秘 (享成街)

营业中

休息中

以一間新餐廳來說，我與J先生很少會一個月內光顧兩次；但是因為上次是為了吉列牛而來，當時看見別的食客吃的鰻魚飯也很吸引所以今次再來 - 秘餐牌浦燒原條鰻魚飯素 $78用上精緻木盒作為器皿盛載這個鰻魚飯飯的份量比相片中還多；鰻魚燒得剛好，香而軟，不會太乾身！芝心吉列豚肉 $78 加 $38 配定食 (秘之飯素，楓糖流心蛋，櫻花昆布湯）另加 $20 定食昆布湯轉櫻花金魚湯吉列豚肉-肉質軟淋而外層炸得香脆帶有一層溶了芝士楓糖流心蛋-蛋白好滑，可惜蛋黃過熟，做不到流心的效果！櫻花金魚湯-造型及賣相非常吸引而味道方面，昆布湯底清淡而無味，金魚外層薄薄而有嚼囗，內裏的肉是由蝦膠打成的，非常彈牙…有點像吃蝦餃感覺！芝心雞丸子 $38外層炸得有點過火，內裏雞肉味道就一般！櫻花汽水 $22味道有點像咳藥水賬單秘 總結：值得一試！

我見有食客作出評語説:服務態度好!所以胆粗粗,落去試吓?由我開始至電查詢資料時,覺得很奇怪?因為它只是接受lunch預定,晚飯就NO喇!到我晚餐時一下到去,佢又話截單了! 經過商議,它接受外賣.轉頭服務員跟我說可以給我堂食.由廚師至服務員的控制品質和服務態度令我對它們刮目相看.評語一個字 GOOD !

最近吉列牛好似幾Hit咁，諗緊食荃灣呢間好定太子好⋯最後都決定近近地試左呢間先。間野係車房附近，雖然有點偏，但行去荃灣廣場唔洗5分鐘。無得打電話Book位，7點拎位，最後等左超過一個鐘。不過Staff都幾好態度，Keep住有人問佢到幾號/做咩咁耐架 都無唔耐煩。等候時間好彩去左荃灣廣場涼冷氣！2個人叫左4樣野，唔洗加一，$360。一睇到個野菜鍋就諗緊吉野家/放題，味道正常，不過金菇同冬菇有陣草味，椰菜過硬⋯板燒吉列牛味道好普通，算嫩，但無咩牛味。 個楓糖流心蛋，中間熟到咁，仲話流心⋯櫻花昆布湯好似飲緊鹽水緊，飲左一兩啖已經唔想飲。至於個祕之飯素，同Sogo求其買既飯素無分別，相當後悔加$38蚊！至於個黑松露吉列牛，油脂分佈一般啦，但重點係：無！牛！味！ 連黑松露都唔夠味⋯外面炸衣睇落就好多黑松露以為味道濃郁，但又乾又無味典型既冷凍食物再炸熱，勝在夠熱，內心有微量芝士，正常啦。等左成個鐘換來的係咁既質素，無下次不過服務係值得讚既，態度速度都好滿意

見到FB上有它的出品, 非常吸引, 於是在其中一天的假期出發去尋秘. 好久沒在荃灣近海的地區出沒了, 以前在有線工作的一段短日子裹留下不少腳印. 還好仍有點印象, 所以地點不算難找. 當日訂了中午12時的枱, 早到了不得其門而入, 店員很有禮的解釋他們在準備中. 所以我們都靜靜等入座. 店子不大, 座位約20個吧.裝修帶點"秘" 以鐵及石的感覺為主調. 餐牌上的選擇不多, 約5款主食及5款小食吧. 每款的賣相非常也吸引, 很難選呢..... 最後點了以下數款 板燒吉列牛定食, 秘燒牛肉野菜鍋, 浦燒原條鰻魚飯, 手羽先及日式炸薯線蝦. 本想來個有"魚"在內的湯, 可原來只會於晚市供應, 大家要留意了. 吉列牛是只面層被炸透, 內裡仍是生的. 先把油脂塗在已熱的板上, 再以自己想要的熟度去煎這片牛. 有的玩又好味! 牛肉野菜鍋湯底很甜美, 牛肉冧得很, 追加了蛋, 這定食給小朋友吃最合適了. 原條鰻魚飯水準也高, 飯素是必定的了, 而鰻魚的面積比飯還要大, 鰻魚汁真是撈飯佳品. 兩款小食都是香口的食物, 小孩如何能放過? 大人吃著也食指大動.

我、友人一早預約了，所以不需等位，但店鋪位置需時找找，到達時已滿頭大汗，店子比想像中小，叫了很多食物不夠位置放，而且我們是專程進去那麼遠的地方吃，但味道說不上一試難忘，所以對於我們來說只限一試""因為在日本吃過，見香港也有，所以想試試看是否一樣，始終還是有點不同呢！$186，只是想說，那個湯，還是普通的味增湯較美味，至少會給你全喝進肚子內。湯的味道是很清淡的昆布味，櫻花只是裝飾。友人要的，不是黑松露的，$136，有試過一塊，味道差別在於有黑松露和沒有，有黑松露的，吃起來時味蕾會充滿陣陣黑松露味的肉，沒有黑松露的，吃起來時是感覺肉的味道。汁，美味！薯條，美味！有內又有外跟想像中的不同，有點失望，不過不失，但下次有機會再去，不會再點來吃。最後埋單 

同隻小寶貝(狗仔) 係隔離睇完醫生, 將佢放底係診所一陣, 我地拿拿臨過去食個晚飯就接返佢, 預先走過去餐廳訂定枱, 所以好好彩唔使等即刻有位, 一路食都見到好多人黎, 七點後都開始要等位了!一路都好想試鐵板吉列牛, 但係好多係香港開既餐廳都好多人等, 今次終於係荃灣開左...仲唔拿拿臨走去試我叫左個鐵板吉列牛, 加$38 轉配定食(飯面多左啲紫菜碎, 一隻溏心蛋, 櫻花昆布湯), 隻蛋好一般, 個櫻花昆布湯完全冇味, 唯一就係多左啲紫菜碎係飯面, 可以撈下飯,香啲....但係真係覺得唔值得加$38 (如果唔加$38, 係配白飯)吉列牛都有好多件, 中間係半生熟, 外面好麵包糠包住, 每塊鐵皮都會有一舊豬油, 用黎塗滿塊鐵板, 就可以放舊吉列牛上去燒, 大約每邊燒兩分鐘就可食....牛肉質好淋, 唔鞋口, 不錯...老公點左松露吉列牛, 係邊邊位沾滿左松靈醬, 份量比鐵板吉列牛小, 味道亦食唔出有松露香, 所以建議點鐵板吉列牛已足夠..手羽先, 有四隻, 不過食左一隻先記得影相, 熱辣辣炸起, 炸得香口, 夠入味, 作為小食, 不錯選擇

慢一拍既小編終於去左試下近排大熱既吉列牛啦~荃灣呢間位置秘密既餐廳就係新加入戰團既一員！吉列牛用既牛肉雖然係用安格斯牛而非和牛 但油脂分佈得都好平均 整體既肉味同油味都尚算不錯 就係有少少韌 而個吉列皮既炸漿偏厚同硬 呢點令人有d失望一客吉列牛盛惠$98 價錢相宜 加多$38可以升級做定食 有個櫻花昆布湯 楓糖溏心蛋 同埋飯素~不過昆布湯唔係好啱小編口味 溏心蛋亦唔算太特別 就係比較甜d同冧身d 所以加唔加錢轉定食大家可以考慮下

聽聞荃灣呢間新開的日本菜人氣超高, 舖頭主打吉烈牛, 趁週末有時間排隊就黎試試!晚市6 點開門, 小店冇得訂位, 怕太多人, 大約6 點15分就去到,結果都係要等成個鐘! 估計D人未開門已經排定...皆因我地去到已經滿席了, 外便仲有幾堆人向度等....食好西果然要付出小店坐位有限, 似乎得30 個位左右, 唔怪得要等咁耐..餐牌只有6款主食, 7 點幾坐低有2款已經賣晒...太誇張了! 所以其餘4款主食每樣叫左一個黎試試另外再叫左幾款飯前小食芥末八爪魚 ($38) - 八爪很彈牙, 芥末味適中, 攻鼻過癮和風薯條配芝士醬($26) - 炸得香脆,但不算很突出手羽先($48)- 炸芝麻雞翼, 夠香脆, 唔錯輪到主菜了, 先是蒲燒原條鰻魚飯素($78)鰻魚醬汁好惹味, 飯面上有飯素, 撈埋食好開胃, 咁大碗先78蚊幾抵另一個是芝心吉烈豚肉 ($78) , 正正常常的吉豬, 入便有芝士流心主角牛肉來了, 板燒吉烈牛($98)同埋燒黑松露吉烈牛($148)各叫左一份, 每款都係爐上爐上放左牛脂粒, 用來擦一擦爐面就可以燒了吉烈牛中間是生的, 只是外表被"吉烈"了, 放向爐燒一燒個外皮馬上脆起

聽講荃灣新開左一間食板燒吉列牛嘅餐廳今日行開荃灣就試試佢先7點過到去已經排隊排左半個鐘度就入得去個場唔係好大d位唔係好多如果多人去食嘅話應該要等耐d排緊隊嗰間睇左menu主食有6款可以揀加$38蚊可以配定食有飯、流心蛋同櫻花昆布湯我地叫左板燒吉列牛同浦燒原條鰻魚飯素再加個和風薯條配芝士醬同埋澳洲薑啤板燒吉列牛定食（$98 + $38定食）吉列牛d雪花都幾靚燒完食落都幾juicy好有油香同埋個吉列皮都keep到脆口點埋個汁黎食好正記住個牛唔好燒太熟太熟會冇咁香浦燒原條鰻魚飯素定食（$78 + $38定食）鰻魚都幾大條味道不過不失同出面食嘅差唔多味冇乜特別跟餐個流心蛋幾好食甜甜地有少少蜜糖味跟餐轉左個橫櫻花金魚湯條金魚係餃黎架整到太逼真太似金魚搞到我唔係好敢食所以比左男友食佢話個金魚餃唔好食個餃冇乜味個餡又好實佢話下次唔會再食金魚餃另外跟餐個櫻花昆布湯都麻麻好淡同埋個味怪怪地可能唔岩我口味和風薯條配芝士醬（$26）薯條炸到好脆配埋芝士醬幾好味$26蚊都幾抵食其實佢仲有幾款小食下次要試其他

很久沒有寫食評...因工作, 私人事忙碌了...是時間再寫!J先生說荃灣區有間不錯餐廳 - 秘! 今晚與我一起去試七時去到, 門口沒有人...原來已滿座了! 服務生說留電話, 有位就打給我們!到了附近荃灣廣場逛街, 大約四十五分鐘後, 服務生致電來說有位了!餐廳門口招牌餐牌飲品餐單秘 燒牛肉鍋 $98 加 $38 配定食 (秘之飯素,楓糖流心蛋,櫻花昆布湯)牛肉燜得好淋而鬆化, 似牛腩感覺! 湯底香濃牛味, 帶來少少甜味 板燒吉列牛 $98 加 $38 配定食 (秘之飯素,楓糖流心蛋,櫻花昆布湯)小鍋上有塊熱石板, 只需用一粒牛脂塗抹, 將吉列牛按自己喜好燒到幾多成熟!吉列牛外層塗上麵包糠及炸到香脆; 再配上熱石板烤一烤...外脆內嫩吉列牛楓糖流心蛋 - 蛋白好滑; 可惜蛋黃過熟...做不到流心效果櫻花昆布湯 - 似清水加櫻花...清淡到近乎沒味...一點兒昆布味道沒嚐到秘之飯素 - 珍珠米加紫菜, 芝麻, 魚鬆有些炸得過位了...味道一般!賬單秘 總結 : 一定要試!

近排興食吉列牛......見過介紹好吸引.....於是上openrice search吉列牛，出了幾間食店，看圖看食評之後，選了荃灣這間.........店子小小，只有28個位，早起的鳥兒有蟲吃.......所以未開門我已在門口等了🙈店子午市開12點，我11:45已到，等了5分鐘，店員也開始預備，之後開始越來越多人........基本上食唔到第一轉，就要大約等45分鐘至1小時先有得入座！（p.s.人齊先會安排入座）大部份人都係選吉列牛........當然我也是衝著它來的😆板燒吉列牛，已跟白飯一碗，可加$20轉定食，即是跟飯素及流心蛋（晚市會多個湯，所以定食要加$38）！吉列牛一上枱已好吸引，牛肉是生生地的，先係鐵板上以牛脂打圈出油，再把吉列牛放上去兩邊煎一煎，生熟程度自己控制........但無論係輕煎2下，定係煎至較熟，牛牛也軟腍唔鞋，真的不錯！另也試了燒牛肉鍋.......賣相一般，但牛肉質素真的不錯，軟腍有牛味，好似食緊清湯腩般........湯好清甜，當然我會將飯變成湯飯啦.......一滴也清空.......也叫了一客小食，日式炸薯絲蝦......外面薯絲脆卜卜唔油.....

算是一間在荃灣新開的店　－　秘！地點都實在係比較秘；較難發現；它位於一排車房舖頭的附近！ 因為小舖的關係，坐位都算迫，而且坐位有限。(如圖)建議早一點去取位！我們一行三人大約1:30到；等了約15-20分鐘才有位！暫時就冇進食時限～ 午餐的價錢都算偏貴(如圖), 約$100 - $150定食價錢連餐飲;不需加一! （如圖） 食物方面鰻魚定食(如圖), 賣相好吸引!!鰻魚確實好大條;但醬汁好普通；好一般；無特別！ 兩款主打的　板燒吉列牛（如圖）；同黑松露吉列牛（如圖）賣相都好吸引黑松露味唔出; 但牛肉可以!吉列牛一般;無牛味!我自己覺得絕對應該唔係用和牛；所以口感同肉質都稍為差一點! 對唔住; 我短時間內都唔會再試;因為價錢同食物質素方面不正比! 味道真係好一般!

在荃灣友推介下去食，餐廳外牆用不同色的木材拼砌，一隻窗都無，大大隻用毛筆字秘，的確充滿時尚的神秒感。做午市及晚市，中間有落場，晚市1800開，星期六打電話訂星期日1800，點知要2100後才有位。1800嘗試walk in卻已大排長龍，身為荃灣友也不急於一時，星期一午市才戰。午市開1200，約1155到，已有一行三人坐在店外等開門，侍應姐姐說飯未煮到最好，遲了點點才放客進去。午及晚市都是同一menu, 定食約80～150不等，主食及小食各有六七款。看雜誌介紹，吉列牛好像是近期潮食之一，這裡有$98的板燒吉列牛及約$150的黑松露吉列牛，今次選了前者。沒想到牛是生的，就算外層已有層炸熟的吉列皮。精緻的小炭爐，用一小塊牛脂肪起鑊。近乎食不到牛味，只食到吉列皮的油炸味。建議燒生一點，那麼牛的肥膏才有一點點牛騷味。玩味高於食味。鰻魚飯$78，現味素飯，鰻魚大條但魚油不足，也偏薄身。不喜歡set只能跟汽水，而且只有兩款選擇，過甜的味道與食物完全不搭調，簡簡單單配日本茶好過。服務很好。

同朋友興起入荃灣搵野食，搵到依間食牛仲有自己用石板燒，都好吸引！因為7-9時段訂位滿了， 唯有walkin，我大約7點到等咗，只等第二張，可能閒日冇咁多人，個職員話等15-30分鐘就有位，又真係有位啦！（依間最好唔洗企門口等，留電話比佢地有位就call我地）環境都唔錯，我地叫咗吉列牛同黑松露牛，因為我仲意食牛同黒松露，所以我覺得😋😋😋😋牛唔洗太熟，我覺得50%剛剛好👌🏻，下次可再

呢度好似係新開食吉列牛 今日係母親節， 本來諗住要排好耐隊點知我同朋友7點半黎到竟然唔洗等位！ 入去到， 個冷氣開到好凍， 可能因為要燒牛， 開大啲通風揀左個鰻魚飯 (78) 同埋板燒吉列牛 (98) 加38 蚊轉定食 個牛黎到呢， 就有個板， 上面有塊牛脂肪， 燒熱佢逼啲油出黎， 就可以開始煎啲吉列牛 咁有10 塊牛， 不過不失啦， 面頭有少量黑胡椒， 冇鹽 , 吉列都有少少脆煎到7,8 成都ok架啦， 都軟熟唔軔嘅 問題係塊牛真係冇乜牛肉味 ... 啲吉列外皮搶哂啲味，其實就麻麻個飯上面有飯素， 即係嗰啲芝麻紫菜粒粒， 撈埋又好難唔好食嘅， 個飯size係一個女仔岩岩好， 男嘅應該唔夠。 個昆布湯就真好淡好淡 ,,, 隻蛋就平平啦， 都係嗰句， 蛋好難唔好食嘅 ... 店内用嘅蠟都幾好， 冇乜煙味， 但係啲人煎到啲牛有啲焦味就 ... 友人嘅鰻魚飯好香， 康慨嘅份量， 可以一戰。 總結： 試下新野係唔錯嘅， 但理論上唔會食第二次啦 同埋冇加一架！ 呢個要讚讚