筷子記

营业中

休息中

間舖細過籠屋 枱貼枱逼到側身食 冷氣唔夠 焗到成身汗💦地下仲黐笠笠 凳腳仲𠽌𠽌聲咁搖 驚坐到散架啊大佬！😫一坐落 個阿姐已經拍張單過嚟：快啲啦！食乜啊？😤跟住全程黑面🌚催落單、催食飯、連埋單都催，食到胃抽筋⋯嗌咗碗 豬扒湯麵 個湯底淡過白開水 一啲鮮味都冇 飲兩啖懷疑自己味覺失蹤啲麵淋patpat一夾就散 似浸咗成日嘅隔夜貨！🐷 豬扒仲離譜——肉質乾過柴皮仲要💣鹹到苦人均唔算平但換嚟🔥：趕頭趕命＋難食到懷疑人生＋服務零分🚫真心勸你哋——過主啦！💣貼錢買難受🙅‍♀️💨

一进店门就被满满的港片复古风包围！墙上的旧式招牌、木质桌椅，连老板娘阿姨们利落的点单声都像极了上世纪的香港茶餐厅～这家店最妙的是定制车仔面，从底面到配料全由自己搭：底面选项超丰富：幼面/粗面/米粉/米线/油面还能加乌冬！(菜单p5)🌽配料控狂喜：马交鱼羹、澳门包心卷、瑞士鸡翼、咖喱猪皮萝卜…数十种鱼肉、荤菜、蔬菜随意配，推荐必加 HKD15 炸猪排！(p3) 外酥里嫩，焦香肉汁渗进面汤，简直是灵魂搭配💥朋友点的粗面配萝卜鸡翼(p4)，鸡翼卤得入味，萝卜吸满汤汁超软烂～我还偷偷瞄到旁桌都在点炸猪排煎蛋饭套餐(p7)，简直是打工人的疗愈午餐！最后一定要来杯冻柠茶，酸甜度刚好，喝出老香港的怀旧味～🚩Tips：店内生意超火，赶时间建议错峰！无论是想体验地道车仔面的游客，还是寻找午间美味的打工人，这家店都能让你瞬间穿越回旧时香港～

先把醜話說在前，分別是衛生及態度問題，好的方面是價錢及食物味道。這裏的洗手間很特別，裏面堆滿了一堆雜物，最特別的是見到「大強」，爭啲畀佢躝到上腳，兇險非常！姨姨員工是相當積極的，在速度層面想這是沒話說。只是態度方面不受大眾歡迎，例如是過於催促下單，所以和食客之間不時出現尷尬場面。在狹窄通道之間通過，姨姨們並不會互相禮讓，因此難免期間出現磨擦，真的是讓男士不好意思。姨姨們除了催促顧客，還有對顧客反白眼態度，就是一臉不屑顧客緩慢配合。菜單及價錢方面，這是不太清楚的，很難理解車仔麵的基本售價是多少。下單後看見銀碼，也感到非常意外，2025年的三餸車仔撈粗，竟然港幣36元，確實不是千禧年的價錢嗎？另外叫了一客凍檸茶，只是收費15元，而每客最低消費是13元，真的讓人感到意外，好像時光倒流。食物味道是特別的，都時往正面方向，豉油及芥蘭味道都和別家不一樣，是吸引的。這一次是晚上到來的，現場觀察多數是本地熟客，因為他們能夠迅速柯打，另外也見一些年輕的內地旅客。總結以上，無論是堂食抑或外賣，這都是最後一次的光顧，幸好回家以後並沒有拉肚子，真的幸運。

中環筷子記，之前成日都會經過，但係冇入過黎食嘢。佢係寫紙仔落單既，但係啲紙仔有啲污糟。我叫左份沙嗲汁撈米線加左肥牛，澳門包心卷同埋豬扒，餐飲叫左杯凍檸檬茶。撈米線味道普普通通，肥牛炸豬扒亦都冇特別，唔太鐘意食個澳門包心卷，而檸檬茶就叫正常啦。不過呢間餐廳既環境真係比較一般，地下有垃圾重要濕濕立立，而且因為位置有限所以要同人搭格，不過搭格都唔係問題，香港寸金尺土，搭枱係ok既。最緊要都係個衛生要搞好啲呀，同埋最好啲位唔好離個廚餘桶咁近啦。冇下次啦！

平時都有食開呢間餐廳，今日假期諗住去開呢頭就食啦，今日本身拎嘅袋比較多，所以放咗喺其中一張凳度，未食到一半，佢就叫我去掉位，然後係咁叫人入嚟坐，直接拎起人哋成個碟，爭啲成兜跌晒，去到後尾再叫人入嚟，就想趕我走，心諗我一半都未食完，去到差唔多最後食完就收咗我隻碟，飲完嗰一刻就趕我走，服務態度極差，叫佢抹枱，直接掃落地就算數，我諗一段時間唔會幫襯囉，食物正正常常，對得住呢個價錢，但服務就唔好有期望啦

叫咗兩個餐，外賣都幾快送到，20分鐘左右。可惜多少有啲錯漏。本身叫瑞士雞翼咖喱魚蛋墨魚丸「米粉」，但嚟咗「米線」睇返應該係餐廳有人接單後，人手會再寫一次單比廚房，個個步驟寫錯咗。味道都Ok，瑞士雞翼咖喱魚蛋都入味。湯底味道有啲特別，有啲似藥材味（？）少少清淡，唔肥膩。飲品叫咗凍美祿，夠凍。$40係中環黎講算好抵食。另外$12要多咗個雞翼，紙杯送上。另一個餐，路環香腐角蠔油冬菇咖喱豬皮蘿蔔「走豬皮」嚟到無走到豬皮，好彩咁啱有其他人啱食無浪費到食物。見個名「路環香腐角」好似幾特別叫嚟試吓。唔知係咪本身呢種食物就係咁嘅口感，覺得比較柴，以炸豆皮為主，中間無咩白色豆腐餡。冬菇&蘿蔔都入味，蘿蔔無特別甜。

中環「筷子記」是街坊熱捧的澳門式車仔麵老字號，以親民價錢與地道風味取勝。小店主打自選車仔麵，湯底可選清湯或濃郁咖喱汁，撈麵或湯上，配料選擇豐富，如滷水雞翼、豬紅、蘿蔔、魚蛋等，滷得入味軟嫩。招牌咖喱汁辛香微辣，層次分明，搭配彈牙粗麵尤其過癮。另推薦炸魚皮，酥脆不油膩，浸湯後半脆半軟更添口感。店面狹小僅容數人，午市常現人龍，但出餐迅速，充滿街頭快食風情。人均約40至60港元包飲品，份量實在，是體驗香港平民美食的經典選擇。

「筷子記」呢間小店雖然細細，但係中環區罕有嘅平價撈粗店！最吸引係三餸撈麵都係$36，等你飽飽食返個餐！必食推介：1️⃣ 澳門撈粗配料- 澳門魚羹：似魚滑- 腩肉：肥瘦適中- 鷄翼：入味唔乾- 魷魚：水準之選2️⃣ 醬汁特色- 沙嗲醬：夠晒入味- 咖喱：味道清淡啲3️⃣ 飲品- 凍檸茶- 凍奶茶🌟🌟🌟🌟🌟🌟🌟🌟🌟🌟🌟🌟打卡貼士：❤️店鋪細，要搭枱💚建議避開午市時間💛收費方式可能有啲混亂Rating：懶惰鼠😻😻😻😻懶惰虎🤩🤩🤩🤩人均消費：$36

有時候晚飯時間都好想食下午茶，咁嚟呢一間就啱晒，奶茶係非常好飲，有質素，撈麵沙嗲汁都係非常濃郁，值得推介！ 餸就推介魷魚冬菇同埋魚蛋！唯獨一次食個雞蛋三文治佢塊蛋好薄就覺得性價比較低

其實幫襯咗呢間嘢接近5次, 平時態度都好一般，但係嘢食幾抵食. 尤其是喺中環呢個價錢，同埋有啲澳門嘢食都幾得意。 但係今日午餐過嚟食完全發咗癲咁，😂其實我只係坐低食咗20分鐘左右，有人打俾我聽咗個電話，攞咗張銀紙500蚊出嚟都未話要俾錢，跟住佢攞咗我張銀紙嚟找，然後就係咁拍我走，放人入黎，冬天着緊件外套，好似厭我着得慢。跟住我個可樂未飲完又想收咗我。惡死 + 半串嘴口吻同我講byebye.. 好癲⋯⋯ 唔會再去，好受氣！如果老闆有自己仔女睇到呢個評語，真係要檢討吓你哋餐廳嘅服務，其實本身食40幾蚊嘢就冇諗過要服務，但起碼唔使言語發癲襲擊人掛。

我從來未試過幫襯一間咁混亂嘅舖頭。落錯單計錯數甩單樣樣齊。 我第一次去係堂食加埋我淨係有四個客個老闆都會計錯數同埋落錯單，打算比多第二次機會就外賣，點知就甩單其實當其時唔超過10個人堂食加埋三個至四個外賣。所以係一間超級神奇嘅小店廚房有三個姐姐做緊嘢都非常混亂然之後有一個超級慢嘅姐姐做打包都係好慢個老闆就真係唔知自己做緊啲乜？真係一定冇下次。

午餐想食車仔麵，同事推介我食筷子記，是我食過最最最差一間餐廳，想像不到的難食車仔麵，環境污糟又簡陋又逼夾。粉麵好重鹼水味臭難以入口，一碗麵完全食不下，怎樣可以在中環旺區生存。

環境：擠逼衞生：一般，可以乾淨整齊d更好服務：媲美九記、澳牛（呢d地方唔好計較）是但啦！價錢：屬抵食嘅，咁唔好計較咁多囉！食慣港式車仔麵，相比呢度車仔麵可以㨂的餸唔多，佢話澳門特式，㨂得落手好像得一兩款，店員說最少要㨂兩款。結果餸點了：咖喱豬皮蘿蔔(辣)：蘿蔔入味馬交魚羹：似魚滑，味道質感ok澳門包心卷（魚肉包豬肉）：以魚片多餸份量唔多油麵：麵ok 湯底：Ok la，佢介紹湯底係澳門特式醬油湯底，可以啦。奶茶就一般

星期六經過中環做嘢突然間想食車仔麵，search到附近有間澳門車仔麵，見幾特別就試吓。叫咗個三餸車仔麵外賣 沙茶醬魷魚、咖喱豬皮蘿蔔 和金菇 米線 ($63)基本上成碗嘢除咗小辣之外，所有配料都淡而無味🥲 魷魚爽口但冇味 蘿蔔都夠淋生嘅，湯底唔見得好出色。總括而言，係一間極普通嘅車仔麵。

去完一次唔會再去今日食咗一碗2餸咖喱車仔麵，碗麵係完全冇咖喱味，淨係食到辣。之後，我食完1分鐘左右有一個阿姨即刻收走哂我啲嘢，直接計埋條數就叫我俾錢。望一望個埸，只係有一兩個客等緊。我拎銀包出嚟，阿姨再返轉頭再問我得未呀，趕客走咁。