穴 (新城市廣場一期)

营业中

休息中

●松葉蟹蓋海膽飯($178)●見到都已經流晒口水 蟹蓋上面鋪滿海膽，蟹膏同蟹肉真係好正不過賣相咁靚，係咪真係好好食？海膽鮮甜度不過不失蟹膏份量雖然好多好多，但竟然有啲腥，有啲失望呀打咔一流但係味道就真係一般😭💭💭💭好味(⑥/⑩)抵食 (⑤/⑩)💭💭💭                     

今日放假，難得撇甩個仔，梗係同老豆去撐枱腳喇。日本迷嘅我，放假第一首選當然係食日本菜喇。穴呢間日本菜已經唔係第一次嚟，所以嚟到沙田。梗係九秒九跑過去攞飛排隊先啦，大約等咗15分鐘，我地就有位了。餓到飛起嘅我，餐牌都唔使睇就直接點咗幾個送。登登登登⋯首先登場嘅係白身魚薄切沙律，白身魚係鱆紅魚薄切，魚肉晶瑩剔透，油份亦都幾多，加上淋咗d酸汁係上面，令本身淡味嘅鱆紅魚添加了不少鮮味！再黎就上咗個刺身盛合，𥚃面有魷魚包海膽，油甘魚，甜蝦，帶子同鱆紅魚厚切。油甘魚唔夠肥，同有筋。帶子還可以，爽口鮮甜。至於魷魚包海膽，海膽香濃甜美，同魷魚一齊食，係一個幾好嘅配搭!接住再上咗個納豆手卷，納豆撈埋咗d日本幼蔥，食落去好香同好粘囗，尤其係呢度嘅納豆係一粒粒,食落好有口感。服務方面，基於佢地太忙嘅原因，有時成杯茶飲曬都未有人加。環境一般，位與位之間好近!

每次黎到新城市都係會係地下個層/7樓搵食見好多間餐廳都試過 就試下新野啦平日午市都唔算好多人等左5分鐘左右就有位午市會包埋前菜同一份小份甜品 和果子前菜先上一份芝麻醬沙律 中華沙律 以及麵豉湯魚生選擇好多最後都係揀左雜錦魚生飯 每款可以試少少好吸睛的魚生飯 色彩繽紛 賣相相當吸引！原隻牡丹蝦好大隻 完全沒腥味雪味蔥吞拿魚腩蓉肥美軟滑 但魚油味不算好出海膽淨係睇個色澤已經覺得不錯 偏金黃色 食落算鮮甜 冇腥味飯我份量不少 以女仔的食量黎講 仲可以分1/3比其他同事雖然質素不差但以午餐黎講 覺得價錢偏高

其實呢間都食過幾次 但一路吾記得影相😂😂😂價錢有少少貴 但真系幾好食 佢既魚生都好新鮮！首先叫左個特上壽司拼盤先 吾洗講！5分鐘清哂！真系好新鮮好好味！元氣板長個d真系88 啦！😂跟住 壓軸 就系我最期待既日本海膽飯！佢既海膽 我敢講 系我食過鋪錦多間壽司鋪最好食既海膽！個人好驚食有腥味既海膽！我都經常會中伏！呢個海膽 只有 鮮、甜 兩個字！當然 呢個質素 當然都吾會平！呢個海膽飯要7xx!有d肉赤但真系好好食！😖😖妖！打下打下食評又搞到我想食喇！想食高質素小小既壽司/魚生 絕對推介呢間！但記得㩒定錢🤣🤣🤣

是日約咗好友去沙田新城市廣場影「愛麗絲夢遊仙境」聖誕燈飾，上OpenRice 搜尋一下，最後揀咗廣場一期內的「穴」食晚飯。「穴」- 呢間充滿洋風的居洒屋予人感覺華麗優雅，再加上聖誕裝飾🎄，氣氛特別溫馨浪漫。我哋為咗個石鍋飯而嚟，入座後當然第一時間就o點這個「松葉蟹蓋海膽石鍋飯」了。女侍應生細心地提醒我哋小心熱啊！唔止夠hot仲好靚仔添。滿到瀉嘅海膽、蟹籽、蟹膏，加埋蟹肉，入口鮮味無窮，刮埋啲飯焦一齊食，十分惹味！火炙三文魚，豐腴肥美，超好食。黑松露甜蝦卷，濃郁的黑松露醬，令人愛不釋手！蝦天婦羅🍤，女侍應生貼心提點我哋，配備咗三款鹽食用，分別為綠茶、原味及咖哩。除咗咖哩有其味之外，其餘兩款得個「鹹」字。其實唔使落調味係最好！炸蝦非常鬆脆味美。限時個半鐘，我哋一個鐘都ko了....外面仍下著雨，露天燈飾被迫關閉，我哋唯有改去東港城影相了。

香港日本料理雖很多，但我平日吃的機會不多，能令我留下深刻印象的亦不多，而穴居酒屋有帶來驚喜。我曾多次路過穴居酒屋，但一直未有機會試，今日剛巧朋友提議，就來這裡嚐一下午市套餐。食物：4.5/5非常滿意、值得再回頭的一餐。我們點的兩個午市套餐都包括了麵豉湯、海草沙律、海鮮蒸蛋、白飯及甜品，不過還是主菜最為岀色。「特上刺身御膳」非常推薦！共有九款刺身，全部都新鮮鮮甜，其中有三款最有驚喜：海膽（非常鮮甜、沒有異味只有甜味）、大蝦（肉質彈牙、鮮甜、沒腥味雪味)及拖羅(肉質肥美，半肉半油)。「商務精選串燒御膳」雖然上桌略嫌有點不夠熱，但食材質素非常滿意。共八款串燒:牛舌、白鱔、黑豚肉露荀卷、五花腩、秋葵、翠玉瓜、雞翼及牛柳。全部味道都不錯，當中白鱔最香口美味。串燒配了三款鹽，包括普通、芥末？（吃下去只是一股咸味）及咖哩（最推薦的一款、充滿香料香味），頗有心思。「青檸紅茶」我叫了少甜少冰，甜度剛好。「和菓子」跟餐甜品，透明菓子包著紅豆，正常普通。服務：3/5全部態度友善，但有一位侍應可能較新，手上的托盤從後撞到我朋友的頭，過一會兒又把醬油盤掉到地下，所以有扣分。性價比：4/5高質素值得這價錢，午市套

真窮遊香港-想食好壽司唔洗去日本既.（首先講明 一分錢一分貨）不嬲都覺得沙田冇咩好壽司食食開元氣 板長既我 原來仲有更正既.....今日叫左🍣特上壽司拼盤$398🍲和牛炒飯$138.呢個壽司拼盤完全搵唔到缺點（🤔如果平d就好啦）一個拼盤set有12款👍🏻款款都感覺到高質素👍🏻完全冇一件腥臭味 ⭐️先講吞拿魚腩 最驚喜（好多香港人唔鐘意食吞拿魚 係因為佢有小小腥 口感唔太好 而我都係因為呢個原因唔食佢）👍🏻但呢間既吞拿魚 質感仲滑 仲肥過舊三文魚 魚油香味十足 完全唔腥 可見質素高低 一試愛上.⭐️海膽壽司 一樣可見質素👍🏻口感勁creamy 色澤金黃 勁重鮮甜 完全唔腥 同葵芳小店比 佢地既海膽鮮甜一般 什至帶有小小苦.⭐️大大粒魚子又係超正👍🏻一大啖咬落去 爆哂出黎係勁滿足同幸福既感覺（魚子偏小小咸 送飯完美）.⭐️芥末都係新鮮山葵磨製唔似泥膠果隻 落得多都唔太攻鼻我敢講成舊食都唔會出事 加分.⭐️和牛炒飯 都係好高質👍🏻即叫即炒 要等20分鐘👍🏻睇圖可見粒粒分明 同金黃👍🏻但最重要既係 和牛既油香入哂個炒飯到 爽好滿足既一日但食完呢餐要休息下啦.#yakiana地址：沙田新城市一期一層110

平日住九龍既我, 老老實實真係好少去沙田區行~今日同男朋友仔探完朋友之後, 我地就去左新城市廣場行下街突然間即興好想食日本野, 於是OPEN RICE 下廣場有無日本餐廳啦, 千挑萬選下就選了這間了首先我地叫左特上壽司盛, 我地都覺得唔錯, 壽司都算係新鮮海膽好新鮮, 食落唔會有''醒嗅味'',同埋我最愛既魚子係大大粒架,咬落D魚子爆曬出來,yummy!!煙燻豬肝, 幾香口架,而且口感唔會太硬燒河豚魚乾,  燒得好好而且口感係煙煙UMUM個種!!好滿足

朋友剛從美國回港，想食日本嘢，去”穴”一試！食物非常ok. 掛住傾計，忘記拍照！😔不過都要同大家分享我地食咩⋯⋯串燒有鵝肝醸雞翼燒牛肋骨，壽司有牛油果軟殻蟹卷物有六件，好好味仲有天婦羅蝦卷物有六件，啲蝦新鮮炸，好軟熟又香噴噴！👍👍跟著叫左天婦羅雜錦，啲茄子好juicy,炸得剛好！跟著一個鰻魚石鍋飯，飯好好吃係日本米，加鰻魚又有汁，冇得彈⋯⋯👍下次再去再拍照再分享！✌️

沙田廣場食肆林立，今日來了新城市廣場'穴'，食日式美食😍首先叫個海膽刺身質感柔軟，色澤金黃色， 入口隨即在嘴裡化開，甘香濃郁，甜度高😋酢麵豉軟牛脷，牛脷切得四四方方，煎得外香內軟，入口牛味香濃，醮上甜麵豉醬，更突顯牛香，好好嘅配搭👍松葉蟹蓋海膽石窩飯， 蟹蓋滿滿都是三文魚子 海膽，蟹肉 😋😋😋將所有材料撈埋落飯度，嘩。。原來蟹蓋下面仲有好多蟹膏添呀 😍撈埋一齊食好和味，好滋味呢～香味脆炸池魚仔，細細條香脆無比，要嚟送梅酒真係最好不過🤗梅酒一向無得輸，另一杯柚子酒味道更清新，酒味比梅酒輕更適合女仕們😬食埋紅豆年糕燒，咁有sweet ending, perfect 喇🤩年糕燒過 ，煙煙靭靭，口感更佳 😋採用日本紅豆，大大粒，腍香，吾會太甜😋好喜歡牆上呢幅壁畫😍豐富滿足的一餐👍

自從為食豬北移深圳後，好耐無食日本菜，難得黎到沙田當然要一嘗啦！呢間穴出名分店多，旗下集團既餐廳好多地方都有，所以今日就試下。首先我地叫左特上壽司盛個人覺得一般般，唔算有驚喜，但用料尚算新鮮，一解為食豬對壽司既情意結再黎就係海膽刺身加吞拿魚腩卷為食豬作為海膽忠粉，認為呢個刺身都唔錯，幾新鮮，怕有海膽腥味既朋友都可以試下呀最後就係海膽蟹蓋石鍋飯 (都話左為食豬係海膽忠粉)將材料同飯拌好後，為食豬認為味道唔突出，似乎浪費左個主角總括黎講，今次沙田之旅係滿足到為食豬日本菜心願，未到好有驚喜，但都有，可以再試！

今日一早就去咗沙田市中心睇戲，戲院啱啱裝修好，新淨又靚，睇完戲仲去買一田行街，行完街已經差唔多六點了，又係食晚飯嘅時候😬今日突然間好想食日本餐，喺個水牌度見到有間叫穴嘅居酒屋，我同朋友就決定入去試一下🤗行到去餐廳門口原來有好多都係空運到港嘅刺身😍非常吸引可能由於時間尚早只是六點鐘店內，並沒有什麼食客，但一踏入七點幾，人流已經非常多，門口已經企滿人要等位入到店舖店員很有禮貌地招呼我們坐低叫咗個壽司併盤，總共有10款壽司有甜蝦，蛋，三文魚，帶子，立魚，魚子.....全部壽司飯都做到好細粒，而個刺身就好大件😍刺身非常新鮮，全部都夠凍，三文魚壽司仲要比魚腩嘅部份，非常肥美厚身，入口即溶嘅感覺😚呢個壽司併盤性價比非常高，又有10多種壽司，選擇多👍🏻蔥吞拿魚腩薄脆$58 ，餅底卜卜脆，入面有一些沙律醬，上面就配上吞拿魚魚腩蓉，魚腩蓉完全沒有腥味，只有魚嘅香味，切到變蓉，完全沒有根，容易入口芝士青瓜鰻魚卷物$88 ，一共有六件，一放入口就有好濃厚嘅芝士味，因為芝士嘅份量好足夠，入邊還配有青瓜,非常爽口，外面用紫菜包住🤣上面有一片鰻魚，夠晒新鮮，又大片，上面鰻魚的醬汁甜甜的😚炸雞軟骨$48，每一粒都炸

係日本野呀！！諗起肥美嘅魚生就流曬口水！！今日做下乖女請媽媽食個靚晏，花多眼亂，揀左好耐終於揀到！角切魚生飯好多料好大碗！魚生肥美鮮甜，我醬油都唔需要加已經好好味，仲要有隻蝦刺身，成件事開心左，哈哈，心思地配番青瓜係入面，解番膩感，另外我係好鐘意食三文魚子嘅，不失所望都係大大粒好飽滿，好甜天扶良刺身御膳好大舊魚生囉！見到都開心，同魚生飯一樣咁肥美鮮甜，有三款！另外有天婦羅，有兩隻大蝦，仲有冬菇，蕃薯，仲有我鐘意食嘅矮瓜外脆內軟嘅感覺真係好正！我幾鐘意佢炸得岩岩好，唔過火，無咁熱氣，佢仲配左碗白飯，我都唔太食得落了兩個餐都配左前菜，沙律，麵豉湯，最後仲有甜品！個甜品一啖食得曬，但好好咬，而且紅豆好多好香，好驚喜！

今日去沙田行街，見到呢間日本野好想食就入去試吓，啱啱放工時間冇乜人，座位好闊落，好舒服。由於唔係好肚餓，就叫咗啲貴精不貴多嘅嘢，第一樣叫咗韓國嘅海膽，海膽味唔算好重，但仍然好鮮甜，配埋個紫菜，更加帶出咗海膽嘅甜味，而且口感唔會水汪汪，即係好新鮮第二樣叫咗個牛油果軟殼蟹卷，小小微暖，而且軟殼蟹好大舊，好少餐廳係可以真正食到蟹肉而唔係一大舊炸粉，好好食，必試推介第三樣叫咗個海鮮茶壺湯，賣相好特別，用一個茶壺同一隻茶杯奉上，海鮮湯有少少似清酒煮蜆嘅湯底味，好飲！而且入面有蝦、帶子、蜆等等嘅海鮮，所以海鮮嘅甜味好重，停唔到口咁不停飲最後叫咗一個燒嘅雪場蟹，最鍾意食蟹嘅我勁期待，一擺上枱就非常之吸引，啲蟹大大嚿啖啖肉，有少少美中不足係燒得有少少乾，既然材料咁新鮮，可以唔使燒到咁乾保持肉汁就更好食。不過而家啖啖肉都好滿足整體來講，餐廳環境幾舒服，員工服務亦都好好。而且餐廳仲有一個黑板寫住當日新鮮由日本運來嘅海鮮，今次因腸胃本身不適無緣試了，但下次必會再試

呢間居酒屋行親新城市廣場都經過過之前食過一次lunch唔錯今晚試佢嘅晚市餐廳闊落開揚見好少地方有和牛刺身就嗌咗一份之前食親和牛都係食燒肉每次都係入口即融未上之前仲同frd估緊生嘅和牛係咪都係入口即融上嘅時候第一時間覺得雪花真係好靚分佈好均勻 切得薄但每塊都幾大塊鮮粉紅色食落口就真係好似雪花咁融咗喇就算係生食 都有種好香嘅油脂香味單點刺身壽司種類都幾多但既然有拼盤就嗌拼盤啦壽司都係基本款 劍魚腩 三文魚腩 蝦 油甘魚 帶子 吞拿魚但本身質地靚就算係三文魚腩食落都同平時嘅味道唔同之後就嗌咗個海膽三文魚子丼飯海膽同三文魚子係鋪滿哂見唔到飯三文魚子好大粒 粒粒晶瑩剔透飽滿 橙紅色 食落粘粘地 鹹鹹甜甜 韓國海膽雖然紋理冇日本同加拿大海膽咁分明 但都相當鮮甜