 (小) 💰$258 ✨牛頸脊望落就喺圖咁靚 明顯睇到雪花分佈好平均厚薄適中 食落牛味都比較重 肉質嫩滑 -🎏哈哈蝦中寶 💰$128完全比佢個名吸引! 有幾舊原粒蝦 食落啖啖肉爽滑好彈牙(煮完變到好大粒) 加埋啲蟹籽好有咬感-🎏蜂巢冰豆腐 (半份) 💰$28雖然只喺半份 但每舊既體積都好大索哂湯底啲精華後漲卜卜-🎏花彫醉雞翼(4隻) 💰$68-🎏竹蔗茅根 (壺) 💰$78-今次去太子呢間環境唔錯 好闊落坐得好舒服

今日放工超攰決定食好啲，嚟到太子，見呢間有得食雞煲，仲要係主打芝士雞煲，鍾意食芝士嘅我一定唔會錯過。店內地方尚算寬躺，我哋先叫咗一個黃金芝士雞煲，店員好快手咁同我哋上咗個雞煲，一打開個煲，店員幫我哋調至保溫，又提我地先食雞件唔使攪拌，咁樣可令雞嘅味道更加濃郁，我哋特別要求極量芝士碎，再加上我至愛嘅芫荽，我唔客氣啦。每件雞都可以拉絲，除咗芝士味濃，最重要係雞非常之香滑，我同朋友係咁低頭默默食。食完雞煲，即將進入我哋嘅part two，就係加湯打邊爐，加嘅湯可以揀芝士湯或者雞湯，由於我哋已經食咗七成飽，所以決定加雞湯清清地。朋友喜歡吃牛，所以我哋點咗五香鮮牛肉及手打A5和牛丸，再加碟油麥菜。佢嘅牛肉淥完之後都係好彈牙，值得一試。打完邊爐，我哋點咗一壺竹蔗茅根，清甜又消濟。總括而言，雞煲嘅雞最為重要，呢度嘅雞夠滑，切到細細件較易入口，主打嘅黃金芝士雞煲冇令我哋失望，適合同朋友聚會食好嘢。