穴 (新城市廣場一期)

营业中

休息中

All the waitress are nice except the manager with short hair and suit. We experienced her on Sep 11 around 10pm. The way she recommends food is as if she is forcing onto you. Only offered us water once, I hope she can leave here because the food was quite good, I highly recommend her to work in McDonald's since it considered a good karma to drive customers away from fast food.

週未去了日本餐廳穴吃午餐，還以為全也是散點，但完來也有套餐選擇，比我想像中便宜。朋友叫了迷利丼物餐奇套餐 ($138)，可選：1) 兩個迷利丼飯2) 一個迷利丼飯 + 兩串串燒最後選了 1 號，因怕迷利丼飯份量會太小不夠飽。但原來一個丼飯也不少，吃兩個反而過飽，下次會點 2 號。三色魚生飯 x 葱吞拿魚生飯超級新鮮！魚生鮮甜厚身，口感一流。真的太豐富了！套餐還包括前菜、前菜、熱烏冬/喬麥麵。我的天婦羅定食 ($158) 包括前菜、沙律、壽司5 件、天婦羅 5 件、熱烏冬/喬麥麵。前菜是牛脷粒，醬汁酸酸的很開胃。沙律菜也新鮮爽口。壽司相當高質。不得不讚帶子壽司，肉質偏厚，鮮味十足。天婦羅炸得鬆脆，粉漿做得恰到好處。還有兩件炸蝦呢！我點了熱烏冬，熱騰騰的烏冬爽滑彈牙，可惜份量有點了，幾口便吃光了。

以前都有試過午餐，已經對海膽一試難忘女兒每次都搶著要吃，而且她又喜愛這裡的和牛燒肉，簡直令人感動今次要試試晚餐有什麼不同，有多少美食推薦比大家。首先來過沖繩特產「海葡萄海草沙律」，果然有當地的味道，很爽脆可口沙甸魚乾也是不錯的選擇，很鬆脆，不過就是少了點只有幾片。串燒方面有黑豚五花腩（肥、瘦均勻，不太油膩）、翠玉瓜（內裡仍juicy)、廣島𧐢(不乾仍蠔身漲滿的，頗鮮味）日本黑毛和牛燒肉，簡直不能忽視，肉質鮮嫩多汁，一個另外，沙追魚都好鮮味的。鱈場蟹腳就一般了，比較乾身最後一提就是主角海膽飯（加拿大）選舉這個因為之前在日本築地已吃了日本的海膽今少次試試看，都值得一吃，鮮味十足今次都不枉此行

今晚約了媽媽吃飯，決定到＂穴＂一試。雖然已差不多八時，但人流仍𣈱旺，我們選擇坐吧枱，不用等位。天扶良：三蟹卷和蛋黃。蛋黃一咬開在口內爆漿！三蟹卷是新嘗試，裏面是蟹肉丶蟹膏和蟹籽，配搭起來很鮮味津別牛乳蟹肉薯餅。炸物方面除了天扶良還要了薯餅。薯餅的忌廉/牛乳下的夠多，口感很幼滑，只略嫌蟹味不足燒牛肋骨。牛肉烤得剛剛好，肉的肥瘦度適中，入口即溶串燒菠蘿和串燒豆腐這兩款相對失色，菠蘿完全沒有甜味，豆腐則不過不失。串燒雞皮。邪惡的食物從來都好吃，雞皮烤得超脆的，一點也不覺油膩手卷要了牛油果軟殼蟹和鰻魚。兩樣也好吃，侍應女孩貼心提醒我們上菜要立即吃，以免紫菜變腍。米飯調味恰到好處，軟殼蟹和鰻魚也新鮮，十分美味。燒飯團。最後當然要吃本人摯愛的飯團！今晚選了三文魚燒飯團，外面香脆，內裏米飯又熱又軟，就算已八成飽也輕易將全個飯團了結新城市廣場食肆林立，但是比較像樣的日式餐廳卻不多，似乎＂穴＂會是一個不錯的選擇呢！

穴呢間餐廳不時行過新城市都睇到排哂長龍門口人頭湧湧 上個禮拜行過見到竟然無乜人 即刻入去試下如果價錢有分level 呢間餐廳收費絕對唔低💸但之不過同食物嘅質素係成正比!!🤤首先講一講啲例牌野 三文魚刺身🐟同佢嘅外觀完全相反 因為真係幾大舊厚身 但個肉質油感唔會太重 一啲都唔oily 唔係個啲市面街邊啲放題貨s和牛粒 入口即刻就已經溶溶地(咁當然唔好帶住unrealistic嘅expectation 唔係你去日本食個啲A5A6) 但都係正嘅🐂最後想講一講個鮫子簿餅 完全係一個美麗嘅誤會 因為同事tick錯下order咗 一心以為最伏嘅嘢點知就有驚喜喎!! 堅係新鮮整因爲層皮唔係硬崩崩嘅microwave貨 入面嘅cheese味同餡料味道濃郁 好食!餐廳缺點只有一個 係無人換碟斟水😅 d staff唔夠proactive, service quality 反而唔太match到佢地個價錢☹️

利申 所有服務生嘅態度都極好極友善但個別女經理態度奇差 所以點都唔會番轉頭食🙄我地想問清楚個餐係咪跟燉蛋女經理要突登瞪大隻眼糾正我地用字: 蒸蛋呀嘛？其實你明我講咩咪得囉😅 你叻你叻然後完全不洩理會我地 叫左其他服務生應酬我地佢亦唔見得有幾忙.------------------------------想試穴好耐 定價會係偏貴嘅連鎖店但勝在午餐好多款 好多配搭 價錢又相對相宜所以今日同媽咪黎試下😌.首先沙田新城市呢個場唔知點解完全無冷氣咁坐得好唔舒服😫.但呢度嘅服務生好似特別受過訓練咁所以都好有禮貌.前菜及沙律.壽司及天扶良配蕎麥麵套餐 ($158)天婦羅: 有點油膩 但都頗脆 蕃薯天婦羅好似唔熟 仲硬硬地壽司五貫:全部都好好味 大愛帶子同甜蝦😍好厚肉好夠份量 而且味道鮮甜💕蕎麥麵: 感覺只是用作充飢 沒有特別.媽媽叫的北海道刺身飯 ($168)魚生非常新鮮👍🏿👍🏿👍🏿💕而且好足料 正！.甜品:日本嘅和菓子 透明嘅mochi包住紅豆餡😊唔錯不過都係個句 幾好食嘅野都好服務態度唔好真係唔會再幫襯！我比錢仲要受你氣😳😳😳😳😳😳😳

今晚我哋原本預約好，諗住試吓呢間嘢，誰不知......後知後覺中晒伏。本應預咗呢度係貴，都有預吓個budget嘅，睇個餐牌啲相就知都係"只供參考"。我哋落柯打嗰陣，個態度幾好嘅待應姐姐無啦啦忽然sell我哋唔知成3嚿幾水嘅乜鬼魚，我哋梗係話唔需要，於是叫咗以下呢啲嘢：螢光魷魚$58，得嗰五、六隻，喺超市買仲多過佢，至於味道同口感尚可接受，而杯$32嘅芒果梳打都係幾好。呢個$298嘅雜錦刺身，雖然都幾厚切同幾鮮甜，但一陣風就唔見，真係唔抵食。最唔抵就當然係呢個要成$2XX得12塊嘅(所謂) 和牛刺身，塊塊細到佢吖，唔知係唔係解凍唔夠，有啲食緊冰嘅硬硬哋口感，味道當然係冇牛肉刺身嘅鮮味啦，超伏！最好就係呢個$58蔥粒吞拿魚薄脆，香口米通底上佈滿鮮味蔥粒吞拿魚蓉，加上炒香嘅芝麻同少少青檸汁，都幾大滿足。呢個$78明太子茶漬泡飯，細就細碗啲，但有多種雜菜同幾大嚿嘅明太子，都滿足到我嘅，但個湯就唔係好熱囉，需要改善。跟住叫咗個青芥末牛柳粒串燒，$48一串，一食落去伏伏哋，雖然佢燒得OK，但鬆肉粉嘅口感都有少少，而且唔係幾夠油嫩，當然又係冇乜牛肉味呢吓至係致命傷。整體嚟講，咁嘅價錢，不如食酒店自助

7月15日星期六喺沙田突然之間想食日本料理。所以來到這裏想吃一頓豐富晚餐，可惜有不愉快的感覺。首先要了一般的基本小吃雖然不是太差但味道偏重及很重的味精味，有點似吃放題的感覺。選擇「穴」是因為有飛騨，我在日本常常吃所以看到這裏有很高興，於是叫了一容＄498+10%厚切铁板焼，知道在香港吃比較貴所以都知道會是只有139g的，但是最令人不愉快是凍冰冰及煮得很熟，吃不到入口即溶感覺，韌韌的⋯⋯。在這裏食價錢不算是便宜囉但竟然俾啲咁嘅質素，莫非是😠我從不留言但是今次想留言給往後的人注意這一點，真的很不高興，從來沒有這個感覺就算吃了昂貴而覺得不值得的都不會留言的。這次我們3人埋單＄1758-

值得推介的日本餐廳，侍應服務良好，嘢食選擇多而且夠新鮮，環境歡堂。推介之選"章紅魚薄切黑松露帶子"食過返尋味，一試無妨再試難忘，章紅魚刺身清甜而不膩口， 薄切既肉質鮮美滑爽，新鮮嘅帶子口感會較軟身及咬口，松露醬又香又惹味，幾款既食材，鮮美就留左係舌尖。赤貝壽司，爽甜口感中帶有一點獨特性，持有海水鹹味，有一點餘韻在口中。茶漬飯"就好似泡飯咁，最特別之處是以茶代湯，味道清新不膩。"鵝肝釀雞翼" 這雞翼不再普通，鵝肝充滿在雞翼當中，雞味很濃，鵝肝吾會太油膩，外層口感爽脆，不錯的小食。

每個星期我都會去沙田新城市廣場食飯。可以話間間都試下。香港地，大把日本餐廳，好食都唔少，但响沙田區真係無乜似樣日本餐廳，特別响沙田新城市廣場。呢一間總算魚生合格，雖然sushi同丼d飯都太過濕但未至於難食，點都好食過前身間日本餐廳先。其實lunch 同dinner都好多人，所以我都會用app訂位。但每次都火都嚟！我地四個人，每次book位，例如book 6:30pm，每次6:20pm就打電話嚟問係咪book位？我話係，佢話係咪真係四個人？我答係。佢話你到未？快d到，係咪真係到？遲咗。好，未夠6:30pm到左門口，可以有人問你係點book枱？我話响app...佢可以話app?咩app?你係咪㩒咗飛啊？我地無booking 㗎。算，你睇下先啦。晦晦氣氣。其實overeall waitress waiter 都好好人，但有兩三個態度奇衰，應該係高級，對同事講話都好惡。有個女職員，自己寫錯單就唔道歉，我地都好客氣唔該佢換返，明明自己寫錯仲要發晦氣，同我地講我地講錯，好似要我地同佢道歉咁。我地都忍佢，其他人上錯菜行過嚟收數咁收返，不如唔好做啦！食物越來越差，越來越覺得唔抵食，串燒越來越燶，某幾個

星期五嘅晚上在沙田新城市廣場同朋友搵食 想食日本菜 但又志在搵個地方舒服D 坐低傾下計好多餐廳都要等位但見到《穴》唔洗等位所以就揀左佢我估依度唔洗等位其中一個原因係價錢屬於比較中上食物兩個人叫左清酒煮蜆海膽炒飯火焰燒蕃薯串燒牛舌丶雞軟骨丶冬菇清酒煮蜆幾好 D蜆幾大隻啖啖肉個湯又幾好味海膽炒飯個海膽一塊放在上面海膽味道唔腥 炒飯個味道比較淡味我估係預比客人撈飯嘅時候唔好搶左海膽個鮮味不過海膽嘅份量不足以撈曬成碟飯呢火焰燒蕃薯gimmick野上枱嘅時候會點著燃起面不過味道麻麻因為好大陣酒燃料味留在蕃薯度蕃薯亦唔算甜 比較乾左依度叫得居酒屋少不了串燒餐廳仲提供幾款特式鹽比客人點串燒食整體串燒類幾好味環境氣氛： ★★★★☆食物質素： ★★★★☆服務態度： ★★★★☆

在沙田搵食多年，其實這間日本居酒屋開了多時，卻一直沒有興致幫襯。可能因為價格偏高吧。離奇地咁耐都仲响度，仲有每次經過都坐滿人，仲見到OpenRice d comments positive 居多，即管試下。不得了，原來走寶咁耐。佢唔係一般嘅居酒屋，有好多創意料理，而且用料不錯燒河豚魚乾-從來未食過如此厚切、燒得香之餘唔覺乾同靭的版本魚生片同沙律菜用料新鮮，柚子醋份量剛剛好，菜的份量稍嫌少了一點，整體滿意！好香蔥味，夠多，肉汁夠之餘燒得香又唔靭，非常好。只是豉油落得比較重手。重點在外層的天婦羅，夠薄同香脆。中間吞拿魚新鮮但魚味稍稍欠奉。蔥唔太夠。蔥同吞拿魚形容如上。下面的是普通的米通，都香脆嘅，但兩樣野夾埋好似各有各咁⋯全晚最驚喜係呢碟。個牛舌外面香脆裏面仲有肉汁同腍，同個醬好夾，極速清碟，想再食吞拿魚同上，辣⋯ 就是加了 Tabasco 啦哈哈 辣度算適中，嗜辣者可能覺得不夠。唯一美中不足係座位編排偏密，同隔離枱太近。而且枱面細，建議分幾次叫餸，反正食物上枱速度快。呢間野值得再來

週未又係同父母食好嘢時間。 由於今年應該冇時間再同屋企人去日本，所以我老豆又提議食日本嘢啦！ 其實呢間日本嘢位於新城市廣場地下，今次係我第四、五次食這間餐廳，他們的食材非常新鮮保持一定的水準。由於新城市的人流非常之多，每次等位大約要花上20分鐘以上，但也是值得的。他們的午市套餐由80元到300元的刺身不等。這兩個前菜是每個餐都包含的迷你雜錦魚生飯配天婦羅加烏冬，我個人都好喜歡這個烏冬的湯底雖然係迷你雜錦魚生飯，但刺身的份量也不少，幾抵食！白桃梳打荔枝燒酌雜錦魚生飯套餐HKD168，大大的牡丹蝦， 脆卜卜的三文魚子，還有不同的白魚刺身！特上刺身套餐 HKD198， 每款是新都大大件，還有一件拖羅入口即溶、仲有海膽！

已住了沙田一段時間, 但一路都沒有光顧, 因為始終覺得價錢略貴, 吸引力不足是晚兩公婆想食好小小, 而且亦不用等位, 所以抱著一試態度, 可借串燒非常失望, 平均50-80一串, 我們叫了蒜蔥牛聊, 很乾很鞋口, 燒港島蠔, 咩味都無, 唔鮮唔甜, 和牛串, 同樣鞋口多渣一個壽司拚盤, 一個黑松露蝦卷, 飯質感一般, 味道可以, 可惜食完沒有一款令我留下印象全晚最好食係一個叫三蟹卷, 非常鮮味, 蟹膏味食特出, 可惜太細件, 亦因為個樣真的很醜(手指公一條咁大既黑色紫菜包住炸) 所有無影相章紅魚薄切黑松露帶子, 這個亦可以, 可能黑松露夾章紅魚如果以大約500人頭, 這個質量我不會再來了

今天和友人來到人山人海的沙田新城市晚餐, 到處也擠滿了等候入座的人龍, 由於我們都喜歡日本菜, 便選了穴這家日本餐廳了, 幸運地這晚不算多人, 我們不用等候很久便可以入座。餐廳環境不算很嘈吵和擠迫, 可以和友人舒適閒談, Menu菜式選擇頗多, 介紹的也蠻吸引, 我們點了黑松露甘蝦卷物、燒牛舌、 玉子、 葱吞拿魚腩薄脆、海膽蟹膏松葉蟹石頭鍋飯、豬肉烏冬、蟹粥等等。黑松露甘蝦卷物 – 碎粒的甘蝦鋪滿飯卷上, 口感特別, 而黑松露味很香很濃。玉子 – 不過不失, 可以一嚐。燒牛舌 – 很香口, 肉汁頗多。葱吞拿魚腩薄脆 – 很軟绵绵的吞拿魚碎與脆脆頗夾, 口感豐富, 很新奇海膽蟹膏松葉蟹石頭鍋飯 - 賣相很吸睛，份量十足，海膽和蟹膏的配搭很好, 味道係鮮甜, 和撈石頭飯吃, 感覺很一流。蟹粥 - 粥很棉, 蟹的分量很足, 很入味和美味。很滿意的一頓飯 : )