稻埕飯店 (K11購物藝術館) (已結業)

今日去咗k11食lunch，見佢lunch menu每個餐都要平均$80以上，有啲貴嘅。轉珍珠奶茶仲要加$8我就叫咗個雞翼麵$88,味道算不錯，不過個人覺得$88就好似，份量就有啲少再轉埋杯珍珠奶茶

在疫情下無法遠赴寶島，於是就來到位於尖沙咀K-11 的稻埕飯店尋找地道台灣味。餐廳面積寬敞，以追尋「那些年的古早回憶」作概念，裝修風格古典優雅。電子餐牌選擇繁多，讓人選擇困難症發作。店內還有智能機械人負責送餐，新奇趣緻之餘，令服務更有效率。餐廳主打古早味台灣菜，古早味意指讓人懷念的古老味道，菜式實而不華，呈現反璞歸真的寶島原味。胡椒蔥肉包 $38包身附上有如展翅的薄膜，就如飛碟般搶眼奪目。蔥肉包個子圓潤飽滿，底部煎得金黃，包身質地軟綿不黏口。一口咬開肉餡紮實，濕潤多汁，滲入胡椒的微辣辛香，使肉餡倍添鹹鮮惹味。台式滷水乳鴿 $68台式滷水比起傳統港式滷水味道較淡，滷汁色澤清透，不死鹹不口渴，不會蓋過食材的原味。乳鴿肉質柔嫩，肉汁豐富，滷得入味，隱含甘香醇厚的滷水韻味。櫻花蝦古早油飯 $58表面撒滿酥脆的櫻花蝦，滿有蝦鮮精華的鹹香滋味，相當好下飯。糯米飯粒入口煙韌微黏，混合豬腩肉、冬菇及栗子切粒，令口感提升至多重層次。桂花酒釀丸子 $36桂花香氣沁人心脾，留下清甜甘香的餘韻，甜而不膩。酒味不會太濃，配上口感軟糯的小丸子，散發陣陣獨特幽香。飲品則點了蜂蜜白苦瓜汁 $38 和檸檬愛玉 $36，

一段時間冇嚟K11， 聽聞开了一間台式餐廳， 有古早嘅台北味道，比較高檔精緻， 坐得舒服，適合三五知己一路傾一路食。平板電腦點餐夠方便~餐廳設置咗捧餐嘅機械人， 好過癮做完野識得返番入廚房～ 還有紫外線消毒器， 蓋好手機就可自動消毒，做足防疫衛生。皮蛋豆腐皮蛋個心夠晒流心， 滑溜～ 有光澤 ，冇澀苦味， 屬於高質嘅皮蛋。 豆腐也是特製成 布甸蛋糕形狀， 淋上特製醬汁和肉鬆， 質感似布包豆腐， 很有吃蛋糕的感覺。北海道帶子三星蔥炒蛋吸引我的是台灣三星蔥， 曾經喺宜蘭試過，清甜爽脆， 完全冇葱濃烈的味道 ，一些抗拒葱味嘅人亦唔覺得食緊嘅係葱。炒蛋好滑，配合三星蔥嘅清甜， 有種農家嘅味道。 加上北海道帶子， 鮮甜美味， 一道不平凡嘅炒蛋～朋友話杯檸檬愛玉好多料，濃郁夠酸又夠甜！蜂蜜白苦瓜汁台灣嘅白苦瓜相當出名， 今次有機會一定要試。 冇中國苦瓜汁咁苦澀， 可能加了蜂蜜 ，感覺潤喉，而且白苦瓜味道回甘， 小小苦得来喉嚨好舒服～ 喜歡饮五青汁嘅朋友一定喜歡！紅燒牛三寶麵三寶包括牛腩，牛筋和牛肚。 熬煮得入味又夠腍 ， 大大件，夾落好有份量。先試湯底， 味道清甜， 充滿了牛骨 ，蘿蔔精華。 還有一

之前聽朋友説K11有一間台灣餐廳味道也不錯，所以自己剛巧約了朋友午餐一聚，不如來這裡地點方便，不過餐廳相對隱蔽要比較熟這個商場才找到！因為訂了位准時到餐廳，這裡點餐是用QR code ，我哋點了lunch set 鹽酥豬扒滷肉飯（已經包括前菜、湯及飲品）另外再叫了臭豆腐！味道方面都唔錯有台灣風味，唯獨有一個攪笑情況，因為店裡是用機械人送餐，我們兩個人其中一個餐遲遲未來，所以直接詢問職員，職員幫我們查了之後，原來因為機械人送餐已滿，所以其中一份午餐一直放在桌上沒有人處理😑好在都算小事所以希望可以店裏留意一下☺️

今日同朋友去咗尖沙咀K11 行街，行行吓有啲肚餓，就去咗稻埕飯店食台灣野。前菜： 皮蛋豆腐涼拌皮蛋豆腐，簡直就係夏天必食，豆腐清涼嫩滑，配上肉鬆、蔥花、同埋醬汁，調味啱啱好。小食：花枝月亮蝦餅係炸到脆波波嘅花枝月亮蝦餅，外層係脆皮，裏面係彈牙嘅蝦餅，配上獨特嘅酸甜醬，每一啖都係滋味主食：鹽酥雞扒滷肉飯分量足夠，鹽酥雞扒有台灣風味，外層鬆脆，調味都似係台灣味道。飯上面仲有糖心蛋、配菜，真係色香味俱全飲品：黑糖珍珠奶蓋甜品：芒果西柚丸子小丸子好煙韌，配上滑滑的豆腐花，同埋芒果，都幾好食呢間餐廳有一個特別之處，佢係用機械人送餐，當食物送到嘅時候，機械人會講出食物嘅名，都幾得意

星期四放工陪朋友到K11買嘢，見到這間新嘅台灣菜餐廳😍，二話不說就進去試試🍽。我地點菜後坐一陣，有一部機械人送餐嚟，好新奇有趣😊，店員會幫客人拿食物上枱，服務不錯👍🏻。金銀蒜泥白肉賣相好精緻吸引，豬肉片🥓肥瘦適中，肥的部分爽，瘦的部分嫩，肉片卷住清新爽脆青瓜🥒，加上惹味蒜泥蔥粒，好開胃。鵝不是鴨肉（例）個名幾得意，擺盤🍽都靚，鹵水鵝片比鴨肉有質感，鹵得入味而且有肉汁，墊底有滑滑鹵水豆腐。伴碟配有芽菜🌱和酸瓜🥒，清爽解膩。鹽酥雞排滷肉飯食台灣嘢點可以唔食滷肉飯🍛，滷肉有油香得來不會過肥，伴飯不知不覺食晒成碗，呢度d飯🍚幾好食，原來係用台稉米，好似珍珠米咁較有黏性。鹽酥雞排超級邪惡😈，炸得外皮好酥脆，咬落下保留左肉汁，雞肉嫩嫩😍蛋白燉桃膠一聽呢個甜品名就知道滋陰養顏，鮮奶🥛蛋白🥚嫩滑香甜😋，放入口就流入喉嚨，桃膠QQ，滿滿膠原蛋白😍蜂蜜白苦瓜汁&檸檬愛玉白苦瓜汁唔會難入口，反而入口有一種清新的花草香氣，蜂蜜🍯香甜，苦瓜嘅苦澀喺吞落肚之後先在口腔回甘。檸檬汁汽水🍋清新，仲有透心涼沙冰，愛玉滑嘟嘟，夏天飲呢個好消暑。呢個飲品可以慢慢傾計，慢慢飲，慢慢食👍🏻

<K11 好味台灣野>呢間喺k11 b1 樓既台灣菜 環境舒服地點方便 食物係用 qr code點夠哂效率 野食用心做又好味 值得黎試既台菜👍🏻🍴金銀蒜泥白肉 🐷蒜泥白肉卷到圓柱狀幾得意 豬肉比較爽口 豬肉味香 蒜泥切得夠碎好香口 juicy加上葱花 青瓜片等等🥒青瓜爽口 連埋煙靭既豬肉 好有層次感👍🏻🍴鵝不是鴨肉 例😃好正拌碟整得靚既滷水鵝 鵝肉切得厚度適中 皮帶 d爽彈 滷水水味幾香濃 有 d豆腐喺底 醃得夠香 豆腐夠滑 有 d醃蘿蔔 整得酸甜開胃 另外喺爽口既芽菜上面放 d薑絲 令到食鵝肉時個味更出 點 d辣醬更正🌶️🍴鹽酥雞排滷肉(台稉米) 飯🐷🐤🍚鹽酥雞炸得夠香脆 咬落去入面雞肉熱辣辣 彈牙得黎帶 d咸香 而滷肉飯既肥瘦肉佔一半半 甘樣又夠油香又有口感 滷水汁夠濃同黏稠 撈飯好入味 台稉米 比較有口感 連埋豬肉一齊食好有咬口🐷 再配埋醃得好好既溏心蛋🥚 蛋汁夠香滑 撈飯都好正🍴燉蛋白🥚個裝蛋白既器皿幾靚 上面桃膠落足料 口感蛋牙 蛋白夠香滑 食落入口即溶 蛋味香甜度夠 好味🍴蜂蜜白苦瓜汁 🍯M飲落去蜂蜜味幾香甜 飲到甘上下就散出苦瓜既甘香味 個比例溝得好好👍🏻

金銀蒜泥白肉呢個係塊肉加上濃濃的醬汁&蒜泥, 成個蒜味係超重而且好香口, 一口一件夠哂味道蟹鉗肉酥蛋捲呢個係必食推介!! 外脆內軟既蛋卷, 蟹味好濃郁而且同個蛋卷好夾!! 好香口同埋口感特別!!鹽酥豬排滷肉飯黎台灣必食既就係滷肉飯, 一共有5片既豬扒, 加上滿滿的滷肉飯, 撈埋一齊食超正!!薑汁桃膠燉杏仁鮮奶最後黎個甜品, 好中式好健康! 入面既料超豐富!!米水呢度比較特別既野飲就係米水, 淡淡的香味都幾健康, 而且有唔同口味可以揀, 鐘意原味既或者其他口味都可以點黎試下

K11無論環境定係氣氛都係一流, 今日食既呢間叫稻埕飯店主打就係台式既菜式胡椒葱肉包雖然係叫做胡椒葱肉包, 但係同我地一般食開既包好唔同, 個樣都勁好多, 廚師煎到個表面少少燶但香氣衝哂出黎, 上面再加上少少既蔥花, 而入面係勁濃既胡椒味道!! 一流滿滿骨膠原豬手唔好睇個樣好似好少既份量, 但係啖啖肉同埋原汁原味既口感, 口感超正, 骨膠原味加埋d醬汁好夾又唔會覺得咸石鍋三蝦泡台種飯呢個黎到都已經好特別, 就係店員會放係工作台度用熱鍋整的, 口感好特別, 脆脆的而又有湯水泡住, 湯飯黎講係超好味!!

某日到 尖沙咀-K11 行行逛逛 , 發現原來有間台灣菜館 稻埕飯店 , 於是入去食晚飯 , 一嚐究竟 ~餐廳的裝修很有格局 , 似是西式餐廳又帶有台灣元素 , 座位舒適寬敞 , 還有高科技的送餐機械人 ~ 平板電腦 Menu ~不夠。臭豆腐 : 臭豆腐這道菜 , love it or hate it, 看來沒有中間位 , 筆者就極喜歡吃臭豆腐 ; 這家的臭豆腐 , 賣相得體 , 絶不是街頭貨色 皮脆豆腐香 , 口味真夠獨特 , 越吃越滋味，越吃越過癮，叫人愛不惜口 ~稻埕牛肉麵 : 湯底的味道濃郁鮮甜 , 半流心的滷雞蛋入味香濃 , 牛肉烹調得軟腍入味且有肉香 ; 麵條 Q韌彈牙 , 不失台灣牛肉麵的神髓 , 好吃 ~鵝不是鴨肉 : 賣相精巧 , 是去骨的白鹵水鵝肉 , 鵝肉鮮嫩入味而不過鹹 ; 有入味的滷水豆腐墊底 , 還伴有醃漬蘿蔔 ; 美味極了 ~招牌豬手 : 外形完整 , 吃上去的肉質是腍滑非常 , 一咬離骨 , 肉厚味濃 , 口感軟糯 , 味道香濃郁醇厚 , 滿口骨膠原 , 吃後齒頰留香 ~吃完肉類 , 就點來一杯 紅棗杞子桂圓米水 , 既健康又好飲 ~黑糖珍珠舒芙蕾班戟

之前呢個位既餐廳係台x西式，依家佢變身成 台x中式～ 咁我哋就梗係又要去試試喇！嘩七點到已經極多人！排左大概十幾分鐘終於有位～～～ 鵝不是鴨肉：菜名非常特別，實際係白鹵水鵝片加鵝肉，鹵水入面仲加入丁香，令其香味更加突出，仲有老薑，可以辟除鵝肉嘅腥味～雖然外觀同鴨肉分別唔算好大，但係口感方面差別就大大不同，鵝肉口感係有嚼勁，鴨肉則鬆軟，而味道除左入味非常嘅鹵水外，仲有鵝肉本身嘅肉味亦非常濃郁。不夠·臭豆腐：豆腐用上較軟身嘅豆腐，外脆內軟，有種入口即化嘅感覺，我個人認為佢有兩樣野係如同菜名一樣不夠，一係其臭味，若然更臭就更好，二係份量，可以再多啲就好，因為一食會令人停不了口，不知不覺就食完。紅燒牛三寶麵：分別係爽口嘅牛肚，入味嘅牛腱，軟稔嘅牛筋，麵質亦非常彈牙，湯頭亦是濃濃嘅牛肉湯，牛味十足，而湯內嘅配菜蘿蔔，早已吸收滿滿嘅牛肉湯精華，令其入味非常。黑糖珍珠舒芙蕾班戟配抹茶冰淇淋：梳乎厘班戟即點即製，質地是空氣感的鬆軟香綿。濃郁嘅蛋香，內藏滿滿細膩滑溜的吉士忌廉，表面上鋪著煙韌口感嘅珍珠，淋上自家製的芝士奶蓋，鹹香濃滑，口感味道層次都非常豐富。米水：作為健康嘅飲品有著可令人強健體質，健脾養

去過台灣幾次就發現除左留下腳毛外，仲帶走左當地既飲食文化，係香港想食台灣野絕對唔難。但要食到正宗古早味道，可能要花少少心機。細心發現呢間「稻埕飯店」原來已經出現係K11藝術館，係K11打返個靚卡之餘，又可以感受台灣既地道風味，一舉兩得！👇📌稻 埕 風 味 - ▪ 鵝 不 是 鴨 肉 - $98▫ 鴨肉同鵝肉既分別在於肉質同香味，而呢個鵝肉口感食落爽彈又多汁，屬於招牌菜之一。主要以台式白滷水、老薑、丁香調製，所以份外惹味。📌台 式 小 食 -▪ 不 夠。臭 豆 腐 - $68▫ 臭豆腐最緊要係咩呀？係臭呀！豆腐表面炸得金黃香脆，入口即化既感覺真係有一啖一舊既快感。再沾上醬汁，口感同味道拍得上以前街頭美食既水準！ 📌主 食 麵 類 -▪ 台式 · 中卷湯麵線 - $88▫ 點可以唔試埋台式中卷湯麵呀？呢個湯底加左大量既芫荽，份外惹味。而魷魚切圈上，咬落爽口彈牙，唔會太韌，厚度適中，唔錯；要大讚既一定係佢地既麵線，口感爽滑，最鍾意呢種粗度，食得過！📌甜 品 - ▪ 黑糖珍珠舒芙蕾班戟 · 抹茶冰淇淋 - $98▫ 最後既甜品可以話係美點雙輝，分別食左souffle pancake同埋雪糕既配

又到假期，當然想揾好野食，平時工作咁忙，當然要食好野減下壓，於是去左k11新開的台灣餐廳食個tea set，佢個tea set好吸引，又猪手，又有台灣米線，仙草竽圓，台灣各類小吃，炸雞翼又係一絕，好脆口同熱騰騰，雞肉好滑，重有仙竽圓，黑糖珍珠奶茶同好出名的400次咖啡。

稻埕飯店個店名嘅靈感嚟自台灣"大稻埕"，飯店以台灣直送嘅優質米同滷水醬嚟整佢地嘅招牌菜滷肉飯、白滷水鵝同埋骨膠原豬手，令你感受到滿滿嘅台灣情・台灣味，喺依輪疫情嘅影響之下邊度都唔去得，係時候嚟稻埕飯店搵番遺忘已久，那些年嘅古早回憶。熱紅棗杞子桂圓米水，稻埕有唔係好多地方飲得到嘅米水系列飲品，米水口感濃稠，帶有少少"漿"力，紅棗、杞子同桂圓嘅味道同米水非常融和，係好好好特別嘅一道飲品，如果嚟到一定要試吓。鵝不是鴨肉，即係白滷水鵝，飯店特別註明用上咗獅頭鵝，獅頭鵝係汕頭澄海地區獨有嘅鵝種，因為頭上有髻，頰側嘅肉瘤又特別明顯，從正面睇好似隻雄獅咁，因而得名。滷鵝最講究嘅係個滷水汁，稻埕用丁香、老薑等等無色嘅調味料做膽，獅頭鵝沐浴喺滷汁裏面以文火慢煮，半途要起鍋晾一下，目的係等鵝肉收縮咗之後繼續再滷就唔會煮到鞋哂。稻埕嘅鵝不是鴨肉肉質細嫩鮮美，口感清雅，廚師將滷湯嘅味道悉數迫入鵝肉入面，食過嘅每一啖都令人齒頰留香，隨附嘅係甜不辣汁味道同個鵝肉好夾，配菜有芽菜同酸蘿蔔，酸蘿蔔做得十分出色，酸得嚟層次感豐，個驚喜嘅程度絕對同個鵝不相伯仲。不夠・臭豆腐，臭豆腐賣相精緻，味道就完完全全係台灣嘅味道，炸

今晚約朋友去尖沙咀行街， 到了晚飯時間， 大家都想吃台灣菜， 就在網上搵了一間位於 K11購物藝術館B1樓的稻埕飯店吃晚餐。 大約七點鐘到達，餐廳已經坐滿客人， 幸好我們等了一會兒就有位。 店內環境燈光柔和， 座位挺舒適的， 很快我們就點了以下的菜式，皮蛋豆腐$52、 花枝月亮蝦餅$88、 鹽酥雞扒滷肉飯$86、 芒果西柚丸子$38、 黑糖珍珠奶蓋$38、 草莓櫻花沙冰$38。皮蛋豆腐～ 熱辣辣的天氣，食返一個涼拌皮蛋豆腐的確很爽，皮蛋的甘香軟綿，豆腐的清涼嫩滑與肉鬆的惹味嚼口， 再配上少許蔥花， 幾款食材融為一體。花枝月亮蝦餅～ 酥脆無比的花枝蝦餅， 配上微辣的醬料， 每一口都感受到彈牙脆嫩的極致口感。鹽酥雞扒滷肉飯～ 酥香美味的雞扒， 外脆內有豐富肉汁， 一點也不乾， 滷肉惹味，送飯永遠是最好的。黑糖珍珠奶蓋～ 我要少甜少冰， 溫度和甜度非常適合我， 奶蓋香滑， 珍珠煙韌有口感。草莓櫻花沙冰～ 味道有點似士多啤梨奶昔， 最有趣是連飲筒都有士多啤梨的味道， 推介大家試下。芒果西柚丸子～ 很喜歡Q彈的丸子， 配上豆腐花， 但感覺偏甜了一點。稻埕飯店各方面都唔錯， 推介畀喜歡吃台灣菜的朋