立体派拉麵 (威靈頓街)

营业中

休息中

知道中環威靈頓街有一間好出名既拉麵店「立体派」，拉麵店有兩位來自日本既大人物，林隆臣和松村貴大，喺日本拉麵界都好犀利同出名，所以一直都好想黎食。今日難得放假，終於扚起心肝，同女朋友黎試試佢地既拉麵！ 餐廳裝潢好有日本既Style，外面就畫左啲好靚既壁畫，食拉麵之餘仲可以打卡影相，真係無得彈! 我地2個人一人叫左一個拉麵，一個小食同埋2支野飲。 特級白湯(大) 佢一上枱真係嚇親我，個碗勁大個!!!擺盤非常靚，佢有3塊叉燒、1隻蛋、筍同蔥。 -湯底有濃郁既雞味，而且唔會太油膩； -麵條係幼身既，煮到軟硬適中，質地彈牙。 -叉燒周圍醃左小小黑椒，輕微燒焦過，食落燒過既黑椒香味，因為佢無落過重既調味，突顯到叉燒本身既豬肉香。 -溏心蛋醬油味醃得入味，甜甜地，蛋黃流心，做得好出色。 -筍有鹹香，較出面拉麵鋪食到既入味好爽脆。 極上芫荽醬油湯拉麵 佢係芫荽上放左辣椒乾，紅綠對比既擺盤好搶眼。 -湯底方面，清甜、有淡淡醬油鹹香加芫荽香，我呢個“芫荽控”好鍾意!!-芫荽份量勁多，每塊芫荽都大大塊，好新鮮，所以味道清新~ -麵條同樣彈牙，叉燒有肉香，筍同樣爽脆~ 自家製餃子 一碟有5隻，俾左豉油同辣椒油

落雨嘅日子除咗想食燒肉之外亦都好想食拉麵🍜！今日同男朋友經過中環一條小巷入面嘅拉麵店，牆壁畫嘅拉麵畫好可愛，一於就試下呢間「立體派拉麵」😋過咗午市時間所以唔洗等位👍 餐廳以木系同暖為主，有日式和諧嘅感覺🇯🇵 餐廳除咗有大眾化嘅拉麵之外，仲有提供芫荽口味嘅拉麵！芫荽控嘅你一定要試下！九味醬油湯拉麵：上黎嘅時候已經有濃濃嘅醬油味😋鍾意醬油嘅人會好喜歡呢嗰味道😋麵食落有淡淡的鹹味😋配嘅九州叉燒：厚厚嘅一舊😋仲要係半肥瘦得好均衡！雖然肥嗰層睇起黎令人有啲卻步，但入口嗰陣又是另一番景象😋脂肪的肥膩被瘦肉中和，食嘅時候冇肥膩的感覺，反而係慢慢係嘴入面散開嘅油脂感😋香炸雞軟骨餃子🥟：餃子睇落同一般煎餃冇咩分別，但係食落口就會慢慢感受到嗰種微小嘅分別。餃子裏面嘅雞軟骨切得好碎，一入口嘅時候，會以為係普通嘅雞肉餃子，但係慢慢咀嚼嘅時候，就會感受到一啲雞軟骨嘅脆脆嘅感覺，質感非常之有趣😋特級白湯：非常巨大嘅一碗拉麵👍以為係濃濃嘅豚骨湯但其實係飲落冇油膩感嘅雞湯😋叉燒有一隻手掌咁大塊，食落味道岩岩好😋成碗麵食完唔會有口渴嘅感覺，一開始食會覺得淡但係會越食越濃味😋推薦👍

我今次介紹哩間係日本過江龍，佢地會不定期推出新口味拉麵🥸。Signature一定係面盤大嘅拉麵碗，好奇之下試左覺得嘅驚喜之餘又好味，所以係到推薦比大家😈😈。🐓特級白湯（大）$118 （8.5/10）雞白湯鮮味唔會太杰，感覺似燉湯咁溫和，中間有一羹類似粟米汁咁嘅汁，令個湯更香甜，咁嘅配搭要視乎返各人口味🧡。叉燒肥瘦均勻，食落都幾嫩口🐖。🤎醬油清湯 $88 （8.5/10）醬油同豬骨嘅配搭係清甜有鮮味，醬油味唔會死咸，好順喉😬，係香港人口味。筍有少少拉麵鹽，味道香口又辟咗筍臭味，叉燒同雞白湯無異🤞🏻。

兩年無得去日本家鄉喇😭所以特登搵啲日本拉麵店扮下去左日本。朋友話之前食過呢間唔錯所以帶左我黎食今次，問舖入面都係好木製咁都帶到日本風感覺呢度幾出名芫茜拉麵，仲要睇落真係落勁多芫茜果隻，不過我地兩個都唔好呢家野，所以都係嗌返d大路野，最後嗌左個雞白湯拉麵同海體醬油湯拉麵對比之下雞白湯拉麵味道香濃啲，而醬油湯就會清啲，各有各好食。配料方面，雞白湯嘅豚肉有成三大片架，好抵食。而醬油果款嘅豚肉就有成四大舊厚砌，煮得非常冧身，每一啖就食到入面沾滿晒湯汁，仲有好多骨膠原！另外其實再嗌多左個名古屋風雞翼，好好食呀同名古屋食過嘅一樣，好香pepper同芝麻味仲有不得不提好驚喜呢度有得嗌波子汽水，除左係小學嘅回憶之外，更加微妙地增添日本地道風味，好完滿

傳說中呢間拉麵好好食，但係服務人員好有性格，懷着忐忑的心情，即管一試！😬😬😬入咗門口先要上一條樓梯仔，一入去個裝修同間隔都唔錯，幾骨子，未係食飯時候，揀咗一個安靜嘅角落等朋友嚟🤟先來一個醬油拉麵🍜 配一個厚切慢煮叉燒，我以為醬油拉麵會係好濃好傑，原來係我諗多咗啦😆😆😆雖然佢係九種醬油撈埋一齊，但係入口好滑，配埋個軟硬適中嘅拉麵，真係好夾😘 個慢煮叉燒軟林林，肥瘦適中，個份量好抵食😛😛😛再黎一個雞白湯拉麵🍜，攞獎㗎！個湯底真係好正，一上枱熱辣辣嘅時候一定要細心品嚐😍😍😍😍我鍾意佢嗰啲配菜，配搭起黎有唔同嘅口感👍🏻👍🏻👍🏻爭啲漏咗隻流心蛋，Yummy Yummy 呀！！！壓軸出場，名古屋雞翼😍😍😍一定要食，一定要食，你懂的😏仲有仲有，好窩心嘅設計，俾條圍裙你，唔使食拉麵嘅時候啲汁彈到周圍係，讚👍🏻👍🏻👍🏻👍🏻

小胖之前就已經聽過呢個拉麵店，咁啱過去過邊就去試下，佢的店面係係樓梯底，超有趣🤣 而且有一面大壁畫，面門幾靚。小胖和友人分別點了特級白湯(大)和大阪芫荽和風蕃茄湯拉麵，小食就點了雞軟骨炸餃。佢的拉麵超大碗，連叉燒都好大片，佢的叉燒係偏肥肉多，但因為薄，所能食落唔會好油膩，口感適中，佢的麵質彈牙，軟硬適中，湯底唔會過鹹和帶有麻油香，還可。佢的芫荽和風蕃茄湯拉麵，其實係偏撈麵多，湯底水份較少，蕃茄味濃香，食到粒粒蕃茄，加埋薑蓉，整個味道變得不一樣，成了辣辣蕃茄湯底，因為係偏撈麵，所以每啖麵都沾滿蕃茄，配埋大量芫荽，好食😋佢的餃子有3款，小胖就點了比較特別的雞軟骨炸餃，佢炸到剛好，無炸焦，餃子皮厚薄適中，咬下去，係脆脆的雞軟骨，幾有趣，不錯👌整體服務和環境都幾好，不錯食。

📍 立体派拉麵中環威靈頓街27-29號元益大廈地庫.🤤海體醬油湯 The Sea Bird - Soy Broth💰$88.🤤溏心蛋 Boled Egg (1pc)💰$12.今次有胃口了但依然無揀大嘅雞白湯因為座銀世界第一超越唔到.本來想試佢啲期間限定menu但佢做緊芫茜系列🤢mediu今次一於試試佢個regular menu醬油湯嗯 好食嘅 唔會過鹹 但仍然好香最驚豔嘅係舊肉 不得了 勁好食火侯控制得好好 feel到佢再煮多陣就會老覺得有啲似東圾肉薄皮>肥膏>肉又香又蜜又邪惡

最近，老公話我知中環有間大有來頭嘅拉麵店，由日本大阪嘅冠軍拉麵大師林隆臣，拍住日本廚藝領袖人物松村貴大喺中環威靈頓街開咗一間名為「立体派」嘅拉麵店。我老公呢啲拉麵迷又點會錯過呢，就一於長途跋涉過中環潮聖一下！「立体派」位於鏞記斜對面一條巷仔入面，喺巷口已經有清晰指示，唔算難搵。今次，我選擇咗林隆臣之推介，而老公就決定試新嘢，揀咗芫荽拉麵系列。特級白湯（大）其實佢另外有個特級白湯(小)嘅選擇，同大嘅分別就係有無糖心蛋同埋叉燒嘅數量。先呷啖湯，入口香醇清甜，鮮味十足，味濃而不油膩⋯雖然呢度嘅拉麵條冇得俾你揀硬度，但食落硬度適中，爽口，彈牙有趙頭，啱晒我口味！不得不提佢嘅叉燒，有水準，極嫩滑，入口即溶，滿口香濃嘅油脂，真係好邪惡。大阪芫荽和風蕃茄湯拉麵一上枱，啲芫荽勁吸睛，鋪滿成隻碗面，再嚐個湯，濃濃嘅蕃茄味，感覺食咗好幾個蕃茄一樣，啱晒鍾意芫荽同蕃茄嘅朋友！自家製餃子餃子煎至金黃色，外表香脆，內裏多汁，而且餡料豐富，好食又唔油膩。總括而言，呢度嘅食物價錢唔算平，但因為佢個地段關係就無辦法吧！勝在食物味道唔錯，想試新嘢嘅朋友不容錯過。

第一次黎食覺得signature 拉麵好特別好食，但當時已經覺得門口帶位個位女waitress 黑口黑面好似好唔歡迎有客黎咁。事隔幾個月再返去食，又係呢個女waitress帶位，希望今次好啲，夜晚九點4到立即坐底order又係俾佢西面，完全唔想做生意咁。9:50pm提咗次差唔多要close，9:58pm再行埋黎黑住面企係你前面叫你走，仲要加句：「唔係唔想俾時間您⋯」見到前面d post都有食客話佢rude希望佢可以反省下佢態度，不過都佢搞到我唔會再去even拉麵幾好食👎🏿

餐廳係日本工業風裝潢，簡簡單單裝修，但拉麵一點也不簡單唷。餐廳外面的壁畫都好好打卡😍😍特級白湯拉麵 $118第一個感覺係…好大碗呀!! 🤣巨型碗都係依間店的特色之一奶白色的湯，但有好濃的肉味，三大片超薄片低溫慢煮叉燒，肉質嫩滑。聽說拉麵是他們店自家製，質感比較彈牙同爽口。極上芫荽醬油拉麵配低溫慢煮叉燒 $108近期興食芫荽，芫荽控一定要留意‼️滿滿的芫荽山上碟的時候已經聞到香味。依一款的湯式同特級白湯拉麵唔同的，依款連湯都有芫荽味的。濃濃的芫荽加上拉麵，真係清新，好岩依個夏天食。芫茜多到每一口都有芫茜嫁🤣汁煮厚切叉燒$38超厚叉燒煮到好淋身同好入味，肥肉瘦肉層次分明，都有醬料的味道，入口即溶。🥰超幸福的感覺🤤我地飲品仲叫咗無糖可樂同一枝烏龍茶，總共三百蚊左右，值我一提的係，平時食拉麵，有時都會好口渴，但依間一D都冇，依個質素的拉麵真係超值。芫荽控不能錯過😘

係中環返工食lunch真係一個地獄😔😔，所以平時都係叫外賣返office食。今次為大家試既係來自大阪既過江龍-立体派，見到lunch time咁多人排隊我諗睇黎食物質素都唔錯。特級白湯烏冬（大）$148為免返到office個拉麵已經諗曬，所以加左錢轉烏冬，估唔到個湯都仲幾熱，同埋都十分濃，有少少焦香味，另外叉燒都有5大塊，但略嫌過多肥肉。總括而話都值得俾依個價錢一試👍👍我諗堂食既質素會更加好，一定會再去試一下

呢間「立体派」拉麵店係來自日本大阪的著名冠軍級拉麵大師林隆臣，再夥拍日本廚藝界領袖人物松村貴大開嘅。先講吓佢個位置原來都相當唔起眼，雖然位於港島區人來人往嘅中環，但搵路嘅時候發現係一條巷仔入面夜晚仲有啲霓虹燈指路，其實諗落都幾似日本嗰種低調又好食嘅拉麵店嘅感覺，有一種神秘感店內環境比想像中大，閒日嘅夜晚去竟然完全唔使排隊座位都算舒服唔會好逼。「立体派」其中一款多人叫嘅就係佢嘅白湯～特級白湯（大） $118我自己都算係幾鍾意試下雞白湯味嘅拉麵所以揀咗白湯，嚟到真係超級大碗對比對面嗰碗東坡肉真係勁大碗﹗﹗﹗值得一讚係佢一上到係熱辣辣，無論碗同個湯底都好夠熱，飲落超暖胃而且雞白湯唔會好咸，飲多幾啖都唔怕漏叉燒切得好薄，令到佢好索湯味，食落油脂分佈唔錯，易咬唔痴牙又夠入味。九味醬油湯拉麵 $88另外係鏗魚醬油湯拉麵，好香鏗魚味，不過我個人就鍾意雞白湯多啲，而東坡肉真係肥仔指數 100%如果我一個女仔食應該食唔晒咁多肥豬肉，雖然整得好入味又好夠冧身，但真係偏油啲，好快滯，同人share一兩舊會好啲。我哋飲湯同清底指數係好似下面咁我自己食雞白湯都，因為湯底唔會太咸，飲多幾啖都覺得ok!

座落係中環嘅冠軍拉麵店，由店面到店內都充斥住modern嘅工業風氣息🤩店內座位唔算多，基本上每張枱都有隔板隔住，坐落都okay舒服嘅。作為極度鍾意蕃茄芫荽嘅中毒者，緊係要試下佢新發售嘅拉麵。大阪芫荽和風蕃茄湯拉麵🍜推介指數🌟🌟🌟🌟🌟湯面係落重本咁加咗勁多芫荽，完全滿足到想食芫荽嘅慾望。湯底無得彈，果然不岀所料係好似食咗幾個蕃茄咁濃嘅湯，酸酸甜甜，完全係會令人飲唔停嘅湯，配搭埋低温慢煮嘅叉燒係一流，首先麵方面，係非常彈牙，一啖湯一啖麵可以話絕配，加上叉燒嘅烹調方法令叉燒肉質嫩滑，令到整碗拉麵配搭得好好食🥰😍

林隆臣拉麵（大)比頭還要大的拉麵碗，一上枱已感覺到相當有睇頭。先喝一口豬骨濃湯，充滿著陣陣忌廉奶香。再來一口熱呼呼的拉麵，麵條粗身帶有咬勁。接著，怎能錯過放置在旁邊的叉燒，肥肉分明，豬肉香甜，未入口已經聞到其燒香。黑椒粒令豬肉香味更出，叉燒在口中停留時，肉味簡直令人慾罷不能。雞蛋雖然在麵中擔當重要角色，但可惜此雞蛋只屬普通，未有太深刻感覺。

位於威靈頓街既呢間拉麵聽講都幾出名，而今次經過就一於去試吓啦～而店鋪既位置係要行幾級樓梯先去到既，都唔算特別難搵～而店鋪既地方都算大，而座位都幾多，而店鋪比較出名既聽講係白湯拉麵，但今次嚟食就比佢另一款拉麵吸引住，就係芫荽系列啦～因為外面的確係比較少有芫荽作主打既拉麵，因為唔鍾意食既人係會比較抗拒既，而咁難得呢度係有得揀既話，咁就當然要試試啦～極上芫荽醬油拉麵配低溫慢煮叉燒（$103）呢款拉麵係有大量既芫荽係面，湯底都係有好重既芫荽味，味道上會令人聯想起平時打邊爐既芫荽皮蛋湯底😂而佢既叉燒係以低溫慢煮既形式處理，所以顏色比較粉嫩，而食落去的確係好腍同好滑，係一塊有水準既叉燒，而麵底係幼拉麵，食落口感都唔錯👍🏻👍🏻總結係香港嚟講真係好少食到以芫荽作主題既日式拉麵，而佢既味道都真係唔錯，差鍾意食芫荽既朋友嚟到道一定要試吓啦～