影片
更多
2020-06-23
127 浏览
稻埕飯店個店名嘅靈感嚟自台灣"大稻埕"，飯店以台灣直送嘅優質米同滷水醬嚟整佢地嘅招牌菜滷肉飯、白滷水鵝同埋骨膠原豬手，令你感受到滿滿嘅台灣情・台灣味，喺依輪疫情嘅影響之下邊度都唔去得，係時候嚟稻埕飯店搵番遺忘已久，那些年嘅古早回憶。熱紅棗杞子桂圓米水，稻埕有唔係好多地方飲得到嘅米水系列飲品，米水口感濃稠，帶有少少"漿"力，紅棗、杞子同桂圓嘅味道同米水非常融和，係好好好特別嘅一道飲品，如果嚟到一定要試吓。鵝不是鴨肉，即係白滷水鵝，飯店特別註明用上咗獅頭鵝，獅頭鵝係汕頭澄海地區獨有嘅鵝種，因為頭上有髻，頰側嘅肉瘤又特別明顯，從正面睇好似隻雄獅咁，因而得名。滷鵝最講究嘅係個滷水汁，稻埕用丁香、老薑等等無色嘅調味料做膽，獅頭鵝沐浴喺滷汁裏面以文火慢煮，半途要起鍋晾一下，目的係等鵝肉收縮咗之後繼續再滷就唔會煮到鞋哂。稻埕嘅鵝不是鴨肉肉質細嫩鮮美，口感清雅，廚師將滷湯嘅味道悉數迫入鵝肉入面，食過嘅每一啖都令人齒頰留香，隨附嘅係甜不辣汁味道同個鵝肉好夾，配菜有芽菜同酸蘿蔔，酸蘿蔔做得十分出色，酸得嚟層次感豐，個驚喜嘅程度絕對同個鵝不相伯仲。不夠・臭豆腐，臭豆腐賣相精緻，味道就完完全全係台灣嘅味道，炸
稻埕飯店個店名嘅靈感嚟自台灣"大稻埕"，飯店以台灣直送嘅優質米同滷水醬嚟整佢地嘅招牌菜滷肉飯、白滷水鵝同埋骨膠原豬手，令你感受到滿滿嘅台灣情・台灣味，喺依輪疫情嘅影響之下邊度都唔去得，係時候嚟稻埕飯店搵番遺忘已久，那些年嘅古早回憶。
熱紅棗杞子桂圓米水，稻埕有唔係好多地方飲得到嘅米水系列飲品，米水口感濃稠，帶有少少"漿"力，紅棗、杞子同桂圓嘅味道同米水非常融和，係好好好特別嘅一道飲品，如果嚟到一定要試吓。
鵝不是鴨肉，即係白滷水鵝，飯店特別註明用上咗獅頭鵝，獅頭鵝係汕頭澄海地區獨有嘅鵝種，因為頭上有髻，頰側嘅肉瘤又特別明顯，從正面睇好似隻雄獅咁，因而得名。滷鵝最講究嘅係個滷水汁，稻埕用丁香、老薑等等無色嘅調味料做膽，獅頭鵝沐浴喺滷汁裏面以文火慢煮，半途要起鍋晾一下，目的係等鵝肉收縮咗之後繼續再滷就唔會煮到鞋哂。稻埕嘅鵝不是鴨肉肉質細嫩鮮美，口感清雅，廚師將滷湯嘅味道悉數迫入鵝肉入面，食過嘅每一啖都令人齒頰留香，隨附嘅係甜不辣汁味道同個鵝肉好夾，配菜有芽菜同酸蘿蔔，酸蘿蔔做得十分出色，酸得嚟層次感豐，個驚喜嘅程度絕對同個鵝不相伯仲。
不夠・臭豆腐，臭豆腐賣相精緻，味道就完完全全係台灣嘅味道，炸得酥脆呢啲基本嘢唔在講，嗰個臭度喺香港都好難搵到第二間有咁像樣，隨附嘅辣醬亦都係台灣嘅古早味，如果有埋酸蘿蔔嚟配襯一定會更加完美，可惜已經悉數用哂嚟襯鵝；喺點菜嘅時候以為飯店謙虛到用不夠臭・豆腐嚟做菜名，執筆之時再硏究番先知道原來係叫做不夠・臭豆腐，回想番起當日食埋最後一舊嘅感覺，不夠・不夠・認真不夠。
稻埕牛肉麵，牛肉麵湯底醇厚，散發住香濃嘅牛肉味，麵條煙靭彈牙，牛肉比一般嘅厚切，但係炆得更腍身，個人就比較鐘意有啲咬口嘅，不過無牙嘅伴侶就非常鐘意，連平時唔點食肉嘅佢都同我爭食，好在牛肉嘅份量驚人，大大話話都有成六七塊，比起坊間通常得三四塊仲要薄EE嚟得更有誠意；蘿蔔有紅白兩色，兩隻都夠腍夠入味，相比起前兩道菜少咗驚艷，只係一個平平淡淡，攞98分嘅品學兼優生。
黑糖珍珠舒芙蕾班戟配抹茶冰淇淋，經過頭兩道菜嘅衝擊之後，估唔到嚟到甜品先至俾佢擊中要害，仲要我本身唔係話好鐘意食甜品嗰一類人，梳乎厘厚身得嚟鬆軟，極富蛋味，夾心裏面係甜嘅忌廉，但係淋喺面頭嘅就係鹹嘅忌廉，食啖夾心又食啖面頭嘅，嗰個鹹甜嘅衝擊真係令人相當過癮，鬆軟過後嚟啖煙靭嘅珍珠，口感又再次受到衝擊，感受過梳乎厘嘅微暖之後嚟一啖抹茶雪糕，再加上抹茶厥餅嘅微澀，鹹甜、軟靭、冷暖、苦澀一次品嚐，令整個食感極有層次，唯一嘅敗筆係個爆谷唔脆，不過我點都會選呢個舒芙蕾為全晚之最，亦會係我最記掛稻埕，最會想番兜嘅誘因。
张贴
