穴 (新城市廣場一期)

营业中

休息中

每次晚上經過這間穴,門口排滿人群,每次去看看餐牌都覺得比起親身到日本食還要貴,今次太太為給予驚喜,選擇了一試這間日本菜。先講環境,商場開放式鋪位,地方都舒適,只是枱面比較細,點選了壽司,炸物,韓國海胆刺身,冷面,串燒等食物,試一試佢真實。先講講炸物,炸蝦天婦羅,皮脆,脆漿粉唔厚,蝦新鮮彈牙,口感唔錯,炸廣島蠔感覺普通,同一般放題果啲差不多。再來是壽司,點選了幾款三文魚,吞那魚,立魚,海鰻等,幾款壽司感覺都是很新鮮由其吞拿魚,平時食平價的感覺膠膠的,呢到啲吞拿魚比較軟綿,口感很好,海鰻就太太話可比美日本食的質素,至於是手卷,炸軟壳蟹手卷,紫菜脆脆的,軟壳蟹亦熱騰騰,食開手卷的我,感到喜出望外。刺身海胆雖比不上日本食的好味,但這鮮甜的海胆味及新鮮程度都有8成似,配上脆脆紫菜,好正。至於冷麵方面,佢處理得唔錯,最怕啲麵身唔夠凍,又淋又唔好食,呢問麵身夠凍,麵質亦軟硬適中,到串燒方面豬牛得肉質到唔錯配上3款海鹽,可能我比較懶,唔太喜歡自己調味,但唔調味,啲串燒又冇咩味,但口感就唔錯。總括來說。空穴來風,真的有因,怪不得那麼多人排隊。

今日是Happy Friday食好西,初嘗日本美食-穴。一行三十多人一起食lunch,就是想到一件事，可以試盡全店的美食。極上刺身御膳，在餐牌上看到那厚身肥美的刺身帶著有光澤的色調，吸引我立即叫了一客來品嚐。上檯的一刻，真是嘩了一聲！如餐牌相一樣，如果你是較細食的朋友們，這御膳可兩人食用，而且會很滿足的。因為刺身太肥美，我個人較愛帶子，蝦我覺得肥但不甜。有某種類別的魚生較為腥。我不知道這是什麼魚（較近wasabi)，雖然刺身是肥美，但稱不上是好味，刺身味道是看原材料，還是到外國食的較為新鮮及甜。（不是說這裡不新鮮）如果下次再來，我想品味熟食食物較多。

所謂日本菜餐廳，服務衰過茶餐廳 ，食物質素似快餐，魚生雪到冇哂味，個湯鹹到得人驚，甜品好像街邊貨，侍應成日眼望望，主管只管聊女侍，門口長排話之你，客人十分做乞衣，除了地點較方便，真是物無所值的一餐。

新城市午餐之穴居酒屋，見穴居酒屋門口無咩人排隊，上前一問不用等即有二人枱午餐定食相當抵食，可選兩個迷你飯或串燒,而我就選左極級燒壽司餐約$200（如圖片，好吸引的外表）食第一件燒吞拿魚，件魚好新鮮，但粒壽司飯好似年糕，到食最愛的蝦，蝦好甜好鮮，但粒飯依然都係怪怪的，所以我決定放棄食飯（喜歡食壽司的，無飯好像少左d野）金玉其外 ，敗絮其中，飯係壽司的靈魂，希望會改善。而樓面都好好，不斷幫我地加茶，最後仲有甜品，和果子，味道唔錯。

經理對客人服務態度好差，有空位不帶客人進入，客人見到有數個bar枱空位，主動問一下為什麼不帶客人進去，經理馬上不高興，黑起口面把客人帶到上菜的bar枱位，又窄又汚糟，做法簡直就是要復仇一樣，是小家小氣的表表者，客人坐下後，服務人員不主動遞茶，要開口要求才有，基本上，不計服務水平，食物是不錯的，魚生、壽司都有一定水準，茶壺湯也很不錯，不過茶壺嘴崩了還用，有一定危險性，另外卷物也有特色，總括來說，味道不錯，但得罪經理就要預埋要受氣，食到背脊骨落！

不斷進步嘅日本菜🇯🇵～～～～～～～～～～～～～～～～～～每次食都feel 到進步嘅日本餐廳。👍👍👍🍣壽司系列：叫左蟹籽壽司（$38）玉子自家製壽司蛋（$38），蟹籽彈牙，玉子蛋味較淡。🍢串燒系列雞翼（$38）雞軟骨（$28）日本多春魚（$28）芝士年糕煙肉卷（$28）粟米（$28）全部都燒得好入味，燒得好脆，額外提供咖哩鹽、海鹽、抹茶鹽加落去，但價錢都偏貴。鹽燒油甘魚鮫（$128）D魚有雪味，唔夠滑同入味。～～～～～～～～～～～～～～～～～🥩美國牛柳粒石鍋飯（$168）牛柳夠嫩，但不知道為什麼沒有牛肉味。🐟鰻魚石鍋飯（$138）鰻魚新鮮，拼好香蛋味嘅蛋絲加鰻魚汁，成個飯食落去好開胃。～～～～～～～～～～～～～～～～～～🍽燒年糕伴花生醬及糖（$28）成個感覺有D似夾餅，但match 得唔夠好，年糕燒得硬，搞到花生醬同佢好似分開食。～～～～～～～～～～～～～～～～～～

之前已經光顧過這家餐廳兩次，味道、價格都中上。前天和朋友晚上逛街吃飯，終於有拍照，就簡單寫個食評。(之前兩次都是午市時間去，相比之下午餐set menu丼飯的選擇會比較多，為丼飯去的朋友建議入座前先細看下菜單)黑松露甜蝦卷沒想到黑松露和甜蝦的味道這麼配下次考慮encore石鍋鰻魚飯朋友超愛日式燒鰻魚，認證這家的鰻魚是合格以上的作品(我對鰻魚沒考究，試了一口，就覺得燒得很香，有點厚度，好吃！)(本來看菜單圖片以為應該一般般，結果顏值和味道都有驚喜）蝦天婦羅不過不失，蝦肉也算新鮮的，炸粉已調味，個人覺得粉有點厚

人潮爆滿的商場，想揾食都不是那麼容易！這間日式料理應是連鎖食店。因為我見餐枱上的紙墊有十幾間分店。環境一般可能坐吧台的關係有點緊迫。不過環境都算乾淨。前菜的沙律味道不錯，蔬菜新鮮味道幾好。吉列豬扒烏冬，跟住粉漿炸得不錯，但豬扒冇乜味道。豬扒要靠點沙律醬汁才有味。烏冬和湯底都一般。大蝦天婦羅加上野菜，天婦羅漿都炸得幾好。野菜方便，南瓜茄子和番薯，都有各自各的鮮味。大蝦天婦羅啲蝦都新鮮有蝦味。另外跟餐的雜錦魚生飯，魚生算新鮮但不算用上好材料。每個店員都非常忙碌，因為實在太多客人。但每個人都有禮貌。

星期六下午 學完車去到沙田搵食見呢間餐廳唔多人 好似唔錯咁又有魚生丼食 即刻衝去拎飛都要等左一陣（大概5-10分鐘）我地3點幾去到 都仲有午餐食🙆🏻🙆🏻🙆🏻2 個人 一人叫左一份午餐照燒雞扒set 跟前菜沙律麵鼓湯白飯嘩好似好豐富咁雞扒好好食日式蒸蛋係非常穩陣 好少失敗既菜式蛋子蒸得好滑 有少少海鮮係底（真係好少）份量岩岩好 唔太大份 岩哂！食完再行去買杯珍珠奶茶☕️前菜沙律（都係果啲野）好好味！雞扒煎得岩岩好雞肉好滑有肉汁同燒汁 very juicy 👌塊皮仲脆脆地架！yummy ..仲有迷你丼串燒套餐佢可以自由拼的我地揀左：一個迷你丼+蕎麥麵+串燒海膽三文魚迷你丼海膽同三文魚都好新鮮飯又唔大碗加埋蕎麥面同串燒就啱啱好喇個芥茉牛柳燒得好好食一啲都唔硬 又唔會太燶大蔥燒雞都好味！估唔到大蔥燒左係咁好食！推介一定會再去食😋

星期日同朋友行街，喜歡食日本菜的我們揾到呢間而我地又無試過嘅日本餐廳等位子時看到不少人在排隊、心想呢間日本菜應該不錯，一於試下等了大約十個位子，終於到我們，坐下點了幾款試一試！雜錦天扶良:一般日本餐廳都會食到，但呢間餐廳有點不同，因為是新鮮炸出來，咬落熱辣辣脆卜卜，味覺還不錯。黑松露甜蝦卷:本人喜歡的食物之一，壽司很大件，但黑松露很少，而且因為大件，一夾就散，但味道還是可以的。海膽刺身配蔥吞那魚腩卷:又是本人喜愛之一，大大件的海膽，可以配上紫菜或放上魚腩卷上一起食，壽司細细件容易入口，紫菜配上海膽刺身又是另一番風味這次日本菜大致上不錯，價錢400-500，不算太貴，值得一試

放假就梗係要約人食飯吹水啦，大家都住在沙田區，下午要湊小朋友，新城市廣場當然最方便。近年來新城市廣場的食店越來越高檔，少咗好多連鎖快餐店或食肆，這間日式壽司店都要算價錢合理，不會太貴。叫咗兩個午飯套餐，朋友嗰個食熟嘢，煎魚，水準一般啦。自己叫咗個天婦羅餐，蕎麥麵 及迷你魚生飯。午市套餐包前菜，有沙律及牛蒡絲，味道唔錯，十分好吃。繼續來一碗湯蕎麥麵，然後是天婦羅蝦，啱啱炸好，脆卜卜， 仲有小青椒，冬菇及南瓜。最後上檯是迷你魚生飯見見角切，好新鮮份量啱啱好。朋友的比目魚定食都非常可口 件魚煎得好香，有蒸蛋， 醃製酸瓜及麵豉湯。最後，套餐包咗甜品，吃完。

星期六晚上同家人去食，但排隊時不算多人，輪候時間竟然要半個小時有多，有點扣分。然後入座後馬上點菜，叫了壽司拼盤，用料新鮮，件件也很好吃，價錢合理吧。兩個石鍋飯，一個是海膽蟹肉石鍋飯，一個是美國牛柳窩蛋石鍋飯，比較推薦海膽蟹肉石鍋飯，因為蟹肉蟹羔也很足料，加上鮮甜海膽很好吃。牛柳飯很普通。還叫了一個海鮮茶壺湯，很鮮甜而且不貴，還有雞皮，雞軟骨，雞肝，牛柳串燒等等。配上三種不同的塩，很香口美味。穴是不錯的居酒屋選擇。

星期日lunch hour唔洗等好耐5分鐘左右就有吧枱位坐間餐廳都幾full叫左個豪華三色魚生飯外表都幾吸引一放入口真係好有驚喜好似某啲囡囡/仔仔咁望落好吸引 食落好惡啃魚子係我未食過咁咸好明顯唔係海水既咸海膽唔新鮮 有腥味亦未解夠凍 入口太冰咁都比得人食?? 我食左兩啖塊面慢慢開始黑一直漫延到我成個變左黑人頭上出現左幾個問號係黑人問號呀???咁既野到底係比咩人食二百幾蚊講真唔係好貴但對我呢啲冇出息既打工仔泥講都唔算係平呢個價錢食你呢碗野連只係為醫肚都唔想食莫講話想享受食物咁奢侈呢個價錢 早知食元X好過同行友人食左迷你丼套餐都係啲魚生好咸呢到啲魚生係咪死海到泥鹽份特別高🤔咩魚生都咁咸食多兩次隨時腎虧

以前在沙田翻工好多時都會來穴食lunch，經常叫定食今日就選擇了來食晚餐！果然，還是lunch較性價比高！跟同行三位友人先點了這個螢光魷魚刺身作小食從照片可見，不單份量少而且不肥美！還略嫌太咸，雖然價錢(~$60)不貴但完全不值得！我們分別點了自己的主餐！我就點了這個極上壽司拼盤，共十二款遺憾是那個海膽是加拿大的不是日本的三百幾蚊這個價錢來說，也算是這樣啦～

這家是沙田區相當有水準的日式料理餐廳。之前去了幾次沒能寫點評，今天專門與家人去吃午飯，順便完成任務😊週末的沙田新城市廣場一向都是人頭攢動，今天當然也不例外。取飛排隊，超過半數以上方可入席，繁忙時段用餐時間限90分鐘。點了三個套餐。魚生食材新鮮，刺身上的油脂在燈光的照射下泛著光芒，而且塊塊都是厚切。海膽更是清甜，祇是份量比起在日本吃來說，實在不多，對於我這類喜愛海膽的食客來說，不能大快朵頤，實在有些遺憾。牡丹虾刺身也豪不遜色，虾的個頭大，而且味道鮮甜，肉質更是帶有濃郁的膠質。贈送的甜品由去年的雪糕糯米糍轉成了菓子，皮晶瑩剔透，紅豆餡的餡料不是太甜，但有很香的紅豆味。整體而言我對出品是很滿意的。小插曲是埋單時出示了AE Blue Cash Card, 原以為有85折，但被告知原來祗適用於單點菜式，而不適用套餐。當時我也不以為意，回到家仔細看了一下receipt才發現所點的雑錦魚生飯並非套餐，但也沒給折扣。雖然祇是十幾二十塊的事情，但卻令原本完美的回憶灰飛煙滅。不知道解釋的那位經理覺得這樣是否值得？！