影片
更多
2019-01-04
70 浏览
踏入2019，今次專登同男人食下D好野賀一賀，令今年更有動力去做野(藉口！想食貴野咋？！)今次近近地去左屋企附近食，係太和站行10-15分鐘到就會到。呢到有分5個價位$158-368，最平個個當然無牛食啦，而最貴個個就係今次我叫的「日本國產黑毛和牛」！其他套餐的牛都唔係差架，除左有美國的牛肉外，都有澳洲M6和牛架。坐低先揀個靚湯底，係九州豬骨湯同北海道3.7牛乳牛骨湯中，我揀左個較少見的牛骨湯。一食就知無揀錯，個湯好濃郁，而且煮完的肉量都好夠味，所以我全程都無點豉油及調味品。係D野食未到之時，當然叫刺身啦！餐廳的刺身種類唔算特別多，不過都好夠食。刺身不過不失，有一般放題店的水準，只係呑拿魚已沽清有點失望。海鮮盛合的款式都幾多，當中我最鍾意係蠔(鮮甜)、小八爪魚串(彈牙)及螺(肉厚彈牙)。到了今餐的主角「日本國產點毛和牛盛合」老老實實，我們食左3碟(笑) ！A4黑毛和牛肩的油香較重，食落有咬口而且彈牙。A4 肉眼上蓋的油花同樣重，但肉味比牛肩濃少少。A4黑毛和牛三角腩，佢的油脂感比另外兩種輕，肉質就會更實在，加上口感彈牙，係我的Best Pick！除了和牛外，個餐仲會包其他的肉款：牛小排
今次近近地去左屋企附近食，係太和站行10-15分鐘到就會到。呢到有分5個價位$158-368，最平個個當然無牛食啦，而最貴個個就係今次我叫的「日本國產黑毛和牛」！其他套餐的牛都唔係差架，除左有美國的牛肉外，都有澳洲M6和牛架。
坐低先揀個靚湯底，係九州豬骨湯同北海道3.7牛乳牛骨湯中，我揀左個較少見的牛骨湯。一食就知無揀錯，個湯好濃郁，而且煮完的肉量都好夠味，所以我全程都無點豉油及調味品。
3.7牛乳牛骨湯
8 浏览
1 赞好
0 留言
係D野食未到之時，當然叫刺身啦！餐廳的刺身種類唔算特別多，不過都好夠食。
刺身不過不失，有一般放題店的水準，只係呑拿魚已沽清有點失望。
海鮮盛合的款式都幾多，當中我最鍾意係蠔(鮮甜)、小八爪魚串(彈牙)及螺(肉厚彈牙)。
到了今餐的主角「日本國產點毛和牛盛合」老老實實，我們食左3碟(笑) ！A4黑毛和牛肩的油香較重，食落有咬口而且彈牙。A4 肉眼上蓋的油花同樣重，但肉味比牛肩濃少少。A4黑毛和牛三角腩，佢的油脂感比另外兩種輕，肉質就會更實在，加上口感彈牙，係我的Best Pick！
除了和牛外，個餐仲會包其他的肉款：牛小排、美國穀飼牛、豚肉片、羊肉、白牛肉、牛柳粒及日本北海道雞片。
可能食得多靚牛肉，靚的雞真係第一次食。呢款日本北海道雞片真心好好食，嫩滑之餘，味道仲好香，絶對同其他食的火鍋雞片真係兩個Level。唔好以為咁正的雞片係我呢個餐先包，我再睇睇Menu，原來咩價為都有呢款雞食！難怪隔離枱一次過叫3碟！
除了肉款，餐廳設有自取區，讓大家選擇自己喜愛的蔬菜及丸類的產品。
最值得提呢個角落！我係日本時，專登去食自己炸的串串，估唔到呢到都有！先係凍櫃取出已經準備好的串串，再沾上粉漿及麵包糠就可以輕輕放入炸爐。最鍾意食炸蝦，肉質彈牙，加上即炸的效果，新鮮有誰不愛？
食到飽後，當然要放甜品入第二個胃啦！除了無限的雪米池及雪條外，每人仲有一杯名牌雪糕。我同男人都揀左Dreyer's D-Collection，有開心果及超濃郁的三重朱古力味，開心仔。
==============================
张贴
