立濱 (已結業)

呢日同表姐去咗呢間位於尖沙咀嘅立食壽司店食晚飯～平時食omakase一般都好貴，但因為呢度係立食，所以價錢比較相宜。想一嘗食omakase嘅滋味，又唔想洗咁多錢，呢間壽司店係不二之選～我哋order咗壽司盛10件同刺身盛12切。壽司盛10件平鱸魚、真鯛：魚肉鮮甜爽口，無魚腥味！真鯛魚肉上面塗咗柚子醬，味道更加清新。金目鯛配柚子jelly、木鯛魚配西京蛋黃醬：魚肉同醬汁嘅配搭好特別，增加壽司嘅層次感～油甘魚、阿根廷赤蝦配黃金蟹面豉：油甘魚食落充滿油香，阿根廷赤蝦爽甜，配上黃金蟹面豉醬，味道分外濃郁。北海道海膽、三文魚籽：兩個字 -- 鮮甜，無得輸呀！火炙左口魚、火炙拖羅：因為表面用火燒過，所以味道更加甘香～刺身盛12切刺身有六款，每款有兩件，分別係中吞拿魚腩、大吞拿魚腩、帆立貝、深海池魚、金目鯛同油甘魚。我個人最鍾意食大吞拿魚腩，因為肉質肥美；另外我亦非常鍾意食帆立貝，因為味道鮮甜無比！另外，值得一讚嘅係連配菜同甜品都好好味！可見師傅別出心裁！☺️整體黎講，我覺得呢間壽司店性價比幾高，係師傅發辦入門版嘅好選擇～

尖沙咀開設越來越多立食壽司店，以低價格吃上不同日本高端食材。為了減低成本，大部分立食店面積狹小，每人差不多並肩站立，實在有點拘束最近看到尖沙咀一間新開業立食壽司店，除了有大眾最愛廚師發辦Omakase，位置亦比較闊落。特選壽司盛超抵食之選，內含八件高質壽司，以魚類為主，每件食材豐富，味道鮮甜可口，低價吃出精緻。壽司盛廚師發辨10件壽司盛，建議選擇料理台前的企位，師傅會逐件壽司呈上，感覺與高級料理店無異。師傅用上多款高級刺身，包括拖羅、北海道海膽、金線鯛等。每件刺身大片蓋過整件壽司飯，入口刺身富彈性，鮮味突出，味道佳。海膽海膽紋理及顆粒分明清晰、肥大肉厚、橘色。質感濃滑而香稠、入口軟滑細緻、甘香濃郁，甜度高，入口即化。拖羅肉質細緻綿密油潤，入口甘香帶油脂，融化在嘴內。鰻魚壽司燒鰻魚厚肉兼大片，鰻魚入口軟熟柔軟帶魚香，油潤而香滑，魚油滲透入米飯。火灸左口魚左口魚油脂豐富，火灸後油脂逼出，入口帶油香化在嘴里，香滑甘口而不膩。海膽手卷蔥花香吞拿魚腩手手卷包法與高質日式料理店相同，入口同樣好味高質，價錢便宜。

今晚同9月之星食生日飯🤩我地約左7點左右❣️可能時間仲早唔駛等😚我地被安排企係師傅前面既枱等食🥰枱下面有掛勾可以掛袋👍🏻鋪頭入邊嘅裝修都非常有日本居酒屋嘅感覺🥰🔺三文魚腩🍣壽司入面加左wasabi👍🏻同日本🇯🇵做法一樣👍🏻🔺䖠立貝❣️上面有啲黑松露點綴👍🏻食落去好重黑松露味再加埋帆立貝本身夠新鮮又鮮甜所以成個組合好有層次❣️🔺甜蝦❣️壽司上面有2隻甜蝦仔并排👍🏻雖然細細隻無影響口感👍🏻好鮮甜❣️入口即溶❣️🔺北海道海膽❣️滿瀉嘅海膽🤤口感細膩😂即時溶化囉❣️好難用文字形容🙃最緊要新鮮無腥味👍🏻🔺鰻魚❣️食落有微微既油脂味🙃燒完有陣炭香味🥰肉質偏軟身👍🏻🔺阿根廷赤蝦❣️好大件呀🥰幾爽口彈牙❣️真係好新鮮🤤🔺炙燒三文魚腩❣️中意油脂味既朋友唔好錯過🥰燒完啲油脂逼出黎👍🏻好正❣️🔺金目鯛❣️壽司上面有塊蒜汁啫喱❣️酸酸地可以提升本身金目鯛鮮甜👍🏻肉質爽口彈牙❣️🔺鯛魚❣️望落去好新鮮❣️粉紅肉色🤤上面有柚子汁唔駛點豉油食❣️好清新口感🥰🔺間八魚❣️厚切🐟有啲似吞拿魚質地🙃🔺赤貝❣️超超超爽口彈牙❣️❣️❣️中意食貝類朋友唔好錯過❣️🔺炙燒吞拿魚腩❣️好肥美呀🤤啲油脂不停溢出黎🤤🤤🤤🔺炙燒左口魚裙邊❣️幾爽口👍🏻🔺特別一提配菜蒜頭好好味🥰用左麵豉

今日在尖沙咀附近開完會後放工，便約朋友在附近食晚飯。經過I Square 後面見到原來有間較細的立食壽司店，價錢又抵，就入來食下。餐廳的企位大約有10個左右，有師傅在中間吧台位制作壽司，可以欣賞到師傅的手藝。真子鰈薄切，切得幼薄剔透，魚肉彈牙而爽滑，魚香味濃郁，可以點醋汁食更添鮮味。上壽司盛，6件壽司，有中吞拿魚腩，海𩶘魚，池魚，三文魚，甜蝦，帆立貝等，新鮮嫩滑，特別係拖羅，油脂分別平均，入口即溶。 特選壽司盛，8件壽司，有中吞拿魚腩，三文魚，間八魚，油甘魚，牡丹蝦，阿根廷赤蝦，海膽等，魚肉鮮嫩香甜，鮮味濃郁，海膽味道香甜，軟稔可口，有淡淡的海水味。Omakase 壽司盛，10件亞根廷赤蝦，鋪有蝦膏味噌，蝦肉彈牙鮮甜。牛秋魚，肉質晶瑩剔透，鮮甜美味，彈牙有口感。深海池魚青瓜卷，青瓜絲爽脆清甜，同池魚味道好夾。金目鯛加酸汁啫喱，魚肉軟稔鮮甜，魚味香甜。秘製醬汁燒左口魚邊三文魚腩，燒得剛好，香味散發，三文魚腩肥美香甜。最後還上隨Oamakase 壽司盛的免費甜品，黃糖蕨餅，餐廳每日新鮮制成，特別水潤軟滑，甜度適中，香甜可口。

香港愈嚟愈多優質日本餐廳，要喺市場上生存落去一定要有啲過人之處。近年香港亦多咗好多立食嘅餐廳，喺高租金嘅市道下，除咗可以減低成本外，同時都係一個特色可以吸引客人。呢晚收工之後我就同咗朋友一齊去到尖沙嘴嘅呢間立食日本餐廳。事前我做咗少少功課，上咗佢地嘅facebook睇下有乜特別魚類/ 推介品，見到餐廳用嘅魚係日本新鮮直送，到貨期仲相當密，吞拿魚更加係藍鰭吞拿😍藍鰭吞拿魚係吞拿魚中體形最大嘅，出名脂肪分佈平均，肉質上乘，味道濃郁，所以我早已經記住咗一定要試吓啲吞拿魚😍到埗後我地選擇咗師傅面前嘅位，全間鋪大概有10個企位，雖然鋪頭樓面唔大，但企落都舒服唔會好辛苦或擠逼。店內牆身用咗浮世繪風嘅大海浪圓案，視覺上增加咗唔少東洋感一落單即該叫個中吞拿魚拖羅先，由色澤都見到係好新鮮。一口咬落呢件肥美刺身度，油水已經充斥口腔，油香豐腴，肉質細緻無筋，可以話比起我早前去豊洲市場食嘅拖羅有過之而無不及🤤之後師傅就開始預備師傅發辦嘅10點壽司盛由右至左：鯛魚本身味道比較淡，帶少少甜味深海池魚帶白身魚特有嘅爽身，肉味微甜。不時不食，夏天就係白身魚季節，直家食就係最啱👏🏻吞拿魚赤身中規中矩，正常水平阿根廷赤海

今晚尖沙咀行街,點知行行下落雨,仲愈落愈大,本身都揀緊諗咩餐廳食飯,但係D雨手較到條褲濕晒,完全唔想坐低,見到呢間立食壽司就覺得非常適合,一邊企住食一邊等D衣物乾。尖沙咀咁多間立食壽司黎講,呢間都算幾抵三文魚壽司色澤好靚, 而且魚生的長度差不多係兩舊飯的長度,口細D的話一定放唔晒,真心覺得魚生好新鮮,脂肪同魚肉比例均勻,魚脂整體分佈都好平均,三文魚最緊要唔好太瘦,但又唔好比脂肪蓋過所有味道,呢件非常好。金目鯛有一屠薄薄的柚子酸汁啫喱係面,要比條脷先感受到塊啫喱的味道,再加埋魚生的清新口感,唔油唔膩味道好清香。叫咗個別168有八件的特選壽司盛有一件都好靚, 油甘魚非常厚切,但係魚生一D都唔腥,我諗可以ENCORE多兩件。海膽份量夠,食落好CREAMY,最緊要係紫菜無淋到!火灸系列的壽司都好出色灸燒左口魚裙邊識食一定係食佢的油膩甘香,壽司師傅能夠將魚生的油份完全釋放出黎,而且唔會過火,岩岩好灸燒三文魚腩本身已經覺得佢D三文魚好出色,燒埋黎食仲會更加特出到魚油香味,可以一試。

來到尖沙咀行街，行到亞士厘道，發現咗一間食壽司刺身嘅小店，呢間小店最特別係秉承左日本嘅立食文化，一路食一路可以同師傅傾計，交流一下，師傅又好傾，而且佢哋嘅刺身同壽司都非常新鮮美味，價格公道，能夠支持一下本地有心小店，呢餐食得好開心。我同朋友點左一個10件壽司omakase, 一個北海道海膽丼，同散叫咗幾件壽司，食飽飽，好滿足。10件壽司omakase包括：黑松露帶子：黑松露味好香，呢個配搭好特別阿根廷赤蝦：上面有一大舊蟹膏，阿根廷赤蝦本身肉質比較爽口，好味道𩶘魚：上面搽咗一層柚子汁，好香好好味油甘魚魚腩：非常新鮮，入口即溶金目鯛：上面加咗一塊酸汁柚子啫喱，不用點豉油黎食都好好味深海池魚：新鮮好味金線鯛：用海鹽燒一燒，金線鯛係由飛機新鮮運到香港左口魚裙邊：用秘制醬汁燒，可以迫油香出來，要趁熱食拖羅：用特制醬汁燒，都係要趁熱食，因為襯紫菜仲脆，呢件壽司作為結尾，會令我有唔夠喉嘅感覺haha寒天啫喱：就咁睇個樣完全睇唔出原來係青提子味，啫喱用寒天粉整，係植物提煉而黎，有助減肥，啫喱好滑，提子味好出特別一提係呢度嘅漬物都好好味，尤其係佢個蒜頭非常特別，好爽脆又無蒜頭味，唔講都唔知原來係蒜頭嚟㗎

立食壽司係香港已經愈來愈普遍，今次係經過亞士里道望入横街見到呢間鋪頭，可能仲早，唔洗等位店內人客都不太多，大概只可企十人到，見到有2個師傅會幫手做單，企岀面那位師傅還會跟客人聊天刺身點了5款中呑拿魚，三文魚，活赤貝，油甘魚，牡丹蝦活赤貝唔同平時既赤貝，呢款肉質爽厚又鮮甜特選壽司盛(8件)其中間八魚原來就係章紅魚呢款係平鱸魚，上面加左柚子啫喱，師傅話食個陣唔洗加醬油都得！一入口個柚子啫喱就溶化，第一次試呢個食法，幾有新鮮感另外點了數款壽司這款北海道海膽比起剛才壽司盛既韓國海膽更鮮甜一d腥味都無火炙壽司都可以一試三文魚腩都好肥美忍唔住叫多個海膽手卷$60又唔算貴，海膽由頭到尾都有，每一淡都可以咬到海膽

今日就同朋友喺尖沙咀一間立食壽司DINNER, 立食壽司畀我感覺, 就係質素一定要有保證, 否則我唔會企咁耐佢食呢餐立食壽司, 質素真係非常之不錯, 仲有提供OMAKASE壽司, 食店安排, 提供個最優質嘅食材畀我哋享用, 真心讚黑鯥 肉身彈口味道鮮美深海池魚 肉質細緻爽口帶油份，味道甜美帆立貝加左少少黑松露, 非常香, 肉質又夠滑柚子金目鯛, 金目鯛用柚子JELLY 做TOPPING，鮮味更突出油甘魚腩油甘魚口感柔軟細滑，肉身油分重阿根廷紅蝦, 蝦肉細膩腴滑，口感鮮嫩，味道甜香濃郁大toto入口即化的口感更是讓人欲罷不能金目鯛口感肥而不膩火炙左口魚口感既肥美又爽口；炙燒後甘甜魚油滲出

立式壽司文化越嚟越興，所以都開咗好多唔同嘅立式壽司。今日嚟到尖沙咀呢間小店鋪頭，入邊唔算好大，大概可以企到10個人左右。我哋叫咗特選壽司盛$168同廚師發板$298有10件。散叫咗金目鯛，幾清甜，而且壽司細細件幾新鮮。赤貝就好大件，咬落爽口清甜。赤貝好食。帆立貝面上有少少黑松露香，已帶出帆立貝既鮮甜。而且都幾厚切，唔錯。三文魚籽大大粒，紫菜夠脆，立即整係唔同啲。蔥花吞拿魚腩食落都幾肥美；炙燒三文魚腩咬落去充滿油脂，炙燒左口魚裙邊係冇得輸，因為每次食左口魚都覺得超肥美，入口即溶。炙燒吞拿魚腩食落去唔會好肥，而且有隻燒過嘅香味。最後仲有日本蔌餅做甜品唔錯。整體質素都不錯。

去到日本台灣一定食Omakase，比香港平一半！原來香港立食 Omakase，不論食物質素價錢都可以淆美日本相比連鎖壽司店質素定價錢，壽司盛最平由$108起，絕對性價比高，平民價錢享受新鮮直送刺身，同時面對壽司師傅，完全感受到師傅用心製作前茶有生薑、牛蒡、硽蘿白、同即磨日本芥辣點壽司Omakase 壽司 $298有幾件特別令人印象深刻，配搭特別有驚喜，食過番尋味🍣阿跟廷赤蝦上蟹膏阿跟廷赤蝦原本已經好鮮甜，加上蟹膏更令鮮甜味道更有層次🍣金目鯛柚子啫喱金目鯛上一層柚子啫喱入口清新柚子，令普通金目鯛非凡脫俗🍣北海道海膽海膽十分鮮甜，入口慢慢融化感覺🍣醬汁燒左口魚裙邊左口魚鲜味帶油香，加上秘製醬汁炙燒過味道更上一層樓Omakase刺身盛 $398星日精選有赤伊佐木、金目錭、油甘魚、帶子、中拖羅、大拖羅。師傅會介紹返由淡到濃開始食，每片新鮮情度完全以為係日本，刺身比壽司切得厚身最後大拖羅一口吞下，質感軟滑，完全無筋位，入口即溶，滿咀油脂豐腴四溢北海道海膽手卷 $60北海道海膽實在太鮮甜，另外encore海膽手卷，每啖都有海膽鮮甜，好足料Omakase 最後送上自家製寒天同蕨餅，蕨餅比較滑身，口感

最近，香港流行了日本立食文化。尖沙咀區都開了有好幾間，今日我同朋友一齊去食其中一間，體驗一下，立食的文化。今日我們去那一間，鋪頭細細，比客人企嘅位置都唔算多，加加埋埋都只可以企得十個左右。今日我哋叫咗個師傅發板，特選壽司(8件), 然後再叫手卷，同其他壽司。海膽手卷海膽海水味好濃郁，來自北海道，非常新鮮。好好味！壽司灸燒左口魚裙邊灸燒三文魚腩火焰芝士蟹棒帆立貝火灸系列，師傅有自製秘醬油，師傅會溫馨提示，叫食客不用再點醬食。果然個醬好特別，真係幾好食！灸燒後嘅魚生，油脂分佈都總算滿意！刺身間八魚， 活赤背，赤蝦，海膽特選壽司🍣（8件）中吞拿魚腩間八魚海膽油甘魚三文魚赤蝦季節精選唔講唔知，間八魚原來即係章紅魚，好爽口，食落仲sok sok 聲！佢哋嘅魚生，壽司用料都好新鮮，好甜美，而且款式都幾特別。師傅好用心，即叫即整。整完就放在你面前。都整得幾快！另外，師傅，店員嘅態度都非常友善，又會同你傾吓計，互動一下。氣氛好好！

立食文化早己在日本盛行已久，最近得悉尖沙嘴亞士厘道附近開了一間, 以我的性格一定快速地去試一下， 擇日不如撞日，今晩火速行動了。店舖細小，乾淨明亮，充滿日式風格。貼心位置在於枱下，掛勾方便擺放物品。明碼標價，中英對照的點餐紙，案自己食量多少，喜愛食物，任意點選。當然不想麻煩的話，也有廚師發辨為你效勞。刺身是我至愛，啖啖鮮美！有肥美的三文魚，鮮嫰的帆立貝。廚師特別在帆立貝上灑了柚子皮，另外一番鮮味。牡丹蝦漿口感爆燈。阿根廷赤蝦比起牡丹蝦爽口兼彈牙。炙燒左口魚裙邊壽司是我每次必食的。炙過後，油份迫出，油脂滿溢，正！炙燒三文魚腩香口惹味，入口即化。刺身食過，炙燒也食過了。跟著來是手卷，矜貴的海膽手卷少不得。嘩啦！味道濃郁，海洋味十足。整體來說，食材新鮮，水準高。互動關係也不錯，店員，廚師和客人有講有笑，氣氛相當好。

立食文化漸漸滲入香港，尖沙咀新開左一間立食Omakase⁉️師傅既理念係希望食客可以用平民價錢食到高質素既食物👍🏻同朋友食完一致認為性價比極高🙌🏻如果唔介意企係度食野既朋友真心推薦去試下❗️店舖既面積當然唔會大，大概只係企到十個人，中間有張吧枱，可以望住師傅製作壽司，而另一邊就要對住牆，幸運地當日唔洗等位即刻入得🍣壽司刺身盛 ($188)其中一款午市精選，一set有4件壽司、刺身5點、迷你魚籽海膽丼，一次過滿足3個願望😍不得不讚刺身勁厚切🤩而且好新鮮，超抵食啊❗️🍣壽司盛十件 ($298)其實係廚師發辦，師傅見到我地影相再以特登整哂出黎🤣平時黎食就會逐件上，海膽同拖羅都好正啊🤤

第一次同老公食午餐，星期日都有set，覺得性價比超高！個手卷好好味，亦都幾夠飽😋今晚星期一試咗$168有8件嘅set，有中拖羅有海膽，師傅話係韓國海膽，好甜🥰星期一比較少人，師傅話可以逐件上。十分欣賞有heart小店，一定會再幫襯！相片是lunch set, dinner 掛住食冇影相😝