穴 (新城市廣場一期)

营业中

休息中

情人節，情侶係大晒？我5:30去到想食個麵填肚姐，門口待應就話 今日情人節最低消費$285位我見場內得3枱客 而且5:30d人都未收工啦！洗唔洗咁早就設最低消費呀？重點係餐牌都冇情侶餐.憎係好現實.正係講錢.

Happy Friday食晏通常會同同事食好少少。今日就嚟到新城市廣場地下嘅連鎖日本餐廳穴。出門口前用電話撳定飛，去到等咗5分鐘就安排到座位，環境都幾闊落。呢度價錢唔平，Lunch set $148加一，但勝在夠豐富，包沙律前菜、一碗烏冬或蕎麥麵、兩個迷你丼或一丼兩串燒、同埋甜品。首先上沙律同前菜，估唔到佢都幾足料同好食烏冬，普普通通。叫咗兩個迷你丼，燒汁牛肉丼同蔥吞拿魚丼。牛肉一般，應該唔算靚牛。吞拿魚夠新鮮，成個飯口感唔錯。最後係甜品，小小一個紅豆水晶mochi，幾精緻。好多嘢食，夠飽，質素都唔錯。

搭了整整個半小時有多的車程，兩個人才能到沙田！肚子餓到一個點，簡直連行路都腳步浮浮。終於去到新城市廣場，睇下有咩食！肥膏見到這間「穴」便想一試，因為之前都有在其他分店經過，都沒有機會一試。當天是星期六的一個下午時分，店內人不多，有很多吉位。店員把我倆安排到一張2人檯，我是坐向內的椅子。第一點是，我覺得異常的逼，比茶餐廳的卡位更要逼。何人會料到，這間日本餐廳會如此的善用地方呢？想必晚市一定甚多人。我們看著餐牌，差不多有10分鐘吧，才選了自己想吃的。我自己也覺得，可能有點煩吧…店員都一直看著我們。而我是個寫食評的人，因此有時候要照相記下餐牌。我們點好餐了，我拿著另一本餐牌在拍照，但店員像是看不到的，就拿回去。可能是不想我拍照…沒關係，我明白。但我是覺得有點不禮貌。好快地店員就拿了兩碗新鮮沙律到我們桌上。迷你丼物餐 HKD 138.00沙律新鮮，加了日式的芝麻醬，大大提升了沙律的好味度！但食到最後，見到有很多水在碗底。還是想建議一下，要改善。還有的是一小碗醃製食物，口感一般。我們揀了一個是午市套餐，可以揀1個／2個飯或是1個飯2串串燒。我們揀了兩個飯！第一個是蔥吞拿魚魚生飯吞拿魚蓉是我的最愛

之前朋友話呢間好味，一直都未有機會試。呢日同朋友去新城市市中心買嘢，咁咪黎試下。基本上壽司、刺身、丼、串燒等日本料理都有得提供。商務特上刺身拼盤，一共有九款刺身，三文魚、凡立貝、油甘魚、赤身、拖羅、章紅魚等等），本身個兜應該係海膽，但竟然冇曬，換左蟹子，價錢差太多，所以我都Um左幾句，店員係不斷Say sorry。但So far刺身都叫新鮮。最鍾意都係凡立貝，渾圓皎潔夠鮮甜。牛油果軟殼蟹卷都算足料，炸軟殼蟹咬落去唔係滿口炸粉既感覺，都有D肉。雖然牛油果片得幾薄身，但係富濃郁奶油香味，再加上面頭既蟹子，脆卜卜口感好豐富。「穴」非常出名食飛驒牛，難得黎到豪少少都要。呢個日本黑毛和牛刺身不得了，牛肉粉嫩漂亮，脂肪分佈好分明呈雪花紋，咬落去牛肉既油脂被舌頭既熱力微微融化，好肥美。而朋友叫左燒牛舌，我自己就唔食牛舌，朋友話肉厚而牛味好濃郁。外皮脆而內裡好腍好Juicy。陪左三色鹽俾我地點串燒。柚子雪葩好好味，入面既雪葩奶香十足，然後又帶有淡淡柚子既清香。口感唔係好似雪糕咁幼滑，稍稍有D冰渣既感覺。整體而言味道係好味既，但真係有少少唔据冇咗個海膽都無講聲，係上台先話返你自己換左蟹子。

一入門口佢話今日最低消費$275，咁其實唔算貴... 一坐低之後，我地準備點菜，個女waiteress（著suit)落完單之後就話我地唔夠點既野最低消費，我地好驚訝，因為我地淨係個壽司盛都400啦，點會唔夠數！我地repeat個order比佢知，但係佢堅持話我地唔夠數！之後就話入單先.. 行開左我地好無奈，之後叫個低級啲既check單，點知原來真係落少在個壽司盛...超無奈

同朋友傾野去咗沙田近近地食壽司🍣八點幾左右唔使等傾野都OK靜幾鍾意去穴食壽司款式多又新鮮不過個海膽就唔夠原隻上嗰款刺身拼盤咁新鮮自己食晒啲海膽食都唔想食最記得係買單計埋＋1係$689.9朋友講笑話要留返張單留念

同事生日，同事推薦呢間，一齊去食lunch慶祝，我地揀set lunch, 有井，有魚生飯，有串燒選擇，食物唔系特別好食，前菜沙律菜好新鮮，有個同事食完魚生飯肚瀉。

每次經過日本餐廳，見到餐牌上嘅刺身拼盤，都會好想入去食返餐勁，但又要顧住銀包啲錢。今次終於忍唔住，叫咗一碟刺身嚟頂下癮，重點係有我最愛嘅吞拿魚同帆立貝，雖然帆立貝刺身細細隻，但係好鮮甜，而拖羅就入口即溶，油香味仲好濃郁，正呀！五花腩肉出奇地香，而且質感仲好嫩滑多汁，完全唔會韌口，加埋醬汁點綴，絕對唔會比隔離嘅牛肋骨肉遜色。呢碗迷你丼物嘅火炙三文魚好重油香味，但入口又唔會覺得好油膩，配埋醋味恰到好處嘅白飯一齊食，特別開胃。

每次都避開人多既時段食野，所以大部份食野時都唔洗等位，好開心。今次同樣，黎到就有得入座啦。拎起個menu，當然係首選左烏冬先，因為我係一個鐘意麵食既人黎。食落去，牛味唔太重，不過勝在入口即溶，好鐘意食牛有呢種感覺。另外，烏冬彈牙，又好食到湯既味，所以整體係滿意的！個湯好清，感覺好健康呢。另外叫左個清酒煮蜆，佢都幾大兜，一路mit一路食，好快就清晒。佢個清酒煮得有少少酸，但係因為蜆肉大大粒，又有海水味，所以當夾埋一齊既時候係好鮮甜。總結黎講，都係高質之選呢。

連鎖日本餐廳穴越開越多， 呢一間開到去沙田，我哋頭！雖然話就係連鎖，但係都係高級餐廳，食材方面都非常新鮮！食得出師傅應該係日本學過野，唔似得元x壽司嗰啲壽司用機打出嚟！我哋叫咗個壽司拼盤，裏面有一半魚類一般貝殼類，最適合我女朋友你啲唔食魚但又好鍾意食日本野嘅人啦！值得一題係佢嘅三文魚子非常新鮮，二百幾蚊一盤新鮮嘅壽司其實都唔係太貴姐！我叫咗個手卷，係炸三文魚孩子手卷及吞拿魚手卷！個炸三文魚好香魚油味！成個手卷充滿着炸物嘅香氣，加上爽口嘅孩子非常之好食！

Happy Friday當然要同男友食好野！我地去左沙田新城市廣場間「穴」，其實我想食好耐喇，但每次都因為好多人唔想等而放棄，今次我地得兩條友，排快d！只能說越來越多高質日本料理進駐香港，競爭大、食物質素高，受惠當然係我地呢班「吃貨」！我地率先食左個壽司拼盤，每一粒壽司都好新鮮，我鍾意佢地魚類同非魚類壽司各一半，我唔鍾意食魚，亦可大飽口福！之後來到居酒屋最愛的串燒及炸物！最驚喜當然係呢個三蟹卷，紫菜包住滿滿的蟹膏，口感豐富，蟹膏如果唔新鮮就會臭，呢個好新鮮處理得好好啊！我好鍾意飲麵豉湯，每次都會叫，呢度麵豉湯好足料，你地睇下！我地加單要多個炸雞，佢嘅醬汁好特別，令食物去油膩，好似係醋，但又鹹鹹地！其實呢度食物有很多選擇，下次要食丼！

入門第一件事就係同你講，個半鐘交枱，心諗都正常，不竟都係商場餐飲廣場上既餐廳。點知入到去睇倒菜單，頂！貴到離哂大譜，我俾依個價錢直接去酒店食啦！起碼唔會趕住食。蛋壽司38兩件，赤貝90一件，冇睇錯係一件，蔬菜燒烤，30～40一串，蔥花牛肉片串燒68一串，這是什麼情況！嘩！你老板有冇咁等錢洗啊？大佬，依度係新城市啊！唔信貴的話去看看吧。 幾十蚊燒三條小青椒係佢先諗得出。環境，地點，服務，裝修，餐具，都唔值依個價，唯一加分就係食材還算新鮮。如果入左黎覺得太貴，可翻個餐牌去最後，食個湯烏冬走人百幾就可以。

是日禮拜日係沙田公園返夜，屋企人就約左我係新城市廣場食飯。佢地大約6點到左餐廳攞位，我無幾耐就到，嗰時餐廳得一半full。餐廳裝修以型格嘅黑色為主，如果主打食刺身會比較貴，刺身價錢每件計，大約$XX-$XXX。menu無set dinner叫，選擇食物類別都幾多樣化，想食凍嘅可以叫壽司、刺身、沙律，想食熱嘅有燒物、天婦羅、烏冬、清酒煮海鮮等等。我地3個都幾肚餓就全部都叫左少少黎share，當中包括：燒物做得非常好🍢，啲肉好夠味👍🏻個炒飯炒得夠乾身👍🏻壽司新鮮🍣，無有任何腥味😋醃物淡淡地幾好食，牛蒡同蒜頭食落去幾爽口。天婦羅都炸得好，唔會好油，不過個份量比較細，好似無左半碟咁😅軟殼蟹沙律反而炸得麻麻地，比較油同埋個蟹似係急凍嘅，食落去無咩味道。🦀同埋我地叫左個30ml嘅清酒share🍶其實一個人都可以飲得晒😂如果唔洗返工我會叫一支大支啲嘅😋👍🏻環境雖然黑黑地不過座位坐落舒悉，服務一般，食完一碟嘢服務員好快就過黎收碟，好似好趕咁😅埋單有加一服務費，至於價錢就唔清楚，爸爸埋單😆

我以為我係佢伙記，埋單個女經理行埋嚟劈低張單，一粒聲唔出，望都唔望人，我放低張卡15秒佢都唔知，簽完劈低張單同卡，一句多謝都冇。一條友食二百幾蚊，態度大家樂仲好過佢。

All the waitress are nice except the manager with short hair and suit. We experienced her on Sep 11 around 10pm. The way she recommends food is as if she is forcing onto you. Only offered us water once, I hope she can leave here because the food was quite good, I highly recommend her to work in McDonald's since it considered a good karma to drive customers away from fast food.