筷子記

营业中

休息中

話說都好耐無寫過食評喇 .. 但係最近因為睇左openrice中環區既推介見到筷子記 .. 所以就去左試喇 !!上幾個禮拜有日放假同家姐特登由沙田搭車出中環食野 .. 好彩地點唔算難搵 .. 因為有google map幫手 .. 仲發現原來附近都有好幾間食店 .. 都係openrice有介紹的 ,. 下次可以一試 .. 去到間鋪細細地 .. 下午5點幾時間都差不多坐滿了 .. 睇完menu .. 同家姐兩個人嗌左2個3送既撈粗 .. 一個係沙茶 一個係沙嗲 .. 都好快手就黎到 .. 個面都幾大架wo .. @@ 有d眼闊肚窄 .. 一食 .. 嘩 .. 好味 !!!! d汁好夠 .. (我好驚d面乾爭爭咁) .. 推介澳門包心卷 ./. 魚蛋 同麻辣豬頸肉 .. 沙茶係辣過沙嗲的 .. 食唔到辣既朋友就試沙嗲會比較好 .. 食完個面都好飽了 .. 本身仲話想試埋d豬扒包 .. =,= 都係下次先 其實最好係嗌一個面兩個人share再叫其他野食 .. 好平呀 !!!! 兩個人只係食左60蚊唔夠 .. 連我家姐平時懶得出去搵食既都話好推介 .. 一定會再黎 !!!

聽女朋友說,平日午飯時段的筷子記總是排滿長龍,這日正好趁佛誕假期,人客不多時去試一試.小店面積不大,一邊是製作食品的攤檔,另一邊則是座位.座位不算寬闊,但總算沒有出現背貼背的情況.冷氣非常充足,令人坐得很舒服.我直覺認為筷子記的老闆幾有良心.長龍店喎,俾著其他老闆,啲位仲唔有咁密排咁密,冷氣仲唔有咁細開咁細?等啲客坐得無咁舒服渣渣淋食完走,食神都有教啦.鋪面充斥著各種葡式小擺設,牆壁和枱面貼滿介紹筷子記的剪報,既收宣傳之效,報章圖片又可作為顧客點餐的輔助,效果平實又親切,呢一點值得其他小店借鏡.員工勤快有禮,我點食物時心大心細諗咗成個幾字都無人催促落單,當然也有可能是由於假期人客不多的關係.食物價錢以中上環來說不算貴,HKD30以內可以享用一個三餸撈麵和一杯凍飲.食物質素不錯,試了六款車仔餸,樣樣都幾好味.咖喱撈油麵+麻辣豬頸肉+咖喱蘿白豬皮+路環腐皮角--油麵麵身頗淋,淥的時間過長.咖喱蘿白豬皮夠甜夠淋夠香.麻辣豬頸肉吃不到麻辣味,豬頸肉也不算彈牙,但份量頗多.路環腐皮角其實比較似蛋角,本身是設計用來沾汁醬的,而筷子記的汁醬味道都很好.有一點不滿意的是,店方的order紙不清晰,我圈

幫c6拿咖啡磨豆機去上環維修...食左幾日蕃薯..係時候食下其他野...記得2,3年前跟c6 來這裡堂食, 那次肚滯滯..只看著c6 吃..今次再看食評..水準似乎仍然keep 到..姑且一試下午茶時間特別長..真係可以當晚餐..外賣淨餸 + 無花果蜜..原來無花果蜜屬於懷舊飲品, 要加 $3..(合共$25)呢排光顧了幾間店子都沒有額外收外賣盒$...淨餸可選3 樣, 另選汁選了:1. 澳門包心卷 - 4pcs魚肉包著豬肉...兩者味道都偏淡..可能洋蔥汁太濃太甜..蓋過了2. 豬腩肉 - 4pcs少少的一塊, 皮+膏沒有吃..不知是否炸過很乾身, 豬肉味濃..甜甜的..帶少少咬口...雖然不juicy, 但都好好味3. 青春魚肉腐皮卷 - 4pcs 唔知點解d名柑長..單睇腐皮卷的外表, 黑黑的一舊, 皺皺的..很難與青春掛鉤很薄身, 餡灰灰的..表面少少脆...魚味不濃, 不太油..ok 啦洋蔥汁量很多, 有洋蔥絲..真係可以自己加烏冬去撈..有洋蔥味..如果甜味可以減少少, 洋蔥味提升少少更好三樣食物中最好味係豬腩肉吃後幾個鐘, 有點口渴..不知是否味精作怪至於無花果蜜..留給

都知道哩間日日LUNCH幾乎都排長龍再睇食評 評語亦都好理想於是乎帶女朋友黎試下~原來係車仔麵 當然亦都有其他遺擇~今次叫左魚肉腐皮+魚片扒 + 魚腐 ...一個咖哩撈 ..一個沙茶湯米配料幾特別 香港少有醬汁亦都幾惹味整體味道幾好而服務呀姐好HELPFUL 主動講解配料怎樣MATCH至於環境都唔可以太過苛求 畢竟都係一間茶記

本來想唻寫我試O左O既 沙爹汁 + 粗麵 + 腐皮卷 + 包心卷 + 熱奶茶 都唔OK, 係以後唔會再幫襯O既!!但竟意外發現各位食評人一致讚好~ 所以我決定再比機會佢!! 不過沙爹汁 + 粗麵真係一餅又唔好味~ 腐皮卷 + 包心卷亦冇佢O的名咁特別~~所以下次我會試大家推介O既咖哩汁 / 沙茶醬 + 魚腐 + 蛋角 + 烏冬~而熱奶茶就一定要記得多奶!! 最後補充, 下午茶$24 兩送 + 飲品 係好抵O既!!服務態度亦好~

同事第一次帶我嚟食,我叫咗澳門包心卷,魚腐,生菜湯米線,包心卷&魚腐都好好味,同事叫咗包心卷,魷魚,生菜沙茶醬撈烏冬,試咗佢啲魷魚同撈烏冬估唔到仲正,但見其他人叫撈米線就太乾,索唒汁下次一定會試沙茶醬撈烏冬!

一打開 Openrice 開飯熱店大賞畫面，click 入投票區，正是港式茶餐廳，見到「筷子記 」入選為熱店，搵個星期六再幫襯！我打算去 Ginger Bakery 食下午茶，所以食雙併就夠！http://www.openrice.com/restaurant/commentdetail.htm?commentid=2151959豬腩肉 + 澳門魚腐 + 米線 + 招牌豉油 $28 豬腩肉 – 只有 3 件，半肥瘦豬腩肉，尚算入味，食落肉質硬咗些少！加埋豉油更滋味！ 澳門魚腐 – 幾好食！不過，比預期細件，感覺上好似食鯪魚肉加層腐皮。 米線 – 我覺得撈米線係最佳選擇；可保持煙韌口感！湯米線恐怕會越食越腍。 招牌豉油 – 就算將所有豉油撈勻米線，一樣唔夠味；我要求店員加豉油，佢送上一個豉油碟嘅豉油，再倒哂落去撈勻，終於夠入味嘞！另外，我見到同枱嘅絲文靚女食客同樣食招牌豉油撈米線嫌淡味，要求店員俾 沙嗲汁，原來用碗裝，份量不少！我好奇問一問她，沙嗲汁辣唔辣？只是微辣，既然係咁！下次試吓！ 特飲：熱無花果蜜 +$3驟眼看同一杯蜜糖無咩分別，其實，味道只係無一般蜜糖咁甜；可惜無落原粒無花果或

年廿九 二人去行年宵之前總要醫一醫肚, 見順路便去了這間筷子記一嘗。第一次幫襯 , 入到去第一個感覺個環境好有溫暖感。 果陣店內人不多 大約3,4個.一坐低 , 女店員就問我地食過未 , 又介紹了幾款最多人食既餸。又話 廿四蚊 - 兩個餸 , 廿六蚊 - 三個餸 , 凍飲 +2 特飲+3因為都未搞得清邊隻係邊隻 , 隻隻睇落都好好食咁 , 就在三心兩意之時 , 個女店員就指一拍台上面啲圖話俾我地知係咩黎。間店真係好好 , 台面下都攝左啲餸既相 。有得睇埋圖簡。最後簡揀左既寫係張紙度, 搞掂!等食既時候 , 係度睇貼係牆上的雜誌報導既食評。真係想有機會再黎試 唔駛幾耐野杯飲品就黎啦, 凍檸啡 & 熱柑桔蜜。熱柑桔蜜普普通通啦 , 凍檸啡真係好有趣 我未飲過覺得好新鮮, 個感覺好似飲可樂咁.食物亦隨後送到, 熱辣辣香噴噴. 咖哩豬皮羅白+豬腩肉+ 咖哩魚蛋wif 沙嗲米粉 呢個咖哩汁辣辣地味又唔算太濃 , 咖哩魚蛋普普通通啦.豬腩肉幾好食呀 3層質感 肥瘦脆 包心卷+魚肉腐皮卷+魚腐wif沙茶醬粗麵到我個碟 , 沙茶醬先係精髓 , 好香好惹味 , 相比咖哩汁沙茶醬係冇乜辣,仲有少

日日食港式早餐,有時都想轉下口味! 平時下午要排隊又多人, 今日早餐試左個 咖哩汁肥牛魚腐米粉, 如果選咖哩汁要有心理準備個汁都辣架, 魚腐剛炸很脆口, 肥牛就唔算特別只係自己想食牛, 另外點了 招牌豉油汁大腸辣蛋撈麵, 辣蛋好得意, 有辣味既煎蛋, 都有點辣, 不過好地道,同老闆傾左陣 ,老闆係澳門人, 好nice,好想係hk比人食到澳門特色地道菜, 加上都低吃呀..... 下次再試其他野..

我本身個人好懶下, 冇寫食評一排, 今次唔寫唔得太好食laaaaaaaaaa7pm 放工, 同個friend搵個位傾下計... 又想食少少野. 徘徊中環一圈, 見到幾平, 仲有下午茶, 所以入左去...細心一睇... 嘩, 佢個下午茶去到2-9pm... 真係幾下午茶war~!! 正,重點 : 之後叫左個豬扒包好食到, 真係一路食一路讚...嚴格上, 冇一樣野會彈佢...分部份黎講會好D...1) 個包好溫暖又軟綿綿, 口感一流2) 包入面好似有少少煎過... 而且佢有好好味ge 牛油... 一D 都唔Hea~3) D 醬汁 好好味, 唔太油, 又入味4) 個件豬扒好脆, 又唔韌 炸得唔過火...正!

元旦日，午市時的芽莊大排長龍，被迫改變目標。不想再走遠了，就就地解決，在威靈頓街的三大記中選擇：麥奀記、筷子記、沾仔記。一直未試過筷子記，就決定到那裡一試。一步近店，站在門口的阿姐以立即一輪嘴地拉客：「入黎喇，呢度啲撈麵好靚㗎，喇三餸麵好抵食呀，送野飲呀，最靚嘅係一二廿二呀好正架入黎喇好抵食㗎...」聽得頭昏腦脹，也沒心機繼續細看在門口的餐單了，就立即快步進內。「帶佢地去八號枱呀佢地唔識去唔知喺邊呀八號枱呀..」在八號枱一坐下，疑似老闆的男人立即上前介紹餐單：「食咩呀？喇呢度撈麵好靚呀三餸麵最抵食呀。喇最靚係一號二號廿二號呀，馬交魚羹你食過未呀？包心卷都好正架。喇呢啲豬大腸一啲都唔肥㗎。喇你叫麵就送野飲，熱飲奶茶檸茶檳水阿華田嗰啲唔洗加錢，懷舊飲品就要加兩蚊..三餸麵最抵食呀...最靚就係一二廿二..」又是一陣密集式轟炸。老闆終於放過我們，容許我們冷靜地看看餐單。長呼一口氣後，決定要試試比較特別的餸，最終叫了金菇、鹽香蕃茄、辣蛋，併招牌豉油汁撈米線；另飲熱檸蜜。爸要了個加底的湯油麵，媽要了沙茶醬撈米線。麵都很快煮好，豉油汁一抹黑色的將白雪雪的米線沾黑。快速撈好汁與麵，再交換一下各人的餸

行入舖頭，已經feel到d夥計好熱情。 阿叔見我地望來望去都唔知揀咩好，閃身攞張雜誌出o黎，話蔡瀾都幫襯d乜乜...落o左柯打啦，想影張合照，阿姐二話不說攞起相機，仲搞笑咁話自己好專業 =.=呢度主打澳門車仔麵，當然要試下，叫了一乾一濕：推介澳門包心卷、沙茶醬魷魚、冬菇。沙嗲汁一般，反而窮人洋蔥汁甜甜地，幾得意。最鐘意o個一羹花生，咯咯脆呢度格局有點懷舊，雜誌剪報多到好似牆紙咁貼，而且四圍都見到一d金句，其中一個幾有趣打工仔八大忌：講你又唔聽，聽你又唔明明你又唔做，做你又做錯錯你又唔認，認你又唔改改你又唔服，服你又唔講真係鬼馬!

店鋪標榜自己是澳門式的茶餐廳，整間鋪不大，裝修得很有懷舊味道，有一點像蘭芳園；看餐牌，主打澳門式車仔麵，豬扒包，麥多和辣魚包。自己一個人，不能一次過全部試晒，先試試我愛吃的豬扒包！點了一個豬扒包茶餐：：豬扒包：和我想像的頗大出入，因我以為是用豬仔包的，通常澳門都是用豬仔的吧....但來到的是餐包！但不要緊，只要好吃的話，甚麼包也可以。對於用餐包，我覺得是一種挑戰。一般人也會喜歡豬仔，因為豬仔容易做到外脆內軟。但餐包很難做到外脆。眼前這個，雖說不上外脆，但看得出有烘過，包面有一點點金黃色的泡泡紋。烘過的包，無論外貌或香味方面，怎樣也會加點分。咬下，鬆軟的部份做得好，亦有包香；是比一般港式西餐廳的餐包好吃。說到餡料方面，除豬扒外，還有一些像沙律醬的物體，但是奶黃色的。醬料味道酸酸甜甜，塗的份量剛好，不會過酸，和豬扒很夾。豬扒則是一般貨色，無論熟度、軔度、味道、大小各方面也算是合格，但沒有令人驚喜的地方。整體來說，是ok的，但不是如餐牌所寫的「必試」食物。奶茶：茶味和奶味也夠，但沖得不夠厚身。杯是膠做的.，如用玻璃杯感覺會更好。在店裡看到很多雜誌簡介的剪報，看來是懂得宣傳推廣的一間餐廳，不知

撈麵 : 幼麵 + 澳門包心卷 + 路環香腐角 + 澳門魚腐 + 沙茶醬 I was most looking forward to tasting the sa cha sauce. It’s difficult to get the taste just right, and you usually either love it or hate it. I was worried. I needn’t have been. It was neither too overpowering nor too mild. However, I guess it could have done with a stronger peanut taste, for the personal reason that I love a good peanutty taste. Another downside is that it seemed to have too much corn flour mixed in, and was slightly too thick/ coagu

試完麵尊的香港車仔麵，今日決定食下澳門車仔麵，於是走咗筷子記。筷子記賣的不是筷子，店名沿自澳門「筷子箕」的這個地方。他們賣的主要是地道的澳門麵食、豬扒包、辣魚包之類的小吃，店子小小的，座位數張檯椅一眼看齊了，Lunch$32自選三送一麵+飲品。基本嘅粗麵、幼麵、油麵、米粉、米線通通有齊，可湯底/可乾撈，可揀咖喱汁，洋蔥汁，沙茶醬，看了牆上的剪報推介再自己胡亂拼湊；從點餐紙上自行剔選，青春魚肉腐皮卷、瑞士雞翼、包心卷。青春魚肉腐皮卷經油炸，但如何青春？則不太明白；瑞士雞翼是雪藏品，不過那個瑞士汁倒是有點特色，混了點甜醋，甚有住家風味；包心卷似魚蛋，一般質素，窮人洋蔥汁其甜度較高，很好送麵，乾撈油麵，油麵的質感有點像意大利扁麵，彈牙有鹼水味，也挺特別。咁多樣當中，最好的係羅漢果茶，這店賣的真材實料，沒加多餘的糖，天然的微甜後回甘。畢竟澳門地道美食香港還是難尋，下次會再來。