影片
更多
2020-12-13
515 浏览
見呢到新開左間米線舖，裝修得企企理理，幾靚。舖頭名強調係麻辣豬骨濃湯，聽落好似會幾正，一於就買返屋企試一試啦。🐷麻辣豬骨濃湯米線（走蔥）$29平時我都好鍾意食好似譚仔咁嘅麻辣米線，因為我好鍾意食辣野，米線樂嘅麻辣豬骨濃湯同譚仔嘅麻辣湯底有啲似，不過我自己就覺得米線樂嘅豬骨濃湯更加香同更加甜，作為米線嘅湯底真係一流。米線嘅份量都足夠，米線食落嘅口感有少許彈牙，啲米線唔會一夾就散開晒。🌶招牌涼拌涼皮（走蔥走芫荽）$29鍾意食辣野嘅我都好鍾意食涼拌涼皮，涼皮有紅油同麻醬撈埋一齊。涼皮每塊嘅大細都差唔多，有啲似食緊西式闊條麵，不過就涼浸浸嘅。食落去又有啲似雞絲粉皮嘅粉皮，容易咬開嘅。🦑墨魚頭 （+$12）/ 麻辣墨魚頭（走芫荽 ）$38墨魚頭好有咬口，食落亦好鮮甜，份量好足夠，麻辣嘅墨魚頭紅油好啱香港人嘅口味，唔會太辣，鍾意食墨魚頭嘅朋友一定要叫嚟試吓。🐮肥牛 （+$12）呢個真係要為佢平反下，本身影相嗰陣淨係夾起左少少肥牛放喺上面。但點知食落發現原來肥牛份量好多，好似有成十塊咁。牛肉唔會太過肥膩，個人覺得肥牛好啱配紅油或者麻辣湯，因為啲肥牛非常之索湯。🐷腩肉 （+$9）/蒜泥白肉（走芫荽）$
🐷麻辣豬骨濃湯米線（走蔥）$29
平時我都好鍾意食好似譚仔咁嘅麻辣米線，因為我好鍾意食辣野，米線樂嘅麻辣豬骨濃湯同譚仔嘅麻辣湯底有啲似，不過我自己就覺得米線樂嘅豬骨濃湯更加香同更加甜，作為米線嘅湯底真係一流。米線嘅份量都足夠，米線食落嘅口感有少許彈牙，啲米線唔會一夾就散開晒。
🌶招牌涼拌涼皮（走蔥走芫荽）$29
鍾意食辣野嘅我都好鍾意食涼拌涼皮，涼皮有紅油同麻醬撈埋一齊。涼皮每塊嘅大細都差唔多，有啲似食緊西式闊條麵，不過就涼浸浸嘅。食落去又有啲似雞絲粉皮嘅粉皮，容易咬開嘅。
🦑墨魚頭 （+$12）/ 麻辣墨魚頭（走芫荽 ）$38
墨魚頭好有咬口，食落亦好鮮甜，份量好足夠，麻辣嘅墨魚頭紅油好啱香港人嘅口味，唔會太辣，鍾意食墨魚頭嘅朋友一定要叫嚟試吓。
🐮肥牛 （+$12）
呢個真係要為佢平反下，本身影相嗰陣淨係夾起左少少肥牛放喺上面。但點知食落發現原來肥牛份量好多，好似有成十塊咁。牛肉唔會太過肥膩，個人覺得肥牛好啱配紅油或者麻辣湯，因為啲肥牛非常之索湯。
🐷腩肉 （+$9）/蒜泥白肉（走芫荽）$32
腩肉比較厚身，份量好足夠，腩肉食落有好香嘅豬肉味，加埋蒜泥同紅油嘅白肉就最啱我啦，呢個配搭口味比較重，鍾意食重味嘢食嘅朋友記得要叫呢個餸。
🥕蘿蔔 （+$7）
蘿蔔有四粒，每粒都幾大嚿，咬落嘅蘿蔔幾淋，蘿蔔非常鮮甜同好多汁。
🥤玫瑰洛神花茶（凍）$28
洛神花茶飲落去有好香嘅花味，幾清新怡人，落左少少嘅冰糖可以更加帶出花香嘅味道，食完辣野飲一啖洛神花茶可以幫助解辣。
🍵蜜桃烏龍茶（凍）$28
蜜糖烏龍茶就冇糖喺入邊嘅，更加啱我。烏龍茶充滿甘甜味，飲得出蜜桃味。而蜜桃有少許嘅甜味，個人覺得烏龍茶非常解膩，食完啲重口味嘅嘢，飲啖蜜桃烏龍茶用嚟清清個口係幾唔錯嘅。
總括而言，呢間係一間我會再encore嘅餐廳。外賣都咁好食，有機會一定會去試下堂食，應該會再好食啲。
张贴
