立体派拉麵 (威靈頓街)

营业中

休息中

中環呢排都開左好多間拉麵鋪，有一間就話係由日本冠軍級拉麵大師開既鋪頭，睇睇價錢又唔係太貴，咁就去食下。不過鋪頭就係內巷，如果出面無標示，相信都好難搵到個入口。一入去就叫左個特級白湯黎食，勁大碗。一開頭以為係我叫左（大）所以個碗咁大，但睇到隔離枱叫既拉麵都係大得驚人。唔知間鋪叫立體派係咪因為個碗好大好立體所以咁命名呢?白湯係佢地主打既湯底之一，湯底會食到雞味。中意食材本身鮮味，唔中意好濃好咸既人就應該中意。不過呢間鋪頭就冇得比你揀濃中淡咩湯底，向來都中意濃湯既我就覺得失望左少少。至於叉燒份量就真係好足，配料都好足，有足足一隻溏心蛋。麵條黎講佢都爽彈，質感都相當唔錯。總體黎講，以中環黎講真係好抵。不過只可以講唔係太岩我口味而己。

中環好食又出名嘅拉麵店好多，揀左呢間熱潮相對退減好多嘅立体派，Open Rice訂位仲要miles 賺添🌟林隆臣拉麵 $118必須食👍🏻單單睇金黃色湯底，色澤好誘人，濃郁鮮雞湯味，令人一啖又一啖甘飲湯；叉燒軟腍；溏心蛋流心😋；麵質要咬口唔淋，絕對係一碗好拉麵🍜🌟九味醬油湯拉麵 $88吐糟時間：麵本身無蛋，想加錢但店員話星期日無反夠貨，無得額外加😦九味醬油拉麵略風味獨特，最初最怕會好鹹，但食落係帶海鮮鹹味，配麵嘅五花肉好厚身，啖啖肥肉好邪惡🌟麵豉香䓤黑豚腩肉 $38呢個100%唔推薦食！！！推開鋪面嘅京䓤，望落+食落我覺得同屋企煲完湯嘅肉渣無乜分別，又乾又柴

好耐之前聽朋友講過呢間拉麵店好食，位於中環嘅一條小巷內，一個唔小心真係可能會miss咗🙊·<特級白湯(大)> ʜᴋᴅ 118 食拉麵比起豚骨湯我都係更鐘意雞白湯🐓問過店員(大)同(正常)嘅分別，在於更多肉同有溏心蛋，鐘意食蛋嘅我就梗係要大碗😝然後個碗就成個洗臉盤咁大🤣湯底鮮甜有雞嘅鮮味😙不過飲得多嘅話就會太鹹🤏🏻溏心蛋熟得啱啱好又帶甜味🥚三大塊肉平鋪碗邊，肉眼可見嘅肥肉令我有啲卻步🤓整體嚟講唔錯，雖然係個碗大咗啲，不過麵量同普通一樣，唔使太驚食唔晒😜·<九味醬油湯拉麵> ʜᴋᴅ 88呢個湯頭飲落就相對清啲，由九種醬油調製所以一啲都唔會單調，唔係純粹溝稀豉油，而係食到淡淡嘅鰹魚味👍🏻麵質適中偏硬，會有啲難夾🍜配搭嘅汁煮厚切叉燒非常入味軟爛，輕鬆可以用筷子夾出肉絲🥢不過肥膏部分又係比較多，偶爾食到小小還好，但4大塊就會太膩🤰🏻·<自家製餃子> ʜᴋᴅ 48餃子有肉汁🥟味道不過不失，比較有印象嘅係佢嘅辣醬油，只係有輕微嘅辣度🌶但係帶有柚子香味🥰

中環呢間拉麵鋪附近雖然都有好多野食，但係要落樓梯先會見到，平時行過可能冇乜留意，不過其他佢好出名。同朋友叫咗兩個拉麵，一款小食share嚟試!九味醬油湯拉麵 $88鰹魚昆布湯底，清得嚟又夠味，認真唔錯。肉有啲似東坡肉，肥瘦肉各一半，不過咬落有驚喜，幾juicy，就算凍咗都好食。特級白湯拉麵(大) $118相比起頭先個湯底，呢個就比較普通，不過都好香牛油味。大嘅有三塊肉同塘心蛋，小嘅得一塊肉冇蛋。肉夠薄，不過缺點都係比較多肥肉。自家製餃子 $48餃子皮夠薄，涵係豬肉菜，不過唔係太多涵。唔推介，都係拉麵比較有水準。

依間拉麵既位置真係唔易察覺到，喺巷仔行樓梯落去先係佢既入口，擘大隻眼睇清楚，好易miss左個入口炸餃唔夠脆口，食落感覺似放大左既燕餃，不過裡面有雞軟骨，都幾好味個碗超大，放個電話喺隔離比較差唔多兩三倍大，湯底係蕃茄湯，茄膏雖然好重，但有大量既芫茜做反個平衡，不錯白湯湯底偏喊，叉燒肥肉多到成塊Ham咁，加埋隻蛋好邪惡，驟眼睇其實有D似Carbonara（可能係日式既卡邦尼）蒜片大大片，不過如果可以脆小小會再好D

中環比人嘅感覺固然高級，隨之而來嘅就係第二直覺就係「一定好貴」。今日發現咗呢間開喺地庫嘅拉麵店，定價同主流拉麵店相若，都係一百頭嘅價位，但驚喜地躍身我心目中top 10拉麵店。第一樣不得不提嘅就係碗（大）拉麵真係好大好大碗，食完超級滿足。呢碗特級白湯（大）拉麵（$118）麵底軟硬度拿捏得剛剛好，而溏心蛋同樣係加分位，show off到廚師對火喉嘅控制手到拿來，半生熟呢一點聽落基本但實質上都唔少餐廳未做到，所以值得一讚。而其實最驚喜嘅莫過於佢啲叉燒！對於我呢啲本身唔多鍾意食肉嘅人，往往就算食同樣價位嘅拉麵時，食到叉燒都會諗「啲肉乾爭爭硬掘掘，如果可以走叉燒就好」，但真心嗰句呢度嘅叉燒非常高質！肉質肥瘦參半，食落口絕對唔會難咬，咀嚼過程非常享受，未至於入口即溶咁誇張但講真都不遠矣。好評好評！自家製餃子（$48）質素不賴，但奈何佢有個生得咁優秀嘅大哥唯有活喺長子嘅陰影下了sosad。明明餃子都好好食，醬料唔係普通醬油有好輕微嘅辣去吊味，餃子皮本身又夠香脆，整體比較特別而且和諧。波子汽水（$28）感覺上係食日本嘢必叫嘅飲品所以都打個卡先xdoverall非常非常impressed，非常非常推介

#dinner #拉麵 #中環好耐冇食拉麵了ʕ •ᴥ•ʔ呢間拉麵店係一條大街嘅小巷入面，條巷仔有好多精美嘅壁畫，所以好易搵！九味醬油湯拉麵🍜通常呢啲拉麵都係得一兩片叉燒，食肉獸見到呢個拉麵有咁大舊肉，即刻眼睛發亮(⁎⁍̴̛ᴗ⁍̴̛⁎)舊肉都幾好食，夠入味同淋，肥瘦適中ʕ •ᴥ•ʔ個醬油湯底都幾好味。極上芫荽醬油湯拉麵配低溫慢煮叉燒🍜就係為咗呢碗芫荽拉麵而來，第一次食芫荽拉麵，真係好多芫荽啊成座山咁高！芫荽迷要嚟朝聖٩(˃̶͈̀௰˂̶͈́)و湯底有少少芫荽味，不過我鍾意上面個九味醬油湯多啲，如果芫荽再少啲菜梗就perfect啦！自家製餃子🥟我地坐低咗之後有位大叔入嚟問係咪有餃子食，心諗唔通呢度餃子好出名？即刻叫個試下ʕ •ᴥ•ʔ食落覺得都ok，不過點餃子汁個比較驚艷，可以一試！唔記得講，呢度仲有波子汽水飲！好懷念啊已經好耐冇飲過了～

早幾日嚟到中環，突然間想食拉麵，搵下附近，就揀咗間小店，好有驚喜佢嘅裝修好有日本小店嘅感覺，充滿日本風情。同傳統日本拉麵店一樣，唔會超多款揀集中幾個主打款。由於朋友同我都唔食芫荽，所以就好快揀到。朋友揀咗大特級白湯拉麵，落咗單之後嘢食就好快到啦，估唔到拉麵會咁大碗好有wow moment真係分量十足。而我就係揀咗最鍾意嘅醬油口味，最重點係個特厚叉燒，真係超級好食！配上日本特製甜醬油，肉又夠冧，相信如果配飯都會超級出色。食拉麵當然最重要，就係要配埋日式餃子啦。佢有幾款餃子，我地就揀左最基本款自家製餃子。皮薄餡靚，好有喺日本食到嘅感覺，煎得金黃色，又唔會乾爭爭。另外朋友仲點堆波子汽水，充滿懷舊風味！呢餐非常滿意大滿足

中西區嘅拉麵店選擇唔夠尖沙咀多但好在呢度有高質嘅立体派坐陣😋作為係中環人都有選擇唔使一定要過海食拉麵.🌟特級白湯拉麵(大) ($118)呢個拉麵絕對係餐廳嘅招牌菜!👍🏻經典嘅白湯味道濃郁得黎又唔膩而且味道溫和 相信大部份人都會啱食當然仲有3大塊叉燒 嫩滑又有油香 仲有隻溫泉蛋拉麵唔只個碗大 份量亦都夠晒多 .🌟特式辣味濃厚白湯拉麵 ($88)呢個拉麵啱晒鐘意食辣嘅朋友🌶️見到落左勁多七味粉 撥開d蔥仲見到有一個球形嘅肉碎拉麵嘅掛湯力十足 同埋有愈食愈辣嘅感覺而且店員見到我著淺色衫仲好細心咁俾左圍裙我咁就唔怕湯汁彈左上衫😌.🌟自家制餃子 ($48)餃子皮夠薄 而且餡料份量適中又好味🥟如果煎得脆身d就更好呢個餃子汁亦都有特別調製 有好豐富嘅味道.🌟波子汽水 ($28)食拉麵(尤其係辣味拉麵)如果有飲品就更開心我地點左充滿日式風情嘅波子汽水🥤店員會幫手開埋 唔怕彈到成身都係.之前我都有食過呢度嘅拉麵 次次黎到都唔會失望 保持到一貫嘅水準🤓今次仲睇見個menu依家有新口味芫荽拉麵鐘意芫荽嘅朋友不坊一試🤪

下午lunch hour 食拉麵都係一件好平常的事不過冇諗過可以唔使點排隊就入到去食。其實湯底係幾好又唔係太咸 豚肉脂肪比例都好均勻喎但係同拉麵一齊食又唔係好夾。呢一款拉麵嘅湯底就非常清甜 唔係太油膩 但係肉就比較肥膩所以通常都食唔晒 整體來講湯底係絕對足料 麵質感同湯係好夾但係肉方面就一般

連po兩個日式甜品，決定繼續po日本嘢。某日心血來潮想食拉麵，發現原來自己上一碗拉麵係舊年十二月喺大阪食嘅一蘭🍜，於是喺app搵到呢間位於中環、由大阪著名冠軍級拉麵大師林隆臣主理嘅拉麵店，一解我對日本嘅思念，我覺得質素不俗！ramen cubism特級白湯 （小）$88呢碗湯底用雞骨、雞肉、雞腳熬製超過八個鐘而成嘅拉麵係呢度嘅招牌🐔，一上檯我心諗吓我啱係叫細㗎咩，咁大碗嘅？！anw膚淺嘅我對拉麵嘅評價只限於個湯同個麵，而呢個奶白色嘅雞湯非常得我心，雞味濃得嚟唔會好油，拉麵我會話偏硬身，亦做到掛湯嘅效果，水準之作。至於塊肉，我係。。。唔識評價嘅，都幾厚幾大塊囉（廢話）。海體醬油湯 $88呢個湯係用九種唔同嘅醬油調製而成，比白湯清淡，不過隨麵附送一大碟油脂極為豐富嘅厚切叉燒aka肥肉，我本身仲以為佢嚟錯咗，入口即溶，極為邪惡！自家製餃子 $60皮薄陷靚，外皮香脆肉汁夠多，無得輸。•用app book有折，當日半價，抵食！•門口有啲隱蔽，係日式小店嗰種簡約低調嘅風格，所以要轉落條巷仔落樓梯，唔好miss咗呀～

☆ 𝙍𝙖𝙢𝙚𝙣 𝘾𝙪𝙗𝙞𝙨𝙢立体派拉麵中環威靈頓街27-29號元益大廈地庫✦ 極上芫茜醬油湯拉麵配低溫慢煮叉燒我不吃芫茜但我試了一口湯，比想像中好，是接受到的味道，喜歡芫茜的朋友應該會很喜歡。✦ 特級白湯(大)一上枱，我不禁：嘩～咁大碗嘅😂雞白湯湯底鮮甜不油膩沒有過咸，麵質彈牙，溏心蛋味道和生熟度都剛剛好，唯獨我覺得叉燒太肥，不過是個人口味問題(´°̥̥̥̥̥̥̥̥ω°̥̥̥̥̥̥̥̥｀)✦ 名古屋風雞翼脆脆的，濃濃的醬油味，不錯。✦ 自家製餃子這個沒有什麼特別(˶‾᷄ ⁻̫ ‾᷅˵)

去開中上環打卡，係Openrice 搵到呢間日本過江龍拉麵感覺非常吸引，一於過來試下拉麵店入口係一條唔起眼既小巷中，小巷牆上畫滿拉麵師傅的壁畫，低調得來有種神秘感入到拉麵店，係傳統日式拉麵小店的格局，以黃光為主，播著日文流行曲🍜 特級白湯拉麵（大）- 林隆臣之推介🤣（$118）碗麵來到時真係嚇親🤩個碗大個我個頭，白湯用左 米鴨/有機飼養京都丹波地雞/40種味噌 熬製而成，超級鮮甜，並非濃厚掛汁，所以唔會令人覺得膩💕麵既質感彈牙，叉燒厚薄適中，肥瘦均勻，而且大片，食落唔油膩又唔痴牙，溏心蛋非常滑👍🏻👍🏻👍🏻推🍜 大阪芫茜蕃茄湯拉麵 配低溫慢煮叉燒（$118）😮呢個冇大細之分，同大白湯既size一樣，芫茜份量多到簡直係視覺衝擊🤩蕃茄湯底濃厚清甜，帶微辣，杰身掛麵，令拉麵吸滿湯汁既味道👍🏻叉燒同樣高質🥟 手造韮菜餃子（$48）餃子同一般日式拉麵店既煎餃一樣，但重點在於點餃子既醬汁，醬汁是甜豉油加辣油，好食惹味💫 食蕃茄湯拉麵有俾圍裙👍🏻好貼心💫 有加一

繼續無得飛🥲真係好掛住日本所以要專登搵日本開黎香港既拉麵店！同老公放假黎食 黎自Osaka 既著名冠軍級大師 林隆臣既 立體派拉麵最重要梗係湯底🤭 我最鐘意係白湯（係林隆臣大師推介）- 特級白湯 （大） $118又溏心蛋 我最愛既荀 京蔥D湯好好飲🤤 味道層次豐富 而又唔會好鹹同埋估唔到咁大碗囉我食唔晒🙈 要老公幫手清埋老公就揀左九味醬油湯拉麵 $88（呢個係松村貴大推介） 呢個麵無蛋 都有荀同埋京蔥用咗九種特級醬油煮架 呢個麵就配厚叉燒 好肥好正🤣 入口即溶架 肉質軟軟的 唔係實的的我哋仲叫咗一款餃子手做韭菜餃子$48好鐘意呀！ 好似係日本食到既一樣都係皮好薄架🤤 入面又夠熱 咬開就好多汁配埋佢酸酸地既餃子汁又係到ff 自己去左日本🙈

首先，我係一早已經book左枱，而我地book既時間係仲未好多人流。但門口女員工就黑口黑臉串共共咁講我book左3位得1位唔入得住。好，企係門口等，佢又嫌我阻路，係咁問我朋友到未，我講黎緊，佢先俾我入。 但其實唔明，張枱已經係放左預約，咁點解差個10分鐘都唔俾我坐住先？ 好啦，仲要我朋友黎到之後佢填紙仔，個串共女員工，佢係箱到摷番我朋友個張紙，問係唔係佢黎，喂大佬，好難想像如果個張紙唔係我朋友，佢係會俾左其他客人d 個人資料俾人睇，係唔係有問題，咩服務態度？仲要叫人寫番清楚d 個電話。 之後用餐時間未到，仲飲緊野，員工2次催埋單，但佢地係接住咁催，上一個講完唔夠5分鐘，真心好差，野食唔係特別好味，無下次！