立濱 (已結業)

企係度食壽司就聽過好多次，食就真係未試過，去完旅行約朋友比手信，就試下企係度食壽司 - 立濱叫左一個omakase 同朋友一齊share 禁食，再另外叫左好多壽司，全部都值得再三回味！𩶘魚 - 師傅用滾水將魚燙過，魚肉會較為爽口，我食落覺得比較淡味阿根廷赤蝦大大舊赤蝦，口感豐富，彈牙，配上少量海膽，更添味道秋刀魚秋刀魚係依家最時令既魚類，所以好肥美！真係忍唔住叫多左兩舊黎食！甘目鯛即紅衫魚同類，配上酸味啫喱，同樣用滾水燙過，會更爽口，口感層次更吸引！北海道海膽Creamy 十足既海膽，更用上北海道，非常鮮甜！又忍唔住叫多左舊黎食中拖羅中拖羅油脂非常高，而根就較少，入口就無左半舊，點算活赤貝大大舊赤貝，係厚肉！非常厚肉！一口係食唔哂，而且好甜，加上師傳拍一拍，令肉身更爽口火灸左口魚群邊經過火灸，左口魚群邊既油脂大爆發吞拿魚手卷紫菜經過燒灸，所以特別脆！吞拿魚蓉係多過舊飯，食到最尾都唔會只有飯甜品- 厥餅係自家製，唔算太甜，如果覺得唔夠味仲可以配上黑糖

香港地小租貴，相比起日本更適合立食。最近尖沙咀區都多開幾間立食嘅壽司店。立食原意係想加快翻枱速度，但配上要用心感受嘅壽司好像有點背道而馳，而另一角度睇用較優惠嘅價錢食到高品質嘅食物，我又唔介意無櫈坐啊等左大概15分鐘就可以入去，雖然無得企bar枱感覺爭小小，但因為我唔善長吹水所以企靠牆都Okay。不過企bar枱可以隨時叫師傅即時追加，又非常方便先點一份廚師發板，除左想食時令刺身壽司，仲可以多份驚喜！今日我地嘅廚師發板10点set有：中拖羅、油甘魚、火炙左口魚、北海道海膽、秋刀魚、鰆魚、金目鯛、阿根廷赤蝦、帆立貝及深海池魚由於係拖羅愛好者，立濱嘅中拖羅壽司絕讓食客不感失望，入囗即溶，好軟身，魚味較出，而且偏甜 ，魚油份量恰到好處不誇張，岩岩好！！另外而家時令嘅秋刀魚及鰆魚都好吸引，秋刀魚魚味濃郁 ; 鰆魚肉質偏軟，配上香香嘅黑椒味另外叫左1set上壽司盛6件：中拖羅、三文魚、帆立貝、甜蝦及兩款白魚(其中一款係油甘魚)除左無得輸嘅中拖羅，帆立貝都好出色，鮮度十分又軟身，配小量黑松露醬，味道不感單調除左壽司，其實仲有旁邊嘅配菜都好好食，真係可以食到一件不漏基本上每一個人set都夠食，當然有啲

立濱自從去過一轉豊洲市場食過壽司大之後真係返唔到轉頭，係香港一直都想搵好食既omakase 試，今次食呢間雖然未去到壽司大level，但已經做得好出色。呢間係比較特別既壽司店，係立食店黎，所以如果你一定要坐先食到嘢既話呢間未必岩你，但個人認為企係到比我感覺都唔錯，同廚師同一水平咁傾計都幾特別。我同朋友入到去諗都無諗就直接叫左omakase黎試。師傅每次都即整再上，每件上既時候都會講魚既名同食法，都係常見既omakase會做既嘢，起碼唔會令食客錯誤品嚐而影響口感或者味道。係10件壽司當中最有印象係赤蝦，帆立貝同埋鰻魚。呢三件係食過之後忘懷唔到，鰻魚厚身加埋濃厚既汁真係一流，另外兩款壽司非常新鮮鮮甜，超值得一試。

其實Omakase唔一定好貴！$300以下嘅立食Omakase香港餐廳推介‼️ 10件廚師發板熱都係一絲不苟，試過一次你就會知道依個價錢嘅性價比真係好高難怪三個月以來大獲好評！🍣師傅發板 Omakase 壽司盛10件 ($298) 完全係一件手握壽司都絕無馬虎💪🏻 火炙嘅每一件都係入口即溶😍最最最鍾意一定係左口魚💕另外嘅刺身盛 12切 $398 圖中可以見到肥美厚切，絕對物有所值師傅發板 Omakase: 壽司盛10件 $298 刺身盛 12切 $398

最近好忙，心情麻麻地，所以要對自己好少少，雖然仲有好多野要做，但係都同左朋友去食呢間立喰壽司！雖然店仔細細但係都非常之乾淨整齊，俾人好舒服嘅感覺(๑>ᴗ<๑)首先試佢嘅漬物，酸薑，蘿蔔，牛蒡，蒜粒，全部都非常好味，令人想追加 🙊之後就到壽司喇，非常鍾意呢個大吞拿魚腩壽司，油脂分佈剛剛好，入口綿滑(๑˃̵ᴗ˂̵)و 三文魚壽司亦都十分新鮮，嫩滑！大大粒帆立貝壽司，除咗好鮮味之外，味道亦都比上面好香嘅黑松露籠罩住，正！北海道海膽壽司，海膽又甜又甘香，仲好足料🤤鰻魚壽司，非常之厚切，一啲都唔會腥，加上好香嘅鰻魚汁，口感大滿足！炙燒吞拿魚腩，同埋炙燒三文魚腩，外面焦香，入口甘香(◍ ´꒳` ◍)值得一提嘅係，全部壽司飯都帶少少微酸，恰到好處，十分推介！之後我再試咗火焰芝士蟹棒壽司，鮮甜嘅蟹肉，再加上香味十足嘅芝士，冇得輸！阿根廷赤蝦壽司，大大隻蝦肉，平時食甜蝦壽司，隻蝦都係好腍，但係佢呢隻蝦居然腍得嚟係好爽口，食得出嘅新鮮(๑• ω •๑)試埋呢個加拿大海膽壽司，顏色比較深色，味道一樣係非常之甘同香甜(｡･ω･｡)金目鯛壽司，上面有用醋整嘅啫哩，十分特別，魚嘅鮮味加埋醋嘅味道相輔相

現在香港新開了很多立食壽司餐廳，主打用實惠的價錢食到質素上乘的壽司🍣 今日就試下這間立濱，原因係298就可以食到廚師發辦壽司，平常呢個價錢真係唔好諗可以食到！當晚去到的時候比較早，所以客人不多，可以和師傅好好交流，佢都好nice咁同我地介紹點了一客廚師發版壽司，一共有十貫，師傅會根據現在最當灶最新鮮的魚做成壽司，食客並不知道會是什麼，所以期待感💯油甘魚 - 油脂豐盈金目鯛 - 酸汁jelly，好清甜 比鯛魚好食黑鯥 - 魚肉質較軟 雖然不算甜但油脂香口阿根廷赤蝦 - 用上黃金蟹麵鼓，有濃郁既蟹味，赤蝦好大好新鮮，好好味黑松露帆立貝- 黑松露味掩蓋不了帆立貝的鮮甜雪花吞拿魚腩- 入口即溶北海道海胆- 很creamy，但不夠另外點的韓國海膽甜呢蒜香燒toro- 魚油加上蒜香，真是完美配搭燒左口魚裙邊另外仲單點左鰻魚、韓國海膽、深海池魚、甜蝦等等，全部都勁新鮮勁好食呢間餐廳既壽司真係好好食！！超級推薦呀

今晚同朋友去尖沙咀行完街, 搵嘢食, 間間舖頭都要排隊, 見呢間有位, 即刻入去喇! 入面裝修簡潔, 感覺好舒服.唔好以為立食壽司既食物就會差D或者唔新鮮, 絕對唔係, 呢間反且超新鮮, 同埋環境清潔乾淨. 全店只有8個位, 但係2位壽司司傅分別係2個bar枱製作食物, 其中1個bar枱係舖中間, 增加左同客人既親切感!全店日本產米使用是當然吧^^特選壽司盛 (8件)中吞拿魚腩、海膽、油甘魚、間八魚、三文魚、阿根廷赤蝦、季節精選x2整個特選壽司盛既魚都好鮮味, 海膽少少腥味都無.今晚既季節精選係魴鮄魚同埋太刀魚, 呢兩種魚都唔係時常有得食, 油份唔多, 正!大吞拿魚腩, 三文魚腩, 金目鯛, 帆立貝, 蟹棒大吞拿魚腩好鮮味, 肥美, 少少筋, 入口即溶!金目鯛配上啫喱狀醬油, 味道好夾帆立貝配黑松露, 新感覺.活赤貝, 鰻魚, 蔥花吞拿魚腩活赤貝超鮮甜, 推介!每碟都會配上配菜, 包括wasabi, 薑片, 黃蘿蔔, 牛蒡同埋日式蒜頭.

喺日本就會經常食到高質又唔貴omakase, 喺香港就從來都未食過，所以前幾日就心郁郁同朋友一齊去試一試啦，點知發現香港嘅omakase同樣超有驚喜，都係好好食嘅👍🏻👍🏻👍🏻漬物方面有幾款， 只要一食咗啲啲，師傅就會立即幫我地補上，超細心其中令我最驚喜嘅係黑松露帶子壽司，濃郁既黑松露，更加帶得出帶子嘅鮮味，食得出帶子超級新鮮，係令人超滿足嘅呢款蟹膏蝦壽司同樣超級美味，蟹膏濃郁嘅味道，配上鮮蝦嘅鮮甜，令人回味無窮拖羅嘅油脂分布得超好，真係食到入口即溶嘅效果，食完嘅油香仲係口中徘徊，令人滿足而其他omakase既壽司，同樣都係做得超細心，超有技巧， 每款所搭配嘅醬汁，同壽司都係超夾，抵讚！！！最後師傅仲為我地送上好特別嘅甜品，全部甜品都係由佢哋自製，甜度同賣相都一流👍🏻👍🏻

自從反送中活動開始，唔覺唔覺已經4個幾月LO，網上面講起邊D係藍絲餐廳，邊D係黃絲餐廳，果刻先發現原來有好多餐廳都係大集團連鎖式經營，有特色，有Heart的餐廳真係買少見少。行去宜昌街搵野食時，見到一間門面好日式的餐廳，望望Menu，發現原來係立食版Omakase，個概念幾得意，本時對Omakase的印象都係好精緻，無千千聲都落唔到樓嘅野，好奇寶寶於是拉左男朋友入去一試。XD估唔到意外發現到好西，男朋友食完即刻話再搵日再黎食，認真高評價。立濱的鋪面唔大，一眼睇得哂，大約可以企到十個客人。牆身係非常有日本風情的櫻花、雪山的風景畫，木制傢私同裝飾，乾淨簡潔整齊，第一印象唔錯。師傳發辦壽司盛($298)壽司盛十分推介，廚司嘅心思，同對味道的追求都充分咁表現左出黎。先由旁邊的伴菜講起，有薑片、蒜頭、芥末，佢地嘅味道都突登整得比較淡D，目的在於想喧賓奪主，薑片帶微酸同辣，入口爽口舒服；蒜頭十分驚喜，入口無蒜果種蛋烈嘅辣同氣味，入口只有爽脆，唔食蒜的人都入到口；芥末入口有D夥粒，味道好輕，配壽司食十分剛好。壽司用上上等的日本珍珠米，口感煙韌、晶瑩爽口，師傳握飯的大小剛好，飯唔會太大舊，唔會太實，剛

過去聽過不少「要站著用膳」(立食)的日本食店，每次聽到朋友建議，都耍手擰頭，因為平日工作朝九晚九，連吃一餐飯都要站起來，多麼辛苦。不過今次因為偶爾經過，又想起朋友曾經介紹這一家食店，據知是一間良心食店，服務及食物水準甚高，加上是日休息，就試一試站起來吃飯是怎樣吧！食店不算大，相信10來人一同進駐，必定滿座，環境佈局充滿日本風格，感覺乾淨舒適，食店播著令人心情放鬆的純音樂 (應該是石進的「夜的鋼琴曲 (五)」)。當晚時間尚早，只有兩三位客人，人少少，不局促，真好！拿著點餐紙，肚子已打鼓，大筆一揮剔選多款壽司。【特選 - 壽司盛8件】中吞拿魚腩、海膽、油甘魚、間八魚、帆立貝、三文魚、阿根廷赤蝦、季節精選【師傅發辦 - 壽司盛10件】【其他】大吞拿魚腩、海膽手卷、炙燒左口魚裙邊壽司屬高水準，各類魚、蝦、海膽等，味道非常鮮甜，非常不錯，可見食材選擇相當認真。值得一提，食店配置的醬油不太鹹，我個人非常欣賞，過去的日本食店配置的醬油其鹹無比，每次食完都要飲大量茶水。雖然第一次立食，但感覺還是良好。之後我無意發現站著用膳原來對消化系統是有好的幫忙，想不到原來有此作用。總之，值得推介大家去嘗嘗。

自從上兩個月去過日本豐洲市場第一次食Omakase, 自此念念不忘！但香港食Omakase實在太貴，一路都無再試，咁啱經過尖咀呢間立濱食Omakase, 價錢一啲都唔貴，即刻拉老公入去試下！舖頭細細，係立食既～我地點左Omakase 壽司同刺身各一Set. 先來刺身，有6款，每款兩片！有鱆紅魚、中Toro、大Toro、帶子、金目鯛同深海池魚。全部都好新鮮，中、大Toro滿滿油花，入口即融，帶子鮮甜，池魚質感有啲似魷魚，鱆紅魚同金目鯛爽口！壽司有10件加甜品魚太（唔知寫得啱唔啱，但發音係咁）師傅話係類似斑類既魚，佢上面灑左柚子鹽，入口清新。黑松露帶子，好香黑松露香味，同鮮甜既帶子又幾夾！阿根廷赤蝦，好爽口彈牙，好有蝦味！深海池魚加左薑䓤，質地有啲似魷魚，滑得黎彈牙！金目鯛 面頭火炙過令到魚肉好香，上面配燒汁啫喱，一冷一熱，好特別！黑鯥魚，真係聽都未聽過，要問師傅先識寫，魚肉鹽燒過，可以唔使點豉油，肉質爽口。燒秋刀魚就食得多，刺身就真係第一次， 魚味好濃 ，質地滑，不過個人覺得有啲腥。北海道海膽，好鮮甜！中Toro，都係好肥美，好多油花！燒過既左口魚, 用左秘製醬汁，好正！滑到好似啫喱咁！

之前聽講尖沙咀開左幾間立食壽司（即係企係度食，不設座位），高質但價錢唔算貴，所以今日就同朋友黎立濱。店舖內係傳統日本餐廳風格既裝修，我幾鐘意呢種比到我去左日本既錯覺既餐廳，更加期待佢既野食。我地叫左個 omakase ，只係298蚊，呢個set 有前菜（漬物）、10件壽司 、一個甜品。前菜有黃瓜、蒜頭、荀。蒜頭醃得好好味，唔講幾乎唔知係蒜頭！十件壽司 件件都好新鮮，亦有精心調味！特別想highlight幾件金目鯛壽司上面有酸啫喱，師傅上壽司時都話呢個唔洗點鼓油，直接食就得了。酸啫喱同魚味好夾，呢種調味方法睇得又食得，好有心思～有黑松露醬既帶子阿根廷赤蝦壽司師傅以蟹膏做調味，幾得意，蟹膏味都好香好濃北海道海膽壽司呢個真係超！好！味！世！界！級！！好多汁好鮮甜！！完全唔苦澀唔腥（香港好難食到唔腥既新鮮海膽）係驚艷既程度！！朋友之後再追加。呢個係全晚最精彩既！師傅仲話，早一兩個月黎既話，果批仲鮮仲甜，好想試呀～大拖羅色澤真係好靚，好香既吞拿魚油香味，食落好幸福haha，之後仲追加左件。仲有呢件都一定要提！炙燒左口魚- - 又係世界級！！超級好味，滿口油香，調味滿分，好好味！師傅會同客人傾計，

平時食 Omakase 動輒都千幾蚊以上，唔係大時大節都唔捨得食得咁奢侈。最近立食壽司店越開越多，可以用比較親民嘅價錢食到高質素嘅壽司同刺身。今次係我第一次黎立食店，本身都好擔心企係到食會好影響用餐體驗，但事實係壽司相當有質素，食到我都唔記得自己係企喺度，完全冇唔自在嘅感覺。呢度有唔同款式嘅壽司、刺身、海鮮丼。如果唔想左揀右揀，可以選擇廚師發板，可以食到時令嘅壽司同刺身，同埋餐牌上冇顯示嘅隱藏款式。價錢都係$298起，以呢個質素來講絕對唔貴呀！平時食 Omakase 閑閑哋都要三個鐘以上，而呢度嘅師傅勁快手就準備好一set上枱，岩曬趕時間想速食既朋友。大力推薦赤貝，中間有少量芥末，食落口感爽滑，口腔頓時溢滿海鮮風味。而壽司飯既酸度恰如其分，同海鮮契合度有100分。金目雕係我每次食日本菜都必點嘅魚類，呢一款壽司無需另外蘸醬汁，因為已經加咗酸汁啫喱。入口先係魚既鮮味，然後酸汁緊接衝擊味蕾，非常開胃。帆立貝壽司配有黑松露，雖然黑松露香氣逼人，但係又啱啱好唔會蓋過帆立貝既鮮味，食落又唔會膩。牡丹蝦充滿膠質，蝦味十足。不得不提嘅就係深海池魚，肉質細緻爽口，兼有啖啖油香，相當肥美。而吞拿魚亦都非常

Omakase 係日本同香港都食過，立食omakase就第一次試～朋友帶我黎到係Isquare附近既立濱，雖然舖面唔大，廚房樓面一眼望晒，但裝潢設計簡潔光猛，企係度食都食得好舒適～～我order左特選壽司盛，有8件壽司，每件壽司都係師傅係我地面前整，睇得又食得，我尤其鐘意赤蝦，肉質爽彈，新鮮食材係好味壽司既關鍵！海膽鮮甜，份量又多，正！即磨wasabi唔會攻鼻，蒜頭爽口，薑片香甜，唔會太辣！朋友揀左個更正既！師傅發辦，有10件壽司，每件壽司都精心炮製，雖然記唔晒每一件既名，但食得好滿足，炙燒左口魚迫晒啲油脂出黎，充滿油香，回味無窮！仲食左啲比較少食既深海池魚，原來都好鮮味！師傅會因應食材調配味道，有啲壽司會用柚子吊味，很講究～我地仲叫左個大吞拿魚腩，有入口即溶既口感，散發出油脂香～

我同男朋友都好鍾意食壽司，喺尖沙咀開嘅咁多間立食壽司我哋都試過晒，最近又有新嘅壽司店，梗係要來試吓啦！店內環境比較寬敞，有兩邊嘅企位價錢比較相宜，連壽司廚師發板都唔使$300！《特選壽司盛》$168我同男朋友一人帶咗一個，因為款款都係我哋鍾意食嘅，完全唔想share🤣 全部八款都好好食，等我特別揀幾款出嚟詳細講下先:-中吞拿魚腩：完全冇筋，吞拿魚味比較重，未到入口即溶，但油份都足夠-海膽：用嘅係韓國海膽，冇北海道海膽咁鮮甜，但海水味就比較濃，after taste相對更好-阿根廷赤蝦：呢個有驚喜，佢比牡丹蝦更加爽口，油份亦都比較多，相對冇咁甜，但係上面有蝦膏，好香濃👍🏻《帆立貝》$18/1幾厚身，肥美，上面仲有少少嘅黑松露，令整體味道更加豐富《三文魚腩》$18/1三文魚腩都幾肥，如果可以再厚切少少就更加好啦《灸燒左口魚裙邊》$25/1燒完迫左啲魚油出嚟，所以好香，左口魚裙邊夠爽口🤪特別想提一提呢度嘅漬物，唔會剩係得生薑片咁單調，仲有好少地方可以食到嘅牛蒡！《三文魚子》$28三文魚子粒粒都好大粒，非常脆，而且有淡淡的柚子香，好清新，怕腥嘅男朋友都話完全冇腥味💯同埋忍唔住要encore嘅阿